مكتب المستشار روماني ممدوح المحامي بالنقض والإدارية والدستورية العليا

25/08/2026

27/07/2026

النيابة العامة المصرية
أطلقت خدمة جديدة تُمكنك من الاستعلام عن الأحكام الجنائية إلكترونيًا بكل سهولة، دون الحاجة للذهاب إلى أي جهة.
كل اللي عليك:
✅ تدخل على موقع النيابة العامة وتعمل حساب عليه . ⬇️

https://ppo.gov.eg/ppo/r/ppoportal/ppoportal/home?session=14493605311292

✅ تدخل على موقع بوابة مصر الرقمية وتعمل حساب عليه ⬇️

https://digital.gov.eg/
خطواتك للكشف علي الاحكام الجنائية
1️⃣ اختار خدمات المواطنين.
2️⃣ اختار الاستعلام عن الأحكام الجنائية.
3️⃣ اضغط على تقديم طلب الاستعلام عن الأحكام الجنائية.
4️⃣ سدد رسوم الخدمة 100 جنيه.
5️⃣ هتتحول مباشرة لصفحة الدفع الإلكتروني.
6️⃣ بعد إتمام الدفع هيتم تنفيذ طلب الاستعلام، وهتظهر لك نتيجة الأحكام الجنائية الخاصة بالاسم المطلوب.
خدمة ممتازة هتوفر وقت ومجهود على ناس كتير جدًا، وخطوة مهمة في اتجاه التحول الرقمي وتسهيل الخدمات على المواطنين.
هذا للعلم والاحاطة تحياتي

26/05/2026

كل عيد أضحى وأخواتي طيبين و بخير

06/05/2026

غدا طرح كراسات الشروط للشقق السكنية لمحدوي الدخل وحتى نهاية الشهر الجاري

23/04/2026

🔷 اللي محدش قالهولك عن قانون الأسرة للمسيحيين… مفاجآت في الطلاق والجواز والميراث!

🟥 القانون الجديد بيقول إيه عن الجواز؟

✅ لازم يكون بين نفس الطايفة المسيحية، وكمان سن الجواز بقى 21 سنة، وفيه شروط واضحة بين الزوجين زي الشغل والالتزامات.

🟥 طب والخِطوبة بقت عاملة إزاي؟

✅ مبقتش كلام عائلي وخلاص، دي بقت عقد رسمي، والشبكة بتتكتب، وكمان لازم تتعلن في الكنيسة شهر قبل الجواز.

🟥 إيه الفرق في الطلاق بين القديم والجديد؟
✅ زمان كان الطلاق شبه مستحيل (غالبًا بسبب الزنا بس)،
دلوقتي بقى فيه أسباب تانية زي الهجر واستحالة العشرة.

🟥 هل لسه الناس تقدر تغيّر طايفتها علشان تطلق؟
✅لا خلاص، الموضوع ده اتقفل تمامًا، والحكم بيبقى حسب الجواز الأصلي؟

🟥 طب والزواج التاني؟
✅ لسه مش مفتوح، بس بقى أوضح ومُنظم حسب سبب الطلاق.

🟥إيه الجديد في الميراث؟

✅ مساواة كاملة بين الرجل والست، ودي من أهم التغييرات.

🟥الحضانة بقت إزاي؟

✅ الأول كانت للأم والأب بعيد خالص،
دلوقتي بقت: الأم ثم الأب، وفيه تنظيم للرؤية والاستضافة (الأب يقدر يبات مع ولاده).

🟥 التبني وضعه إيه؟
✅ التبني بالشكل القانوني اتلغى، وفيه بدائل اجتماعية بدل منه.
🟥 مين المسؤول: الكنيسة ولا القضاء؟
✅ الاتنين، بس كل واحد ليه دوره:
الكنيسة في الأمور الدينية، والقضاء في التنفيذ القانوني.

🟥 القانون ده مفيد ولا فيه مشاكل؟
✅ مفيد لأنه حل مشاكل كتير ومنع التحايل،
❗ لكن لسه فيه جدل واعتراضات وبعض البنود محتاجة نقاش.
الخلاصة؟...............
✅ القانون ده معمول علشان ينظم حياة الأسرة المسيحية بشكل أوضح، ويحل مشاكل كبيرة زي الطلاق والجواز التاني، بس لسه بيتناقش وبيتطور .

مع تحيات
روماني ممدوح
المحامي بالنقض

02/04/2026

المكتب في ثوبه الجديد .....
مع تحيات
روماني ممدوح .... المحامي بالنقض

24/03/2026

قانون رقم ٢ لسنة ٢٠٢٦ بتعديل بعض أحكام قانون الخدمة العسكرية والوطنية الصادر بالقانون رقم ۱۲۷ لسنة ۱۹۸۰ .
صدر في ٢٤ مارس سنة ٢٠٢٦
باسم الشعب رئيس الجمهورية قرر مجلس النواب القانون الآتي نصه ، وقد أصدرناه.

وجاءت ( المادة الأولى ) على النحو التالي:« يستبدل بنصوص البندين (ج) ، د ) من أولاً والبند (هـ) من ثانيًا من المادة (٧) والمادتين (٤٩، ٥٢) من قانون الخدمة العسكرية والوطنية الصادر بالقانون رقم ١٢٧ لسنة ١٩٨٠ ، النصوص الآتية :

(مادة 7 - أولاً : البندان ج - د )

(ج) أكبر المستحقين للتجنيد من إخوة أو أبناء المواطن الذي يستشهد أو يصاب بإصابة تعجزه عن الكسب نهائيًا بسبب العمليات الحربية أو الإرهابية

(د) أكبر المستحقين للتجنيد من إخوة أو أبناء الضابط أو المتطوع أو المجند أو طلبة الكليات والمعاهد المعدة لتخريج ضباط وضباط صف القوات المسلحة وضباط وأفراد هيئة الشرطة الذى توفى بسبب الخدمة أو الذي أصيب بمرض أو عاهة بسبب الخدمة وكان من شأنها أن تجعله عاجزاً نهائيًا عن الكسب .

(مادة 7- ثانيا : البند هـ )

(هـ) أكبر المستحقين للتجنيد من إخوة أو أبناء الضابط أو المتطوع أو المجند أو المواطن الذي فقد بسبب العمليات الحربية أو الإرهابية ، ويزول هذا الإعفاء بمجرد عودته أو ثبوت وجوده على قيد الحياة ويعامل الغائب في العمليات الحربية الإرهابية معاملة المفقود إلى أن يتضح موقفه.

مادة (٤٩) :مع عدم الإخلال بحكم المادة (٣٦) من هذا القانون ، يعاقب كل متخلف عن التجنيد متى جاوزت سنه الثلاثين عامًا بالحبس وغرامة لا تقل عن عشرين ولا تزيد على مائة ألف جنيه ، أو بإحدى هاتين العقوبتين.

مادة (٥٢) : يعاقب بالحبس وغرامة لا تقل عن عشرة آلاف جنيه ولا تزيد على عشرين ألف ، أو بإحدى هاتين العقوبتين كل من يستدعى للخدمة في الاحتياط وتخلف دون عذر مقبول.

( المادة الثانية ) : ينشر هذا القانون في الجريدة الرسمية ، ويُعمل به اعتبارا من اليوم التالي لتاريخ نشره ، يبصم هذا القانون بخاتم الدولة ، وينفذ كقانون من قوانينها .

صدر برئاسة الجمهورية فى (٥ شوال سنة ١٤٤٧ هـ ) الموافق (٢٤ مارس سنة ٢٠٢٦) .

28/01/2026

لجان حصر «الإيجار القديم» قرار محافظة القاهرة بتقسيم المناطق التي بها أماكن مؤجرة لغرض السكنى الخاضعة لأحكام القانون رقم 164 لسنة 2025 المشار اليه وفقا لما انتهت إليه لجان الحصر وتقسيم المناطق إلى (متميزة-متوسطة-اقتصادية)
اتقسمت لـ 3 ألوان:
​🟢 اللون الأخضر: يرمز للمناطق (المتميزة).
🟡 اللون الأصفر: يرمز للمناطق (المتوسطة).
🔴 اللون الأحمر: يرمز للمناطق (الاقتصادية).