ثابت للمحاماه - Thabet Law Firm

16/08/2026

14/08/2026

🚨 اتقبض عليك بالليل؟ أول ساعة ممكن تفرق جدًا في حقوقك

لو حصل وتم القبض على شخص ومحدش عارف مكانه أو وقت القبض الحقيقي ما تستناش لحد ما يظهر المحضر
اعرف إزاي تثبت الواقعة وتوثق وقتها من البداية. ⚖️

📌 في الصورة ٥ إجراءات قانونية فورية تقدر تعملها من موبايلك لحماية حق المقبوض عليه.

احفظ البوست عندك والعته لأي شخص ممكن يحتاج المعلومة دي. 🇪🇬

مكتب الأستاذ محمد ثابت للمحاماة والاستشارات القانونية
📞 للحجز والاستشارات القانونية: 01001036737

07/08/2026

⚠️ اكتشفت إن فيه خط موبايل مسجل باسمك وأنت ما تعرفش عنه حاجة؟

خلي بالك… الموضوع مش بسيط ومينفعش تتعامل معاه باستهانة.

في الفترة الأخيرة ممكن الشخص يكتشف بشكل مفاجئ إن فيه خط هاتف محمول مسجل باسمه رغم إنه لم يقم باستخراجه أو استخدامه وهنا لازم يكون عندك موقف قانوني واضح من اللحظة اللي عرفت فيها بالواقعة.

رأيي كرجل قانون:

إذا اكتشفت وجود خط مسجل باسمك ولم تعلم عنه شيئًا فلا تنتظر ولا تكتفِ بمجرد الاستفسار من شركة الاتصالات ولكن عليك اتخاذ إجراءات رسمية لإثبات موقفك.

أولًا:
التوجه إلى قسم الشرطة المختص التابع لمحل إقامة صاحب الخط.

ثانيًا:
تحرير محضر إثبات حالة تثبت فيه اكتشاف وجود الخط المسجل باسمك وأنك لم تقم باستخراجه أو استخدامه إذا كان ذلك هو حقيقة الأمر.

ثالثًا:
إثبات تاريخ ووقت علمك بالواقعة وتاريخ تحرير المحضر مع إثبات أنك بادرت فور علمك باتخاذ الإجراءات القانونية اللازمة.

رابعًا:
طلب إثبات إخلاء مسؤوليتك عن أي استخدام أو إجراء يتم على الخط من تاريخ تحرير محضر إثبات الحالة وما قبله و مابعده مع ترك تحديد المسؤولية عن أي وقائع سابقة لجهات التحقيق وفقًا لما تسفر عنه التحقيقات والأدلة.

خامسًا:
طلب التحقيق في كيفية إصدار الخط وتسجيله باسمك دون علمك وبيان المستندات والإجراءات التي تم بموجبها استخراج الخط.

سادسًا:
إذا تبين وجود شبهة مخالفة أو تقصير في إجراءات إصدار الخط فيجب طلب التحقيق مع الشركة مصدرة الخط والمسؤول عن إجراءات استخراجه وتسجيله وتحديد المسؤولية القانونية لكل من يثبت اشتراكه أو تقصيره في الواقعة.

🔴 والأهم من كل ده: ما تستناش!

لأن الخط المجهول المسجل باسمك قد يتم استخدامه في ارتكاب وقائع أو معاملات لا علاقة لك بها وفي هذه الحالة قد تجد نفسك مطالبًا بتفسير واقعة لم تكن تعلم عنها شيئًا من الأساس.

وعشان كده التصرف الصحيح هو توثيق موقفك رسميًا بمجرد اكتشاف الواقعة بحيث يكون هناك دليل ثابت على تاريخ علمك بالخط وعلى أنك لم تقف مكتوف الأيدي وإنما بادرت إلى اتخاذ الإجراءات القانونية فور اكتشاف الأمر.

⚖️ الخلاصة:

لو اكتشفت خط موبايل مسجل باسمك وأنت لم تستخرجه:

اعرف → أثبت → حرر محضر → أخطر الشركة → تابع الإجراءات القانونية.

ومتعتمدش على الكلام الشفهي فقط.

الإجراء الرسمي في الوقت المناسب قد يحميك من مسؤولية عن واقعة لا علاقة لك بها.

⚖️ مكتب الأستاذ محمد ثابت للمحاماة والاستشارات القانونية

26/07/2026

النهارده اكتشفت إني مشهور بس مش الشهرة اللي كنت مستنيها
قاعد في المكتب بشرب جرعة الكافيين المعتاده وتليفوني في صمت رهيب مش من طبعه اني مستقبلش مكالمه من موكل حتي علي الأقل يسال علي اسم القاضي اللي هينظر قضيته (يمكن لما يعرف اسمه يرتاح 😀) وطبعا الاجابه معروفه هو حضرتك عايز اسمه في ايه والاقي الاجابه الاجمل اصل انا ليا ابن خالتي شغال في دهب فهسأله نجيب واسطه نكلم بيها فلان بك يكلم بيها علان بك طبعا انا بسكت ومش بجاوب علي الكلام ده حفظا علي كرامة موكلي من توبيخي ليه المهم اكتشفت ان التليفون بتاعي silent (صامت) لما بصيت عليه لقيت رقم متصل بيا ٤ مرات ورا بعض وانا كعادتي ماشي بمبدا طالما مردتش عليك من اول مره يبقي يستحيل هرد عليك من تاني مره علشان اكيد مش هعرف ارد عليك من اول مره لانك حتي لو مش حبيبي هرد عليك وهقولك اني مش بحب اتعامل معاك عادي جدا
وانا بسال نفسي عن الرقم ده ودخلت search (ابحث عنه) في ابليكيشن المكالمات وفي نفس اللحظة الرقم اتصل للمرة الخامسة وكان من ذوي الأصوات الناعمه بنوته صوتها في مقتبل العمر
الو مساء الخير
مساء النور يا فندم
الأستاذ/ محمد ثابت
ايوه يا فندم
مع حضرتك ...........
اهلا بحضرتك
اهلا بيك يا فندم ممكن سؤال
اه طبعا بس محتاج اعرف حضرتك موكله عندي في المكتب
لا خالص
طيب ممكن اعرف جبتي رقم تليفوني منين او من فين
هقول لحضرتك بس ممكن الأول اسال حضرتك
اه يا فندم اتفضلي
انا عايزه اتطلق
وبدات طبعا اسال اساله من نوعيه حضرتك متجوزه من قد ايه وطبيعه عمل الزوج والشقه ملك ولا الايجار وفي أولاد ولا لا وهكذا علشان اعرف ارد الرد اللي يناسب كل قضيه وطبعا الاستاذه مسترسله في الكلام وقالتلي هو انا ينفع ابعت الاستشاره علي التليفون بدل ما اجي كانت الاجابه اه تمام هبعت لحضرتك رقم الشباب وهما هيبعتوا التفاصيل لحضرتك بس اسمحيلي اسال حضرتك علي رقم تليفوني حضرتك جبتيه منين
ايه ده يا أستاذ محمد انت متعرفش ان حضرتك مشهور جدا علي جروب مطلقات حائرات😂😂😂
وهنا كانت الصدمه والله ما عرفت أفرح إني مشهور ولا أزعل اني اسمي في الجروب ده و ليه يبقي في جروب اسمه مطلقات حائرات 😅ياعني هما المطلقات حائرات ليه 🤔ولدرجة انهم يعملوا جروب اسمه مطلقات حائرات هو الحيرة شرط من شروط الانضمام؟😂😂😂
وبعدين أنا اسمي يتحط هناك ليه؟
يا جماعة ما كنتوا سألتوني قبل الطلاق يمكن كنتوا خرجتوا من الجروب أصلًا ومابقتوش حائرات ولا حاجة 😂
قفلت التليفون وبصيت لفنجان القهوة وقعدت أغني
يا مصر بتعمليها إزاي؟ 🇪🇬😂

20/06/2026

#١٥ـحكايه

راجع حران من محكمة التجمع تكييف العربيه بعافيه شويتين مش عارف ايه اللي حصله دخلت المكتب الهث علي شوية شاي
يادوب عملت الكوبايه وشغلت التكييف وقعدت شربت ميه ويادوب خلصت الشاي
لقيت تليفوني الجميل بيرن
الاستاذه …..
الو مساء الخير استاذ محمد
مساء الخير يا فندم
اسفه اني بكلم حضرتك دلوقتي
لا يا هانم انا في المكتب والساعه لسه 4 العصر اتفضلي مع حضرتك
ممكن سؤال من فضلك
طبعا طبعا
دلوقتي طليقي بيعدي من تحت البيت
معلش يا هانم مش فاهم
دلوقتي يا استاذ محمد طليقي بيعدي من تحت البيت كل يوم
مايعدي يا فندم
انا مش عايزاه يعدي حضرتك ينفع اعمله محضر
محضر بايه يا استاذه …..
محضر ااااااا
انا مستني اعرف محضر بايه يا فندم
مش عارفه ماهو حضرتك محامي تقدر تتصرف
يا فندم هتصرف في ايه واحد بيعدي في الشارع بص لحضرتك اتكلم مع حضرتك قال اي حاجه لحضرتك
ليه يا استاذ محمد انا هستني لما يقول
سكت للحظات وقلت لها يا فندم
احنا لو كل واحد عمل محضر في التاني انه بيعدي من تحت بيته مصر كلها هتتحبس يا استاذه
قفلت المكالمه بعد ما الاستاذه مقتنعتش وسؤال في دماغي
احنا مأخدنهاش دي في الكليه 🤔
#١٥ـحكايه

25/05/2026

السادة الكرام،
كل عام وحضراتكم بخير وعيد أضحى مبارك أعاده الله عليكم بالخير واليمن والبركات.

يرجى التكرم بالعلم بأنه سيتم استئناف مواعيد العمل اعتبارًا من يوم الإثنين الموافق ١ يونيو ٢٠٢٦ وذلك من الساعة الثانية عشرة ظهرًا حتى الساعة الثامنة مساءً طوال أيام الأسبوع، فيما عدا يومي الخميس والجمعة عطلة أسبوعية.

13/05/2026

مشروع وزارة العدل الخاص بـ الذي قدمته الحكومة إلى مجلس النواب لإقراره، أثار حالة واسعة من الجدل والاعتراضات داخل الأوساط القانونية والمجتمعية، بسبب ما تضمنه من مواد تتعلق بالرؤية والاستضافة والنفقة والولاية التعليمية ومسائل الأسرة المختلفة، حيث انقسمت الآراء بين مؤيد يرى أنه محاولة لتنظيم النزاعات الأسرية بشكل أكثر حداثة، ومعارض يعتبر أن بعض مواده قد تُحدث خللاً في التوازن بين حقوق الأب والأم والطفل.
ولا تزال المناقشات مستمرة تمهيداً للوصول إلى صيغة نهائية تحقق العدالة وتحافظ على استقرار الأسرة المصرية

مادة (١):
======
يجوز للزوج الطعن بالاستئناف والنقض على حكم الخلع، ويُشترط لقبول دعوى الخلع رد مقدم الصداق والشبكة كاملة، وإثبات ذلك في منطوق الحكم.

مادة (٢): -
======
إذا امتنعت الزوجة عن استلام النفقة عمدًا بقصد الإضرار بالزوج أو رفع دعوى حبس ضده، تُسقط عنها النفقة عن الفترة الممتنعة فيها، ويُعاقب من يثبت تعمده الإضرار بالآخر.

مادة (٣): -
======
في حالة هجر الزوجة منزل الزوجية دون مبرر شرعي أو قانوني، تُوقف نفقتها من تاريخ الهجر، ولا يجوز لها المطالبة بنفقة زوجية وهي مقيمة في بيت غير بيت الزوجية.

مادة (٤): -
======
لا يجوز للمطلقة الحاضنة الجمع بين أجر المسكن أو شقة الحضانة وبين زواج عرفي أو رسمي جديد، ويُعد ذلك تحايلاً على القانون ويُعاقب عليه بالحبس أو الغرامة.

مادة (٥): -
=====
يُعاقب بالحبس مدة لا تقل عن ستة أشهر أو بغرامة مالية كل من يثبت عليه التحايل على الدولة أو الزوج في استحقاق النفقة أو الدعم المالي دون وجه حق.

مادة (٦):-
======
يُقر نظام الاستضافة للأب بما لا يقل عن يومين أسبوعيًا، ويجوز زيادتها باتفاق الطرفين أو بحكم قضائي، ضمانًا لحق الطفل في التواصل مع والده.

مادة (٧):-
=====
لا يجوز للحاضن أو الحاضنة السفر بالأولاد القُصَّر خارج جمهورية مصر العربية إلا بموافقة كتابية موثقة من الطرف غير الحاضن، أو بإذن قضائي مسبب يصدر من المحكمة المختصة بعد التحقق من عدم الإضرار بحقوق الطرف الآخر.

مادة (٨): -
======
في حالة مخالفة هذا النص والسفر بالأولاد خارج البلاد دون إذن، يُعد ذلك تهريبًا للأطفال ويترتب عليه:
1. سقوط الحضانة فورًا عن الحاضن أو الحاضنة.
2. إلزام المخالف برد الأولاد إلى مصر على نفقته الخاصة.
3. معاقبته بالحبس مدة لا تقل عن سنة أو بغرامة مالية لا تقل عن خمسين ألف جنيه.
4. حرمانه من أي حقوق حضانة مستقبلية إلا بقرار قضائي خاص.

مادة (٩): -
======
يجوز للنيابة العامة إصدار قرار منع سفر مؤقت للأطفال القُصَّر بناءً على طلب الطرف غير الحاضن، لحين الفصل في النزاع قضائيًا.

23/03/2026

ازاى تأجر شقتك وانت مطمن بدون اللجوء لدعوي طرد المستأجر ؟

تصديق عقد الإيجار فى الشهر العقارى بالصيغة التنفيذية يوفر وقت وجهد ورسوم فى إخلاء المستأجر عقب إنتهاء مدة عقد الإيجار .

اولا يتم تحرير عقد مزيل بالصيغة التنفيذيه ويتم التوقيع عليه من الطرفين وسداد الرسوم بالشهر العقاري ( عقد صيغة تنفيذيه مش مجرد تصديق علي التوقيعات)
ثانيا بمجرد إنتهاء المدة يتم عمل إنذار علي يد محضر بالتنبيه علي المستأجر بالإخلاء
ثالثا يتم تقديم الأوراق لإدارة التنفيذ وعمل توكيل بالتنفيذ
رابعا يتم تحديد يوم للتنفيذ
خامسا يتم موالاة التنفيذ وإستيفاء التأشيرات حسب عقبات التنفيذ او الإشكال
واخيرا يتم تسليم العين بعد إخلائها
بناء على طلب كثير من الزملاء ننشر خطوات تصديق عقد الإيجار وتذييله بالصيغة التنفيذية .

السند القانونى

قانون رقم ١٣٧ لسنة ٢٠٠٦ بتعديل بعض أحكام القانون رقم ٤ لسنه ١٩٩٦ بشان سريان أحكام القانون المدني علي الاماكن التي انتهت أو تنتهي عقود ايجارها دون ان يكون لاحد حق البقاء فيها :-
( الجريدة الرسمية – العدد ٢٣ مكرر في ١١ يونية سنة ٢٠٠٦ )
باسم الشعب
رئيس الجمهورية
قرر مجلس الشعب الاتي نصه ؛وقد اصدرناه :
( المادة الاولي )
تضاف فقرة ثانية الي المادة الثانية من القانون رقم ٤ لسنة ١٩٩٦ المشار اليه نصها الاتي :
"ويكون للمحررات المثبتة لهذه العلاقة الايجارية وشروطها وانتهائها قوة السند التنفيذي بعد توثيقها بحضور اطرافها "