مكتب أ / محمود عبدالمنعم عياد للمحاماة و الاستشارات القانونية

  • Home
  • Egypt
  • Kafr el Sheikh
  • مكتب أ / محمود عبدالمنعم عياد للمحاماة و الاستشارات القانونية

مكتب أ / محمود عبدالمنعم عياد للمحاماة و الاستشارات القانونية Contact information, map and directions, contact form, opening hours, services, ratings, photos, videos and announcements from مكتب أ / محمود عبدالمنعم عياد للمحاماة و الاستشارات القانونية, Lawyer & Law Firm, سيدى سالم, Kafr el Sheikh.

اظن الرسالة وصلت ⚖️🖤
20/01/2023

اظن الرسالة وصلت ⚖️🖤

قيل في تعريف المحامـاة موضوعياً :هي المهنة التي من خلالها يستطيع صاحبها وهو المحامي أن يحمي الضعفاء والأرامل واليتامى وي...
20/01/2023

قيل في تعريف المحامـاة موضوعياً :
هي المهنة التي من خلالها يستطيع صاحبها وهو المحامي أن يحمي الضعفاء والأرامل واليتامى ويدافع عن القضايا العادلة ويخلص المظلوم والبائس ويرد الحقوق المغتصبة لأصحابها فيسمع صوتهم لممثلي العدالة ويقوي حجتهم ، ويدفع عنهم كيد الكائدين ويكشف ستر المتآمرين .

16/12/2022

معلومة قانونية
🔴 ليه المحكمة ممكن تحكم على متهم مع إيقاف التنفيذ، ما تديه براءة على طول؟

◾مبدئيا لازم نعرف إن إيقاف التنفيذ بيكون في حالة لو كان الحكم يقضي بالحبس مدة سنة أو أقل ، يعني مينفعش يصدر حكم بالحبس ثلاث سنوات مثلا مع الإيقاف .
◾طيب نجيب الموضوع من أوله ، في كام سؤال منطقيين

⬅️ ليه القاضي يحكم بحبس المتهم مع إيقاف التنفيذ ، ما يديه براءة على طول ، هو إيه الفرق بينهم ؟
◾إيقاف التنفيذ معناه أنك مدان ، والجريمه ثابته ، لكن المحكمة راعت أعتبارات معينة ( زي أخلاق المحكوم عليه او ماضيه أو سنه أو ظروف إرتكاب الجريمة ) .. فحكمت بالحبس مع الإيقاف ، لذلك هو غير البراءة.

⬅️ طيب برضه إيه الغرض من الإيقاف طالما أنا مدان ؟
◾الغرض أن القاضي بيحس أنك محترم ، ولن تعود لإرتكاب الجريمة مره أخرى ، فبيحكم عليك بالحبس ( مدة أقل من سنة ) مع إيقاف التنفيذ لمدة ثلاث سنوات طبقا للماده ٥٦.

⬅️ يعني يحصل أيه في خلال الثلاث سنوات وهي فترة الإيقاف ؟
◾السؤال ده هو جوهر الفكرة كلها ، إنك خلال الثلاث سنوات لو أرتكبت جريمة عقوبتها الحبس أكتر من شهر ، بتنطبق عليك العقوبة الأولى اللي القاضي سبق وأوقف تنفيذها ، ده طبعا بالإضافة لعقوبة الجريمة الجديدة ، لأنك هتكون أثبت أنك غير جدير بوقف التنفيذ وأنك تميل لإرتكاب الجرائم.
وكذلك لو أتضح أنك سبق صدور حكم ضدك قبل الإيقاف ، ولم تكن المحكمه تعلم به ، هنا يجب الغاء وقف التنفيذ.

⬅️ طيب لو عدت الثلاث سنوات ولم أرتكب جريمة ؟
◾هنا هيعتبر الحكم الصادر مع الإيقاف كأن لم يكن ويسقط بكل آثاره الجنائية ، وكذلك لا يعتبر سابقه من سوابق المحكوم عليه ، وتعود صحيفتك ناصعة البياض.

14/12/2022

لما استاذك يطلب منك هاتلي
قرار جلسة كذا ((جنح)) مثلا بس الجلسة دي
اول جلسة.
جلسة معارضة.
جلسة استئناف جديد.
جلسة معارضة استئنافية.

وتروح وتلاقي القرار...⬇️
كأن لم تكن.
قبول ورفض وتأييد.
قبول والغاء وبراءة.
قبول وتعديل الحكم المعارض فيه.
غ/ عدم قبول.
غ/ سقوط.
احاله الدعوي المدنية.
عدم اختصاص.
مد أجل.
احاله.

#ممكن حضرتك متكنش القرارات دي متوضحه ليك وممكن تكون محرج تسأل #الموظف يعني ايه القرار دا...🤔 ان شاءلله هوضح لحضرتك معني القرارات بالكلام البسيط. ⬇️

الشرح المبسط....⬇️

#طبعاً كلنا عارفين معني
«التقاضي علي درجتين»...ويعني ايه درجة ويعني ايه درجة. لما يكون فيه قضية(ضرب) وتكون اخددت جلسة وصدر حكم #غيابي مثلا ب ((غيابي سنة وكفالة1000ج +المصاريف وحصر 111ل2022)) #والاختصار
غ/سنه وك1000ج +م ح/111ل2022... معني كدا ان في اول جلسة صدر الحكم دا.
#طب المفروض الاجراء اللي هيتم بعد كده ان انا #هعارض ف الحكم دا وهيتحدد وصدر في الجلسة حكم ب((كأن لم تكن)) او ((قبول ورفض وتأييد)) او (( قبول ورفض وتعديل)) معني دولت ايه

_✍️1:- كأن لم تكن...⬇️

#انا مثلا عملت معارضة بمعني دلوقتي الحكم كتيير ومحتاج اعدل فيه بعمل معارضة بس محضرتش في الجلسة يبقي انا كده اكني معملتش المعارضة.

_✍️2:- قبول ورفض وتأييد او تعديل.

#معني كدا ان انا حضرت وطلبت طلباتي بس الحكم إتايد بتاع اول درجة. يعني قبل المعارضة ورفض الطلبات وايد الحكم. او عدله من سنه لشهر مثلا...

#طب بعد كده الاجراء اللي هيتم هعمل #استئناف وهيتم تحديد جلسة. وصدر في الجلسة حكم ب.. ((غ/عدم قبول)) او ((قبول والغاء وبراءة))

_✍️1:- غ/عدم قبول...⬇️

#انا مثلا عملت استئناف بمعني دلوقتي الحكم برضو كتيير للمتهم ومحتاج اعدل فيه تاني بعمل استئناف بس محضرتش في الجلسة يبقي انا كده اكني عملت الاستئناف بس محضرتش ومتقبلش.

_✍️2:- قبول والغاء وبراءة.

#معني كدا ان انا حضرت وطلبت البراءة والقاضي قبل الطلبات ولغي الحكم بتاع المعارضة وحكم بالبراءه...

#طب بعد كده الاجراء اللي هيتم ان هعمل لو الحكم لسه زي ماهو وصدر حكم في الجلسة ب ((غ/سقوط)) معني كده ان عملت معارضه استئنافية ومحضرتش واصبح الحكم نهائي وواجب النفاذ.

_✍️1:- احاله:-
#معني كلمة إحالة يعني الجلسة كانت يوم كذا بس القضية مش هتتنظر قدام القاضي فبتاخد إحالة لجلسة تانيه وقاضي تاني.
_✍️2:- مد أجل:-
#معني مد اجل يعني القضية اتاجلت مره واتاجلت تاني فهتاخد مد اجل تاني..
_✍️3:- احاله الدعوي للمحكمة المختصة:-
#معني كدا ان الدعوي او القضيه اتحالت للمحكمة المختصة بنظر الدعوي.
_✍️4:- عدم اختصاص.
#معني عدم اختصاص ان القضيه مرفوعه في محكمة مش ف نفس المحكمة المختصه بنظر الدعوي. يعني مثلا القضيه مرفوعة في كوم حماده والمفروض تترفع في ايتاي البارود فهتاخد عدم اختصاص..
تحياتي
...🙏

● القانون بيشترط على الزوجين قبل اللجوء لمحكمة الاسرة فتح ملف تسوية منازعات أسرية كمحاولة لحل النزاع بشكل ودى قبل اللج...
22/11/2022



● القانون بيشترط على الزوجين قبل اللجوء لمحكمة الاسرة فتح ملف تسوية منازعات أسرية كمحاولة لحل النزاع بشكل ودى قبل اللجوء للقضاء .

● لابد قبل رفع أي دعوى قضائية اللجوء لمكتب تسوية المنازعات .

● طب ايه اللي بيحصل بعد فتح ملف تسوية ؟
مبدائيا أول حاجة يحدد المكتب أقرب ميعاد لحضور الأطراف سواء الزوجه أو الزوج وإذا لم يحضر أحد منهم بغير عذر جاز اعتباره رافضا إجراءات التسوية ويأتي بعد ذالك احد الزوجين الراغب في رفع الدعوي بعد ذلك بالسير في إجراءات رفع الدعوي سواء خلع أو طلاق للضرر أو نفقة زوجية ، أجر حاضنة ، نفقة متعة ، نفقة عدة، أو رؤية صغار .....إلخ.

● وظيفة المكتب أنه بيحاول يوفق بين الزوجين وفى حالة رفض أي طرف من الطرفين حل الخلاف بيتم اللجوء للقضاء بشكل طبيعي

● هنا فية سؤال مهم هل يحق لأي من الزوجين أختصاراً للوقت عدم اللجوء لمكتب التسوية والذهاب مباشرة لمحكمة الاسرة ؟

لأ طبعاً لأن الإجراء دا إجبارى مش إختيارى للأزواج ، لابد من فتح ملف تسوية منازعات أسرية.

10/11/2022

▪️علمني القانون 📚⚖️

📍علمني القانون : أن تأجيل الجلسة خسارة صافية للمحامي سواء أكان مدعيا أم مدعى عليه ، لأن مكسب المحامي يكمن في سرعة انجازه للقضية التي توكل فيها.

📍علمني القانون : ان المستند الذي يقدمه خصمي كثيرا ما يكون مستندا لي اقدمه في الجلسة التالية ، لذا انصح بالتدقيق جيدا في كل ما يقدم من مستندات

📍علمني القانون : ان العقد المتقن يمنع او يحد من الكثير من الخصومات ويحفظ الحقوق والعكس صحيح .. هذه الحقيقة لا يدركها كثير من التجار

📍علمني القانون : اﻷهمية القصوى للغة العربية خاصة في مجال صياغة العقود والمخالصات وعقود الصلح .. الخ

📍علمني القانون : الأهمية القصوى للتسلسل التاريخي للوقائع ، فكثيرا ما حسم هذا الجانب القضية ..

📍علمني القانون : صحة تلك المقولة الشائعة ان خصمك الأول هو موكلك ، لذا انصح الزملاء بعدم التساهل في كتابة العقود مع موكليهم

📍علمني القانون : ان أخطر ما يواجه المحامي في القضية الإدارية هو الجانب الشكلي ، وعلى وجه الخصوص تحصن القرار

📍علمني القانون : ان رجال القانون والمحاماة هم رجال وطنيون منتمون لدينهم ووطنهم ومجتمعهم وان المحامي الغير منتم هو مجرد دعوجي لا أكثر ..

📌علمني القانون : أن المحام يستمع أكثر مما يتكلم ، ويبحث أكثر مما يكتب، وأنه مستقل الرأي والقرار ومتى ما كان إمعه فعليه البحث عن مهنة أخرى

📍علمني القانون : الأهمية القصوى للوقت ، فرأس مال المحام علمه ووقته ، وطبيعة عمله بيع وقته سواء في المحكمة أو المشورة

📍علمني القانون : انه علم واسع متعدد الفروع ، وأن التخصص ضروري جدا

📍علمني القانون : احترام من علمني وتعلمت منه ، خاصة من تدربت على يديه

📍علمني القانون : احترام الزمالة والزملاء والوقوف معهم وقد قيل المحاماة رحم بين المحامين ، وأن المحام يكون كبيرا كلما احترم زملائه والعكس صحيح

📍علمني القانون : انه كلما كان رجل القانون متمكن من علمه كلما زاد احترامه للشريعة وعظمتها وسبقها ، وعلى رأس من أدرك ذلك السنهوري رحمه الله

📍علمني القانون : أن الحكم القضائي يقوم على ثلاثة أركان ، وقائع وأسباب ومنطوق ، ومعظم أحكام محاكمنا العامة لا يفي بالشروط

📍علمني القانون : ان كثير من القضاة لا يقرأون المذكرات ، وأن المرافعة وشرح القضية أحيانا تكون أقوى من اي مذكرة ..

📍علمني القانون : انه في بعض الأحيان وحينما يكون الخصم مراوغا فإن ترتيب تقديم المستندات يكون ذو أهمية قصوى.

📍علمني القانون : أن المذكرة المقدمة للقاضي مثل الطريق السريع نحو الهدف ، لو تتبعت المخارج فلن تصل ولن يصل القاضي معك ابدا

📍علمني القانون : ان المذكرة القانونية هي بحث علمي مصغر ومؤصل ينتهي الى نتيجة واضحة ومحددة ، وإلا فهي مجرد مقال انشائي

📍علمني القانون : انه علم راق يخدم من يخدمه بمداومة البحث وتحديث المعلومات ، وتعلمت منه ان خير الكلام ما قل ودل.

📍علمني القانون : انه يتحول الى اداة قمع وسيف بيد المستبد يستغله بواسطة قضاء منحرف ، وأنه ميزان عدل بواسطة قضاء مستقل ونزيه

📍علمني القانون : ان الحكم القضائي النهائي واجب النفاذ ، لكن وجدت في الواقع انه واجب النفاذ على الضعفاء فقط أما الكبار فهو مجرد حبر على ورق ..

📍علمني القانون : أن العدل أساس الحكم

📍علمني القانون : أن عدم قيام الموظف بتطبيق القانون جريمة ، وعدم عرض المتهم على القضاء انكار للعدالة وجريمة بحد ذاته

📍علمني القانون : أن الحقوق الشخصية تؤخذ بالقانون ، ولكن حقوق الشعوب تنتزع انتزاعا لأن من بيدهم هذه الحقوق لا يعترفون بالقانون

06/11/2022

❇️ فائدة

" استمرار الحائز على العقار باستعماله لا يعتبر استحداثا "

هناك كثير من الدعاوى المتعلقة بعقارات والتي قد يقدم الاطراف خلالها طلبات بالامر بوقف الاستحداث

الدعوى قد تكون دعوى غصب
او دعوى شفعة
او دعوى قسمة
او دعوى فسخ عقد بيع
او اي دعوى عقارية اخرى

وقد تصدر المحكمة قرارا بالأمر بوقف الاستحداث خلال نظرها الدعوى الموضوعية

كما انه قد يرفع شخصا ضد آخر دعوى مستعجلة بوقف الاستحداث

وقد يصدر حكما مستعجلا بوقف الاستحداث

هنا 👆🏻
قرار وقف الاستحداث لا يعني ابدا غل يد الثابت الحائز على العقار او رفع يده عنه

ولا يعني الزام الثابت والحائز على العقار بوقف استغلاله واستعماله للعقار حسب ما كان عليه من سابق

فالامر بوقف الاستحداث يعني بقاء الوضع القائم كما هو عليه دون اي تصرفات جديدة يكون من شانها التاثير على محل الدعوى بالتغيير او التحويل او التعديل.

فاذا اصدرت المحكمة قرارا بوقف الاستحداث فان هذا يعني ابقاء الوضع القائم كما هو عليه

فالارض الزراعية يستمر الحائز بزراعتها سواء كان مدعي او مدعى عليه

والبناء الذي يقيم فيه يستمر بالاقامة فيه

الامر بوقف الاستحداث يعني ايقاف اي اعمال جديدة تغير من طبيعة العقار المتنازع عليه او تغير من حدوده ومعالمه

فالاستحداث ينصرف الى كل عمل جديد من شانه تغيير طبيعة العقار او تغيير معالمه فقط

ولا تعتبر الاعمال المعتادة التي يقوم بها الحائز عادة
استحداثا مثل الزراعة والسكن في البيت او حتى تاجيره طالما كان مؤجرا من قبل رفع الدعوى

لكن اذا كان النزاع يدور بشأن منزل فان قيام احد اطراف الخصومة بالبناء عليه طابق ثاني او ثالث فهذا يعتبر استحداث يلزم وقفه

والقيام بتجريف الارض الزراعية وخلطها مع الاراضي المجاورة لها لتكون ارضا واحدة يعد استحداثا

والقيام بازالة الفواصل التي تفصل بين العقار وبين العقارات المجاورة له يعد استحداثا

والقيام باستحداث طريق في مكان لم تكن فيه طريق من قبل يعد استحداثا

والقيام باغلاق طريق كانت سالكة من قبل يعد استحداثا

والقيام باحداث اي بناء جديد يعد استحداثا

وهكذا ،،،

🧑‍⚖️📖⚖️
04/11/2022

🧑‍⚖️📖⚖️

نقدر نحدد أهم العناصر وفق الترقيم اللي في الصوره كما يلي :-● خانه ( ١ ) بتكتب فيها اسم الشخص اللي إنت هتمضيه علي إيصال ...
28/10/2022



نقدر نحدد أهم العناصر وفق الترقيم اللي في الصوره كما يلي :-
● خانه ( ١ ) بتكتب فيها اسم الشخص اللي إنت هتمضيه علي إيصال الأمانة ، يعني الشخص اللي خد منك الفلوس .
● خانه ( ٢ ) بتكتب فيها عنوانه بالتفصيل من واقع بطاقة الرقم القومي بتاعته .
● خانه ( ٣ ) بتكتب فيها رقم بطاقته بالكامل .
● خانه ( ٤ ) بتكتب فيها تاريخ صدور البطاقة ، وده بيكون في أعلي اليسار في خلفيه البطاقة ، عبارة عن الشهر والسنة
● خانه ( ٥ ) بتكتب فيها اسم حضرتك
● خانه ( ٦ ) بتكتب فيها المبلغ بالأرقام ثم بالحروف
● خانه ( ٧ ) بتكتب فيها اسم الشخص التابع ليك ، اللي المفروض هيستلم الفلوس من الشخص الموقع علي الإيصال .
● خانه ( ٨ ) توقيع الشخص رقم ١ اللي استلم منك الفلوس .
● خانه ( ٩ ) البصمه بتاعت نفس الشخص اللي استلم الفلوس وده بيكون رقم ١ .

:-
1/ يكون فى إيصال الأمانة ثلاثة أشخاص هم
( مسلم – مستلم – مستفيد ).
2/ الأفضل أن يحرر ايصال الأمانة بخط من وقعه ( تملئ بيانات الإيصال كامله بخط الشخص المدين يعني اللي استلم الفلوس )
3/ تملئ بيانات الإيصال في نفس لحظة كتابته و بنفس القلم .
4/ متكتبش تاريخ على الايصال حتى لا يؤدي الي سقوطه بالتقادم بمضى ثلاث سنوات.
5/ خلي معاك صورة بطاقة الرقم القومي للشخص اللي استلم منك الفلوس.
6/ ﻻ يكتب فى إيصال الأمانة تفاصيل تخص المبلغ المالى كأن يكتب على سبيل المثال ، أن هذا الإيصال هو ضمانة لمعامله تجارية او ضمان لعدم تعرض المستأجر للعين المؤجره .

. 🚨 كلام جنايات .. جنح الضرب 🚨 - لو حد إتبالا عليك و راح عملك محضر فى القسم بالضرب ، و القس...
26/10/2022

. 🚨 كلام جنايات .. جنح الضرب 🚨

- لو حد إتبالا عليك و راح عملك محضر فى القسم بالضرب ، و القسم استدعك أو النيابه 👈 تعالا أقولك هتعمل ايه 👈 ركز معايا 🧐 على الثلاثه ثغرات دول 📖⚖️👇 :

١- ميكونش مختوم بختم النسر لو مستشفى حكومه ، أو ميكونش مختوم بختم المستشفى لو مستشفى خاصه .

٢- قرار وزير الصحة ماده 1 من القانون رقم 187 لسنه 2001 ، اشترط أن اللى يمضى على التقرير الطبي لأزم يكون 👈 مساعد أخصائي أو اخصائي و يكون اسمه وضح 👈 وإذا حدث خلاف ذلك يحق للدفاع الإعتراض فى النيابة أو المحكمه ، و ذلك للوقوف على 👈 أسم مصدر هذا التقرير و درجتة الوظيفة ، وهنا لو التقرير خرج من شخص غير السابق ذكرهم 👈 فهنا بيكون مصدر التقرير الطبي 👈 شخص غير ذى صفه ، و ده بيترتب عليه 👈 بطلان التقرير الطبي .

٣- ودى مهمه جدا 👈 أن الإصابات المذكورة فى التقرير الطبي ، تكون نفس المذكورة فى محضر الشرطة .

- و هنا في حالة توفر أحد تلك الثغرات 👈 هتاخد براءة .

#وبكده القضية خلصت من قبل ما تبدأ 😅 و بالقانون 📖⚖️

08/10/2022

لزملائي المحامين المبتدئين.. فيه أسماء مكاتب وموظفين داخل المحاكم بنسمعها وبنتعامل معاهم كتير زي مثلا .. ⚖️ ♥️

الجدول:
دا مكتب بيبقى موجود في المحكمة وبيتسجل فيه القضية من أول ما تدخل المحكمة لحد ما تنتهي، وكل إجراء أو قرار أو حكم بيتاخد بيتقيد في الجدول دا وأي معلومات محتاجها عن أي قضية بتلجأ ليه بيوجهك سواء كانت القضية في مرحلة تحقيق بيقولك عند وكيل نيابة مين، أو لو القضية نزلت جلسة بيقولك اليوم والتاريخ والدائرة، لو عايز تطلع شهادة بتجيب معلومات من الجدول وهكذا .

الأجندة:
اللي بيتسجل فيها اللي تم في الجلسة، وبنعرف منها قرار القاضي، وبنعرف منها الرول، ودي بتبقى موجودة مع سكرتير الجلسة أو المسمى القانوني أمين السر .
ولو عايز تعرف مثلا قرار الجلسة اللي كنت حاضر فيها بتدخل على الأجندة أول حاجة رقم الدائرة ويوم الجلسة اللي هو جلسة يوم الإثنين .. تفتحها تشوف تاريخ الجلسة مثلا ١٢ / ١٢ / ٢٠٢٢ هتلاقي رقم الرول ورقم القضية والسنة وأسماء الخصوم .. والقرار بيكون جنبهم تطلعه وتتوكل على الله .

الإستيفاء:
دا بيبقى موجود في القسم والمحكمة وده عبارة عن مجموعة من أمناء الشرطة اللي لو في إجراء ناقص أو خانه مش كاملة في المحضر هما اللي بيكملوها، ولو عايز تضيف أقوال في قضية أو تجيب شهود قبل ما تنزل جلسة بتقدم طلب للنيابة بإضافة أقوال أو إرفاق مستندات، أو شهادة شهود، وبيفتح محضر رسمي وبيثبت فيه كل دا وبيتم إضافتها في ملف القضية ودا مهم عشان القضية ميتمش حفظها .

الرول:
ودا عبارة عن قائمة مكتوبة بتبقى موجودة قدام باب الجلسة بيبقى مرتب فيها القضايا اللي هتداول في الجلسة وبتدور علي الإسم بتاع موكلك وبتعرف انت رقم كام في الجلسة عشان الحاجب لما ينادي عليك أوقات يقول رول رقم كذا، وأوقات بينادي برقم الرول وأسماء الخصوم .

الفهرس:
دا إحنا بنعرف منه إن كان فيه قضايا مرفوعة على موكلي ولا لأ يعني ده اللى بيرتب القضايا اللي داخله للمحكمة.

دفتر الحصر:
فيه نوعين من أرقام الحصر
حصر تحقيق ودا بيبقى لسه القضية في مرحلة تحقيق وموجودة عند وكيل نيابة معين بتاخد رقم حصر تحقيق عشان لما تروح الكمبيوتر تقولهم رقم حصر تحقيق كذا ايه اللي حصل فيها.
وفيه رقم حصر قضايا ودا بيبقى بعد القضية ما يتحكم فيها
ودا بيبقى موجود في غرفة التنفيذ داخل المحكمة واللي بنعرف منه لو كان المتهم عمل معارضة من عدمه أو استأنف ولا لأ .

دفتر الصادر والوارد:
ودا موجود في المحكمة وبيقى عبارة عن الفهرس المتسجل فيه المحاضر اللي جايه من القسم، أو لو القضية مثلا خدت إحالة من محكمة لمحكمة أو من محكمة لمصلحة الخبراء وهكذا وبناخد أرقام صادر ووارد من وإلى المحكمة .

رئيس القلم:
عندنا رئيس القلم المدني .
رئيس القلم الجنائي .
رئيس القلم الشرعي .
ودا هو رئيس السكرتارية بتوع الجلسات والموظفين في النيابة واللي بيبقى معاه الأختام وختم النسر .
وبيتحدد من عنده الرسم لما بترفع الدعوى .
وبتختم من عنده أي ورق متعلق بدايرة المحكمة .
واللي بتراجع عنده حوافظ المستندات وتختمها قبل ما تقدمها للقاضي ودا بيبقى في قضايا المدني .
ولو فيه مشكلة مع أي موظف تروحله يحلها لو محلهاش تدخل لمدير أو وكيل أو رئيس النيابة .

أمين السر أو سكرتارية الجلسات:
ودا عبارة إن كل دائرة ليها سكرتير بيكون مسؤول عن ملف القضية بالكامل لحد ما يتحكم فيها وبعدين ينزلها الحفظ .
وده السكرتير اللي بيكتب ورا القاضي في الجلسة .
واللي بيبقى معاه الأجندة بتاع اليوم والجلسة اللي اتكلمت عنها فوق .
ولما تيجي تاخد صوره رسمية من محضر جلسة أو محضر شرطة أو تحقيق أو الحكم أو لما تيجي تكمل معلومات بعد الجدول على طلب شهادة ولا حاجه بيكون من عنده .

الحاجب:
دا الموظف اللي بيقف يقول محكمة وقت الجلسة، واللي بينادي على الرول والقضايا والجلسة شغالة .

حرس المحكمة:
بيبقى فيه مقدم أو رائد شرطة إسمه قائد الحرس وتحته ظباط وأمناء شرطة، ودول بيبقوا موجودين في كل حته في المحكمة وبيبقوا موجودين وقت الجلسة برضو .

الحفظ:
ودا بقى لما القضية بيصدر أمر بحفظ المحضر مثلا من النيابة، أو لما يتم الحكم فيها بتنزل مكتب الحفظ .. وكل حاجه بتفضل عنده لو روحت بعد خمس أو ست سنين مثلا هتلاقي ملف القضية عنده .

05/10/2022

ان شاء الله قريبا
سيتم فتح باب لمده ٦ اشهر فقط وابرز ما جاء فيه كالتالى :-
١-يجوز التصالح على المبانى خارج الاحوزه العمرانيه لجميع الانشطه سواء سكنى او تجارى او صناعى او خلافه
٢-يجوز التصالح على المبانى المتعديه على خطوط التنظيم بعد موافقه الجهه المختصه
٣-يجوز التصالح علي الاعمدة مع صب السقف
٤-يجوز التصالح علي الاسوار
٥-يجوز التصالح علي المبانى المتعديه لقيود الارتفاع (اكبر من ٣٦ م )
٦-يجوز التصالح على املاك الدوله بعد موافقه الجهه المختصه ما عدا املاك نهر النيل والاثار
٧-يجوز التصالح على تغيير الاستخدام (من الجراج والسكنى الي تجاري)
٨-سيتم اعتماد التقرير من استشارى للمبانى الاكبر من ٢٠٠ م واكثر من ٣ ادوار وفيما عدا ذلك من مهندس نقابى
٩-لن يتم عمل معاينه فى القرى والتوابع
١٠- جديه التصالح ٢٥ ٪؜
١١-سعر المتر سيتم تحديده من قبل المحافظ

Address

سيدى سالم
Kafr El Sheikh

Telephone

+201016118682

Website

Alerts

Be the first to know and let us send you an email when مكتب أ / محمود عبدالمنعم عياد للمحاماة و الاستشارات القانونية posts news and promotions. Your email address will not be used for any other purpose, and you can unsubscribe at any time.

Shortcuts

Share

Category