مكتب الأستاذ / وائل عادل جاد المحامي بالنقض

04/08/2026

تُعلن النيابة العامة إطلاق خدمة القيد الإلكتروني لدعاوى الولاية على النفس للسادة المحامين عن بُعد، عبر بوابة النيابة العامة الإلكترونية

03/08/2026

24/07/2026

كلمتين ⚖️ و بس

( ٤ ) : خايف تبلغ أو تشهد؟ القانون الجديد بيحميك!

"أنا مالي.. أبعد عن المشاكل".. الجملة دي بنسمعها كتير من ناس شافت جريمة أو عندها معلومات بس خايفة تتكلم عشان متتأذيش. القانون الجديد حل المشكلة دي تماماً لحمايتك .

​الجديد في كلمتين :

القانون الجديد وضع نظاماً صارماً لـ "حماية الشهود والمبلغين والمجني عليهم"، ووفر لهم حصانة وضمانات تخليهم يتكلموا ويكشفوا الحقيقة وهما مطمنين على نفسهم و على عائلاتهم .
​يعني إيه ؟
يعني من حقك تطلب عدم الكشف عن هويتك أو بياناتك الشخصية في المحضر، وتتكتب في سجل سري خاص. كمان القانون بيمنح الجهات الأمنية الحق في تغيير محل إقامتك لو فيه خطر عليك، أو توفير حراسة شخصية، ومنع المتهم أو قرايبه من الاتصال بيك. صوتك مهم لتحقيق العدالة، والقانون بقى ضهرك !

22/07/2026

كلمتين ⚖️ و بس

( ٤ ) : الحبس الاحتياطي مابقاش مفتوح .. المدد الجديدة كام ؟
​
بعد ما اتكلمنا في الحلقة الأولى عن " التعويض عن الحبس الاحتياطي " النهارده هنتكلم عن " المدد " نفسها زمان كان ممكن الحبس الاحتياطي يطول جداً، لكن القانون الجديد حط خطوط حمراء ومقاسات محددة مفيش حد يتخطاها .

​الجديد في كلمتين :

تم تخفيض الحد الأقصى لمدد الحبس الاحتياطي في كل أنواع الجرائم (الجنح والجنايات) عشان نضمن إن المتهم يفضل بريء لحد ما تثبت إدانته فعلياً، وميقضيش نص عمره مستني المحاكمة.
​المدد الجديدة باختصار :
​في الجنح : الحد الأقصى بقى 4 شهور بدل ما كان 6 شهور.
​في الجنايات : الحد الأقصى بقى 12 شهر (سنة) بدل ما كان 18 شهر .
​في الجرائم الكبيرة ( الإعدام أو المؤبد ): الحد الأقصى بقى 18 شهر بدل ما كان سنتين.
​الحرية هي الأصل و الحبس الاحتياطي بقى استثناء ضيق جداً و بوقت محدد !

21/07/2026

كلمتين ⚖️ و بس

( ٣ ) : المحاكمة والتحقيق أصبحوا "أونلاين" .. إزاي؟
​
التكنولوجيا دخلت المحاكم من أوسع أبوابها ! قانون الإجراءات الجنائية الجديد قرر يواكب العصر ويوفر الوقت والمجهود، وكمان يضمن الأمان.

​الجديد في كلمتين :

القانون الجديد استحدث نظام "التحقيق والمحاكمة عن بعد" (يعني عبر الفيديو كونفرانس التقني). النيابة أو المحكمة تقدر تحقق مع المتهم أو تسمع الشهود والخبراء بالصوت والصورة دون الحاجة لنقلهم لمقر المحكمة في بعض الحالات.
​يعني إيه ؟
يعني لو فيه صعوبة في نقل متهم من مكان لمكان لأسباب أمنية أو صحية، أو لو الشاهد في محافظة تانية وصعب يسافر، المحكمة هتعمل معاه "اتصال مرئي مؤمن" . وطبعاً القانون اشترط إن ده يتم بضمانات كاملة تضمن حضور المحامي مع المتهم وحرية التعبير بدون أي ضغوط العدالة بقت أسرع و أذكى

21/07/2026

إتاحة خدمات السجل التجاري عبر منافذ البريد المصري!
🔸️وزير التموين والتجارة الداخلية
🔸️ رقم 125 لسنة 2026
والذي يقضي بإتاحة تقديم بعض خدمات
السجل التجاري من خلال مكاتب ومنافذ الهيئةالقومية
للبريد
لتسهيل الخدمات على المواطنين والساده المحامين وأصحاب الشركات.
​📋 الخدمات المتاحة من خلال مكاتب البريد:
📌مستخرج من السجل التجاري.
📌تجديد قيد السجل التجاري.
📌الاستعلام عن بيانات منشأة.
📌الاستدلال عن القيد في السجل التجاري.
🔸️​تُصدر محررات السجل التجاري على أوراق مؤمنة وممهورة بخاتم شعار الجمهورية مسبق الطباعة (جهاز تنمية التجارة الداخلية - السجل التجاري المصري).
​يُحصل مبلغ 20 جنيهًا تكلفة خدمة إصدار لكل ورقة بالإضافة إلى التكلفة المقررة لكل محرر .

20/07/2026

كلمتين ⚖️ و بس

( ٢ ): تفتيش البيوت مابقاش زي الأول !
​
بيتك له حرمة.. إيه الجديد في التفتيش؟
​
" معاك إذن من النيابة ؟ ".. الجملة دي بنشوفها في الأفلام دايماً بس القانون الجديد خلى حرمة بيتك خط أحمر وبشروط أشد من الأول .
​الجديد في كلمتين :
القانون الجديد أكد إن دخول المنازل أو تفتيشها أو حتى دخول أي مكان مأهول بالسكان، مبيحصلش إلا بـأمر قضائي مسبب ( يعني مكتوب فيه الأسباب بالتفصيل ) و يجب أن يكون محدد المكان والزمان .
​يعني إيه؟
يعني مفيش حاجة اسمها تفتيش عشوائي أو دخول لمجرد الشك بدون إذن واضح ومكتوب ومحدد من القاضي الجزئي أو النيابة العامة. وزيادة على كده، التفتيش لازم يتم بحضور صاحب المنزل أو حد من قرايبه، أو اتنين شهود من الجيران لو تعذر وجود صاحب البيت. وده قمة الأمان والضمان لخصوصية بيتك وأسرتك .