المستشارة للإستشارات القانونية

22/09/2026

رقم الدعم الفني الخاص بالبوابة الرقمية للنيابة العامة

20/09/2026

. ⚖️ محضر إثبات حالة ⚖️

يعني إيه تعمل محضر إثبات حالة ..
وليه هو من أقوى أدوات الحماية القانونية ..
============================

الحقيقة إن فيه إجراء قانوني بسيط ممكن يحميك من مصايب كتير قبل ما تحصل ، اسمه محضر إثبات حالة .

إيه هو محضر إثبات الحالة ؟
هو إجراء رسمي بتروح بنفسك تعمله في قسم الشرطة ، علشان تثبّت واقعة حصلت بالفعل ، حتى لو مفيش خصومة قانونية لسه .. أنت ببساطة بتقول ..

أنا حصل معايا كذا ، وعايز أوثّق ده بشكل قانوني ورسمي .
يعني مفيش اتهام مباشر لحد ، ولا مشكلة لازم تكون حصلت
كل اللي بتعمله إنك بتحمي نفسك مسبقًا ، وبتخلق لنفسك دليل قانوني معتمد بالتاريخ والمكان .

إمتى تعمل محضر إثبات حالة ؟
مفيش وقت معين ، لكن في مواقف محددة ، لو ما سجلتش اللي حصل ، ممكن تندم بعدين .

تخيل إن في حد في الشارع حصل بينك وبينه شدة كلام ، وفجأة .. هددك بالقتل او بالضرب
الموضوع ممكن يعدي ، بس لو سكت، وجي بعدها حصلت خناقة أو أذى ، هيبقى صعب تثبت إنك اتعرضت للتهديد .
لكن لو روّحت على القسم في نفس اليوم ، وسجلت اللي اتقال ، يبقى الموقف متوثّق رسميًا بالتاريخ والوقت

أو مثلًا ، حد قالك بشكل صريح ..
" هكسّرلك عربيتك " أو " هولّعها وهي واقفة "
حتى لو ما حصلش حاجة وقتها، محضر إثبات الحالة بيمنع الطرف ده ينكر لو الضرر حصل فعلًا بعدين .

وفي مواقف شخصية جدًا ..
زي إنك ترجع البيت وتكتشف إن زوجتك أخدت كل المنقولات الذهبية وخرجت من البيت، من غير أي اتفاق أو مقدمات .

ساعتها تعمل محضر إثبات حالة ، وتوثّق فيه إن المنقولات مش موجودة ، وإنك ما كنتش حاضر وقت خروجها ، وده بيبقى مهم جدًا في حالة النزاع على قائمة المنقولات أو لو الأمور وصلت للمحكمة .

كل دي مش شكاوى لكن توثيق رسمي إن حاجة حصلت بالفعل …
علشان لما تيجي تتكلم قدام محكمة أو نيابة ، يبقى معاك دليل مش بس كلام.

طب إيه فايدته ؟
✔️ بيثبّت الواقعة رسميًا بالتاريخ والمكان .
✔️ بيكون دليل قانوني ضد الإنكار أو التلاعب .
✔️ يقوّي موقفك قدام أي جهة رسمية .
✔️ وسيلة ردع للطرف التاني من غير تصعيد مباشر .

إزاي تعمل المحضر ؟

1️⃣ تروح قسم الشرطة التابع لمكان الواقعة
2️⃣ تطلب تعمل محضر إثبات حالة
3️⃣ تحكي اللي حصل بدقة وهدوء
4️⃣ الشرطة هتسجله في دفتر الأحوال
ويتخصص له رقم رسمي

⚖️ الخلاصة ⚖️

محضر إثبات الحالة مش مجرد ورقة ..
ده سلاح قانوني صامت ..

سجّل أي واقعة بتحس إنها ممكن تتقلب ضدك بعدين بدل ما تندم وقت ما يكون إثبات الحق صعب ..

20/09/2026

معاشات المحامين - المستندات المطلوبة -
بماسبة إقتراب شهر اكتوبر وهو موعد تقديم طلب الإحالة للمعاش من المحامي للنقابة العامة من كل عام ,,,؛
*** تعرف علي المستندات المطلوبة للإحالة للمعاش (المحامي الحر)
1- طلب إحالة + إقرار التصنيف من إدارة المعاشات.
2- صورة كارنيه سنة التقديم + صورة البطاقة الشخصية + صورة البطاقة الضريبية.
3- برنت تأمينات حكومية + برنت تأمينات عام وخاص.
4- دمغة معاشة بـ 100 جنيه.
5- أصل وصورة خطاب البنك برقم الحساب (الأهلي - مصر - القاهرة) حساب جاري.
6- توكيل عن كل سنة من تاريخ القيد الابتدائي (أصول توكيلات) ؛ أو صور رسمية من أي إجراء قانوني قام به المحامي خلال العام الذي ليس له توكيل علي ان يحمل اسمه .
7- شهادة تحركات.
*** وللمزيد من التفاصيل
1- تواصل من ادارة المعاشات علي الرقم ( 02+ 23599147 ) ؛
العنوان: 5شارع 77، عزبة نافع، قسم المعادي، محافظة القاهرة‬ ؛
2 الاطلاع علي رالط ادارة المعاشات بنقابة المحامين لكل الحالات من هنا :

تعريف إدارة المعاشات هي إدارة ضمن إدارات النقابة العامة للمحامين يلجأ إليها المحامي أو الورثة لصرف المعاش في ثلاث حالات:حالة الوفاةحالة

16/09/2026

هو اية الفرق بين الاستئناف الاصلي والاستئناف المقابل والاستئناف الفرعي؟

1-الاستئناف الأصلي : هو الذى يقوم فيه المحكوم عليه بالطعن فى الحكم من البداية فى مواجهة الخصم الآخر الذى صدر الحكم لصالحه.

2-الاستئناف المقابل : هو الذى يكون فى الحالات التى يتحقق فيها لكل من
الطرفين صفة المحكوم له و المحكوم عليه و قام احد الطرفين برفع استئناف
فانه يجوز للطرف الآخر رفع استئناف مقابل .

3-الاستئناف الفرعي: إذا كان لكل من الطرفين صفة المحكوم له و المحكوم
عليه في حكم أول درجة ولم يقم احد الطرفين بالطعن بالاستئناف او قبل حكم
أول درجه ثم فوجئ بقيام الطرف الأخر باستئناف الحكم فى هذه الحالة يجوز
للطرف الذى فات عليه ميعاد الطعن او قبل ان يرفع استئناف فرعى على الرغم
من عدم أحقيته فى رفع استئناف لفوات ميعاد الطعن .

الفرق بين الاستئناف المقابل و الفرعي :

1-الاستئناف المقابل يرفع فى الميعاد من شخص لم يسبق له قبول الحكم

أما الاستئناف الفرعي يجوز رفعه ممن سبق له قبول الحكم اة ممن انقضى ميعاد الطعن بالنسبة له

2-الاستئناف الفرعي يتبع الاستئناف الأصلى وجودا و عدما فان زال الاستئناف الاصلى لأي سبب من الأسباب زال معه الاستئناف الفرعي .

وذلك خلافا للاستئناف المقابل فله كيانه المستقل و يستمد وجوده من حقه رافعه الذى فانه لا يزول بزوال الاستئناف الأصلى.

15/09/2026

قبل ١٠/١
لازم تعمل توكيل لاي محامي حتي بدون علمه و احتفظ بالتوكيل في البيت
اللهم اني قد بلغت 🙏

11/09/2026

دعوى النفقة في القانون المصري هي الدعوى التي تُرفع للمطالبة بنفقة الزوجة أو الأولاد عند امتناع الملزم بالنفقة عن الإنفاق أو عدم كفاية ما ينفقه.
أولًا: نفقة الزوجية
تشمل بحسب الأحوال:
الطعام والكسوة والمسكن.
وما يلزم من النفقات بحسب حال الزوج يسراً أو عسراً، وبما يتناسب مع الظروف.
ويمكن أن تُطلب النفقة عن مدة سابقة في الحدود التي يقررها القانون.
ومن أهم ما يُنظر إليه: قيام الزوجية، واستحقاق الزوجة للنفقة، وقدرة الزوج المالية وحاله.
ثانيًا: نفقة الصغير
الأب ملزم بالإنفاق على أولاده وفقاً للقواعد القانونية، وتشمل النفقة احتياجات الصغير الأساسية، وقد يدخل فيها بحسب الحالة:
المأكل والملبس والمسكن.
العلاج.
التعليم وما يرتبط به من مصروفات بحسب ظروف الصغير وقدرة الأب.
ثالثًا: كيف تُرفع الدعوى؟
عادةً يتم:
1. تجهيز المستندات المؤيدة للطلب.
2. التوجه إلى مكتب تسوية المنازعات الأسرية في الحالات التي يشترط فيها القانون اللجوء إليه قبل رفع الدعوى.
3. بعد انتهاء التسوية دون اتفاق، تُرفع الدعوى أمام محكمة الأسرة المختصة.
4. تُعلن صحيفة الدعوى للمدعى عليه.
5. تنظر المحكمة في المستندات والقرائن المتعلقة باستحقاق النفقة وحالة الملزم بها.
6. تصدر المحكمة حكمها بتحديد النفقة وفق ظروف الحالة.
أهم المستندات
تختلف حسب نوع الدعوى، لكن غالباً تشمل:
وثيقة الزواج بالنسبة لنفقة الزوجة.
شهادات ميلاد الأولاد بالنسبة لنفقة الصغار.
ما يثبت دخل الزوج أو الأب إن أمكن.
أي مستندات تساعد في إثبات قدرته المالية ومستوى معيشته.
المستندات الخاصة بالاحتياجات والمصروفات إذا كانت ذات صلة بالطلب.
مهم جدا : في دعاوى النفقة، لا يشترط دائماً أن يكون الدخل مثبتاً بمفردات مرتب رسمية؛ يمكن الاستدلال على يسار المدعى عليه وقدرته المالية بوسائل وقرائن أخرى بحسب ظروف كل دعوى.

10/09/2026

10/09/2026

🛑 حالات الإخلاء و الطرد في قانون الإيجار القديم 🛑

تعالي أقولك أمتي تقدر تستلم محل أو شقة مؤجرة إيجار قديم قبل إنتهاء الفترة المحددة قانوناً ( ٥ سنوات بالنسبة للتجاري أو ٧ سنوات بالنسبة للسكني ) ❗

⚖️ القانون ١٦٤ لسنة ٢٠٢٥ نص علي حالات للإخلاء الفوري والوجوبي بالاضافة إلي الحالات المقررة قانونا من قبل ، طب زي أيه ؟؟
1️⃣ غلق الوحدة المؤجرة لمدة سنة دون مبرر و عدم الانتفاع بها .
2️⃣ امتلاك وحدة بديلة يمكن إستخدامها في نفس غرض الوحدة المؤجرة ( حتي لو مش مستخدمة يكفي إمكانية إستخدامها في نفس الغرض ) .
3️⃣ وفاة المستأجر الأصلي وعدم وجود من يمتد إليه أو من يستحق الإمتداد .
4️⃣ التنازل عن عقد الإيجار للغير أو التأجير من الباطن مع عدم موافقة المالك ( المؤجر ) .
5️⃣ الإضرار بالوحدة المؤجرة أو تغير معالمها أو إستخدامها في غير الغرض المحدد لها .
6️⃣ عدم سداد الأجرة أو التأخير المستمر في السداد .

📌 لو عندك حالة من الحالات دي متوافرة اذاً تستحق إخلاء العين المؤجرة واستردادها .