08/05/2026
كيف تملأ_بيانات_إيصال_الامانه ....⚖
موضوع بسيط جداً لكن بعض الناس بتغلط فيه للاسف ، لذا وجب توضيحه في نقاط بإيجاز شديد .....⚖
- فيه دفاتر بيتباع في المكتبات ، فيها إيصالات مطبوعه ( زي اللي في الصوره ) وتقدر برضه تكتبه في ورقه عاديه لو مفيش معاك إيصال مطبوع
ونقدر نحدد أهم العناصر وفق الترقيم اللي في الصوره كما يلي .....⚖
- خانه ( ١ ) بتكتب فيها إسم الشخص اللي إنت هتمضيه علي إيصال الأمانه ، يعني الشخص اللي اخد منك الفلوس او الامانه
- خانه ( ٢ ) بتكتب فيها عنوانه بالتفصيل من واقع بطاقه الرقم القومي بتاعته مع مراعاه يكون ساكن بذات العنوان
- خانه ( ٣ ) بتكتب فيها رقم بطاقته بالكامل ( ١٤ رقم )
- خانه ( ٤ ) بتكتب فيها تاريخ صدور البطاقه ، وده بيكون في أعلي اليسار في خلفيه البطاقه ، عباره عن الشهر والسنه
- خانه ( ٥ ) بتكتب فيها إسم حضرتك
- خانه ( ٦ ) بتكتب فيها المبلغ بالارقام ثم بالحروف
- خانه ( ٧ ) بتكتب فيها إسم الشخص التابع ليك ، اللي المفروض هيستلم الفلوس من الشخص الموقع علي الإيصال
- خانه ( ٨ ) توقيع الشخص رقم ١ اللي إستلم منك الفلوس
خانه ( ٩ ) البصمه بتاعت نفس الشخص اللي استلم الفلوس ، من الي كتب اسمه في خانه رقم ١
- الخطوط الحمراء دي المكان اللي بتقطع منه أصل الايصال عن كعب الايصال رقم ( ١٠ ) وده المفترض انه بيكون موجود في دفتر ايصالات الامانه ، زي دفتر الشيكات كدة ملحوظات هامه :-
- الأفضل إن الإيصال كله يحرر بخط من وقعه ⚖
- ضروري جداً ان الإيصال كله يتكتب في ذات لحظة كتابته ، وبنفس القلم ، يعني لا يمضي إيصال علي بياض وتيجي إنت تكتب الايصال بعدها بشهور بقلم مختلف والافضل الاحتفاظ بنفس القلم لكتابه التاريخ فيما بعد ⚖
-ضروري تحتفظ بصوره بطاقه الرقم القومي لشخص الموقع علي الايصال ولو عنوان اقامته مختلف عن البطاقه يكتبه في ضهر الورقه ⚖
- لا تكتب تاريخ علي الإيصال ، لإنك لو كتبت تاريخ ومر عليه ثلاث سنوات لم تُرفع دعوي علي الإيصال خلالها ، هتكون الدعوي سقطت بالتقادم ، ويوجد رأي فقهي بيقول إن العبره بتاريخ الامتناع عن تسليم المبلغ وليس بتاريخ تسلمه من واقع تاريخ الايصال لانه شبيه بقائمه المنقولات الزوجيه ، لكن الاتجاه المضطرد في المحاكم إنه بعد ثلاث سنوات من تاريخ الإيصال المحكمه بتحكم بإنقضاء الدعوي ⚖
للاستفسار التواصل مع الاستاذ /احمد عبدالرحيم سلامه
عنوان المكتب /قنا امام بنك القاهره خلف وندر للسياحه بحوار صيدليه دكتوره رحاب الابنودي
واتس 01092095110
تليفون /01157759006
