مؤسسة آل شمردل للمحاماة والأستشارات القانونية وتأسيس الشركات

09/02/2026

ما هو الفرق بين الضريبة العقارية وضريبة الثروة العقارية وضريبة التصرفات العقارية ؟
أولاً : الضريبة العقارية :-
تفرض على ملكيتك للعقار سواء كنت تسكن فيه أو مغلق أو مؤجر للغير وتحسب كما يلى:
1- تقوم لجان الحصر والتقدير بتقدير القيمه السوقية للعقار ولتكن مثلاً 2.000.000 جنيه.
2- يتم حساب الضريبة العقارية كما يلى:
1- حساب القيمه الرأسماليه للعقار: القيمه السوقيه × 60% = 1.200.000 جنية.
2- حساب القيمه الإيجارية السنويه: القيمه الرأسماليه × 3% = 36.000 جنية.
3- حساب صافى القيمه الإيجارية: القيمه الإيجاريه × 70% = 25.200
(تم إستبعاد 30% من القيمه الإيجاريه السنويه مقابل مصاريف الصيانه)
4- حساب وعاء الضريبة العقارية: صافى القيمه الإيجارية – 24.000 = 1.200 جنية.
(يتم إعفاء مبلغ 24.000 من صافى القيمه الإيجاريه السنويه وذلك بالنسبه للسكن الخاص الرئيسى فقط، أما السكن الخاص الإضافى أو المصايف فلا يتمتعوا بأى إعفاءات)
5- الضريبة العقارية: وعاء الضريبه العقاريه × 10% = 120 جنية سنوياً.
ثانياً: ضريبة الثروة_العقارية :-
تفرض عندما تقوم بتأجير وحدتك السكنية للغير ويتم حسابها كما يلى:
إذا كانت قيمه الإيجار السنوى من واقع العقد المبرم بين المالك والمستأجر عن عام 2018: 18.000 جنية مثلاً والضريبه العقارية المسدده عن العقار 120 جنيه، فيتم حساب ضريبة الثروه العقارية كما يلى:
1- يتم إستبعاد 50% مقابل جميع التكاليف والمصروفات ويتم أيضاً إستبعاد الضريبه العقاريه المسدده عند حساب وعاء الضريبة:
وعاء ضريبة الثروه العقارية = (18.000 × 50%) – 120 = 8.880 جنية.
2- يتم حساب الضريبة وفقا لأسعار الضريبة التصاعدية على دخل الأشخاص الطبيعين كما يلى:
يرعى تطبيق احكام الماده (٨) وتعديلاتها بالقوانين المختلفه
فى حالة قيام مالك العقار بتأجيره للغير تفرض عليه ضريبة عقارية وضريبة تصرفات عقارية معاً مما يسبب حدوث إزدواج ضريبى وعالجة المشرع بالسماح بخصم الضريبة العقارية المسددة من وعاء ضريبة الثروة العقارية المستحقة على الممول.
ثالثاً : ضريبة التصرفات_العقارية :-
تفرض عند قيامك ببيع وحدتك السكنية بواقع 2.5% من قيمة التصرف.
مثال : إذا قمت ببيع وحدتك بمبلغ 1.000.000 جنية .
فأن ضريبة التصرفات العقارية المستحقة = 1.000.000 × 2.5% = 25.000 جنية

16/11/2025

📌🚨 يعني إيه تعمل محضر إثبات حالة؟ وليه هو من أقوى أدوات الحماية القانونية؟

ناس كتير بتتخيل إن قسم الشرطة هو آخر حل لما تحصل مشكلة كبيرة أو جريمة…
لكن الحقيقة إن فيه إجراء قانوني بسيط ممكن يحميك من مصايب كتير قبل ما تحصل، اسمه:

✅ محضر إثبات حالة
---

🔍 إيه هو محضر إثبات الحالة؟
هو إجراء رسمي بتروح بنفسك تعمله في قسم الشرطة، علشان تثبّت واقعة حصلت بالفعل، حتى لو مفيش خصومة قانونية لسه.

أنت ببساطة بتقول:
> "أنا حصل معايا كذا، وعايز أوثّق ده بشكل قانوني ورسمي."

يعني مفيش اتهام مباشر لحد، ولا مشكلة لازم تكون حصلت…
كل اللي بتعمله إنك بتحمي نفسك مسبقًا، وبتخلق لنفسك دليل قانوني معتمد بالتاريخ والمكان.
--
🕒 إمتى تعمل محضر إثبات حالة؟
مفيش وقت معين، لكن في مواقف محددة، لو ما سجلتش اللي حصل، ممكن تندم بعدين…
🖋️تخيل إن في حد في الشارع حصل بينك وبينه شدة كلام، وفجأة قالك:

> "أنا هعرف أجيبك… والله لاضربك!"
الموضوع ممكن يعدي، بس لو سكتت، وجي بعدها حصلت خناقة أو أذى، هيبقى صعب تثبت إنك اتعرضت للتهديد.
لكن لو روّحت على القسم في نفس اليوم، وسجلت اللي اتقال، يبقى الموقف متوثّق رسميًا بالتاريخ والوقت.

🖋️أو مثلًا، حد قالك بشكل صريح:
> "هكسّرلك عربيتك" أو "هولّعها وهي واقفة!"
حتى لو ما حصلش حاجة وقتها، محضر إثبات الحالة بيمنع الطرف ده ينكر لو الضرر حصل فعلًا بعدين.

📌وفي مواقف شخصية جدًا، زي إنك ترجع البيت وتكتشف إن زوجتك أخدت كل المنقولات الذهبية وخرجت من البيت، من غير أي اتفاق أو مقدمات…
ساعتها تعمل محضر إثبات حالة، وتوثّق فيه إن المنقولات مش موجودة، وإنك ما كنتش حاضر وقت خروجها، وده بيبقى مهم جدًا في حالة النزاع على قائمة المنقولات أو لو الأمور وصلت للمحكمة.

كل دي مش شكاوى، لكن توثيق رسمي إن حاجة حصلت بالفعل… علشان لما تيجي تتكلم قدام محكمة أو نيابة، يبقى معاك دليل مش بس كلام.
---

💼 طب إيه فايدته؟
✔️ بيثبّت الواقعة رسميًا بالتاريخ والمكان
✔️ بيكون دليل قانوني ضد الإنكار أو التلاعب
✔️ يقوّي موقفك قدام أي جهة رسمية
✔️ وسيلة ردع للطرف التاني من غير تصعيد مباشر
---

📝 تعمله إزاي؟
1. تروح قسم الشرطة التابع لمكان الواقعة
2. تطلب تعمل محضر إثبات حالة
3. تحكي اللي حصل بدقة وهدوء
4. الشرطة هتسجله في دفتر الأحوال ويتخصص له رقم رسمى .
منقول
ال شمردل
⚖️ للاستشارات القانونيه ⚖️

12/11/2025

22/09/2025

🚨 الكشف الكامل الخاص بازالت وتوسيع الدائرى،
( جزيرة الدهب - ساقيه مكى - ترسا - الكوم الاخضر - الكونيسه - حوض الدلاله القبليه رقم 13) لتنفيذ مشروع تطوير وتوسعة الطريق الدائري بنطاق محافظة الجيزة، وقد نُشر القرار في الوقائع المصرية – العدد 201 تابع – بتاريخ 10/9/2025.
تنويه هام
وعليه، نُهيب بالجميع عدم التعامل بالشراء أو التصرف في الأراضي والعقارات الكائنة بالمناطق الواردة بالقرار،
والتى تم نزع ملكيتها فى نطاق الطريق الدائري محافظة الجيزة

27/08/2025

الية الحصول على وحدات بديله لشقق الايجار القديم

موافقة مجلس الوزراء على إجراءات وآليات حصول مستأجري "الإيجار القديم" على وحدات بديلة من الدولة

27/08/2025

شرح مبسط لحالات استحقاق البنت لمعاش والدها ....

📌 ينفع البنت تاخد معاش والدها المتوفي ؟ ايوه
- طيب لو كانت موظفه ينفع برضه؟ ايوه
- حتي لو كانت متزوجه ؟ لا لازم تكون انسه أو مطلقه او ارمله بس .

📌طيب الموظفه دي بتاخد مرتب ازاي هتاخد مرتب ومعاش مع بعض ؟ الإجابة
في الحاله دي بنشوف مرتب الابنه كام ومعاش والدها كام لو كان مرتبها اكبر من معاش والدها مينفعش تاخد المعاش ولو مرتبها يساوي معاش والدها برضه مش هينفع تاخده أما لو مرتبها أقل من معاش والدها هنا هتصرف الفرق بين مرتبها وبين المعاش ..يعني ايه ؟ . . . افهمك الإجابة
يعني لو مرتبها مثلا 1000 جنيه ومعاش والدها 2000 جنيه مش هتصرف المعاش كله لكن هتصرف منه 1000 جنيه بس اللي هو الفرق بين مرتبها ومعاش والدها .

📌 طيب ازاي التأمينات بتعرف المرتب بتاعي ؟ حضرتك لما بتروحي تقدمي علي معاش والدك بتقدمي معاه ورقه اسمها بيان مفردات مرتب بتطلع من محل عملك بيكون مكتوب فيها مرتبك بالكامل .
📌 طيب لو الابنه دي موظفه بتاخد مرتب وفي نفس الوقت ارمله بتاخد معاش زوجها المتوفي ينفع برضه تاخد معاش والدها ؟ ايوه

طب ازاي؟ الإجابة
هنا لما بتقدم على معاش والدها قولنا أنها بتقدم بيان بمفردات مرتبها وكمان بتقدم بيان بمعاش زوجها المتوفي وبنجمع الاتنين ونشوف لو هما قد معاش والدها أو اكبر منه خلاص مش هتصرف معاش والدها أما لو كانوا أقل منه بتصرف من المعاش الفرق بينهم بس زي ماشرحنا فوق
📌طيب الارمله اللي كانت بتاخد معاش زوجها المتوفي تزوجت مره اخري واتوقف صرف المعاش بتاع زوجها المتوفي لو اتطلقت من زوجها الأخير ينفع ترجع تاخد معاش زوجها المتوفي ؟ لا للأسف مينفعش ترجع تاخد معاشه تاني .

📌طيب لو الموظفه دي علي المعاش اصلا وبتاخد معاش من شغلها ينفع تاخد مرتب والدها ؟ ايوه
وبرضه بنعمل زي ماعملنا فوق بنشوف الفرق بين معاشها وبين معاش والدها ونعمل زي ماشرحنا .

📌طيب المطلقه طلاق رجعي بتستحق معاش والدها؟ لا لازم يكون الطلاق بائن
- يعني ايه طلاق بائن؟ يعني سيده زوجها طلقها وانتهت فترة العده دون رجوع فأصبح الطلاق بائن

📌طيب هنا المطلقه بتصرف المعاش من تاريخ الطلاق ولا من تاريخ انتهاء فترة العده ؟ بتصرف من الشهر التالي لحدوث الطلاق مش من تاريخ انتهاء فترة العده .
📌 طيب لو المطلقه اللي بتاخد معاش والدها وتزوجت مره اخري طبعا هيتوقف صرف المعاش لو اتطلقت من زوجها التاني ينفع ترجع تاخد معاش والدها ؟ ايوه ينفع طبعا

📌طيب انا سمعت أن المطلقه بالخلع أو بالمحكمه مينفعش تاخد معاش والدها صح الكلام ده ؟ لا طبعا مش صحيح المطلقه بالخلع او بالمحكمه زيها زي المطلقه عند المأذون من حقها تاخد معاش والدها .

- طيب ينفع الابنه تجمع بين معاش والدها ومعاش والدتها ؟ ايوه مفيش مشكله خالص وكمان بدون حد أقصي .
📌طيب نصيب الابنه دي من معاش والدها قد أيه يعني من حقها المعاش كله ولا جزء منه ؟ الإجابة 👇
لو البنت دي لوحدها مفيش غيرها بتاخد ثلثين المعاش ولو كان معاها والدتها اللي هي أرملة صاحب المعاش ومفيش اخوات تاني يبقي البنت هتاخد النص والام النص ولو البنت معاها اخوات تاني مستحقين و الام مش موجوده بيتم تقسيم المعاش بين الاخوات بالتساوي ولو البنت معاها ام واخوات وجد وجده اللي هما والدي صاحب المعاش المتوفي يبقي الام هتاخد التلت والبنت واخواتها هياخدوا النص والجد والجده يشتركوا في السدس .
📌 طيب المطلقه دي بتصرف المعاش من تاريخ تقديم طلب للتأمينات ولا من تاريخ الطلاق ؟ بتصرف من الشهر التالي لوقوع الطلاق

📌 طيب لو المطلقه دي مكانتش تعرف أن ليها حق تصرف معاش والدها وعرفت بعد كده ينفع تقدم ولا خلاص راح عليها ؟
ينفع طبعا وليها الحق تصرف جميع الشهور السابقه كمان وبيسموه المتجمد وده بحد أقصي خمس سنين سابقه فقط يعني بتصرف المعاش بأثر رجعي لحد خمس سنين عدت مره واحده.
تحياتي لكم دمتم فى حفظ الله
مكـــــــــــــــتب

للتواصل 📞01142704037

04/08/2025

أهم الآثار المترتبة على تصديق الرئيس السيسي على قانون الإيجار القديم رقم ١٦٤ لسنة ٢٠٢٥ وقانون إجراءات دعاوى الإخلاء رقم ١٦٥ لسنة ٢٠٢٥ الصادرين بتاريخ ٤ أغسطس ٢٠٢٥
للمزيد https://www.shorouknews.com/mobile/news/view.aspx?cdate=04082025&id=08aa219f-229d-4a61-8b8a-957efe122c9c

24/07/2025

02/07/2025

قضى الامر ...
مجلس النواب يوافق على مشروع تعديل قانون الايجار القديم ..

18/06/2025

هاااام جدا وعاجل ......
وافقت لجنة الإسكان بمجلس النواب خلال اجتماعها اليوم، نهائيا على مشروع قانون الإيجار القديم المقدم من الحكومة في صياغته الجديدة.. وفيما يلي ننشر مواد مشروع القانون.

مشروع قانون بشأن بعض الأحكام المتعلقة بقوانين إيجار الأماكن وإعادة تنظيم العلاقة بين المؤجر والمستأجر

مادة (1):

تسري أحكام هذا القانون على الأماكن المؤجرة لغرض السكنى والأماكن المؤجرة للأغراض الطبيعية لغير غرض السكنى وفقًا لأحكام القانون رقم 44 لسنة 1987 في شأن تأجير وبيع الأماكن وتنظيم العلاقة بين المؤجر والمستأجر، ولسنة 1981 في شأن بعض الأحكام الخاصة بتأجير وبيع الأماكن وتنظيم العلاقة بين المؤجر والمستأجر.

مادة (2):

تنتهي عقود إيجار الأماكن الخاضعة لأحكام هذا القانون لغرض السكنى بانتهاء مدة سبع سنوات من تاريخ العمل به، وتنتهي عقود إيجار الأماكن للأغراض الطبيعية لغير غرض السكنى بانتهاء مدة خمس سنوات من تاريخ العمل به، وذلك كله ما لم يتم التراضي على الإنهاء قبل ذلك.

مادة (3):

تشكل بقرار من المحافظ المختص لجان حصر في نطاق كل محافظة تختص بتقسيم المناطق التي بها أماكن مؤجرة لغرض السكنى الخاضعة لأحكام هذا القانون إلى مناطق متميزة، متوسطة، اقتصادية، على أن يراعى في التقسيم المعايير والضوابط الآتية:

* الموقع الجغرافي ويشمل طبيعة المنطقة والشوارع الكائن بها العقار.

* مستوى البناء ونوعية مواد البناء المستخدمة ومتوسط مساحات الوحدات بالمنطقة.

* المرافق المتصلة بالعقارات بكل منطقة من مياه وكهرباء وغاز وتليفونات وغيرها من المرافق.

* شبكة الطرق ووسائل المواصلات والخدمات الصحية والاجتماعية والتعليمية المتاحة.

* القيمة الإيجارية السنوية للعقارات المبنية الخاضعة لأحكام قانون الضريبة على العقارات المبنية الصادر بالقانون رقم 196 لسنة 2008، الكائنة في ذات المنطقة.

ويصدر قرار من رئيس مجلس الوزراء بقواعد ونظام عمل هذه اللجان

وتنتهي هذه اللجان من أعمالها خلال ثلاثة شهور من تاريخ العمل بهذا القانون ويجوز بقرار من رئيس مجلس الوزراء مد المدة الانتهاء من أعمالها لمدة واحدة ومماثلة، ويصدر قرار من المحافظ المختص بما تنتهي إليه اللجان يتم نشره في الوقائع المصرية ويعلن بوحدات الإدارة المحلية في نطاق كل محافظة.

مادة (4):

اعتباراً من موعد استحقاق الأجرة الشهرية التالية لتاريخ العمل بهذا القانون تكون القيمة الإيجارية القانونية للأماكن المؤجرة لغرض السكنى الخاضعة لأحكام هذا القانون والكائنة في المناطق متميزة بزيادة عشرين مثلًا للقيمة الإيجارية القانونية السارية وبحد أدنى مبلغ مقداره ألفي جنيه، ويوقع عشرة أمثال القيمة الإيجارية السارية للأماكن بالمناطق المتوسطة، واثني عشر ونصف مثلًا للأماكن بالمناطق الاقتصادية، وبحد أدنى مبلغ مقداره أربعمائة جنيه للأماكن الكائنة في المناطق المتوسطة، ومائتين وخمسون جنيهًا للأماكن في المناطق الاقتصادية.

ويلتزم المستأجر أو من أمد إليه عقد الإيجار، بحسب الأحوال، لجان حصر اتهام الحصر المشار إليها بالمواد (3) من هذا القانون من أعمالها، بسداد الأجرة الشهرية التالية لتاريخ العمل بهذا القانون بواقع 250 جنيهًا شهريًا، على أن يلتزم المستأجر أو من أمد إليه عقد الإيجار، بحسب الأحوال، بدءًا من اليوم التالي لنشر قرار المحافظ المختص المنصوص عليه بالفقرة الأخيرة من المادة (3) بسداد الفروق المستحقة إن وجدت على أقساط شهرية خلال مدة مساوية للمدة التي استحقت عنها.

مادة (5):

اعتباراً من موعد استحقاق الأجرة الشهرية التالية لتاريخ العمل بهذا القانون تكون القيمة الإيجارية القانونية للأماكن المؤجرة للأغراض الطبيعية لغير السكنى خمسة أمثال القيمة الإيجارية القانونية السارية.

مادة (6):

تزاد القيمة الإيجارية المحددة وفقًا للمادتين (٤)، و (٥) من هذا القانون سنويًا بصفة دورية بنسبة (15%).

مادة (7):

مع عدم الإخلال بأسباب الإخلاء المبينة بالمادة (18) من القانون رقم 136 لسنة 1981 المشار إليه، يلتزم المستأجر أو من امتد إليه عقد الإيجار، بحسب الأحوال، بإخلاء المكان المؤجر ورده إلى المالك أو المؤجر بحسب الأحوال، في نهاية المدة المبينة في المادة (٢) من هذا القانون، أو حال تحقق أي من الحالتين الآتيتين:

* إذا ثبت ترك المستأجر أو من امتد إليه عقد الإيجار للمكان المؤجر لمده تزيد على سنة دون مبرر.

* إذا ثبت أن المستأجر أو من امتد إليه عقد الإيجار يمتلك وحدة سكنية أو غير سكنية، بحسب الأحوال قابلة للاستخدام في ذات الغرض المعد من أجله المكان المؤجر.

وحال الامتناع عن الإخلاء يكون للمالك أو المؤجر، بحسب الأحوال، أن يطلب من قاضي الأمور الوقتية بالمحكمة الكائن في دائرتها العقار إصدار أمر بطرد الممتنع عن الإخلاء، دون الإخلال بالحق في التعويض إن كان له مقتضى.

ومع عدم الإخلال بحكم الفقرة الثانية من هذه المادة يحق للمستأجر أو من امتد إليه عقد الإيجار، بحسب الأحوال، رفع دعوى موضوعية أمام المحكمة المختصة وفقًا للإجراءات المعتادة، ولا يترتب على رفع الدعوى الموضوعية وقف أمر قاضي الأمور الوقتية المشار إليه.

مادة (٨):

مع عدم الإخلال بحكم المادتين (٢، ٧) من هذا القانون، يكون لكل مستأجر أو من امتد إليه عقد الإيجار وفقًا لأحكام القانونين رقمي 49 لسنة 1977 و 136 لسنة 1981 المشار إليهما، وقبل انقضاء المدة المحددة لانتهاء العقود في المادة (٢) من هذا القانون، أحقية في تخصيص وحدة سكنية أو غير سكنية، إيجارًا أو تملكًا، من الوحدات المتاحة لدى الدولة، وذلك بطلب يقدمه المستأجر أو من امتد إليه عقد الإيجار مرفقًا به إقرار بإخلاء وتسليم العين المستأجرة فور صدور قرار التخصيص واستلام الوحدة، وتكون الأسبقية في التخصيص للفئات الأولى بالرعاية وعلى الأخص المستأجر الأصلي وزوجه وولده ممن امتد إليه عقد الإيجار.

ويصدر رئيس مجلس الوزراء بناء على عرض الوزير المختص بشئون الإسكان خلال شهر من تاريخ العمل بأحكام هذا القانون قرارًا بالقواعد والشروط والإجراءات اللازمة لتلقي الطلبات والبت فيها.

وحال إعلان الدولة عن وحدات تابعة لها سكنية أو غير سكنية، إيجارًا أو تمليكًا، يكون للمستأجر أو من امتد إليه عقد الإيجار الأولوية في تخصيص وحدة، بمجرد تقديمهم طلب مرفقًا به إقرار إخلاء الوحدة المستأجرة المشار إليه بالفقرة الأولى من هذه المادة، على أن يراعى في الأولوية حال التزاحم طبيعة المنطقة التي بها الوحدة المستأجرة، ويحدد الإعلان الضوابط والقواعد والإجراءات اللازمة للتخصيص.

مادة (٩):

مع عدم الإخلال بحكم المادة (٢) من هذا القانون، تلغى القوانين أرقام 49 لسنة 1977 في شأن تأجير وبيع الأماكن وتنظيم العلاقة بين المؤجر والمستأجر، و136 لسنة 1981 في شأن بعض الأحكام الخاصة بتأجير وبيع الأماكن وتنظيم العلاقة بين المؤجر والمستأجر، و ٦ لسنة 1997 بتعديل الفقرة الثانية من المادة 29 من القانون رقم 49 لسنة 1977 وبعض الأحكام الخاصة بإيجار الأماكن غير السكنية اعتبارًا من اليوم التالي لمرور سبعة أعوام من تاريخ العمل بهذا القانون، كما يلغى كل حكم يخالف أحكامه.

مادة (10):

ينشر هذا القانون في الجريدة الرسمية ويعمل به من التالي لتاريخ نشره.
#اعرفــحقك

11/06/2025

ما هو الفرق بين الشيك المسطر و الغير مسطر؟
شايفين الخطين الموازيين اللى جوه دايره الزرقاء هو ده تسطير الشيك
و معني تسطير الشيك
١ - لا يمكن صرفه قبل موعد استحقاقه
٢ - لازم مبلغ الشيك يتحط فى حساب
اما الشيك الغير مسطر
١ - يمكن صرفه قبل موعده
٢ - يمكن صرف قيمه الشيك نقدا
#اعرفءحقك
آل شمردل _للمحاماه _والاستشارات القانونية