مكتب الأستاذة هدير عبد الحميد المحامية للمحاماة والإستشارات القانونية

  • Home
  • Egypt
  • Giza
  • مكتب الأستاذة هدير عبد الحميد المحامية للمحاماة والإستشارات القانونية

مكتب الأستاذة هدير عبد الحميد المحامية للمحاماة والإستشارات القانونية نقدم لكم استشارات قانونية في كافة فروع القانون قضايا الأسرة ، القضايا المدنية ، الجنائية، مجلس الدولة

النيابة العامة تُدرج الممتنعين عن سداد النفقات على قوائم الممنوعين من السفر وترقب الوصول
20/04/2026

النيابة العامة تُدرج الممتنعين عن سداد النفقات على قوائم الممنوعين من السفر وترقب الوصول

20/04/2026

أخطاء❌❌ خلى بالك منها وانت بتكتب عقدك ✍️

✴️- مفيش حاجه اسمها تنازل على ظهر العقد ويبقى كده اشتريت ... اشتريت يعنى أعمل عقد بيع وشراء

✴️- وانت بتشترى شقه أو تأجر ضروري تاخد آخر إيصالات مياه وكهرباء وغاز علشان لو المشترى باعلك مش هتشوف وشه تانى وغصب عنك هتدفعهم

✴️- صحة التوقيع مهمه و بتثبت تاريخ البيع وتوقيع البائع والمشترى اوعى تقول ملهاش لازمه، وعلى فكره ينفع المشترى يرفع صحة توقيع على البائع وكمان ينفع البائع يرفع صحة توقيع على المشترى مافيهاش مشكلة ان كل طرف يضمن حقه

✴️- لو اشتريت شقه تمليك ومالكش حصة فى الارض والبيت وقع كده حضرتك مالكش اى حاجه يعنى حضرتك اشتريت حيطان بس

✴️- لو اشتريت شقه والبائع ده اتوفى بعد مابعلك من حقك ترفع صحة توقيع علي ورثته عادى

المحاكم تبدأ تخصيص مكاتب لتلقي طلبات تعليق الخدمات الحكومية تنفيذا لقرار السيد المستشار وزير العدل رقم ٨٩٦ لسنة ٢٠٢٦ الخ...
18/04/2026

المحاكم تبدأ تخصيص مكاتب لتلقي طلبات تعليق الخدمات الحكومية تنفيذا لقرار السيد المستشار وزير العدل رقم ٨٩٦ لسنة ٢٠٢٦ الخاص بتطبيق المنع من الخدمات الحكومية للمحكوم عليه في جنحة الامتناع عن تنفيذ أحكام النفقة وما في حكمها.

18/04/2026

تطبيقا لقرار وزير العدل..
#قرار وزير العدل بشإن الممتنعين عن دفع النفقات
1️⃣ مضمون القرار :-
الهدف: تعليق استفادة المحكوم عليهم في قضايا النفقات (زوجية – صغار – أجور – مصروفات وما في حكمها) من عدد من الخدمات الحكومية والمهنية.
2️⃣الأساس القانوني:
القانون رقم 6 لسنة 2020 بتعديل بعض أحكام قانون العقوبات رقم 58 لسنة 1937، المادة 293.
القرار يشمل: من صدر ضده حكم نهائي بالإدانة بعدم سداد النفقات.
3️⃣شروط التعليق :-
صدور حكم نهائي واجب النفاذ بالإدانة لعدم سداد دين من ديون النفقات.
يستمر تعليق الخدمات حتى سداد المديونية المستحقة لصالح:
الزوجة أو المطلقة.
الأبناء الصغار.
بنك ناصر الاجتماعي.
ملاحظة
الجهات الحكومية تلزم بتعليق الخدمات عند طلب المستفيد الحصول على خدمات مرتبطة بمهنته أو نشاطه التجاري أو الحرفي.
رفع التعليق يكون بعد تقديم شهادة براءة ذمة من دين النفقة.
4️⃣ الجهات والخدمات التي يطبق عليها القرار :-
الوزارات والهيئات:
وزارة التضامن الاجتماعي
وزارة الزراعة واستصلاح الأراضي
وزارة المالية
وزارة الكهرباء والطاقة المتجددة
وزارة التموين والتجارة الداخلية
وزارة التنمية المحلية والمحليات
وزارة الإسكان والمرافق
خدمات الشهر العقاري والتوثيق
وزارة السياحة والآثار
وزارة القوى العاملة
وغيرها من الوزارات والهيئات والمصالح الحكومية.
أمثلة للخدمات التي يمكن تعليقها:
إصدار أو تجديد بطاقة الأشخاص ذوي الإعاقة.
خدمات منظومة كارت الفلاح وصرف الأسمدة والشهادات الزراعية.
إصدار أو تجديد رخص مهنية أو تراخيص محلات ومشروعات.
خدمات التخليص الجمركي، تركيب عدادات الكهرباء، تراخيص البناء، تصاريح العمل للمصريين والأجانب.
جميع خدمات المحليات والمدن الجديدة عبر البوابات الإلكترونية.

15/04/2026

مد مهلة التصالح في مخالفات البناء 6 أشهر إضافية بدءًا من مايو 2026 حتى نوفمبر 2026

15/04/2026

قانون الأسرة الجديد 2026
1- قضايا النفقات وتشمل
النفقة الزوجية
نفقة الصغار
نفقة اجر مسكن وحضانة
نفقة مصاريف دراسية
نفقة علاج
سيتم تجميعها بقضية واحدة لتصبح قضية واحدة تشمل جميع النفقات وتقديرها 40٪ من دخل الزوج
فى حال عدم ثبوت عمل للزوج يتم احتساب 40٪ من الحد الأدنى للأجور ويتبع فى حال زيادة الحد الأدنى للأجور طبقا لقانون العمل الدورى .
التنفيذ بفيزا للمطلقة تسمى Children visa من أحد البنوك المصرية (البنك الاهلى /بنك مصر / بنك ناصر الاجتماعى )
سيتم وضع المبلغ اول كل شهر بجد أقصى 10ايام من كل شهر بمجرد حكم المحكمة درجة اولى ولا يوجد استئناف للحكم بمجرد تسليم مفردات المرتب للمحكمة يتم الحكم بنسبة 40٪ من دخل الزوج المثبت بالمفردات المقدمة للمحكمة .

2-قضايا المنقولات الزوجية والذهب

التنفيذ
تسليم المنقولات كاملة طبقا للقائمة التى تم التوقيع عليها من جانب الزوج وفى حال عدم التسليم يتم سداد المبلغ المذكور بقائمة المنقولات على سنة على أن يتم السداد شهريا ووضع المبلغ بحساب Children visa
بالنسبة للذهب يسقط الحكم تلقائيا وكأن لم يكن حيث يعتبر الذهب لصيق للزوجة ولا يعتد بالدعوى المرفوعة فى الذهب .

3-قضايا الرؤية
الغاء تنفيذ الرؤية بمركز الشباب على أن يتم تنفيذ
حكم الاستضافة والاصطحاب
على إن يتم التنفيذ يومين بالاسبوع وحضور كلا من الزوج والزوجة والصغار فقط بدون حضور اى أطراف أخرى لمركز الشباب
قبل التنفيذ سيتم استدعاء كلا من الزوج والزوجة وتحديد يومين من كل أسبوع لا يشترط ايام محددة على أن يتم الحكم من جانب القاضى بعد تقديم ما يثبت مصلحة الصغار اولا وتحديد اليومين محل الاستضافة والاصطحاب للاب ويكون أيام متتالية وليست متقطعة
التنفيذ كالاتى بعد تحديد الايام من جانب القاضى
مثال الخميس والجمعة
يتم حضور الأطراف المعنية فقط لمركز الشباب الأقرب للطفل
الزوج / الزوجة / الصغار
امضاء الزوج على إقرار باستلام الصغار بالساعة المحددة من جانب القاضى وتسليمهم مساء اليوم التالى بمركز الشباب بالساعة المحددة من جانب القاضى
بند اضافى
*شهر رمضان المبارك إجازة عيد الفطر وعيد الأضحى المبارك*
يتم تنفيذ اول يوم إجازة فقط بدون الحاجة للجوء للقضاء كبند أساسى وعلى الاب استلام الصغار الساعة العاشرة صباحا والتسليم للمركز الساعة السادسة مساءا .
فى حال التقصير بالبنود وعدم التنفيذ بالساعات المحددة
كل من الأطراف سيتم توقيع غرامة لا تقل عن 10الاف جنيها مصري ولا تزيد عن 80 الف جنيها مصري . وفقا لتقدير القاضى وإثبات ما يثبت التقصير من أحد الأطراف .

4-قضايا الحضانة
انتقال حضانة الصغار للاب لتصبح المرحلة الرابعة .
المرحلة الأولى/ الام
المرحلة الثانية/ ام الام
المرحلة الثالثة/ ام الأب
المرحلة الرابعة/ الاب

5-قضايا المؤخر والعدة والمتعة
التنفيذ طبقا لقرار المحكمة
فى حال الخلع/ تسقط حقوق الزوجة كاملة.
فى حال طلاق الضرر والشقاق والهجر وعدم الانفاق
طبقا لتقدير القاضى والاثبات والأدلة وبناءا عليه
اما بالحكم بكافة الحقوق أو نصف الحقوق .
تحديد المتعة طبقا لتقدير القاضى بحيث لا تقل عن 24الف ولا تزيد عن 100الف جنيها .
والتنفيذ بيتم على Children visa للمطلقة والتنفيذ على عام وايداع المبلغ شهريا
مثال إجمالى الحقوق للمطلقة 120 الف
يتم إيداع مبلغ كل شهر 10الاف لحين الانتهاء من تسديد المبلغ الإجمالى
المدة المسموح بها اول 10ايام من كل شهر
للعلم يوجد غرامة تأخير على كل شهر عن المدة المتفق عليها عن العشر ايام الاولى من كل شهر 10٪ من إجمالى مبلغ 120الف ويتم ايداع مبلغ الغرامات نهاية السنه .

05/01/2025

حقوق المطلقة والمختلعة والحاضنة : -

💫اولا : حقوق المطلقة ..

1- مؤخر الصداق .
2- نفقة المتعة.
3- نفقة العدة .
4- قائمة المنقولات .

💫ثانيا : حقوق المختلعة ..

1- ليس لها الحق في الحصول على مؤخر صداق كما تلتزم برد مقدم الصداق .
2- ليس لها الحق في نفقة المتعة .
3- ليس لها الحق في نفقة العدة .
4- التطليق خلعا هو طلاق بائن.
5- يحق لها حضانة اولادها ويبطل كل اتفاق يخالف ذلك.

💫ثالثا : حقوق ( الحاضنة ) للمطلقة والمختلعة في حالة وجود أطفال

1 -تمكين المطلقة او المختلعة من مسكن الزوجية بصفتها حاضنة
أو الحصول على أجر مسكن للحضانة.
2 -أجر حضانة الحاضنة .
3 -أجر رضاعة.
4 -نفقة للصغار.
5-مصاريف علاج للصغار.
6 -مصاريف مدارس للصغار.
7 -مصاريف كسوة الصيف والشتاء للصغار
#مكتب الأستاذة هدير عبد الحميد المحامية

19/09/2024

معلومات تأمينية:
✍️ ينفع البنت تاخد معاش والدها المتوفي ؟ ايوه
✍️طيب لو كانت موظفه ينفع برضه؟ ايوه
✍️حتي لو كانت متزوجه ؟ لا لازم تكون انسه أو مطلقه او ارمله بس .
✍️طيب الموظفه دي بتاخد مرتب ازاي هتاخد مرتب ومعاش مع بعض ؟ اقول لحضرتك 👇
في الحاله دي بنشوف مرتب الابنه كام ومعاش والدها كام لو كان مرتبها اكبر من معاش والدها مينفعش تاخد المعاش ولو مرتبها يساوي معاش والدها برضه مش هينفع تاخده أما لو مرتبها أقل من معاش والدها هنا هتصرف الفرق بين مرتبها وبين المعاش ..يعني ايه ؟ افهم حضرتك 👇
يعني لو مرتبها مثلا ٥٠٠ جنيه ومعاش والدها ١٠٠٠ جنيه مش هتصرف المعاش كله لكن هتصرف منه ٥٠٠ جنيه بس اللي هو الفرق بين مرتبها ومعاش والدها .
✍️طيب ازاي التأمينات بتعرف المرتب بتاعي ؟ حضرتك لما بتروحي تقدمي علي معاش والدك بتقدمي معاه ورقه اسمها بيان مفردات مرتب بتطلع من محل عملك بيكون مكتوب فيها مرتبك بالكامل .
✍️طيب لو الابنه دي موظفه بتاخد مرتب وفي نفس الوقت ارمله بتاخد معاش زوجها المتوفي ينفع برضه تاخد معاش والدها ؟ ايوه
✍️طب ازاي؟ اقول لحضرتك
هنا لما بتقدم على معاش والدها قولنا أنها بتقدم بيان بمفردات مرتبها وكمان بتقدم بيان بمعاش زوجها المتوفي وبنجمع الاتنين ونشوف لو هما قد معاش والدها أو اكبر منه خلاص مش هتصرف معاش والدها أما لو كانوا أقل منه بتصرف من المعاش الفرق بينهم بس زي ماشرحنا فوق 👆
✍️طيب الارمله اللي كانت بتاخد معاش زوجها المتوفي تزوجت مره اخري واتوقف صرف المعاش بتاع زوجها المتوفي لو اتطلقت من زوجها الأخير ينفع ترجع تاخد معاش زوجها المتوفي ؟ لا للأسف مينفعش ترجع تاخد معاشه تاني .
✍️طيب لو الموظفه دي علي المعاش اصلا وبتاخد معاش من شغلها ينفع تاخد معاش والدها ؟ ايوه
وبرضه بنعمل زي ماعملنا فوق بنشوف الفرق بين معاشها وبين معاش والدها ونعمل زي ماشرحنا .
✍️طيب المطلقه طلاق رجعي بتستحق معاش والدها؟ لا لازم يكون الطلاق بائن
✍️يعني ايه طلاق بائن؟ يعني سيده زوجها طلقها وانتهت فترة العده دون رجوع فأصبح الطلاق بائن
✍️طيب هنا المطلقه بتصرف المعاش من تاريخ الطلاق ولا من تاريخ انتهاء فترة العده ؟ بتصرف من الشهر التالي لحدوث الطلاق مش من تاريخ انتهاء فترة العده .
✍️طيب لو المطلقه اللي بتاخد معاش والدها وتزوجت مره اخري طبعا هيتوقف صرف المعاش لو اتطلقت من زوجها التاني ينفع ترجع تاخد معاش والدها ؟ ايوه ينفع طبعا
✍️طيب انا سمعت أن المطلقه بالخلع أو بالمحكمه مينفعش تاخد معاش والدها صح الكلام ده ؟ لا طبعا مش صحيح المطلقه بالخلع او بالمحكمه زيها زي المطلقه عند المأذون من حقها تاخد معاش والدها .
✍️طيب ينفع الابنه تجمع بين معاش والدها ومعاش والدتها ؟ ايوه مفيش مشكله خالص وكمان بدون حد أقصي .
✍️طيب نصيب الابنه دي من معاش والدها قد أيه يعني من حقها المعاش كله ولا جزء منه ؟ اقول لحضرتك 👇
لو البنت دي لوحدها مفيش غيرها بتاخد تلتين المعاش ولو كان معاها والدتها اللي هي أرملة صاحب المعاش ومفيش اخوات تاني يبقي البنت هتاخد النص والام النص ولو البنت معاها اخوات تاني مستحقين و الام مش موجوده بيتم تقسيم المعاش بين الاخوات بالتساوي ولو البنت معاها ام واخوات وجد وجده اللي هما والدي صاحب المعاش المتوفي يبقي الام هتاخد التلت والبنت واخواتها هياخدوا النص والجد والجده يشتركوا في السدس .
✍️طيب المطلقه دي بتصرف المعاش من تاريخ تقديم طلب للتأمينات ولا من تاريخ الطلاق ؟ بتصرف من الشهر التالي لوقوع الطلاق
✍️طيب لو المطلقه دي مكانتش تعرف أن ليها حق تصرف معاش والدها وعرفت بعد كده ينفع تقدم ولا خلاص راح عليها ؟
ينفع طبعا وليها الحق تصرف جميع الشهور السابقه كمان وبيسموه المتجمد وده بحد أقصي خمس سنين سابقه فقط يعني بتصرف المعاش بأثر رجعي لحد خمس سنين عدت مره واحده .

05/09/2024

**حقوق الزوجه المطلقه **

اولا :- **مؤخر الصداق**
هو المبلغ المكتوب فى عقد الزواج

ثانيا :- **نفقة العدة **
تقدر بحوالى نفقة 3 شهور تقريبا وفى حالة المراءه الحامل تنتهى عدتها وقت وضع الحمل

ثالثا :- **نفقة المتعة **
تقدر حوالى على الاقل بنفقة 24 شهر ( سنتين) الى.( خمس سنوات )
وهذا طبقا لظروف وملابسات ومدة الزواج ويكون تقدير هذه المده للقاضى

رابعا :- **المنقولات الزوجية **
من حق المطلقة استلام جميع المنقولات المدونه بقائمه المنقولات الزوجية حيث ان قائمة المنقولات هى بمثابة ايصال امانة مستقله عن العلاقة الزوجية
فالزوج ملتزم بردها عند طلب الزوجة
فيحق للزوجة رفع قضية للمطالبه بها

خامسا :- **حقوق الاطفال **
فحقوق الصغار ليس لها اى علاقة بحقوق الزوجة المطلقة فللصغار حقوق
لايجوز للزوجة التنازل عنها نهائيا
وفى حالة التنازل عنها يكون التنازل باطل حتى لو مكتوب

14/04/2024

ًا لجميع المجندين الهاربين من وحداتهم العسكرية مِمَن بلغوا سن ٣٦ عام👇👇👇

بيان منقول من صفحات بعض الساده المحامين بخصوص إدارة السجلات العسكريه لجميع المجندين الهاربين من وحداتهم العسكرية ممن بلغوا سن ٣٦ عام.. 🧑‍✈️👩‍✈️👨‍✈️

تقوم إدارة السجلات العسكريه إنهاء جميع إجراءاتهم وتسليمهم شهادة تأدية الخدمة العسكرية بدون توقيع غرامه مالية بعد تقديم المستندات الآتيه :

١- فيش جنائي حديث موجه لإدارة السجلات العسكريه .👮‍♂️👨‍✈️
٢- عدد ٢ صورة من بطاقة الرقم القومي ساريه .
٣- صورة من قسيمة الزواج الورقيه في حالة الزواج.
٤- الكارنيه والرخصة في حالة توافرهم.🧑‍✈️
٥- عدد ٢ صوره شخصية حديثة بيضاء .🧑‍✈️
٦- أصل شهادة الميلاد مميكنه وحديثه.🧑‍✈️

وعلي جميع الأفراد الهاربين إستكمال أوراقهم سالفه الذكر والتوجه إلى إدارة السجلات العسكريه لإنهاء موقفهم التجنيدي.👮‍♂️👨‍✈️👩‍✈️🧑‍✈️

Address

شارع المحطة الجيزة
Giza

Telephone

+201150688872

Website

Alerts

Be the first to know and let us send you an email when مكتب الأستاذة هدير عبد الحميد المحامية للمحاماة والإستشارات القانونية posts news and promotions. Your email address will not be used for any other purpose, and you can unsubscribe at any time.

Contact The Business

Send a message to مكتب الأستاذة هدير عبد الحميد المحامية للمحاماة والإستشارات القانونية:

Shortcuts

Share

Category