https://www.facebook.com/300304546499865/

مؤسسة الطنطاوى للمحاماة وريادة الاعمال, مصر, Giza (2026)

19/08/2026

التصدى لقضايا النصب الاكترونى
بيسرقوك وانت فاكرهم خدمة العملاء

16/07/2026

مرة كنت قاعد مع صديق ليا وهو مدير تنفيذي في شركة كبيرة سألني سؤال غريب شوية هو انت الذاي بتترافع عن حد انت عارف أنه فعلا قاتل الذاي بتقدر تدافع عنه هو قالها وسكت وانا فاهم أنه قصده يقول لي ضميرك بيكون مستريح يعني في وقتها سكت كده وقلتلة افرض وانت نازل مروح حالا بعربيتك طلع عليك بلطجية وثبتوك وطلعت سلاحك وضربتهم بالنار موتهم انت كده غلطان ولا صاحب حق ابتسم ونظر لي نظرة أنه فهم قصدي وسكت
وانا كمان بعدها سكت لمدة دقيقتين والتفت وقلتلة بص مش كل مجرم مذنب وأوقات كتير اللي بيرتكب جريمة بيكون ده مجرد رد فعل لظروف قاسية وصلته للحالة دي، وأوقات بيكون شايف إن اللي عمله هو الحل الوحيد قدامه. وممكن كمان يكون له حق أكتر مما الناس كلها متخيلة، لكن محدش سمعه ولا عرف حكايته. أنا كمحامي قبل ما أبص على الجريمة، ببص على الإنسان وظروفه والدافع اللي وصله لكده ودوري مش إني أبرر الجريمة لكن أتأكد إن القانون اتطبق صح وإن كل ظروف الواقعة اتحطت قدام المحكمة من غير ظلم ولا تعسف لأن العدالة مش إنها تشوف الفعل بس العدالة إنها تشوف الحقيقة كاملة وفي الآخر المحكمة هي اللي بتحكم وأنا واجبي أدافع عن حق أي إنسان في محاكمة عادلة واتأكد من تطبيق صحيح للقانون وده بيفكرني ب قضية كانت عندي كان عندي مرة موكل كان هربان علشان عليه قضية تزوير وحكم غيابي ب 15 سنة ف مراته واخته اتقبض عليهم لحد م يسلم نفسة ف راح سلم نفسة قلولة لا ده مش هنا انت هتروح تسلم نفسك في قسم الجيزة قلهم الزاي وانا الحكم اللي عليا تبع قسم الطالبيه المهم راح واخته ومراته خرجو وهو دخل للمباحث وقلهم سلموني لو سمحت بسرعة للنيابة علشان اعمل إعادة إجراءات قلولة استني مش لما يتحقق معاك في تهمة القتل الاول قلهم نعم قتل مين قلولة بنتك قلهم م شاء الله هو انا عندي بنت كمان ودي خلفتها أمتي دي وبالفعل نزل متهم في قضية قتل بنته اللي هو اصلا عمرة م شافها ولا يعرف أن عنده بنت اصلا بس اهو التحريات نزلته متهم لمجرد تصفية حسابات وفي الاخر اترافعنا وربنا أراد بالبرائة بعد م أثبتنا أن في خلاف وشكاوي سابقة بينه وبين ضباط المباحث وأنهم نازلين متهمين في قضايا هو اشتكاهم فيها لكل قضية بصمة وحكاية مختلفة عن الاخري ففي قضية قد يكون المتهم متهم وفي قضية أخري نفسها قد يكون المتهم صاحب حق
#طنطاوي
#جنايات
#حقوق

15/07/2026

الحمد لله وفقنا اليوم أمام محكمة جنايات ثالث اكتوبر بالحصول علي برائة من عشر سنوات بعد ما أثبتنا خطأ النيابة في الإجراءات من عدم تحليف الشاهد اليمين القانونية وإثبات أن للواقعة شكل اخر غير المثبت بالاوراق وكان فضل الله علينا عظيما
#محامي #جنايات
#طنطاوي
#ثالث #أكتوبر

27/06/2026

كان الوقت داخل على الفجر في إسكندرية… الشوارع هادية والبحر صوته أعلى من صوت العربيات.
الدكتور أحمد كان راجع بعد ٣٦ ساعة متواصلة في مستشفى الجامعة تابع جامعة الإسكندريةعيونه محمرة من السهر، والبالطو الأبيض مرمي على الكرسي اللي جنبه.
وقف عربيته على جنب الطريق شوية يتفرج علي البحر و علشان ياخد نفسه ويشرب قهوة من الكوباية الورق اللي كان شاريها وفجأة وقف جمبه أمين شرطة من قوة كمين قريب.
قاله بعصبية: واقف هنا ليه؟ انزل وطلع الرخص.
الدكتور أحمد حاول يتكلم بهدوء: حاضر يا بافندم أنا دكتور امتياز وراجع من الشيفت.
لكن أمين الشرطة كان أسلوبه خشن جدًا، شد باب العربية بعنف وقال: انزل لما أكلمك
هنا أحمد اتضايق تعب وسهر وإهانة بدون سبب. رد بعصبية لكنها محترمة: يا أستاذ اتكلم باحترام شوية، حضرتك بتكلم دكتور مش واحد صايع
الجملة دي قلبت الدنيا.
أمين الشرطة حس إن كرامته قدام القوة اتهزت صحيح ايه يجيب امين شرطة جاهل وغير متعلم لدكتور
بص للدكتور بنظرة كلها غل وقال: استنى بس هوريك وطلب الشرطة علي اللاسلكي
بعد دقايق وصلت القوة والضابط نزل من العربية.
الكلام اتقلب فجأة من واقف ليه هنا؟ إلى فتشوا العربية
الدكتور احمد واقف مذهول
العربية متفتشتش قدامه بشكل واضح لأنه الظابط سحبه بعيد عنها بحجة أنه بيدردش معاه ويفهم منه ايه حصل
وفجأة أمين الشرطة طلع فرد خرطوش ملفوف في قطعة قماش من تحت الكرسي الخلفي وهو بيقول: أهو السلاح يا فندم.
الدكتور حس إن رجله مش شايلة جسمه.
صرخ: سلاح إيه؟ ده مش بتاعي أنا أول مرة أشوفه
لكن محدش كان بيسمع.
في دقائق اتحول طبيب امتياز بيحلم يفتح عيادة ويعالج الناس إلى متهم في قضية سلاح ناري فرد خرطوش
أهله لما عرفوا الخبر انهاروا.
أمه كانت بتعيط وهي بتقول ابني عمره ما مسك مطواة حتى
وفي النيابة
كان أحمد واقف لكن المرة دي مش وسط مرضى، وسط متهمين.
كل الناس بصاله باستغراب: دكتور وسلاح؟
وللاسف اتحكم عليه ب 3 سنين سجن
ولما جات لي القضية المكتب علشان اترافع في الاستئناف وشوفت ملف القضية حسيت إن فيه حاجة غلط
محضر التحريات مكتوب بطريقة محفوظة
ولا فيه بصمات على السلاح
ولا فيه شاهد شافه ماسك السلاح
وحتى مكان الضبط نفسه متناقض بين أقوال القوة امين الشرطة والضابط
لكن أهم تفصيلة كانت جملة الدكتور وقت القبض عليه.
حضرتك بتكلم دكتور مش واحد صايع.
الجملة دي كانت مفتاح القضية كلها لأنها كشفت الدافع الحقيقي لتحويل موقف عادي إلى قضية انتقام وإهانة سلطة
وفي الجلسة
وقفت قدام المحكمة وقلت:
بعد أن انهيت المرافعه ببطلان الإجراءات خصوصا وأن الرخص سليمة وان المكان اللي قالو انهم طلعة السلاح منه ليس من حقهم استراق النظر آلية ولا يجوز الوصول آلية الا بالتفتيش وهنا التفتيش باطل لعدم وجود سبب للقبض وعدم وجود بصمات علي السلاح ثم انهيت مرافعتي بالآتي
سيدي الرئيس
لو كان هذا الشاب مجرمًا لما عاد من المستشفى مرتديًا بالطو الامتياز، ولما كانت يده تحمل آثار المطهرات بدل آثار البارود.
هذه القضية بدأت بإهانة نفس، لا بضبط سلاح.
وبين الغضب والسلطة أو من ظن نفسة يملك سلطه وهو ضابط ب 60 في المئة وأمين شرطة جاهل مش متعلم ضاع شاب كان كل حلمه أن يصبح طبيبًا محترمًا.
القاعة سكتت بالكامل والقاضي بص الدكتور احمد وسألة انت في سنة كام وتقديراتك ايه عامة المحامي بتاعك مش مصدق انك متهم ي احمد لانه من اول كلمه ليه في مرافعته وهو بيترافع مبيقولش عليك متهم بيقول الدكتور احمد احكي لي يا احمد اللي حصل
والدكتور أحمد كان واقف ينظر لي وللمحكمة نظرة رجاء ونظرة امل ويحكي
لأنه لأول مرة منذ القبض عليه حس إن فيه حد مصدقه
والحمد لله انتهي الحكم بالبرائة
#حسن #طنطاوي
#المحامي
#جنائي

22/06/2026

كنت كتبت منذ فترة عن راجل حر من رجال سوهاج وقام ضابط بضربه فرد الصاع صاعين للضابط ثم ووجهوا له تهمة تعاطي مواد مخدرة وأثناء وجودة أمام النيابة لم يقل بما حدث وعندما ترافعت أمام المحكمة أعطته سنة مع الشغل وغرامة عشرة الاف جنية ساعتها انتابني الحزن والقلق علي موكلي ماذا سيفعلون به وهو راجع لهم مرة أخري وفورا ارسلت شكوي للنائب العام بما من الممكن أن يحدث له في محبسه وتحركت فورا بعمل استئناف ومن حسن الحظ انة نزل جلسة الاستئناف في اقل من شهر ونص واليوم ترافعت بكل ما أوتيت من قوة أمام دائرة مستأنف زايد الدائرة 22 وكانها اهم قضية في حياتي مع العلم اني اتعامل بجد في اي قضية وكأنها الاهم والحمد لله اليوم تم تعديل الحكم الي ستة أشهر مع ايقاف التنفيذ والاكتفاء بالغرامة
وكان فضل الله علينا عظيما وسينام موكلي غدا مع اسرتة أن شاء الله
#الطنطاوي
#للمحاماة

21/06/2026

الحمد لله والشكر لله رزقنا الله وكلل جهود المستشار حسن طنطاوي اليوم برائه في قضية قتل بمحكمة جنايات الجيزة الدائرة 18 ومن المعروف عن هذه الدائرة أنها صارمة في أحكامها فرسمنا خطة الدفاع لنستشفى غضب المحكمة ولنجعلها علي اشتياق لاستماع المرافعه حتي آخرها واشتياقها لاستلام المستندات
وما توفيقي الا بالله
#المستشارحسن
#الطنطاوي
#للمحاماة
01150716982

02/06/2026

مع ليدات سيارات بسعر الجملة – حصلت على تقدير منذ قليل لكوني أحد أبرز المعجبين لديه! 🎉

02/06/2026

كانت قضية سلاح في إسكندرية، والمتهم شاب شغال سواق على عربية نقل خضار، بسيط جدًا ومالوش أي سوابق.
النيابة كانت موجهاله تهمة حيازة سلاح عبارة عن فرد خرطوش بدون ترخيص، والمحضر معمول بدرحة اتقان في الكلام كأنه واحد داخل يعمل مصيبة مش مجرد حيازة سلاح.
القصة بدأت لما قوة أمنية كانت راجعة من تنفيذ مأمورية في منطقة العصافرة ولاحظوا عربية نص نقل واقفة قدام عقار قديم. الضابط قال في المحضر إن السواق أول ما شاف القوة ارتبك ونزل بسرعة من العربية وطلع على السلم يجري فالقوة طلعت وراه.
وبتفتيش المكان لقوا فرد خرطوش ملفوف في قطعة قماش فوق خزان المياه علي السطح
الضابط كتب جملة خطيرة جدًا: “وبمواجهة المتهم بالمضبوطات اقر بحيازته السلاح والقبض كان نتيجة أنه بانت عليه علامات الارتباك.
الجملة دي كانت كفاية تخلي أي حد يفتكر إن القضية خلصت.
لكن أول ما المتهم دخل المكتب، حسيت إن فيه حاجة غلط. الراجل كان مرعوب فعلًا بس مش خوف المجرمين، خوف واحد اتحط في مصيبة أكبر منه.
سألته:إنت كنت طالع العمارة ليه؟
قال إن فيه زبون من السكان كان طالب منه ينقل شوية كراتين خضار لشقته، وإنه أول مرة يدخل العقار أصلًا.
نزلت بنفسي عاينت المكان.
لقيت العقار مفتوح بالكامل، السلم مفيش عليه باب، والسطح مفتوح، وفيه عمال وسباكين وطالع نازل طول اليوم. يعني مكان السلاح مش تحت سيطرة حد معين أصلًا.
لكن الحاجة اللي قلبت القضية فعلًا كانت تفصيلة صغيرة جدًا
وأنا ببص في المحضر، لقيت ساعة الضبط مكتوبة فوق كشك خفيف كده
طلبت من المحكمة استخراج دفتر الأحوال الخاص بالقوة والمأموريه اللي كانو فيها
ولما الدفتر جه، اتضح إن توقيت المأمورية مختلف عن توقيت الضبط المكتوب في المحضر بحوالي ساعتين ونص كاملين
هنا بدأت الأسئلة تظهر:
إذا كان توقيت الضبط متغير… إيه اللي حصل فعلًا خلال الساعتين ونص. دول ؟
وليه مفيش بصمات مرفوعه من السلاح؟
وليه السلاح منضبطش مع المتهم نفسه بل في مكان مشترك يطلع له أي شخص؟
في الجلسة، الضابط حاول يتمسك بفكرة الارتباك طب والساعه الفرق كان لا يتذكر طب لما جري كان في ايدو حاجة ولا فاضية برضو ،لا اتذكر ،طب مسكته فين بالضبط في نص السلم
فقولتله: يعني أي مواطن يشوف قوة أمنية فجأة ويخاف يبقى كده حائز سلاح؟ أو عامل مصيبه
وطلبت الشاهد اللي المتهم كان رايح @ يودي له الخضار وجه في المحكمة وشهد بده
المحكمة سكتت تمامًا.
وفي المرافعة قلت للمحكمة
القانون لا يعاقب الناس على الخوف ولا على وجودهم في مكان ما مفتوح .
الحيازة لازم تكون يقينية، واضحة، وتحت سيطرة كاملة.
أما الشك، فمكانه الطبيعي هو البراءة.”
وخرج الحكم آخر الجلسة:
براءة.
#محامي
#جنايات
#قضاياجنائية@

12/05/2026

من حوالي اربع شهور مدير مكتبي كلمني أستاذ حسن في موكل أعطيناه موعد يوم الثلاثاء بعد الساعة ٣ العصر وهو جاي لك من سوهاج مخصوص جالي لقيت داخل عليا راجل كبارة محترم يرتدي الجلباب الصعيدي وباين عليه الهيبه والوقار اهلا وسهلا بحضرتك اهلا بيك ي أستاذ سمعنا انك من نواحينا ,, اهلا وسهلا بيك منين حضرتك من سوهاج ي أستاذ ,,اطيب واجدع خلق الله اتفضل خير,,, اخويا الصغير واخد حكم بعشر سنين في قضية سرقة بالاكراه ومعاه اتنين تانيين هربانين يعتني ليك واحد الحاج فلان وشكر قوي فيك ,, قلتلة تمام ممكن ورق القضية اتفضل دي نسخه منها قلتلة تشرفني كمان أسبوعين ,,, وكانت قصة غريبة جدا بس كل الأدلة فيها محبوكه جدا لدرجة انك مينفعش تطلع منها ثغرة المتهم بيقول كنت انا وواحد صاحبي في فرح قلي تيجي معايا رايحين نغير عملة تخص شخص تالت وهنطلع بعشرين الف جنيه وبعدين قلتلتة ماشي وروحت معاه جه الراجل وفجأه مسك في صاحبي ومسك في الشنطه اللي فيها الدولارات نزلت جري من العربيه ضربته وفجأه ظهر ظابط دخل خبطني بالعربيه بتاعتة ووقعت علي الأرض وبعدها الناس اتلمت علينا ومسكونا مع الظابط وروحنا القسم وطلعنا النيابة ,,,انتقلت لقرائة اقوال المجني عليه في النيابة ايه اللي حصل ؟ اللي حصل اني لقيت واحد علي النت ٣ تلفونات ايفون بأقل من سعرهم في السوق وكلمته وروحت له واتقابلنا في شارع الشهيد في سوهاج وروحت علشان اشوف التلفونات لقيته جاي وممعهوش حاجه وانا كان معايا الفلوس وبعدين قلي دي الفلوس اللي في الشنطه قلتلتة ايوة خد مني الشنطه ونزل صاحبه ضربني بالمطوة ومسكت فيهم لحد م جه الظابط لحقني ؟ حصل امتي الكلام ده؟ الساعة عشر صباحا يوم الجمعه
جه الظابط اتسال ؟ انا شغال في قسم الحي العاشر وانا في إجازة وكنت بجيب حاجات من السوبر ماركت وانا خارج لقيت خناقة جريت مسكتهم وعورو الراجل ده بمطوه في دراعه وطلبت رئيس المباحث بتاع المنطقه بالتلفون كان عندي في عشر دقايق ؟
جه رئيس المباحث : اتسال؟ حصل وطلبني عبد الرحمن بيه وروحت له وقضت عليهم وكان قصدهم السرقه بالاكراه ؟
القضيه أصبحت قدامي متقفلة المتهمين كنا رايحين نغير عملة ؟
المجني عليه كنت رايح اشتري تلفونات منهم بسعر لقطه : أي حد يقرأ القضية دي يحس انها متقفلة ضبه ومفتاح :
لكن لما بصيت علي التقرير الطبي بتاع المجني عليه لقيته معمول في نفس الساعه اللي اتفتح فيها محضر الضبط وهنا عرفت المجني عليه كذاب والضباط كذابين
جيت في اليوم الموعود يوم الاستئناف : وطلبت من المحكمة طلب غريب أولا ان تكون المرافعه في المداولة وثانيا طلبت جميع الشهود الضباط والمجني عليه لسؤالهم ومش هترافع غير لما يجو لان ليا اسالة ولازم اجابه ليها ولازم ميكونوش قدام بعض :
بالفعل المحكمة جابت المجني عليه في يوم والظابط اللي شغلة في العاشر جه في يوم تاني بعدها بشهر
المجني عليه ؟
قلي ي مينا : انت شفت اعلان علي الفيس ؟
ايوة : ممكن صورة للإعلان ده الذاي مقدمتوش للنيابة ؟
قلي علشان اتمسح قلتلة تمام
هو التلفون اللي كان معاك يوم الواقعة هو التلفون اللي معاك لما روحت النيابة ؟
ايوة :
وطبعا معاك دلوقت ؟
ايوة ؟
طب ممكن تفتح برنامج اندريف وتطلع لينا سجل الرحلات بتاعتك
لا م انا غيرت التلفون
طايب الظابط اللي جه لحقك ؟
كان راكب عربيه ولا ماشي علي رجله ؟
علي رجله ؟
كان لابس ايه ؟
بدله وعليها نجمتين
الواقعه انت قايل انها حصلت امتي ؟
الساعة ١٠ الصبح
شكرا

جه الظابط :
حضرتك كنت في إجازة صح؟
ايوة
كنت في اليوم الكام بالظبط ؟
مش فاكر
يعني مكانش اول يوم مثلا؟
لا خالص ده انا فاكر كانت اجازتي قربت تخلص
كنت بتعمل ايه في مكان الواقعه ؟
نازل اشتري حاجات من السوبر ماركت
معلش انا اسف : كنت لابس ايه ؟
بصلي باستغراب
كنت لابس ترنج
قلتلتة م انا عارف اكيد م انت في إجازة مش هتلبس البدلة يعني
اخر سؤال ؟ هي الواقعة كانت الساعه كام بالظبط ؟
المغرب .
شكرا
رئيس المباحث القائم بالتحريات جه علشان يتسأل؟
هو سؤالين انت كنت بتعمل ايه في مكان الواقعة ؟
كنت بلف في دورية والملازم اول عبد الرحمن كلمني وقلي ف روحت علي هناك
كنت في مامورية مخصوص ولا كنت بتلف تامين للمنطقه ؟
لا تامين المنطقه
الواقعة كانت امتي ؟
لا كانت بليل لان اعمة الانارة كانت شغالة
شكرا :
طلبت من المحكمة اجل يوم للاستعداد للمرافعه مع تسليمي صورة من اقوال الشهود
سيادة الريس الضباط والمجني عليه هما التلاته كذابين
الحكاية كلها ان البهوات الضباط كانو عاوزين يلعبو لعبه حلوة ويمسكو قضية عملة بس خابت منهم لانهم مكانوش متوقعين ولا عاملين حسابهم ان المتهمين هيكون معاهم واحد تالت مستني الناحية التانية تحت الكبرى بعربيه ومعاهم مطوة وهيعورو المجني عليه وواحد منهم هيجري بشنطة العملة ويهرب ويركب العربيه والمتهم التاني يهرب بيه ومدام مفيش عملة يبقي مفيش قضية فقالو ايه بقي هما والمصدر السري المجني عليه مدام مسكو الواد وخبطوة بالعربيه واتعور يبقي يتعمل له سرقة بالاكراه والدليل ان أولا مفيش ضابط في إجازة وهيلبس البدلة بتاعته
ثانيا ان محضر الضبط اتفتح في نفس الوقت اللي اتعمل فيه التقرير الطبي هو المجني عليه كان طالع بمنظرين في المستشفى وفي القسم بيعمل المحضر
ثالثا المجني عليه مطلعش لينا سجل الرحلة يعني بتاع برنامج اندريف اللي كان راكبه
رابعا: هو الزاي رئيس المباحث يوم جمعه والساعة ١٠ الصبح في الشارع وبيلف لضبط الخارجين علي القانون ده انا لما بروح اسال علي أي رئيس مباحث بعد الضهر ي أستاذ يكون صحي وجه من الاستراحه
خامسا هما الزاي أصلا اتلغبطو في موعد الواقعة واحد يقول الصبح وواحد يقول بليل وواحد يقول المغرب وعلشان الكذاب دايما نساي هما التلاته اتلغبطو في الموعد ودايما أي حد بيعمل حاجه غلط لازم يسيب وراه دليل
سعتها العضو اليمين سالني سؤال يعني انت عاوز تقول انهم بيتاجرو في العملة قلتلة لا استني م هو لو بيتاجرو في العملة يبقي برائة لان مفيش حرز وبعدين لو عملة يبقي هات المجني عليه معاهم متهم هو كمان وانا أؤكد لك ان ساعتها المجني عليه هيقول اقوال هتخليكم تنزلو الاتنين الضباط هما كمان متهمين واراهنك اصل ايفونات ايه اللي الواحد يروح يشتريها في الشارع في واحد هيروح يشتري ب ١٨٠الف جنيه تلفونات تحت كبري ومن غير م يروح يكشف عليهم في محل اذا كانو اصلي ولا مضروبين طب فين ال١٨٠ الف بلاش طب فين التلفونات بلاش هو مش قال الضابط كان لابس البدلة والضابط قال كان لابس ترنج يباشا التلاته كذابين
وبعد المداولة تم تعديل الحكم من ١٠ سنين ل ٣ سنوات

10/05/2026

كان يوم عادي جدًا بالنسبة لي في العشرالاواخر من رمضان قاعد في المكتب براجع شوية قضايا، فجأة الموبايل رن عم محمد المكوجي اللي بكوي عنده البدل بتاعتي كلمني الو انت فين أستاذ حسن ,,
انا في مكتب المريوطية ي عم محمد طايب انا جايلك,, دخل عليا وهو متوتر على غير عادته ،،عم محمد راجل بسيط، من الناس اللي وشوشهم فيها طيبة البلد القديمة عمره ما طلب مني حاجة لنفسه.
قالي بصوت مكسوف:
“يا أستاذ حسن فيه ست طيبه جدا واقعة في مشكلة هي وبتها وابنها مالهمش غير ربنا معلش شوفهم بنفسك قلتلتة قضيتها ايه قلي جوزها طردها هي وبنتها وابنها في الشارع
قولتله إن قضايا الأسرة اللي مسؤل عنها في المكتب أستاذة مريم ، وإن أستاذة مريم هي اللي متخصصة فيها ممكن يجو ليها بكرة ان شاء الله لكنه رد بسرعة:
هما في مصيبة دلوقتي اسمع منهم وبعدين ابقي قول ليهم يعملو ايه قلتلتة ماشي
خليها تدخل ودخلت الست ومعاها بنتها وابنها
الست كانت باين عليها إنها مش نايمة من يومين عيونها حمراء، وإيديها بتترعش وهي ماسكة شنطة قديمة
أما البنت فكانت ساكتة وسرحانه بطريقة تخوف.
السكوت أحيانًا بيكون أصعب من العياط.
قعدوا قدامي وسألت بهدوء:
خير إيه اللي حصل؟
الست خدت نفس طويل وقالت:
“انا نفسي مش عارفة ايه اللي حصل
ندهت السكرتير جاب ليهم عصير وماية ساقعة علشان يهدو قلتلهم نتكلم بعد م تشربو وبعدين سألتهم حصل اية قالتي جوزي طلقني من سنة يا أستاذ ومن أسبوع دخل عليا الشقة ومعاه رجالة.
بصيت للبنت لقيتها منزلة عينها في الأرض.
الأم كملت:
أنا وبنتي كنا لوحدنا في الشقة واخوها اللي هو طالب في تانية ثانوي كان في الدرس ساعتها ,, فجأة الباب اتفتح ودخل هو ومعاه اربع رجالة وكنا لسة صاحيين من النوم قلتلها نعم دخل عليكوومعاه رجالة الزاي يعني قلتلي والله زي م بقولك ورمونا بره. والبنت كانت ببجامة النوم يدوب لحقت جريت لبست الطرحه والاسدال
انفعلت وقولتلها انتو كدابين مستحيل أب يعمل كده وعلي فكرة هتأكد من الكلام ده قلتلي اسال البواب م هو كان طالع معاه لما حس ان فيه حاجه غلط وهو اللي شد معاهم علي م انا والبنت لحقنا لبسنا قلتلها
طب والبوليس؟
ردت وهي بتبلع دموعها:
أول ما قلت هطلب الشرطة ورفعت التلفون واحد منهم شد مني التلفون وطردونا برة نزلت تحت لقيت عربيات علشان تحمل العفش عم محمد طبعا محلة قدام العمارة اداني التلفون وطلبت البوليس ولما عرفو اني طلبت البوليس الرجالة اللي معاه جريو وبعد نص ساعة لقيت مراته الجديدة هي وابنها جايين وطلعو الشقة
والبوليس جه وخدني انا وهو وروحنا القسم,, المامور كان راجل محترم لما سمع اللي حصل عمل محضر وروحني وحبسة هو يتعرض علي النيابة تاني يوم وبعدين النيابة ادولة قرار تمكين علشان انا مطلقة والأولاد عدو سن الحضانه
سكتت شوية بصيت للبنت وانا خايف وقلقان من جوايا ,, وانتي كنتي فين لما راحو القسم البنت لأول مرة اتكلمت.
بصوت مبحوح قالت:
أنا عندي 22 سنة يا أستاذ حسن فضلت قاعده في الشارع لحد الساعة اتنين بالليل.
الجملة دي وقفتني.
22 سنة بنت جامعية المفروض أكبر همومها امتحان أو مشروع تخرج مش إنها تتشرد في نص الليل ومن مين ابوها
قالت وهي بتحاول تبقى قوية:
الجيران هما اللي دخلونا عندهم وابن مرات أبويا كان طول الوقت طالع نازل يشتري طلبات كأننا عمرنا ما عشنا في البيت ده وكانه بيتهم لحد م الجيران صعبت عليهم ودخلوني عندهم
سعتها انا كنت منهار من جوايا بس بحاول أكون متماسك يعني ايه الاب دخل رجالة علي بنته وطردها وكمان طلع بنته من الشقة وقعد مراته وابنها الزاي ده
في اللحظة دي حسيت إن القضية مش قضية أسرة دي قضية كرامة مكسورة ورجولة معدومة
بصيت للأم لقيتها مش زعلانة على الشقة قد ما زعلانة إن بنتها شافت كل ده
الأب اللي المفروض يبقى أمان بقى هو نفسه مصدر الرعب.
قلت لهم:
اطمنوا من اللحظة دي محدش هيرميكم في الشارع تاني وحقكم ربنا هيجيبه ان شاء الله
البنت لأول مرة رفعت عينها وبصتلي وقالت جملة عمري ما نسيتها:
أنا طول عمري فاكرة إن بابا ممكن يزعق يضرب يهين ماما لكن عمري ما تخيلت إنه يرمينا في الشارع الجملة دي دخلت قلبي بشكل شخصي.
لأن أصعب حاجة على أي بنت إنها تشوف أبوها يتحول من ضهر وسند لحد غريب ولما خلصو حكايتهم قومت من مكاني وروحت للشباك أبص للشارع شوية. الناس ماشية عادي عربيات قهاوي ضحك
ولا حد فيهم يعرف إن فيه بنت من شوية كانت قاعدة على الرصيف بتستخبى من نظرات الناس علشان متتحرجش
قلتلها متخافيش ان شاء الله ربنا ثم انا هيرجع لكم حقكم وكان واضح إن الجملة دي بالنسبة لها أهم من أي حكم محكمة فتحت الملف قدامي علشان اقرا قرار التمكين لكن الحقيقة إني مكنتش شايف ورق.
كنت شايف أم مكسورة وبنت فقدت الإحساس بالأمان في ليلة واحدة.
في شغلنا كمحامين بنشوف مصايب كتير قتل، نصب، خيانة، دم
لكن فيه نوع تاني من القسوة أخطر بكتير.
القسوة الباردة.
لما إنسان يقرر يكسر روح حد كان يوم من الأيام بيعتبره أهل.
بصيت للأب في الصور اللي قدامي في البطاقة وكارنية شغله لقيته ماشاء الله شغال شغلانه كويسة جدا جدا ويقدر يجيب شقة واتنين وتلاته وسألت نفسي:
إزاي راجل يهون عليه إن بنته تقعد على الرصيف للساعة اتنين بالليل؟
إزاي يطلع مراته الجديدة وابنها شقته وهو بنته بتعيط تحت البيت؟ ده تغور كل الدنيا باموالها بشققها بفيللها ولا ان بنتي يحصل معاها كده
كان جوايا حاجة مش مصدقة علشان كده جبت رقمه وكلمته وقلتلتة انسي اني محامي انا اقدر اوريك النجوم في عز الضهر برة شغل القانون خالص واقدر ادمر لك حياتك كلها هو سؤال واحد انت عملت كده فعلا رد وقلي انا مطلق الست دي وهي ملهاش تقعد في شقتي ومطلقها من سنه يبقي تروح عند أهلها وتروح بلدهم قلتلة صح هي مبقتش تخصك ولا تخص عرضكوتروح بلدهم عند اهلها طب وعيالك اللي جامعاتهم وحياتهم ودروسهم هنا سيبك من كل ده ،، هو سؤال انت عملت كده في بنتك فعلا ساعتها حسيته اتكسف وقلي هخلي المحامي بتاعي يكلمك وبالفعل كلمني المحامي بتاعة علشان نوصل لحل ودي وقلي انا هديهم ٧٥٠٠ كل شهر قلتلة والعفش قلي لا م انا لقيت القايمة في الشقة وكدة كدة انا هديها فلوس القايمة ٨٠ الف بس مش دلوقت كمان شهرين أكون قبضت المكافأه الثانوية سعتها قلتلة وهتسيب بنتك وابنك ينامو علي البلاط شهرين قلي لا طبعا الزاي وفجأه سعتها سمعت صوت واحده ست جمبه بتقول اه عادي م ينامو علي البلاط قلتلها انتي مين هو قال مراتي وهي قالت اخته فضحكت وقلتلة هينامو علي البلاط عيالك سكت ومعرفش يرد وسعتها الست دي اللي ردت عادي م هو نام في الحجز يومين ينامو هما كمان زيه,,, قتلة انت موافق علي الكلام ده قلي اه قفلت السكه في وشة وانا في زهول وخوف انا خفت سعتها وسالت نفسي هو انا ممكن أكون قاسي علي ولادي في يوم من الأيام كده الزاي اب يسيب ابنه وبنته ينامو علي البلاط او في الشارع من غير م يأويهم ويأوي في بيته ابن مراته انا كنت مزهول
الإنسانية مش فلوس ولا شقة
ولا مين كسب القضية.
الإنسانية إنك حتى لو كرهت أم أولادك متكسرش ولادك معاها.
إنك لما تحب تبدأ حياة جديدة متدفنش حياة ناس كانوا يومًا كل حياتك.
سعتها كلمت الست تجيلي وجات هي وبنتها وابنها وقلتها انا متولي قضيتك كاملة اتفضلي اعملي التوكيلات انتي واولادك قلتلي بجد ي أستاذ حسن وفي امل اني اخد حقي لانها فقدت الامل في القانون علشان قرار التمكين وانها معرفتش تثبت موضوع البلطجية اللي جابهم معاه قلتها القانون ساعات بيتأخرلكن لما يبقى وراك حق ودعوة مظلوم بييجي.
البنت ومامتها وقتها بدأو يعيطو لأول مرة.
مش عياط انهيار
عياط حد أخيرًا حس إن فيه حد سامعهم وفاهمهم
لكن بعد ما مشيوا فضلت قاعد لوحدي فترة طويلة.
كنت بفكر
قد إيه الدنيا بقت قاسية لدرجة إن الجيران هما اللي كان عندهم رحمة أكتر من الأب نفسه.
وعرفت وقتها إن أخطر حاجة ممكن تحصل للإنسان مش الفقر ولا الطلاق.
ولا الخسارة
وانا ك حسن طنطاوي للأسف بتعامل مع القضايا بشكل نفسي وشخصي شوية ويمكن ده مأثر عليا نفسيا كتير بس كنت فاكر اني اللي ممكن يأثر فيا جناية دم او قتل او اغ**اب او بلطجة او عدوان علي مال عام أيا كانوع الجناية ،،لكن مكنتش اعرف ان. هياثر فيا اوي ويجرحني في يوم قضية اسرية
#قضايا

مؤسسة الطنطاوى للمحاماة وريادة الاعمال

19/08/2026

16/07/2026

15/07/2026

27/06/2026

22/06/2026

21/06/2026

02/06/2026

02/06/2026

12/05/2026

10/05/2026

Address

Website

Alerts

Shortcuts

Share

Category

Listing takedown request