مكتب المستشار أحمد حسني جاب الله للأستشارات القانونيه

  • Home
  • Egypt
  • Hurghada
  • مكتب المستشار أحمد حسني جاب الله للأستشارات القانونيه

مكتب المستشار أحمد حسني جاب الله للأستشارات القانونيه Contact information, map and directions, contact form, opening hours, services, ratings, photos, videos and announcements from مكتب المستشار أحمد حسني جاب الله للأستشارات القانونيه, Lawyer & Law Firm, شارع المحكمه Red Sea Primary Court, Hurghada.
(1)

يتقدم مكتب المستشار / أحمد حسني جاب اللهبأصدق التهاني وأطيب الأمنياتإلى حضراتكم بمناسبة حلول شهر رمضان المبارك 🌙سائلين ا...
18/02/2026

يتقدم مكتب المستشار / أحمد حسني جاب الله
بأصدق التهاني وأطيب الأمنيات
إلى حضراتكم بمناسبة حلول شهر رمضان المبارك 🌙
سائلين المولى عز وجل أن يعيده عليكم
وعلى الأمة الإسلامية بالخير واليُمن والبركات،
وأن يجعله شهر رحمة ومغفرة وقبول أعمال 🤍
رمضان كريم 🌙
للتواصل 011 50712061
01016255998

⚖️ ثغرات البراءة في قضايا التلبس.. كيف تُهدم الرواية الأمنية؟ ⚖️قضايا التلبس (مخدرات، سلاح، إلخ) هي معركة "إجراءات" في ا...
25/01/2026

⚖️ ثغرات البراءة في قضايا التلبس.. كيف تُهدم الرواية الأمنية؟ ⚖️

قضايا التلبس (مخدرات، سلاح، إلخ) هي معركة "إجراءات" في المقام الأول. النجاح فيها مش بس شطارة في الكلام، ده ذكاء في اصطياد بطلان الإجراء من بين السطور.
لو أنت محامي بتبدأ مرافعتك، أو مهتم بالقانون، دي "خريطة طريق" لهدم حالة التلبس المصطنعة:

1️⃣ الدفوع الجوهرية (عواميد المرافعة) 🏛️

انتفاء حالة التلبس: الضابط مشفش الجريمة في إحدى حالاتها الحصرية (المادة 30 إجراءات).

قاعدة "ما بني على باطل": بطلان التفتيش يعني بطلان كل اللي جه بعده، حتى لو في مخدرات فعلاً!

انفراد الضابط بالشهادة: ليه الضابط هو الوحيد اللي شاف؟ وفين باقي القوة المرافقة؟ (سؤال بيشكك في صدق الرواية).

عدم المعقولية: هل يعقل إن المتهم يتاجر في عز الظهر وسط الناس؟ أو يرمي المخدرات أول ما يشوف البوكس؟

2️⃣ استراتيجية الهجوم في المرافعة ⚔️

🔹 هدم الركن المادي (الرؤية):
"يا سيادة المستشار.. الضابط بيقول شاف 'لفافة'.. طب عرف منين إن فيها مخدر؟ التلبس لازم يكون لمادة الجريمة نفسها مش لمجرد مظهر يحتمل التأويل!"
🔹 التلبس "المستحدث":
لو الضابط فتش الأول وبعدين لقى المخدر، يبقى هو اللي "خلق" حالة التلبس. القانون بيقول التلبس بيجي "صدفة" مش بالبحث والتفتيش غير القانوني.
🔹 التخلي الاختياري vs القهري:
فرق كبير بين إن المتهم يرمي الحاجة بمزاجه (تخلي اختياري)، وبين إنه يرميها خوفاً لما الضابط يقبض عليه بشكل غير قانوني (تخلي قهري باطل).

💡 نصيحة ذهبية للمحامين:

ركز دايماً على "اللحظة السابقة" للقبض. لو أثبتّ إن الضابط حط إيده على المتهم أو وقفه "بدون وجه حق" قبل ما يشوف الجريمة.. مبروك، القضية باظت والإجراء باطل.
📝 كلمة السر: اقرأ "محضر الضبط" كلمة بكلمة.. التناقض دايماً مستخبي بين السطور!

للتواصل 01016255998
011 50712061

16/01/2026

⚠️ خطأ إجرائي واحد… ممكن ينسف قضية جنائية كاملة ⚠️🤔

📌 في قضايا الجنح والجنايات، ناس كتير فاكرة إن الحكم بيتبني على الاعتراف أو الحرز أو التحريات…
لكن الحقيقة القانونية غير كده تمامًا 👇

القضية الجنائية بتقوم أساسًا على سلامة الإجراءات.

📌 أولًا: مش كل إجراء تعمله الشرطة يبقى صحيح
القانون رسم طريق واضح لأي إجراء يمس حرية الإنسان:
(قبض – تفتيش – تحريز – استجواب)
وأي خروج عن الطريق ده بيكون نتيجته إجراء باطل ✖️ مهما كانت النتيجة.

🔹 أولًا: القبض وشروط صحته :
▫️ الأصل إن الحرية هي القاعدة، والقبض استثناء لا يجوز التوسع فيه.
والقبض بيكون صحيحًا في حالتين فقط:
1️⃣ وجود إذن ضبط وإحضار صحيح صادر من النيابة المختصة
2️⃣ وجود حالة تلبس حقيقية كما عرفها القانون

⚠️يعنى مجرد الشك، أو التحريات، أو البلاغ المجهول

❌ لا يُعد حالة تلبس
❌ ولا يبرر القبض

📢 محكمة النقض استقرت على أن:
"القبض بغير إذن أو بغير حالة تلبس يقع باطلًا، ولو صادف كشف الجريمة."

🔹 ثانيًا: التفتيش وحدوده القانونية : 🤔

▫️التفتيش أخطر من القبض، لأنه اعتداء مباشر على حرمة الجسد والمسكن.

📌ولا يجوز التفتيش إلا:
✔️ بإذن صريح من النيابة
✔️ أو تبعًا لقبض صحيح ومشروع
✔️ ويجب أن يكون التفتيش متعلقًا بسبب القبض ذاته

⚠️يعنى لا يجوز:

❌ تفتيش الشخص لمجرد الاشتباه
❌ او تفتيش مسكن بدون إذن
❌او التوسع في التفتيش خارج نطاق الإذن

📢 قاعدة نقض ذهبية:
"التفتيش إجراء من إجراءات التحقيق، لا يُستباح إلا في الأحوال التي نص عليها القانون."

🔹 ثالثًا: التحريات… ايه قيمتها وحدودها : 🤔

التحريات في القانون الجنائي: ✔️ مجرد رأي لمجريها
✔️ لا ترتقى وحدها لأن تكون دليل إدانة
✔️ لا تصلح وحدها لإصدار إذن قبض أو تفتيش

📌 لو الإذن اتبني على تحريات:
▫️ مرسلة
▫️ غير جدية
▫️ غير كافية
👉 الإذن نفسه بيكون باطلًا

🔹 رابعًا: بطلان القبض ينسحب على ما بعده
ودي من أخطر وأهم النقاط في القضايا الجنائية: بمعنى ان لو
القبض باطل
بالتالى بيكون :
❌ التفتيش باطل
❌ التحريز باطل
❌ الاعتراف باطل إن وُجد

📢 محكمة النقض قالت نصًا:
"ما بني على باطل فهو باطل."

حتى لو:
▫️ الحرز ثابت
▫️ الواقعة حصلت
▫️ المتهم اعترف

طالما البداية غلط… النهاية باطلة.

🔹 خامسًا: الاعتراف في القضايا الجنائية :

الاعتراف:
✔️ يجب أن يكون صادرًا عن إرادة حرة
✔️ غير وليد إكراه أو تهديد
✔️ ومطابقًا للحقيقة

⚠️ والاعتراف الناتج عن:
❌ قبض باطل
❌ احتجاز غير مشروع
❌ ضغط نفسي أو مادي
👉 لا يُعتد به قانونًا

🔹 سادسًا: دور المحامي في القضايا الجنائية 👨🏻‍⚖️ :

📌المحامي الجنائي مش بس بيدافع… هو بيقرأ:
✔️ محضر الضبط
✔️ توقيتات الإجراءات
✔️ صياغة الإذن
✔️ منطق الواقعة

📌 ويدور على:
▫️ خطأ إجرائي
▫️ تناقض
▫️ تجاوز سلطة
▫️ بطلان خفي
والخطأ الصغير ده…
ممكن يكون باب البراءة ⚖️

⚖️ الخلاصة القانونية المهمة

القضية الجنائية :
إجراءات + دليل صحيح + احترام القانون
وأي خلل في عنصر واحد
كفيل يهدم القضية من أساسها.

📢 لو عليك قضية أو حد قريب منك متورط
ما تستهونش باي بتفصيلة
ولا تمشي ورا كلام الناس

📌 للإستفسار والاستشاره القانونيه تواصل عن طريق الواتساب
📞 01016255998
011 50712061
⚖️ المستشار القانونى ⚖️
أ / احمد حسني جاب الله ⚖️

04/01/2026

⚖️ تنبيه قانوني هام: "فخ" توكيل البيع للنفس وللغير!

​كثيراً ما يعتقد المشتري (سواء لشقة أو سيارة) أن استلامه "توكيل خاص بالبيع للنفس وللغير" هو ضمانة نهائية لحقه، ولكن الحقيقة أن هناك ثغرة قانونية قد تجعل هذا التوكيل والعدم سواء إذا لم تكن حذراً.

​🔴 الإضافة التي لا غنى عنها
​عند تحرير التوكيل، لا تكتفِ بعبارة البيع فقط، بل يجب ذكر العبارة التالية نصاً:
​"ووكلته في تحديد ثمن البيع وقبضه لنفسه"

​🔍 لماذا هذه العبارة تحديداً؟ (من واقع القانون وأحكام النقض)
​وفقاً للمواد (٤١٨، ٤٢٣، ٤٢٤) من القانون المدني، فإن "الثمن" ليس مجرد تفصيل، بل هو ركن جوهري لا ينعقد البيع بدونه. وإليك المخاطر في حال إغفالها:

​بطلان العقد: عدم الاتفاق على الثمن أو معيار تحديده يؤدي لبطلان البيع قانوناً، حتى لو كان معك توكيل رسمي.

​دعوى كشف الحساب: بدون هذه العبارة، يحق للبائع (الموكل) قانوناً أن يطالبك بتقديم كشف حساب ورد الثمن الذي بعت به لنفسك، وكأنك كنت مجرد وكيل عنه ولست مشترياً!

​قضاء محكمة النقض: استقرت أحكام النقض (مثل الطعن ٩٤٨ لسنة ٥٣ ق) على أن الثمن ركن أساسي باعتباره محلاً لالتزام المشتري، وبدونه يفقد العقد كيانه القانوني.

​✅ نصيحة "المكتب" لضمان حقك كاملاً:
​لا تعتمد على التوكيل كبديل نهائي، بل يجب دائماً:
​تحرير عقد بيع ابتدائي/نهائي: يُثبت فيه صراحة أن المشتري سدد كامل الثمن واستلمه البائع.
​تطابق البيانات: تأكد من مطابقة بيانات التوكيل لبيانات عقد البيع بدقة.

​دائماً استشر محاميك قبل التوقيع، فالتفاصيل الصغيرة هي التي تحمي الثروات.
للتواصل معنا عبر الواتساب ولطلب الاستشارة

​📲01016255998
011 50712061
​

04/01/2026

🚨 في القضايا الجنائية
السكوت مش دايمًا حل، والكلام بدون محامي ممكن يكون إدانة.
📌 أي محضر أو تحقيق لازم يتم بحضور محامي يفهم القانون صح.

04/01/2026

⚠️ تحذير قانوني
التوقيع على أي ورقة بدون فهم محتواها
📌 لا يُسقط المسؤولية أمام القانون.
اسأل قبل ما توقّع.

اللهم وفّقنا لما تحب وترضى،وافتح لنا أبواب الخير من حيث لا نحتسب،ويسّر لنا أمورنا، واصرف عنا العسر والضيق، واجعل خطواتنا...
04/01/2026

اللهم وفّقنا لما تحب وترضى،
وافتح لنا أبواب الخير من حيث لا نحتسب،
ويسّر لنا أمورنا، واصرف عنا العسر والضيق،
واجعل خطواتنا ثابتة، وقلوبنا مطمئنة بذكرك،
وكل ما سعينا إليه فاجعل فيه الخير والبركة والنجاح،
وإن كان في أمرٍ شرٌّ لنا فاصرفه عنا واصرفنا عنه،
واكتب لنا التوفيق في الدنيا والآخرة 🤍
آمين يا رب العالمين 🌿

06/12/2025

الفرق بين مخالفة الثابت في الأوراق والخطأ في الإسناد وفقا لنصوص قانون المرافعات.

🖊️المحامي/ أحمد حسني جاب الله
ــــــــــــــــــــــــــــــــــــــــــــــــــــــ
عند كتابة الطعون احيانا نجد خلط بين مفهومي مخالفة الثابت في الأوراق والخطأ في الإسناد، رغم أن كل منهما سبب مستقل يمكن أن يؤدي إلى بطلان الحكم أو نقضه عند عرضه أمام محكمة الاستئناف أو المحكمة العليا.
وفهم الفرق الدقيق بينهما أمر مهم جدا عند تحرير أسباب الطعون؛ لأن الخلط قد يؤدي إلى ضعف السبب أو سقوط أثره القانوني. وفيما يلي بيان ذلك:
ــــــــــــــــــــــــــــــــــــــــــــــــــــــ
أولاً: مخالفة الثابت في الأوراق
هي أن يقرر الحكم واقعة أو حقيقة على خلاف ما هو ثابت في مستندات الدعوى أو أوراقها الرسمية، سواء بتغيير المعنى أو تجاهل واقعة ثابتة أو قلب الحقيقة الواردة في الملف.

نصوص مؤيدة لذلك.
1- المادة (231/ب): "يعتبر عدم مناقشة القاضي لوسائل الدفاع الجوهرية ورده عليها ومخالفة الأسباب للنصوص أو الوقائع قصوراً في التسبيب يجعل الحكم باطلاً".
وهذا يعني أن مخالفة الثابت بالأوراق تعد مخالفة للوقائع الثابتة وتشكل قصوراً موجباً للبطلان.
2- المادة (229/6): "يجب أن يشتمل الحكم على وقائع النزاع وطلبات الخصوم ودفوعهم وكامل أدلتهم..."
فإذا خالف الحكم حقيقة ثابتة بالأوراق فقد أخل بواجب تدوين الوقائع والأدلة الصحيحة.
ــــــــــــــــــــــــــــــــــــــــــــــــــــــ
ثانياً: الخطأ في الإسناد
هو أن ينسب الحكم إلى دليل أو شهادة أو تقرير ما لا يتضمنه الدليل فعلياً، سواء بالزيادة أو الاقتطاع أو النقل غير الصحيح لمحتواه.

نصوص مؤيدة لذلك.
1- المادة (231/أ): "يجب أن تكون الأحكام مسببة وإلا تتناقض الأسباب مع بعضها أو مع المنطوق وإلا كانت باطلة".
فإذا استند الحكم إلى دليل خلاف مضمونه كان ذلك فساداً في التسبيب.
2- المادة (231/ب): "مخالفة الأسباب للوقائع وعدم مناقشة الدفاع قصور موجب للبطلان".
3- المادة (229/6): "يجب أن يشتمل الحكم على... أدلة الخصوم..."
وأي نقل مبتور أو غير صحيح للدليل يعد خطأً في الإسناد.
ــــــــــــــــــــــــــــــــــــــــــــــــــــــ
الفرق الجوهري
🔴 مخالفة الثابت بالأوراق: تناقض في الواقعة (قلب للحقيقة).
🟠 الخطأ في الإسناد: تغيير في الدليل (تحريف للدلالة).

خلاصة مختصرة
🔴الأولى تتعلق بـ الواقع الموضوعي في الدعوى،
🟠الثانية تتعلق بـ مضمون الدليل وكيفية نقله أو نسبته.

توضيح اكثر
🔴مخالفة الثابت في الاوراق: مخالفة في التسبيب تمس الواقعة
🟠الخطأ في الإسناد: خطأ في الاستدلال يمس الدليل
نسال الله التوفيق والسداد لي ولكم
المحامي أحمد حسني جاب الله

تعليمات المكتب الفني للنائب العام بشأن جنحة الامتناع عن تسليم حصة ميراثية لأحد الورثةوكذا الامتناع عمدا عن تسليم سندات م...
10/10/2025

تعليمات المكتب الفني للنائب العام بشأن جنحة الامتناع عن تسليم حصة ميراثية لأحد الورثة
وكذا الامتناع عمدا عن تسليم سندات ملكية تركة

الجدير بالذكر أن الجريمة الأخيرة وفق هذه التعليمات قد يتم تحريكها إلى غير الورثة

أي قد يتم تحريكها ضد أي شخص بحوزته مستندات تفيد ملكية المورث لأي من أعيان تركته وقام بحجبها

ويوصي أعضاء النيابة بالطعن على الأحكام بالاستئناف أو النقض ضد الأحكام التي تصدر بالبراءة استناداً إلى هذا السبب أو كون الحصة شائعة يا
مكتب المستشار أحمد حسني جاب الله للأستشارات القانونيه

27/09/2025

- ينفع البنت تاخد معاش والدها المتوفي ؟ ايوه
- طيب لو كانت موظفه ينفع برضه؟ ايوه
- حتي لو كانت متزوجه ؟ لا لازم تكون انسه أو مطلقه او ارمله بس .
_________________
*** طيب الموظفه دي بتاخد مرتب ازاي هتاخد مرتب ومعاش مع بعض ؟ اقولك الإجابة 👇
في الحاله دي بنشوف مرتب الابنه كام ومعاش والدها كام لو كان مرتبها اكبر من معاش والدها مينفعش تاخد المعاش ولو مرتبها يساوي معاش والدها برضه مش هينفع تاخده أما لو مرتبها أقل من معاش والدها هنا هتصرف الفرق بين مرتبها وبين المعاش ..يعني ايه ؟ افهمك الإجابة 👇
يعني لو مرتبها مثلا 1000 جنيه ومعاش والدها 2000 جنيه مش هتصرف المعاش كله لكن هتصرف منه 1000 جنيه بس اللي هو الفرق بين مرتبها ومعاش والدها .
_________________
**** طيب ازاي التأمينات بتعرف المرتب بتاعي ؟ حضرتك لما بتروحي تقدمي علي معاش والدك بتقدمي معاه ورقه اسمها بيان مفردات مرتب بتطلع من محل عملك بيكون مكتوب فيها مرتبك بالكامل .
**** طيب لو الابنه دي موظفه بتاخد مرتب وفي نفس الوقت ارمله بتاخد معاش زوجها المتوفي ينفع برضه تاخد معاش والدها ؟ ايوه
________________
**** طب ازاي؟ اقولك الإجابة
هنا لما بتقدم على معاش والدها قولنا أنها بتقدم بيان بمفردات مرتبها وكمان بتقدم بيان بمعاش زوجها المتوفي وبنجمع الاتنين ونشوف لو هما قد معاش والدها أو اكبر منه خلاص مش هتصرف معاش والدها أما لو كانوا أقل منه بتصرف من المعاش الفرق بينهم بس زي ماشرحنا فوق 👆
***طيب الارمله اللي كانت بتاخد معاش زوجها المتوفي تزوجت مره اخري واتوقف صرف المعاش بتاع زوجها المتوفي لو اتطلقت من زوجها الأخير ينفع ترجع تاخد معاش زوجها المتوفي ؟ لا للأسف مينفعش ترجع تاخد معاشه تاني .

****طيب لو الموظفه دي علي المعاش اصلا وبتاخد معاش من شغلها ينفع تاخد مرتب والدها ؟ ايوه
وبرضه بنعمل زي ماعملنا فوق بنشوف الفرق بين معاشها وبين معاش والدها ونعمل زي ماشرحنا .
________________
**** طيب المطلقه طلاق رجعي بتستحق معاش والدها؟ لا لازم يكون الطلاق بائن
- يعني ايه طلاق بائن؟ يعني سيده زوجها طلقها وانتهت فترة العده دون رجوع فأصبح الطلاق بائن
_________________
-*****طيب هنا المطلقه بتصرف المعاش من تاريخ الطلاق ولا من تاريخ انتهاء فترة العده ؟ بتصرف من الشهر التالي لحدوث الطلاق مش من تاريخ انتهاء فترة العده .
**** طيب لو المطلقه اللي بتاخد معاش والدها وتزوجت مره اخري طبعا هيتوقف صرف المعاش لو اتطلقت من زوجها التاني ينفع ترجع تاخد معاش والدها ؟ ايوه ينفع طبعا
____________________
**** طيب انا سمعت أن المطلقه بالخلع أو بالمحكمه مينفعش تاخد معاش والدها صح الكلام ده ؟ لا طبعا مش صحيح المطلقه بالخلع او بالمحكمه زيها زي المطلقه عند المأذون من حقها تاخد معاش والدها .
__________________
- طيب ينفع الابنه تجمع بين معاش والدها ومعاش والدتها ؟ ايوه مفيش مشكله خالص وكمان بدون حد أقصي .
**** طيب نصيب الابنه دي من معاش والدها قد أيه يعني من حقها المعاش كله ولا جزء منه ؟ اقولك الإجابة 👇
لو البنت دي لوحدها مفيش غيرها بتاخد ثلثين المعاش ولو كان معاها والدتها اللي هي أرملة صاحب المعاش ومفيش اخوات تاني يبقي البنت هتاخد النص والام النص ولو البنت معاها اخوات تاني مستحقين و الام مش موجوده بيتم تقسيم المعاش بين الاخوات بالتساوي ولو البنت معاها ام واخوات وجد وجده اللي هما والدي صاحب المعاش المتوفي يبقي الام هتاخد التلت والبنت واخواتها هياخدوا النص والجد والجده يشتركوا في السدس .
**** طيب المطلقه دي بتصرف المعاش من تاريخ تقديم طلب للتأمينات ولا من تاريخ الطلاق ؟ بتصرف من الشهر التالي لوقوع الطلاق
_________________
**** طيب لو المطلقه دي مكانتش تعرف أن ليها حق تصرف معاش والدها وعرفت بعد كده ينفع تقدم ولا خلاص راح عليها ؟
ينفع طبعا وليها الحق تصرف جميع الشهور السابقه كمان وبيسموه المتجمد وده بحد أقصي خمس سنين سابقه فقط يعني بتصرف المعاش بأثر رجعي لحد خمس سنين عدت مره واحده.
اى استفسار تواصلوا معانا :
01016255998. /01150712061 واتس اب

❓يعني إيه حبس احتياطي؟➡️ هو إجراء وقائي مش عقوبة، الهدف منه ضمان سير التحقيق ومنع المتهم من الهروب أو التأثير على الشهود...
25/09/2025

❓يعني إيه حبس احتياطي؟
➡️ هو إجراء وقائي مش عقوبة، الهدف منه ضمان سير التحقيق ومنع المتهم من الهروب أو التأثير على الشهود.
📖 المادة 134 من قانون الإجراءات الجنائية.

⚖️ مكتب المستشار أحمد حسني جاب الله… معك لحماية حقوقك أثناء التحقيق والمحاكمة."

Address

شارع المحكمه Red Sea Primary Court
Hurghada
RED SEA PRIMARY COURT

Website

Alerts

Be the first to know and let us send you an email when مكتب المستشار أحمد حسني جاب الله للأستشارات القانونيه posts news and promotions. Your email address will not be used for any other purpose, and you can unsubscribe at any time.

Contact The Business

Send a message to مكتب المستشار أحمد حسني جاب الله للأستشارات القانونيه:

Shortcuts

Share

Category