Mohamed ALshafie - محمد الشافعی

Mohamed ALshafie - محمد الشافعی الصفحه الرسمية للأستاذ/ محمد شافعى المحامى
للمحاماة والاستشارات القانونية
ماجستير القانون الخاص جامعه حلوان

تنوية هام تم تخفيض قيمة الإستشارة القانونية سواءا الهاتفية أو الكتابيه👌🫵 مراعاة لظروف البعض وبسبب نجاحنا في بعض القضايا ...
31/05/2026

تنوية هام تم تخفيض قيمة الإستشارة القانونية سواءا الهاتفية أو الكتابيه👌🫵
مراعاة لظروف البعض وبسبب نجاحنا في بعض القضايا ذات الشأن العام بفضل الله والعودة للعمل بعد إجازة العيد بداية من اليوم وفي حالة قبول القضية تخصم قيمة الإستشارة من الأتعاب 😊

أهمية الاستشارة القانونية :-
الاستشارة القانونية هي الدرع الواقي الذي يحميك من الوقوع في الأخطاء، والبوصلة التي توضح لك حقوقك وواجباتك قبل اتخاذ أي قرار.

للحجز والإستفسار :
01282549444

06/02/2026

👌🫵

28/01/2026



"متمضيش قبل ما تقرأ.. كلمة واحدة ممكن تضيع حقك!" ✍️🚫

​بشوف يومياً مشاكل في المحاكم كان ممكن تتحل ب "كلمة" في عقد أو "تصرف" صح في وقته.
😎بصفتي محامي، هدفي مش بس إني أترافع عنك، هدفي الأهم إني أحميك قبل ما تقع في المشكلة.
.. هشارك معاكم :-
✅ إزاي تضمن حقك وأنت بتشتري عقار أو عربية.
✅ إيه التصرف القانوني الصح لو اتعرضت لابتزاز إلكتروني.
✅ تبسيط لكل القوانين الجديدة اللي بتمس حياتنا اليومية.
​القانون مش معقد، القانون اتعمل عشان يحميك.. بس المهم تعرف تستخدمه .

-نكتب عقد الاتفاق =حلو تمام يلا بينا -عاوزه نفقة للعيال عاوزه مصاريف مدارس عاوزه اجر مسكن عاوزه متعه وعده ومؤخر عاوزه من...
31/07/2025

-نكتب عقد الاتفاق
=حلو تمام يلا بينا
-عاوزه نفقة للعيال عاوزه مصاريف مدارس عاوزه اجر مسكن عاوزه متعه وعده ومؤخر عاوزه منقولاتى
=حلو كتبنا
=هنضيف رؤية واستضافه
-لا طبعا يشوفهم بالمحكمه
=هنضيف منع من السفر واسقاط حضانه فى حالة زواجك
-لا طبعا
طب بنكتب عقد اتفاق ليه !
امضى الراجل على فلوس وخلاص !!
يبقى بلاها عقد اتفاق
#محمدـشافعي
#المحامي

21/07/2025

#اطمن🙂

من ملفات قضايا الأسرة.... قلت ومازلت أكرر... إياكم واللدد في الخصومة وتفجير قلوب الناس على بعضها..... افتحو أبواب الرحمه...
06/07/2025

من ملفات قضايا الأسرة
.... قلت ومازلت أكرر... إياكم واللدد في الخصومة وتفجير قلوب الناس على بعضها..... افتحو أبواب الرحمه والتصالح قربو وبشرو ولا تنفرو........ زوج غاب عقله بسبب علاقة فاسدة وقانون فاسد حول حياته إلى جحيم .
في ظل علاقات متوترة من بدايتها لا فيها رحمة ولا سكن ولا مودة بل صراع أيهما يحقق مكاسب أكبر.... !!!!!
لم يعد الزواج الا مخاطرة كبيرة من كبائر الذنوب والمعاصي إلى غياهب السجون .....
ليست الحالة الأولى التى تسببت في جريمة بهذا الشكل.... سبقتها جرائم قتل بشعه بين الأزواج بسبب اللدد في الخصومة وقانون يرجح حقوق المرأة (هبلة مسكوها طبله) واعطاها سلاح تنهي به حياة الرجل وتدمره انى شائت وكيف شائت..... فلها ان تخلعه وان تستولى على أمواله وتشتت شمله بلا اي ضابط عند أول خلاف.... ثم تظهر في المجتمع على أنها الضحية.... المرأة ضحية على طول الخط وليست جانية في نظر الجميع إلى أن يثبت العكس بطريق الصدفه وهذا يشبه المستحيل
جرائم النساء صعب اكتشافها بسهولة....
ليس في المقال اي تبرير للجريمة ولكن الضغط يولد الفجور والجريمة نتاج وليست تبرير.
الجريمة نتاج للتجبر والتغول والفجر في الخصومة.....
الاستاذ/ محمد شافعي المحامي

05/07/2025

عايزة تعرفي قيمه جوزك إنزلي شوفي الستات اللي متمرمطين في الشوارع والمصانع واللي قاعدة بشوية خضار من الفجر واللي مقطوم وسطها في المصانع وتنظيف الحمامات
اللي معاها راجل مكفي بيتها ومستتها في الأيام الصعبة دي تحافظ عليه وتشيله فوق دماغها وتدعيلة ربنا يعينه ❤️
الأستاذ/ محمد شافعي المحامي

28/06/2025

حظ حضرتك يا استاذ انك من ساعة ما اتخرجت،، وفي نطاق المكاتب الي اتعاملت معاها ،،، لم يكن هناك مكتب منهم يطبق المنهج العلمي القانوني ،، في اعداد وتحضير القضيه أو صياغته الدعاوي أو حتي المرافعات..!!
جميعها كانت مكاتب على اقصى تقدير تطبق الحد الأقصى من الخبره العمليه في المجال القانوني ولكن اصحابها غير مهتمين بالكتب والمنهجيه اللي درسناها في الكلية ،، ولا يدركون اهميتها معتمدين الخبره وبس …!!!
وده حظك،، للاسف،، وممكن كمان يكون حظ كتير غيرك!!
وبالتالي نسيت الي اتعلمته ودرسته ،، وبقيت تواكب الامور،، وتعمل المطلوب ((بسطجي ورقيات وأعمال إدارية)) والدنيا ماشية،، وبنترقى بالتدرج من النقابة 😁 ونطلع كارنيهات ونمسك مناصب إدارية جوه المكتب نتفشخر بيها نتيجه الطاعة !!! واتباهي انا مدير مكتب فلان 😁
لكن كل ده مش مبرر انك تحبط شاب لسة متخرج وتقوله انسي اللي درسته الواقع العملي غير .... وهديك ٥٠٠ جنيه ف الشهر😃 واتعلمت من الخبره يابني انا بقالي مليون سنه ضوئية 😄!!
وواحد تاني يقولك ((خد بالك!! خد بالك بقى!!! كل الي انت اتعلمته حاجة!! والواقع حاجة تانية خالص،،، ))
فانسى بقى كل الي انت اتعلمته،، واعمل الي هيتقالك عليه!!
انا عن نفسي باعتبر ده يا تضليل يا افلاس يافقر علمي !!
سيبه يا اخي،،، سيبه جايز يغير الواقع،، الواقع الي انت فاكره قاعدة!! جايز هو يغيره ويخليه لايق على الي اتعلمه.
—————————
كل الي انت اتعلمته في الجامعه والي بعد الجامعة والي في كتب افقهاء وأساتذة الجامعات ،،، هو الواقع،، هو الواقع صدقني،، بس الواقع الصح،،، الواقع الي لو لقيته مش مظبوط،، وجب عليك تفرض علمك وخبرتك!! وجب عليك تعدله عشان يكون ارض خصبة لتطبيق العلم.. والاستمتاع بتائج تطبيقه..
—————————-
لا انكر اطلاقا،،، ان الخبرة في بعض القضايا اهم من العلم خصوصا في مجالنا،،!! ولكنها لا تتثاقل بدونه !!
—————————-
لما توصل انك بتتعلم عشان انت عايز وحابب تتعلم،،، هتجيلك القضيه الي هتكون لايقة على شخص شغوف ومطلع وقارئ ومنضبط زيك… متخليش حد يحبطك..
#الاستاذ #محمد #شافعي #المحامي

Address

كورنيش حلوان اول شارع الخضرة/بجوار وحدة تراخيص مرور حلوان
Helwan

Telephone

+201282549444

Website

Alerts

Be the first to know and let us send you an email when Mohamed ALshafie - محمد الشافعی posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Mohamed ALshafie - محمد الشافعی:

Shortcuts

Share

Category