مكتب ال عراب للمحاماة و الاستشارات القانونية

  • Home
  • Egypt
  • Giza
  • مكتب ال عراب للمحاماة و الاستشارات القانونية

مكتب ال عراب للمحاماة و الاستشارات القانونية المحامي صاحب دور هام في المجتمع، فهو يمتهن مهنة عظيمة ?

05/06/2024

اعجبتني مقوله لاحد الفقهاء الفرنسيين ( ان اي منا يستطيع ان يمنع نفسه من ارتكاب جريمة و لكنه لا يستطيع ان يمنع ان يجد نفسه متهم )
#العراب ⭐⭐⭐

02/10/2023

👈 في القضايا الجنائية، ممكن المجني عليه يقر بالتنازل عن الدعوى الجنائية، وممكن في قضية تانية المجني عليه يقر بتصالحه مع المتهم

🌟 طب إيه الفرق بين المصطلحين "الصلح" و"التنازل"؟

قبل ما نجاوب السؤال، لازم نحدد الفرق الصغير بين "التصالح" و "الصلح"!!
👇
👈 "التصالح" بيكون بين "المتهم" و "النيابة" بوصفها "سلطة إتهام" عن طريق سداد جزء من مبلغ الغرامة المنصوص عليها في القانون (زي التصالح في جرائم المباني و جرام الكسب غير المشروع والجرائم الجمركية) ، وبيحكمه نص المادة (18 مكرر) من قانون الإجراءات الجنائية ، فممكن إن "التصالح" يتم "وقت تحرير المحضر" أو "في مرحلة التحقيق ـ أمام النيابة" أو "في مرحلة المحاكمة ـ أمام محكمة أول درجة"
👈 أما "الصلح" بيكون بين "المجني عليه" و "المتهم"، وبيحكمه نص المادة (18 مكرر "أ") من قانون الإجراءات الجنائية ـ خد بالك من الفرق بين (18 مكرر) و (18 مكرر "أ") وممكن يتم الصلح في أي مرحلة من مراحل الدعوى، أو حتى بعد بيتوتة الحكم فيها (زي جرائم الشيك والضرب وخيانة الأمانة مثلاً)
▪️ الصلح إذا حصل قبل بيتوتة الحكم، فبيترتب عليه "إنقضاء الدعوى الجنائية صلحاً" ، وإذا حصل بعد البيتوتة، فبيترتب عليه "وقف تنفيذ العقوبة"
▪️وفي نقطة تانية، إن "وقوع الصلح" بين المتهم و المجني عليه بيكون "ملزم للنيابة أو المحكمة" طالما كانت الجريمة من ضمن الجرائم المذكورة في نص المادة (18 مكرر "أ") ، لكنه غير ملزم في أي جريمة تانية (زي جرائم القتل مثلاً)
👈أما "التنازل" فبيكون محصور في "جرائم الشكوى" زي (جرائم السب والقذف وجريمة الزنا وجريمة السرقة بين الأصول والفروع و جريمة الفعل الفاضح غير العلني) والتنازل ممكن يكون "صريح" عن طريق الإقرار بيه قدام المحكمة، و ممكن يكون "ضمني" (زي معاشرة الزوج لزوجته بعد إرتكابها واقعة الزنا"
الفرق الجوهري بين "التنازل عن الشكوى" و "الصلح مع المتهم" هو:
▪️ أن "التنازل" لازم يحصل من المجني عليه شخصياً أو وكيله الخاص، لكن "الصلح " ممكن يتم عن طريق الوكيل العام.
▪️وكمان "التنازل" لا يجوز بعد صدور الحكم البات في الدعوى الجنائية، لكن "الصلح" ممكن حصوله بعد بيتوتة الحكم الجنائي.
وفيه استثناء وحيد بالنسبة لأثر "التنازل عن الشكوى" بعد بيتوتة الحكم، هو "إن الزوج ممكن يطلب وقف تنفيذ الحكم الصادر بحبس الزوجة الزانية إذا صرح بانه راضي عن معاشرته ليها"
👌
محكمة النقض حكمت:
"المادة ١٨ مكرراً (ب) المضافة بالقرار بقانون ١٦ لسنة ٢٠١٥ بتعديل بعض أحكام قانون الإجراءات الجنائية . قانون أصلح للمتهم . علة ذلك ؟ إقرار وكيل الشركة المجني عليها ببراءة ذمة المطعون ضدهما . أثره : انقضاء الدعوى الجنائية بالتصالح"
مثال رفض "الصلح" في جريمة قتل:
"ن المقرر أنه لا يعيب الحكم التفاته عن الصلح الذي تم بين أهلية المجني عليه والمتهمين - بفرض حصوله – وعدولهم عن أقوالهم بالتحقيقات نحوهم فى معرض نفي التهمة عنهم إذ لا يعدو أن يكون قولاً جديداً من الشاهد يتضمن عدولاً عن اتهامه، وهو ما يدخل فى تقدير محكمة الموضوع وسلطتها فى تجزئة الدليل، ولا تلتزم فى حالة عدم أخذها به أن تورد سبباً لذلك، إذ الأخذ بأدلة الثبوت التي ساقتها تؤدي دلالة إلى إطراح هذا الصلح"
حكم في أثر "التنازل عن الشكوى"
"لما كان نص المادة العاشرة من قانون الاجراءات الجنائية قد جرى بأنه " لمن قدم الشكوى أو الطلب في الأحوال المشار إليها في المواد السابقة أن يتنازل عن الشكوى أو الطلب في أي وقت إلى أن يصدر في الدعوى حكم نهائي وتنقضي الدعوى الجنائية بالتنازل ". لما كان ذلك ، وكان البيّن من محضر جلسة الإشكال المؤرخ .... - المرفق بملف الطعن - أن المجني عليه قد حضر بشخصه بتلك الجلسة وأقر بتصالحه مع الطاعن وتنازل عن شكواه عن جريمة القذف بطريق النشر المؤثمة بالمادتين ٣٠٣ ، ٣٠٧ من قانون العقوبات المسندة إلى الطاعن ، وكان هذا النزول قد ترتب عليه أثر قانوني هو انقضاء الدعوى الجنائية عملاً بحكم المادة العاشرة سالفة الذكر ، فإنه يتعين نقض الحكم المطعون فيه وانقضاء الدعوى الجنائية لتنازل المجني عليه عن شكواه"
⭐⭐⭐⚖️

01/08/2023

نصائح قانونية هامة :

1- لا توقع عقد قبل أن تقرأ بنوده جيداً .

2- لا تشترِي أي سيارة خارج دائرة الترخيص والمركبات .

3- لا تدفع أجرة المنزل دون أن تأخذ من المالك وصل يفيد بالدفع .

4- لا تكتبي في وثيقة الزواج أن المهر مقبوض ، وهو بالحقيقة غير مقبوض .

5- لا تتأخر في الشكوى إذا تعرضت لأي ضرر .

6- استشر محامٍ قبل أي إجراء ممكن أن يرتب عليك ضرراً .

7- لا توّقع مخالصة من العمل قبل أن تأخذ كافة مستحقاتك العمالية .

8- لا تعط أحداً بطاقتك الائتمانية ، ولا أي وثائق خاصة بك .

9- لا تسجل مكالمات هاتفية ، لأنها تعرضك للمُساءلة القانونية .

10- لا تشتم أحداً على مواقع التواصل الاجتماعي لأنها تعرضك أيضاً للمساءلة القانونية .

11- في حالة تعرضك للتهديد أو الابتزاز ، لا تتأخر عن اخبار قسم الجرائم الإلكترونية/ الشرطة .

12- لا تَبع سيارتك بالأقساط ، دون رهنها ، حتى سداد كامل الأقساط .

13- لا تُعطِ أحداً مالاً دون أن توثّق أنك قد أعطيته مالاً .( فاكتبوه )

14- اكتب عقودك عند محامي ، فهو أدرى وأعلم منك بكيفية صياغتها وتوثيقها ، بما يتماشى مع مصلحتك .

15- لا تشتري عقار على الخريطة قبل ان تتاكد انه حصل على الموافقات الحكومية والتراخيص مع الضمانات .
⚖️

معلومات قانونية تهمك وانت تتعامل كل يوم فى حياتك اليوميه :-1- لا تسمح لأحد باستخدام هاتفك الجوال سواء بإجراء مكالمه او إ...
29/07/2023

معلومات قانونية تهمك وانت تتعامل كل يوم فى حياتك اليوميه :-

1- لا تسمح لأحد باستخدام هاتفك الجوال سواء بإجراء مكالمه او إرسال رساله أو استخدام وسائل التواصل الاجتماعي .

2- إذا وصلت إليك رساله تهديد أو إهانه بواسطه الجوال لا ترد بمثلها فذلك يؤدي إلى ضياع حقك بل احتفظ بها وقدمها للجهه المختصه .

3- إذا تعرضت لحادث اعتداء او إهانه في مكان عام فحاول قدر الإمكان أن لا تفقد أعصابك ولا تواجه الخطأ بخطأ آخر واحرص على تثبيت شهادة الشهود وإقامه شكوى أمام الشرطة وتأكد سيأتيك المعتدي "متوسلا ذليلا" طالبا رضاك .

4 - إياك أن توقع علي أي أوراق بدون أن تطلع على ما فيها ولا تعطي لأحد بدون صفه أو سبب صورة من البطاقة الشخصية.

5- لا تثق في أحد يطلب منك أي شيء في الشارع مثل حمل أشياء أو يعرض عليك توصيل مجاني بسيارته،
الا اذا كنت تعلم ماهو الشيء المنقول .

١١٢ شارع الهرم الرئيسي

17/05/2023

:
________________________________________________

● حين تكون #محامياً في قضية ما؛ تذكّر أنك لن تكون مؤثراً إن لم تكن مقتنعاً بتلك القضية وجدوى المرافعة فيها.

● عندما تدخل #المحكمة وتترافع في قضية
ما ! تذكر أن #القاضي بشر تعجبه الكلمة اللبقة وتؤسفه الكلمة النابية.

● فن رفيع فلا تبخل على نفسك بتنمية مهاراتها المهنية ، واحترِف ابتداع الحجج ، وفن الإقناع بوجهة النظر.

●اقصر #مرافعتك على تجلية الوقائع المؤثرة ، وهيئ براهينها، وفنّد ما يرد عليها من اعتراض وترفّع عما لا يتصل بصميم الدعوى.

●احذر أن #تترافع في قضية تدافع فيها عن ظالم، فذلك جرم -عند الله- عظيم ، وانتهاك لأخلاقيات مهنتك الشريفة.

● التزم الاحترام أمام القاضي ؛ وثِق بنفسك ؛ ولاتقف أمامه موقف التلميذ من معلمه ، ولا موقف المعلم من تلميذه.

●التزم احترام الخصم ومحاميه وشهوده ، ولا تقاطع إدلاءاتهم.

● تقول العرب "عورة فلان بين فكيه" لمن كان بذيئاً!! فاحذر أن تزل بكلمة تجاه القاضي أو يسيء لسانك إلى خصمك.

● حين تتلو مرافعتك من مذكرة؛ فأنت لن تحلق في سماء المرافعة، وانتظر سريان السأم إلى نفوس القاضي والسامعين.

● حجتك القوية هي سبيلك للوصول للحق؛ فلا تراهن على قوة الصراخ فقد قيل إن (زئير الأسد لا يكفي لقتل الفريسة).

●أيها #القانوني احرص على الإحاطة بجميع معلومات قضيتك حتى لا يضطر القاضي لطلب حضور موكلك، فتخسر سمعتك وقضيتك.

● ليكن تعاملك مع القضية دون شخص #الخصم ولْيكن جهدك منصبّاً نحو كسب القضية، دون أن يتشتت وراء التفكير في هزيمة الآخر.

● يجب على المحامي أن يلتزم بآرائه ومبادئه القانونية، فلا يتغير رأيه بتغير مصالح موكليه. وإلا فإنه ساقط لا قيمة له.

●حين تكون في احرص ألا تضع رِجْلاً فوق الأخرى في حضرة الآخرين ، وألا تتشاغل بأوراقك أو جوالك ، ولا تعبث بمسبحتك!!

● أيها القانوني استخدم دهاءك في كسب ثقة القاضي واطمئنانه إليك ، فأنت بذلك تختصر المسافات وتكون المحكمة في خدمتك.

● أيها القانوني إياك أن تعادي خصوم موكلك، بل اكسبهم بخلقك ولباقتك، ولا تنسَ أن خصومك اليوم هم عملاؤك في الغد.

● لا ترم خصمك بوصف سيء بل نادِه بلقبه المناسب والمستحق، ففي القرآن "إن هذا أخي له تسع وتسعون نعجة" رغم الخصومة قال عنه (أخي).

29/05/2022

أشياء تضعف ايصال الأمانة
1- التوقيع علي بياض وملء المستحق بالبياض
2- التوقيع بقلم مخالف للقلم المملوء به الإيصال
3- التوقيع باليد اليسري للأيمن وباليد اليمني للأعسر
4- أن يثبت الإيصال في أحد العقود المدنية أو التجارية
5- أن يكون شرط ضمن مسوغات التعيين والتوظيف
6- أن يكون هناك فارق زمني بين التوقيع والبيانات المملوء الإيصال
#العراب

22/05/2022

نصيحة لوجه الله !!! ..

أى واحد عايش فى مصر لازم يكون عامل

لأى محام يثق فيه !!.. سواء كان قريبه أو صديقه أو جاره أو محامى يسمع عنه إنه محترم أو ما إلى ذلك .. مفيش حاجة إسمها أن أبوك أو أخوك يحل محلك أمام الجهات الرسمية !! ..

المهم تعمل توكيل القضايا ده وتحتفظ حتى به فى بيتك #للطوارئ !!! .. حتى ولو كنت محامى !!! ..

ايوه زى ما سمعت للطوارئ !!! ..

لأن ببساطة ممكن حضرتك تفاجأ فى كمين وأنت مسافر مثلاً بصدور حكم غيابى ضدك ولا تعلم عنه شئ !! ..
فقد يكون فعلاً هذا الحكم خاص بك وقد يكون تشابه أسماء !!! ..

عموماً فى هذه الحالة ها يتحفظوا على حضرتك لحين ترحيلك للتنفيذ الصادر منه الحكم (وأنت ورزقك فى بعد مكان التنفيذ عن المكان اللى اتقبض على حضرتك فيه !!!) لكى تقرر الطعن بالمعارضة !!! .. أما لو كنت عامل توكيل قضايا .. فببساطة ها تتصل بمحاميك وتمليه رقم حصر الحبس أو الغرامة مع رقم القضية وهو هايقدر بسرعة يقرر بدلا منك بالمعارضة بصفته وكيل عنك ويرسل لك شهادة دليلاً على المعارضة وبها ميعاد الجلسة كمان !!! .. أو سيحضر لك تحريات المباحث بأن المعنى بالحكم الظاهر على الكمبيوتر هو شخص أخر وليس أنت !!!! .. وهاتمشى بدون بهدلة فى عريبة الترحيلات والحمد لله ..

الموقف التانى وده سبب تنبيهى لحضراتكم بهذا البوست .. وهو أنك تكون متهم فى موضوع وليكن مثلاً إخفاء أشياء مسروقة !! لاقدر الله (يعنى حرامية لما الشرطة قبضت عليها .. ادعت أنها باعت لك ذهب مسروق !!!) .. والمباحث قامت قبضت عليك فى محلك واتعرضت محبوس على النيابة اللى قررت حبسك لحين ورود تحريات المباحث .. اللى لو جت تلك التحريات بأنك كنت تعلم بأن ما اشتريته كان من متحصلات سرقة وبإنك عميل مع الحرامية !!! .. فستضطر النيابة العامة لإحالتك لمحاكمة جنائية .. لتفاجأ بحكم من القاضى بحبسك مع الشغل والنفاذ (يعنى بدون كفالة) وتستأنف من داخل محبسك فيعدل القاضى الحكم مثلاً ويقضى بكام شهر مع النفاذ أيضاً .. وتضطر تحضر من محبسك قبل ترحيلك لتقرر بالنقض لأن مش معاك توكيل لمحام ولازم علشان تودع أسباب النقض تستنى الحكم لما يتكتب حيثياته من المسودة !!! وعلشان تعمل استشكال بوقف تنفيذ عقوبة الحبس لحين الفصل فى النقض !!! .. ووسط الدوامة دى تلاقى أن الإشكال لازم يتعمل بتوكيل قضايا !!! .. وتظل تلهث دون جدوى !!! .. حتى لو كنت كمحام حاضر جلسات محاكمته !!! ..
لازم توكيل يا سيد يا محترم !!! ..

أخيراً ستستسلم للتعليمات وغصب عنك ها تقدم طلب للمحام العام الذى بدوره سيخاطب القسم لتمكين المتهم المحبوس بعمل توكيل للمحامى !!! ..

ودوخينى يا لمونة من النيابة لإستجواب المحبوس بقسم الشرطة ثم خطاب من القسم إلى الشهر العقارى ثم التوجه إلى الإدارة العامة للتوثيق للموافقة ثم العودة للشهر العقارى وتسيب رقم موبايلك علشان تأخد دور عقبال ما يحن عليك موثق ينتقل على حسابك ويروح القسم للمحبوس علشان يعمل التوكيل !!! زى اللى فى الصورة دى !!! .. ويكون ميعاد جلسة الإشكال عدت والحمد الله .. وتضطر تنتظر ميعاد أخر !!! وأنت محبوس !!! .. عادى جداً خليك ايزى !! ..

وللأسف الشديد هذا هو بالفعل ما حدث مع حد محترم ومظلوم للأسف ، وأهله وأنا كمحامى دوخنا السبع دوخات عقبال ما نعرف نخلى المحبوس يعمل توكيل قضايا !!!! ..
وغير مواقف كتير جداً بتبقى فى أشد الحاجة لتوكيل محامى !!! .. وتندم لإنك ما عملتهوش وأنت حر طليق !!! ..
صدقنى التوكيل بيفيد الموكل وليس المحامى !!!! ..

إعمل توكيل لمحام قريبك أو صاحبك أو جارك أو أى محام محترم تثق فيه وخليه فى بيتك إحتياطى للطوارئ .. وربنا يستر ..

01/05/2022

تعمل اية لو عرببتك اتسرقت ؟
تعالى اقولك بأسلوب بسيط
اولا : بتروح تعمل محضر فى القسم اللى اتسرقت فى دائرته العرببة.
فى ناس بتتوقف لحد عمل المحضر !.. ودا لو كان صح بس مش اصح حاجة فى الدنيا. :)

امال أية اصح حاجة ؟
اصح حاجة، حضرتك هتاخد رقم المحضر اللى عملته فى القسم ولو استنيت يومين تاخد صورة رسمية منه من النيابة.. المهم تاخده واطلع المرور تعمل حاجة اسمها " إشارة نشر " (بص مخبيش عليك المفروض القسم هو اللى يعمل دا بس احنا عارفين انشغال الشرطة :) ) فدور ع مصلحتك بنفسك !
المهم إشارة النشر دى معناها انك بتنشر علي كل أجهزه الحاسب الالى الخاصة بالشرطة في مصر ان عربيتك اللى نمرها كذا مسروقه،
و دا إجراء فائدته ان لو العربيه وقفت في اي كمين وضابط المرور استعلم عن النمر هيعرف ان العربيه دي مسروقه و بيانات صاحبها ويقدروا يوصلولك، كمان من ضمن فوائد إشارة النشر ان لو العربيه وجدت فى اى مكان وراحت اي اقسم علي مستوي مصر هيقدرو يوصلولك. :) أو لو اللى سرقها عمل بيها اى جريمة يبقى قرينة أن مش انت اللى عملت الكارثة دى..

فى حاجة كمان وهى انك للمرور التابع له رخصة عربيتك وتوقف التعامل علي العربيه بأي شكل
ودا ميزته ان لو انت سايب الرخص فى العربيه وقت السرقه ممكن الحرامي يزور توكيل ويبيع العربيه لمشتري حسن النيه ساعتها انته بتدخل نفسك في دوامه لانه ممكن يروح ينقل مليكه ومحدش يفحص التوكيل اللى معاه ويطلع رخصه بإسمه لكن لو موجود في ملف العربيه جواب بوقف التعامل عليها ساعتها اي حد يروح يعمل رخصه هيتمسك والعربيه هيتم التحفظ عليها ويقدرو يوصلوك برقم المحضر.... ملحوظه اخيره .... خليك حريص وانت بتعمل اي محضر انك تسيب رقم تليفونك في المحضر نفسه عشان يقدروا يوصلولك
#العراب

18/04/2022

أهم التعليمات لأي شاب يتم القبض عليه لاقدر الله
1- لا تستدرج لاى دردشة شفويه حول موضوع اتهامك قبل البدء فى التحقيق المكتوب
2- الاجابات النموذجية (محصلش / معرفش / مش فاكر)
3- مهما اتغيرت صيغة السؤال خلى اجابتك ثابته
4- انكر اى علاقة ليك بالمضبوطات اللى مش بتاعتك
5- لو طلب منك باسورد التليفون او الفيسبوك قول مش فاكر
6- النيابة مسؤولة عن اتهامك والتحقيق معاك فالمفروض تبقى محايده وفى نفس الوقت ترجح ادانتك فى النهاية - عقم فى النصوص اللى بتنظمها - وبالتالى متفتكرش المحقق هيكون فى صفك
7- المحامى ملهوش اى دور لحد التحقيق ما يخلص - طبقا للقانون للاسف - فمتحاولش تساله او تطلب منه اجابات بعنيك لان دا بيوتر المحقق وبيخليه يرجح ادانتك
8- لو اثناء تفتيشك او تفتيش منزلك تم اخذ اى شئ وملقتهوش فى النيابة اذكره فى اقوالك واتهم القائم بالتفتيش بسرقته
9- لو تم التعدى عليك بالضرب او السب - وان كان دا قل مؤخرا - اتاكد انك تذكر دا امام النيابة ولو فيك اصابات اطلب عرضك على الطب الشرعى
10- المواعيد مهمة من حق الجهة اللى قبضت عليك تحتفظ بيك 24 ساعه قبل عرضك على النيابة لو قعدوك اكتر من كدا اتاكد انك تذكر الميعاد الحقيقى اللى اتقبض عليك فيه
11- دايما اول سؤال بيبقى معاك محامى، هنا تجاوب بايوه وتذكر اسمه الثلاثى وتتمسك بحضوره وترفض حضور اى محامى تانى تندبهولك النيابة ومتقلقش هما اللى ملزمين يجيبولك المحامى بتاعك ولو اصروا على انتداب محامى ارفض الاجابة على اسئلتهم ودا حقك
12- السؤال الثانى بيكون هل معاك شهود نفى لو فيه شهود على واقعتك او على القبض عليك وانت متاكد انهم هيشدوا اذكر اسمائهم لو مش متاكد قول كان فيه ناس كتير موجوده انما متقولش لا الا لو فعلا مكنش فيه شهود
13- هيكون فيه اسئلة من نوعية هل تعرف الضابط فلان لو تعرفه قول اه والسؤال اللى بعده هيكون هل فيه بينك وبينه خلافات لو فيه قول ايوه متخافش لو قلت لا هيكون فيه سؤال بيقول ما تفسيرك لما سطره الضابط فلان فى محضره (يععنى بيقول عليك كدا ليه) هنا ومن وجهة نظرى تجاوب بانه اكيد مطلوب منه عدد قضايا علشان كدا لفقلى الاتهام دا
14- لاحظ انه لا يجوز تحليف المتهم ولا ترهيبه ولا ترغيبه يعنى لو المحقق قالك طب تحلف قوله مينفعش تحلفنى ولو قالك رد بدل ما هحبسك قوله مينفعش تهددنى ولو قالك قول وانا اروحك غالبا بيضحك عليك
15- من حقك تتابع كل اللى بيتكتب فى التحقيق على لسانك او تقراه في النهاية قبل ما توقع عليه ولو مكتوب كلام غير اللى انت قولته اتمسك بتغييره او امتنع عن التوقيع.
#العراب

Address

١١٢ _ شارع الهرم الرئيسي _ بجوار شارع المستشفي
Giza

Website

Alerts

Be the first to know and let us send you an email when مكتب ال عراب للمحاماة و الاستشارات القانونية posts news and promotions. Your email address will not be used for any other purpose, and you can unsubscribe at any time.

Share