صوت المصريين فى السعودية

21/12/2025

اي حد يحط رجل على رجل في مكان عام وسط الناس سواء راجل أو ست دى اسمها قلة ادب
مع ولا ضد ؟

27/11/2025

26/10/2025

الناس اللى بتنزل بورسعيد بليل فيه شلة بىنات بتبقى واقفة عند ساحة مصر بيندهوا عليك و يعملوا انهم بيعاكىسوك و بيهزروا معاك لحد ما تروحلهم يفضلوا يلعبوا فى خدودك ويعملوا حركات كدة و بعد ما بتمشي بتكتشف ان محفىظىتك إتسىرقىت انا حصلت معايا مرتين و النهاردة اشتريت محفظة جديدة و رايحلهم تانى

26/10/2025

كنت راكب مع سواق uber و لقيته بيقولي "عمالين يعملوا في مشاريع ولا هنستفاد منها حاجه." . . . بصراحه أنا كبرت دماغي و مردتش عليه علشان مش طلبه صداع.

قالي "يا أستاذ بكلمك"

قولتله "عايز تتكلم في ايه؟"

قالي "مشروع الضبعه النووي مثلا، هيفدني ب ايه كمواطن؟؟"

قولتله "البقرة و الحصان و المعزة بيكلوا نفس الاكل؟"

قالي "اه"

قولتله "طب ليه الفضلات مختلفه؟ البقرة طريه، و الحصان سميكة، و المعزة ناشفه؟"

قالي "معرفش"

قولتله "يعني أنت مبتفهمش في لمؤخذه الخرا و عايز تتكلم في الطاقة النووية؟؟"

الراجل منطقش لحد ماوصلت

25/10/2025

👇👇
لقيت الحاجه دي في جيب جاكيت جو.زي.
بسأله: "دا ضُـ.فر؟ جايبه منين وبيعمل إيه في جاكيتك؟"
قالي: "لأ دا مش ضُـ.فر، دي حاجه شبه ضو.افر التركيب بس هي من عِدّة عربية وقطع غيار
أنا أصلًا مش بفهم في قطع غيار العربيات.
هو كلامه صح يا بنات بالله عليكم ورّوها لجو.ازكم وقولولي إيه دا في اظافر تستخدم العربيات
👇👇👇

25/10/2025

انا بقيت بقفل كل كلامى مع اى حد بكلمتين
دمتم سالمين 😁

24/11/2024

الحمدلله الذي بنعمته تتم الصالحات
يشرفني حضوركم يوم الاتنين
الموافق /25/11/2024...عرض المزيد

28/08/2024

واحد كاتب انه نجي من حديده ضخمه طايره علي طريع سريع وبيقول انه محصلوش حاجه ..
انت متخيل المنظر؟ متخيل كم ستر وفضل الله !
تجسيد واقعي لمعني " يابن آدم لو اجتمعت الإنس والچن علي ان يضروك بشئٍ لن يضروك بشئ الا قد كتبه الله عليك !
ولسا احنا خايفين من بكره مع ان ال عيشنا كل السنين ال فاتت بستره قادر يسترنا بكره وطول العمر.
اللهم اني اشكوا اليك ضعفَ قوتي.

09/08/2024

⭕المطلقه بعد الطلاق..كلام على أرض الواقع..ياريت ياخدوا عبره🥲🥲
عزيزتي المطلقة والباحثة عن الطلاق شوية حقائق هتشوفيها بعد الطلاق محدش هيقولك عليها👇
📂 فترة التجهيز للطلاق
هتسمعي الكلام ده من أمك وصاحباتك واخواتك البنات:
===========================
☻بيت أبوكي مفتوح
☻هنجوزك سيد سيده
☻كده كده العيال بتتربى
☻هنجيبلك حقك من عينيه
☻ده مش عارف قيمتك .....الخ

📂 كلام هتسمعيه من أمك في الأسابيع الأولى عقب حصولك على الطلاق:
=================================
☻المحامي قالك إيه على فلوس النفقة ؟
☻هتفضلي سهرانة كده طول الليل على النت و عيالك سهرانين ؟
☻متشوفيلك اي شغلانة تتسلي فيها بدل قعدتك دي

📂 كلام هتسمعيه من أمك بعد كام شهر من الطلاق و المحاكم:
============================
☻المحامي قالك إيه على فلوس النفقة و المؤخر؟
☻فاضل معاكي فلوس قد إيه من اللي سلفتهوملك ؟
☻مقدرش أطلب من أبوكي فلوس تاني وبعدين إنتي و عيالك مصاريفكم كتير على الفاضي وعيالك متأنزحين ومدلعين في أكلهم و شربهم .
☻هتفضلي كده سهرانة طول الليل و نايمة طول النهار وأنا حيلي مهدود في الشقة اللي عيالك موسخينها ؟
☻كلمتي المحامي؟ كلمتي المحامي؟ روحتي للمحامي؟
☻بيقولوا الدهب سعره غلي قوي يعني الواحد لو بعتي شبكتك هتكسبي جامد إيه رايك ننزل نسأل في الصاغة ؟
☻فيه واحدة صاحبتي جايبالك شغلانة خدمة عملاء ممكن تشتغليها من البيت أهي تساعد في المصاريف لحد ما تصرفي مبلغ متجمد النفقة

📂 كلام أمك بعد ما صرفتي متجمد النفقة والمؤخر والمتعة و و و ...:
================================
☻أخوكي محتاج قرشين يكمل بيهم على تمن الفرح بتاعه و هيبقى يسددهملك قريب.
☻كنا عاوزين نطلع المصيف السنة دي و أبوكي ممعهوش فلوس متعزمينا و فرصة العيال تغير جو .
☻عازمين خطيب أختك هو و أهله الاسبوع الجاي و الفلوس اللي معايا متكملش .. شوفيلي معاكي 1000 جنيه لحد ما أبوكي يقبض المعاش.
☻عيالك كسروا الانتريه و انا أساسا مصلباه بالعافية علشان مش قادرة اغيره انتي عارفة علاج ابوكي واخد كل المعاش .
☻خطيب أختك زعلان معاها بسبب كلامك اللي قلتيه آخر مرة عن الجواز و الرجالة و أختك بتقول انك هتخربي عليها و بتعيط .
☻ابوكي حالف ميكلمكيش لما رديتي عليه و قلتيله محدش يزعق لولادي أو يضربهم
و بنتك المفعوصة بتقوللي إنتي ليه مبتحبيش بابا يا تيتة هو كان عملك حاجة !!
☻كلمي المحامي خليه يرفع قضية زيادة نفقة
☻كلمي المحامي .. كلمي المحامي .. كلمي المحامي
☻جايلك عريس مطلق عنده 55 سنة و عياله عايشين مع أمهم
☻جايلك عريس أرمل و معاه ولدين
☻جايلك عريس بس ممعهوش يجهز بس عنده شقة اوضتين و امه هتعيش معاه .
☻كلمتي المحامي؟
☻شوفتي الشغل اللي جبتهولك؟
☻طليقك إتجوز و خلف و عايش حياته
☻كلمي المحامي
☻أنا تعبت منك و من عيالك و صحتي مش مستحملة
☻كل الناس جوزت بناتها وارتاحت وانا اللي بختي مايل
☻حسبي الله و نعم الوكيل .. حسبي الله و نعم الوكيل
☻ انا دايما بختي قليل طول عمري كده..
منقول

04/07/2024

- محمد رمضان وحمو بيكا بيقولو علي نفسهم نمبر وان وانت بتقول ايه .. ؟
= احنا لا عمرنا ننفع نمبر وان ولا غيره احنا بنقدم ايه علشان نكون نمبر وان النمبر وان فعلا هو الدكتور والمهندس والمحاسب والأستاذ والمحامي الناس دي هي النمبر وان احنا بنغني ونمشي ورا الرقاصين فين النمبر ده في كده .. ومفيش حاجة اسمها تاريخ للمغنين التاريخ ده للناس المتعلمة احنا فعلا بنجري ورا رقصات..