محمد ماهر _Mohamed Maher

محمد ماهر _Mohamed Maher المستشار محمد ماهر القرعاني المحامي
وتس/01090522022

للزملاء اللي فاكرين المحاماة فهلوة ... تعالي نترافع بشرف واللي ليه حق ياخده بالقانون لأن يا استاذ ... احنا مش خصوم في خ...
31/08/2026

للزملاء اللي فاكرين المحاماة فهلوة ... تعالي نترافع بشرف واللي ليه حق ياخده بالقانون

لأن يا استاذ ...

احنا مش خصوم في خناقة حواري
احنا الاتنين لابسين نفس الروب الأسود
احنا الاتنين بندور على كلمة الحق في وسط مليون مادة قانون.

فـ بلاش نعمل الحركات دي مع بعض :

بلاش التحوير و تيجي تقولي اصلي معايا مستند جامد ولما أطلب اشوفه تقولي أصله في المكتب يا صاحبي أنا عارف إنك فاضي وانت عارف إني عارف فليه؟

بلاش شغل الدماغ و تتصل بالموكل بتاعي وتقوله ده المحامي ده مش فاهم أو تشغل دماغك في مثل هذا الشأن
طب ما تيجي نواجه بعض في القاعة ونسيب القاضي يحكم؟
رزقك مش هيجي بقطع رزقي

بلاش اللف والدوران وتخليني اراعي ظروفك ونتفق نأجل عشان ظروف ترجع تحضر وتطلب رفض الدعوى
الجدعنة مش كده كلمة المحامي عقد

اسمع مني القاضي بيحترمنا احنا الاتنين لما بنحترم بعض
والموكل بيحترمنا لما بيشوفنا بنحترم بعض
والمهنة بتكبر بينا احنا الاتنين مش لما واحد يوقع التاني

احنا زمايل سلاح... مش خصوم في معركة
سلاحنا القانون ... ودرعنا الأمانة

مكتب المستشار محمد ماهر المحامي




لو ظابط وقفك ... المفروض يحصل ايه؟اهدى خالص 90% من المشاكل بتحصل بسبب العصبية القانون معاك بس امشي صحطيب ايه حقوقك اللي ...
30/08/2026

لو ظابط وقفك ... المفروض يحصل ايه؟

اهدى خالص 90% من المشاكل بتحصل بسبب العصبية القانون معاك بس امشي صح

طيب ايه حقوقك اللي القانون مديهالك

اولا من حقك تسأل سبب التوقيف ايه يا فندم؟ مينفعش يوقفك كده وخلاص لازم يكون في سبب اشتباه، حملة، كمين مروري
ثانيا من حقك تشوف الكارنيه اطلب تشوف تحقيق الشخصية بتاعه ده حقك أنه يطلعك هو مين وسبب تواجده

ثالثا من حقك تعرف انت متهم في ايه لو هيقبض عليك لازم يقولك انت مقبوض عليك في القضية رقم...

رابعا ممنوع التفتيش بدون سبب مينفعش يفتشك أو يفتش عربيتك إلا بإذن نيابة أو لو في حالة تلبس أو لو وافقّت انت

طيب عرفنا حقوقك طيب واجباتك انت ايه عشان متعملش مشكلة لنفسك

اول حاجة لازم يكون معاك بطاقتك لأن عدم حمل البطاقة من حقه يتحفظ عليه عشان فيها غرامة 100 جنيه
ثانيا لو سايق يبقى رخصة العربية و رخصتك لازم يكونوا معاك
ثالثا لازم يكون فيه احترام متبادل كلمه يا فندم لو سمحت حتى لو متضايق
الإهانة والتعدي معاقب عليها في مادة 136 عقوبات
رابعا متمسكش موبايلك وتصور ده بيقلب الدنيا لو عايز توثق لازم يكون معاك حق

من المواقف الشائعة وممكن تعمل ايه

✍️ وقفك عشان يشيك على البطاقة
اديه البطاقة و استنى يشيك شكراً واتفضل خلصت

✍️ لو قالك اركن على جنب عايز افتش العربية
اسأل بهدوء في إذن نيابة يا فندم؟ لو قال اشتباه من حقه لو مفيش سبب وانت رافض قوله معترض على التفتيش بدون إذن بس متعاندش بيدك

✍️ قالك تعالى معانا القسم من حقك تسأل ليه يا فندم؟
لو مقبوض عليك لازم يعمل محضر ويبلغك بالسبب من حقك تتصل بمحامي أو أهلك فوراً

بس اوعي تهرب أو تجري أو تشتم أو تزعق أو تمد ايدك

مع فائق احترامي
مكتب المستشار محمد ماهر المحامي


#قانون #التفتيش

29/08/2026

✍️ جرائم الابتزاز والتشهير
من حيث مفهومها وانواعها وعقوبتها
مع خالص تحياتي


#ابتزاز #تشهير

دخول مكتب المحامي مش بالسهل ومش غرور والله... بس عشان فيه اسباب اكيد اولا عشان انت داخل بيت الأسرارمكتب المحامي ده خزنة ...
27/08/2026

دخول مكتب المحامي مش بالسهل ومش غرور والله... بس عشان فيه اسباب اكيد

اولا عشان انت داخل بيت الأسرار
مكتب المحامي ده خزنة كل ورقة، كل تسجيل، كل كلمة بتتقال جوة محمية بقوة القانون في المادة 51 من قانون المحاماة بتقول لا يجوز تفتيش مكتب المحامي إلا بمعرفة قاضي وبإذن مسبب أو رئيس النيابه وفيه إجراءات بتم عشان كده الباب ليه هيبة

ثانيا عشان الوقت هناك بفلوس
المحامي مش قاعد فاضي المحامي بيكون وراه جلسات ومذكرات وموكلين وقانون بيتغير كل يوم لازم يكون مطلع عليه فـ المعاد اللي هتاخده هو وقت مخصص ليك انت بس... مش دردشة كده وخلاص

ثالثا انت داخل تدور على حل مش مجرد فضفضة
دخولك المكتب يعني بداية قضية وحل لمشكلة المحامي بيبص للموضوع من 3 زوايا القانون اللي هيطبق ويحل مشكلتك والدليل إذا كان فيه دليل ومستندات و الخطة اللي هيشتغل عليها عشان حل القضية مش احكيلي اللي حصل وخلاص كده

✍️ طيب تدخل المكتب ازاي صح؟

اولا حاجة يكون بميعاد رن قبلها عشان تلاقي المحامي مركز معاك مش بيجري على جلسة أو بيكتب مذكرات أو ما شابه
ثاني حاجة خد معاك كل الورق والعقود والمحاضر والمستندات اللازمة في الموضوع لان من غير ورق يعني مجرد كلام في الهواء
ثالثا اتكلم بالصراحة مع محاميك قول الحلو والوحش لأن هو محاميك مش القاضي نص الحقيقة أو كدبك بيضيع القضية
رابعا تتعامل بالاحترام ودا بيكون من اول دخولك للمكتب لأن انت جاي لحد فاهم قانون اسمع وبعدين اسأل لأن لازم اللي بيدخل يكون قد الخطوة وقد المسؤولية

مكتب المستشار محمد ماهر المحامي
للتواصل 010 90522022



#قانون #المحاماة #المحامي

ناس كتير داخلة المحكمة فاكرة إنها بتفض أو بتعلي صوتها شوية أو تحاول الاستهزاء القانون قالك لأ قاعة المحكمة ليها هيبة......
26/08/2026

ناس كتير داخلة المحكمة فاكرة إنها بتفض أو بتعلي صوتها شوية أو تحاول الاستهزاء
القانون قالك لأ قاعة المحكمة ليها هيبة...قاعة المحكمة مش خناقة في الشارع دي مكان بيتحسم فيه مصير ناس فأي كلمة أو حركة محسوبة عليك واللي هيكسرها هيلبس قضية وهو واقف ليه بقا ؟! عشان دا بيمثل جرائم الجلسات

طيب إيه هي جرائم الجلسات ؟

دي جرائم بتحصل جوه قاعة المحكمة أثناء انعقاد الجلسة والقاضي بيحكم فيها فوراً زي اي بقا مثلا

1- الإخلال بنظام الجلسة زي انك تزعق، تقاطع القاضي تتكلم بصوت عالي تشاور بإيدك باستهتار
القانون هنا بيعاقبك عن طريق أن القاضي يطردك من القاعة وممكن كمان يحكم عليك بغرامة لحد 500 جنيه فوراً

2 - إهانة المحكمة أو القاضي أو أحد الخصوم و دا وفقا للقانون في المادة 133 عقوبات
زي انك تقول يا ظالم ... انت مرتشي ....المحكمة دي باطلة
العقوبة هنا بتكون بالحبس مدة لا تزيد علي سنة والغرامة لا تتعدي خمسمائة جنيها
حتى لو الإهانة بالإشارة أو الإيماءة حتى لو كنت المحامي.

3 - الاعتداء على هيئة المحكمة وخلي بالك وتظبط اعصابك انك تعتدي علي المحكمة زي انك تمد إيدك على القاضي أو السكرتير أو الخصم جوه القاعة القانون هنا بيعاقبك بالحبس
لمدة لا تزيد علي سنتين ولو حصل ضرب أو جرح العقوبة بتتضاعف

4 - التزوير في محضر الجلسة ودي بتكون زي مثلا السكرتير كتب كلام غير اللي اتقال أو محامي أثبت حاجة محصلتش
هنا بتكون جريمة التزوير توافرت ويعاقب عليها بالحبس
عشان كده بنقول "أتمسك بالإثبات" مهم جداً

5 - الامتناع عن أداء الشهادة القاضي استدعاك شاهد ورفضت تحلف أو ترد وعندك معلومات تتعلق بالجريمة سواء قبل تنفيذها أو معلومات تتعلق ببراءة المتهم أو إعدامه
القانون بيعاقبك هنا بعقوبة الحبس والغرامة

القاضي معاه سلطة ضبط الجلسة يعني:
اولا ينذرك الأول اضبط نفسك
ثانيا يطردك يخرجك من القاعة وتكمل من غيرك
ثالثا يحبسك فوراً في الجلسة نفسها يعملك محضر ويحيلك للنيابة
رابعا يوقع غرامة فورية وبتدفعها قبل ما تطلع

مكتب المستشار محمد ماهر المحامي
للتواصل / 010 90522022


#محكمة

ازاي تترافع من غير ما القاضي يقاطعك؟ طيب ليه القاضي بيقاطع الدفاع وهو بيترافع ؟!السر مش إنك تسكته... السر إنك متديهوش سب...
22/08/2026

ازاي تترافع من غير ما القاضي يقاطعك؟ طيب ليه القاضي بيقاطع الدفاع وهو بيترافع ؟!
السر مش إنك تسكته... السر إنك متديهوش سبب يقاطعك أصلاً 😂

القاضي بيقاطع لسببين: اولا يا إما زهق ثانيا يا إما تاه منك تعال نشتغل على الاتنين:

اول حاجة قبل ما تفتح بُقك

حضر ورقة واحدة فيها الزتونة الوقائع والدفوع بالترتيب و الطلبات لو دخلت ترتجل هتوه وهيقاطعك بعدين لازم تعرف هو عايز ايه... القاضي عايز يفهم مين عمل ايه؟ والدليل ايه؟ والقانون بيقول ايه جاوبله عليهم

ثاني حاجة أثناء المرافعة 5 حركات تخليه يسمعك للآخر

1 - ابدأ بالخلاصة
غلط أن البداية تكون يا فندم الموضوع من سنة 2018...
ولكن المفروض انك تجيب زيتونه الموضوع زي دعوى فسخ عقد يا فندم المدعي لم يسدد الإيجار وثابت ذلك بإنذار رقم ... كدا انت اديته العنوان الأول مش هيقاطعك

2- اتكلم بلغة القاضي مش بلغة الشارع

3- رتب دفوعك لما يبقى في ترتيب، القاضي مش هيتوه وهيستنى الدفع التاني

4 - القاضي بيحب الورق والمستندات طول ما انت ماسك ورق، هيحترمك ومش هيقاطع

5 - بص للقاضي مش للخصم
عينك في عين المنصة صوتك واضح هادي واثق
التوتر والزعيق معناه مقاطعة فورية

طيب لو القاضي قاطعك تعمل ايه؟

1- اسكت أو قوله أوامرك يا ريس
2- جاوب على سؤاله مباشرة
3- ارجع لنقطتك كمل اللي كنت بتقوله "وبعد إذن معاليك كنت بستكمل ...

إياك تقوله لسه ما خلصتش أو يا فندم سيبني هو كده كده بيكون قارئ القضية

الغلطات اللي بتجيب المقاطعة من اللي بنشوفه زي
1- الهجوم على الخصم زي انك تقول المحامي ده كداب ❌
2- انك تقرا من المذكرة بالنص القاضي حافظ القضية وقاريها لخص واتكلم علطول بثقة

القاضي مش بيقاطعك عشان بيكرهك هو بيقاطع عشان عايز ينجز وعنده 100 قضية
مع خالص تحياتي
مكتب المستشار محمد ماهر المحامي
للتواصل/ 010 90522022



#مرافعة #محامين #قانون

موبايلك ممكن يدخلك السجن📱 ايوا زي ما بقولك كدا هو انت فاكر إن الجريمة لازم تكون سلاح ومطوة بس ؟ القانون بيقولك لأ... صب...
21/08/2026

موبايلك ممكن يدخلك السجن📱

ايوا زي ما بقولك كدا هو انت فاكر إن الجريمة لازم تكون سلاح ومطوة بس ؟
القانون بيقولك لأ... صباعك على الكيبورد ممكن يبقى أخطر ويمثل كمان جريمة من الجرائم الإلكترونية

طيب إيه هي الجرائم الإلكترونية اللي الناس بتعملها وهي مش واخدة بالها؟

1- جرائم السب والقذف والتشهير من الجرائم الإلكترونية وجاءت في المادة 308 مكرر عقوبات
شتمت حد في كومنت؟ نزلت سكرين شات وفضحت حد؟
دي جريمة وبتكون عقوبتها الحبس و الغرامة 50 ألف جنيه
علي فكرة حتى لو مسحت البوست... الاسكرين واصل ومباحث الانترنت ممكن تجيبك

2 - الابتزاز الإلكتروني ودي في قانون الجرائم الإلكترونية
"هبعت صورك لأهلك لو مدفعتش مبلغ كذا أو هفضحك لو مجبتش كذا وعملت كذا
والجريمة دي بتكون عقوبتها الحبس من سنتين لـ 5 سنين و الغرامة 300 ألف جنيه
دي أكتر قضية بتيجي دلوقتي

3 - اختراق الحسابات والهاتف
فتحت واتساب صاحبك من وراه؟ دخلت على إيميل مراتك؟
ودي بتكون عقوبتها الحبس والغرامة
حتى لو متفرجتش على حاجة مجرد الدخول والاختراق جريمة بيعاقب عليها القانون

4 - انتحال الشخصية
عامل أكونت فيك باسم حد وتشتم بيه؟
ودي عقوبتها بتكون الحبس والغرامة

5- النصب الإلكتروني
صفحة بتبيع بأسعار وهمية وتاخد فودافون كاش وتختفي؟
ودي عقوبتها بتكون الحبس والغرامة و رد المبلغ المستولي عليه

بس لازم تعرفه أن مفيش حاجة اسمها أكونت فيك مباحث الإنترنت بتجيبك من رقم IP ومن السيريال بتاع الموبايل
وان البوست اللي مسحته موجود على سيرفر فيس بوك والشركة بتسلمه للنيابة كمان السكرين شوت دليل المحكمة بتعتمد المحادثات والصور والكومنتات كدليل إثبات

فلو اتعرضت لابتزاز متخافش و متدفعش و اعمل محضر في مباحث الإنترنت فوراً وحقك هيرجع

وخلي بالك الإنترنت مش لعبة قبل ما تعمل شير أو كومنت أو تدخل على حساب حد

مكتب المستشار محمد ماهر المحامي
للتواصل 010 90522022



#احذر

حقوق الزوج لو الزوجة خانت أو خرجت عن الطاعةالموضوع ده حساس وبيوجع... بس خلينا نتكلم قانون ودين بهدوء ومن غير انفعال✍️ أو...
18/08/2026

حقوق الزوج لو الزوجة خانت أو خرجت عن الطاعة

الموضوع ده حساس وبيوجع... بس خلينا نتكلم قانون ودين بهدوء ومن غير انفعال

✍️ أولاً: من ناحية الدين
الخيانة الزوجية والنشوز من الكبائر ربنا قال:
"فالصالحات قانتات حافظات للغيب بما حفظ الله"
والقوامة معناها رعاية والتزام متبادل وعدم طاعة الزوج في المعروف و الخروج بدون إذن و إفشاء الاسرار يعتبر نشوز

✍️ ثانياً: حقوقك القانونية في مصر

1 - لو فيه خيانة بمعنى زنا
ده قضية اسمها زنا الزوجة
حقك بقا تعمل ايه هنا :
- ترفع جنحة مباشرة ضد الزوجة وشريكها بس لازم يكون معاك دليل زي اعتراف او ضبط في حالة تلبس أو شهادة شهود وعقوبتها بتكون الحبس لمدة قد تصل لسنتين
- مهم : من حقك التنازل لو سامحت وبيقف الحكم

2 - لو فيه خروج عن الطاعة اللي هو النشوز
يعني سابت البيت بدون سبب ورفضت ترجع رغم إنذار الطاعة
حقك تعمل إنذار طاعة لو عدت 30 يوم ومرجعتش بترفع دعوى نشوز و لو القاضي حكم بالنشوز الزوجة بتسقط نفقتها الزوجية من تاريخ الامتناع

3 - حقوقك المالية بتتمثل في
👈 رد الشبكة والهدايا لو الطلاق بسببها من حقك تطلب رد الشبكة
👈 إسقاط النفقة الناشز ليس لها نفقة زوجية
👈 الطلاق للضرر الخيانة والنشوز سبب قوي للطلاق للضرر و التعويض

4- الحضانة
الخيانة وسوء السلوك سبب من أسباب إسقاط الحضانة عن الأم بتثبتها بشهادة الشهود أو ما شابه من دليل الاثبات

👈 الخيانة محتاجة دليل قاطع الكلام والشك مش كفاية في المحكمة
👈 الهدف مش الانتقام الهدف هو "فإمساك بمعروف أو تسريح بإحسان"

ربنا يعافينا جميعاً ويحفظ بيوتنا 🙏

مكتب المستشار محمد ماهر المحامي
للتواصل 010 90522022


#النشوز #الخيانة

عشان مرافعتك تبقى ممتازة قدام المحكمة مش محتاج صوت عالي ولا كلام كتير انت محتاج تلات حاجات:تحضير و ترتيب وأداءكاولا قبل ...
15/08/2026

عشان مرافعتك تبقى ممتازة قدام المحكمة مش محتاج صوت عالي ولا كلام كتير انت محتاج تلات حاجات:
تحضير و ترتيب وأداءك

اولا قبل ما تدخل القاعة لازم يكون التحضير بنسبة 80% من الشغل علي الأقل يعني افهم قضيتك أكتر من القاضي بمعني
ورقك حافظه صم .. القاضي يكره هرجع للاوراق وتعقد تدور وتضيع وقت المحكمة بعدين طلع النص القانوني المادة كام؟ من أي قانون؟ اطبعها وحطها قدامك
وبردوا لازم تتوقع دفع الخصم هو هيقول ايه؟ وجهز ردك عليه بدليل
ثم اكتب مرافعتك في ورقةحتى لو مش هتقرا منها قسمها:
الوقائع - الدفوع - الطلبات

ثانيا جوه القاعة لازم تعرف قواعد الأداء بمعني

✍️ أول 30 ثانية لازم تقول كل حاجة
القاضي بيحكم على المرافعة من أول جملة ابدأ مثلا "بالدفوع،أو وقائع الدعوى تتلخص في...
بلاش المقدمة الكبيرة الضعيفة "بسم الله الرحمن الرحيم يا فندم ... الخ

✍️ التركيبة للمرافعة
1ـ الوقائع : باختصار شديد. مش قصة. تواريخ وأرقام بس
2 ـ الدفاع : وحيث أن الثابت بالأوراق... وحيث أن القانون نص في المادة...
3 ـ الرد : وما يثيره الخصم من دفع مردود عليه بـ...
4 ـ الخاتمة : نصمم علي ...

بس خلي بالك من خمس أخطاء بتدمر أي مرافعة
1 ـ الرغي الكتير القاضي سامع القضية دي 100 مرة فادخل في المفيد
2 ـ الصوت الواطي أو العالي بزيادة اتكلم واضح وبثقة
3 ـ الهجوم على الخصم يعني هاجم الدفع مش الشخص يعني مثلا هذا الدفع باطل مش اصل المحامي ده كداب
4 ـ تقرا من الورق بالنص الورق دليل عينك على القاضي
5 ـ تجادل مع القاضي لو قاطعك اسمع وجاوب نعم يا فندم وأضيف لمعاليكم أن...

القاضي عايز يخلص. سهلها عليه، هو هيحبك ومفيش وقت

مكتب المستشار محمد ماهر المحامي
للتواصل 010 90522022


#مرافعة

بالنسبة للاسئلة عن أتعاب المحامي لعام 2026 دا بيكون الحد الادني كما هو موضح والمحامي هو الوحيد القادر علي تحديد تعبه وفق...
11/08/2026

بالنسبة للاسئلة عن أتعاب المحامي لعام 2026
دا بيكون الحد الادني كما هو موضح والمحامي هو الوحيد القادر علي تحديد تعبه وفقا للظروف وابعاد القضية


#محامي #اتعاب

Address

Nag Hamadi

Website

Alerts

Be the first to know and let us send you an email when محمد ماهر _Mohamed Maher posts news and promotions. Your email address will not be used for any other purpose, and you can unsubscribe at any time.

Shortcuts

Share

Category