10/06/2026
في كارثة عقارية بتحصل
⚖️ لو انت محامي وعميلك اشتري شقة.. وفجأة لقيته اشترى "الهوا" حاجة ملهاش وجود في الأرض؟!
الوصف ده مش مبالغة، دي كارثة عقارية بتحصل كتير جداً، والسبب عدم إدراك أول ركن في العقد وهو (الرضا أو التراضي) غلط!
"الرضا" مش مجرد كلمة بتتكتب أول العقد زي: "باع وأسقط وتنازل"، والطرفين مضوا وخلاص.
الحقيقة إن الرضا روح بتجري في كل بنود العقد، والمفروض إن كل بند يترجم النية الحقيقية للطرفين من غير غموض أو تلاعب.
وهنا "فخ الصياغة" اللي بتتعمده بعض شركات التطوير العقاري:
عقد طويل جداً.. صفحات كتير وبنود أكتر، يصعب على أي شخص غير متخصص إنه يستوعبها أو يربطها ببعض وهو قاعد يقرأ ومستعجل.
وفجأة، وسط الزحمة دي وفي بند متأخر في الصفحات الأخيرة، تلاقي نص مستتر معناه:
(إنك بتشتري الشقة "مباني فقط" بدون أي حصة في الأرض)!
الأصل في القانون إن المشتري ياخد حصة في الأرض تلقائياً مع الشقة، لكن البند المستتر ده بيغير الأصل، والمشتري بيمضي وهو فاكر نفسه راضي وموافق، لكنه في الحقيقة وقع في فخ صياغة ضيّع شقا عمره وخلاه شاري وحدة في الهواء.
🎯 فخاخ الصياغة ممكن تكون معاك أو ضدك، وصياغة العقد مش مجرد رص كلام أو توقيع على ورق جاهز.
الصياغة المحترفة هي اللي بتكشف المستور وتضمن إن "الرضا" حقيقي ومفهوم لكل الأطراف.
علشان كده، في العقود الكبيرة دي، لازم كمحامي محترف ومتمرس تقرأ العقد بـ"الميكروسكوب" وتقفل أي ثغرة قبل ما عميلك يمضي..
✉️ متخاطرش بفلوس عميلك .. لو بيشتري من شركة عقارات ومحتاج مراجعة لو أنت احد عملائنا تقدر تحصل على استشارة قانونية ، هنكون معاك في فهم النوع ده من العقود .
