09/06/2024
- من يوم ما ترك الأب دوره في الأسرة.. وأطلق العنان لزوجته وابنته واعطاهم حرية التصرف والاتفاق وأخذ القرار.. والأسرة ضاعت.
- البنت وامها غيروا مفهوم (حق البنت) فضيعوا حقها 🤷🏻♂️
- حق البنت شرعاً هو مهرها، عشرتها بالمعروف، الانفاق عليها.
- حق البنت مش حق مطلق، ولكنه مشروط بتأدية واجبات.
- الانفاق على الزوجة مشروط بالطاعة الكاملة للزوج (فيما لا يغضب الله) وتمكين الزوج منها نفساً ووقتاً، والاحتباس له.. وما دون ذلك تُسمى ناشز ويسقط حقها في الانفاق عليها.
- يعني اللي بترفع صوتها على زوجها أو بتغلط فيه ناشز.. اللي تخرج بدون إذنه وبدون رضاه ناشز.. اللي بتعصى أمره بلا سبب شرعي فهي ناشز.. اللي بتمنع نفسها عنه بلا سبب شرعي أو طبي فهي ناشز.. وهكذا.
- طب البنت مش متربية، مش بتتحمل مسئولية، لا تصلح للزواج.. كده قدامك 4 حلول فقط 👇
١- تربيها.
٢- تسيبها تعنس.
٣- تجبر العريس على المشاركة في تجهيز الشقة وتكتب ورقة عليه تضمن انه هيستحمل نشوزها ومايقدرش يطلقها.
٤- تزوجها بالطريقة الشرعية بلا قايمة وهنا هترجعلك مطلقة او زوجها هيعدد عليها لو مقتدر مادياً.
• رقم ٣ هي الاختيار الأكثر قبولاً للبنت.. ولإن الأب ترك لها دور القيادة وأخذ القرار فأصبح العرف في مصر هو الزواج بالقايمة.
• أضرار الزواج بالقايمة لا تُعد ولا تُحصى.. منها مثلاً:
* سلب قوامة الرجل.. فانت لو فاكر انك بتجوز بنتك لراجل هايقبل انها تقف له بالند وراس براس فانت غلطان.. مفيش راجل يقبل بالمهانة.
* الزواج بالقايمة كله منظرة فارغة.. يعني ايه لازم تبدأ بكل حاجة ملهاش لازمة.. دنتا نفسك معندكش مكنة قهوة ولا 3 تكييفات ولا شاشة 85 بوصة.. دنتا معندكش ديب فريزر.. عايز العريس في بداية حياته يجيب كل اللي انت معرفتش تجيبه الا بعد 30 سنة شغل 🙄
* الزواج بالقايمة بيخلي البنت عاصية ومسترجلة ومستغنية.. القايمة بتلغي أنوثتها وتحولها لكائن بشع وخصوصاً وقت المشاكل.
* أكبر خسارة لبنتك من القايمة لما زوجها يتعب منها ويقرر يعيش معاها غصب عنه عشان مايطلقش ويتحبس.. او يقرر انه يقرفها ويكرهها في عيشتها ويقوللها اتنازلي عشان اطلق ويخليها تشرب المُر مغلي في كنكة نحاس.
• انت كده ضمنت حقها لما رجعتلك معاها عيلين ونفسها مكسورة.. ضمنت حقها لما رجعتلك بشوية خشب بس كارهة حياتها وتعبانة نفسياً.. ضمنت حقها لما ضيعت شبابها في الجري في المحاكم والنيابات والاقسام.. انت لو عندك بربع جنيه عقل لازم ترفض العرف الفاسد ده وتحط بنتك في مكانة تستاهلها.
• فكر وارفض المشاركة في تجهيز البيت.. العريس يجيلك يدفعلك مهر مناسب بدون مغالاة.. ويجهز بيته على قد ما يقدر واللي ناقص يبقى يجيبه بعدين.. وبنتك تتجوز راجل قادر يفتح البيت لوحده مش منتظر مساعدة من حد.. راجل يصونها ويكرمها ولو كره عيشتها هيطلقها بالود.. وبنتك ع الأقل ماتدخلش قسم شرطة.
• وقبل كل ده ربيها على تحمل المسئولية.. علمها يعني ايه طاعة الزوج وحسن التبعل.. عرفها يعني ايه القوامة والعشرة بالمعروف.. عرفها واجباتها زي ما بتعرفها حقوقها.. هو ده اللي هيضمن حق بنتك في حياة محترمة.
ً
