05/01/2026
ازاى تبوظ قضايا الاسرة اللى الست بترفعها ؟🤔
او باختصار إزاي قضايا الأسرة بتبوظ؟ 🤔
لما راجل ييجي فاهم حقوقه، بنعمل الآتي:
• اتفاق طلاق موثق يشيل أكتر من ١٥ قضية في إجراء واحد
(وآه… وجود ١٥ قضية أصلاً عبث قانوني)
ولو الزوجة رفضت:
• النفقة: إنذار إيداع = القضية بتقع
• مصاريف المدارس: الدفع مباشرة = لا قضية ولا ولاية تعليمية
• الخلع: طلاق على الإبراء أو عدم حضور
• القائمة: إنذار عرض منقولات = لا سجن
• التمكين: مؤقت، وأول ما الولاد يتموا ١٥ سنة الزوجة بتخرج
• الرؤية: النظام سئ، لكن عدم التنفيذ ممكن يودّي الأم للحبس
طيب الرجالة بتتسجن؟
لا.
اللي عايز يطلّق بالمعروف مش بيتسجن.
التعنت هو اللي بيكلف.
طب ليه الخناقة؟
مش علشان ستات ضد رجالة.
القانون قديم، والمحاكم سيئة، والدولة رافعة إيدها.
التعديل محتاج:
• دعم نفقة من الدولة
• إسكان بديل للأب أو الأم
• تنظيم رؤية واستضافة يحمي الأطفال
وكل دا تكلفة… فمكبرين دماغهم.
الخلاصة 🤞
الدولة جزء أساسي من الأزمة،
وسايبة الرجالة والستات يتخانقوا.
وسؤال أخير:
ليه رجالة كتير رافضة الخلع؟
مش علشان ولاد ولا شقة.
علشان مش متقبّل فكرة إن الست لها إرادة.
القانون الجديد؟
يطلع لما الدولة تقرر تحل، مش تتفرج.
