مؤسسه المحجوب للمحاماه والأستشارات القانونيه

18/06/2026

18/06/2026

كان ليا مدير بيدفع مصروف شهري صدقة لطالب بيدرس في الازهر، ومره وانا ماشيه في الشارع لقيت الطالب ده واقف يركب تاكسي، كنت مترددة اقول لمديري ولا لأ، لحد ما مديري سألني عايزه تقولي ايه، قولتله انا شوفت فلان بيركب تاكسي النهاردة.. والمدير قاعد يسمعني ومستني باقي الحوار، لقاني سكت..
انا لحد اليوم فاكرة نظرات مديري ليا وهو مستغرب ومصدوم ازاي انا عملت كده، ازاي وقفت اشوفه بيركب ايه، وازاي افكر اصلا انه عشان ركب تاكسي فهو كده لا يستحق الشهرية! وازاي اجي اقوله عشان يقطع الشهرية! وبعد حوار طويل منه ليا وتهزيئ بصراحة.. قالي يا رباب احنا مش بندي الفقير عشان يبقى عايش اقل مننا ، احنا بنديه عشان بنحاول نخليه يعيش زينا.
،
مرة كنا بنلم فلوس جهاز عروسة ابوها معتقل، انا مبدفعش حاجه، انا مجرد وسيط، الاخ المسئول لقيته باعت يسألني يجيب بوتجاز خمس عيون ولا اربعة!! انا ثورت واتنرفزت وحسيت انه استهتار بفلوس الناس وعدم حرص وقولتله يجيب بوتجاز اربع عيون طبعا، وباقي الفلوس دي نشيلها لاي حالة..
يومها كنت قدرا بقابل مسئول تاني فبقوله شوفت فلان عايز يجيب بوتجاز خمس عيون للعروسة؟! لقيته قالي: اه يجيب بوتجاز خمس عيون وست عيون وعشرة كمان يا رباب، مش كفاية ان ابوها مش موجود، كمان هنجهزها اقل من البنات!! احنا نجيبلها زي ما كان ابوها هيجيب واحسن..
رحت سألت المسئول عن اخونا المعتقل ابو العروسة ده كان شغال ايه؟ (عشان اعرف كان هيجهز بنته ازاي) قالي كان مهندس في شركة بترول.. قولتله طيب هرجعلك تاني.. روحت استاذنت المتكفلين وقولتلهم نستأذنكم في بوتجاز خمس عيون.. لقيتهم هما كمان استغربوا، وقالولي يجيبلها طبعا زي ما بنجيب لبناتنا.. رجعت للمسئول ووصلته كلامهم
،
لما كنا في الكلية كان الاول على القسم بتاعنا طالب مش محبوب خالص، على الاقل مننا، وكنا احنا جروب بنات وبنحط البلاطي بتاعتنا في دولاب الكلية، كان لينا صاحبتنا اخوها طبيب وكانت بتجيب البلاطي بتاعته، وبالطو الطبيب اغلى طبعا من البالطو البسيط بتاع الطالب العادي، في مره كانت بتفتح الدولاب وبتجيب حاجاتنا منه، جه الطالب الاول ده وقف وراها وقالها كل دي بلاطي، ما تدوني بالطو، راحت شدت بالطو واديتهوله من غير ما تبصله.. طلع بالطو اخوها.. فـ كنا ندخل السكشن كلنا لابسين بلاطي الطلبة العادية إلا هو يدخل لابس بالطو اغلى من بالطو المعيد نفسه
،
زمان في بيتنا كان عندنا مكتبة سايد كده وكنا حاطين فيها التليفزيون والفيديو والاستريو، في مره المكتبة دي وقعت على وشها.. بكل اللي فيها.. وكل بتوع الصيانة قالوا لماما رحمها الله استعوضي ربنا فيها، مفيش امل في اي حاجه فيهم، ولو بعتيهم مش هيجيبوا حاجه.. فماما اديت المكتبة بالي فيها لعم اشرف، ولاده كانوا بيدرسوا صنايع وكهربا وكده.. فصلحوا الحاجه بس يعني يدوب تشتغل، فكنت كل ما تدخل عند عم اشرف حارس العمارة تلاقي عنده مكتبه فيها فيديو واستريو وتليفزيون
،

هو انا بحكي الحكايات دي ليه؟؟؟؟
- اول فقرتين عباره عن موقفين لتعقب الصدقة..
وفي فرق من انك تتاكد من ان الصدقة بتاعتك وصلت لمستحقيها وفيه فرق انك تلف ورا الفقير عشان تعرف صرف فلوسك في ايه! والشيطان بيدخلك من هنا.. من حتة انك عايز تطمن انه يستحق الصدقة.. ويوصلك لحتة انك بتراقب الفقير وتستخسر فيه فلوسك.. مع انها مبقتش فلوسك خلاص :) انت طلعتها لله..
وسبحان الله في الموقفين اللي ذكرتهم: طالب الازهر، وبنت المعتقل، مكنتش فلوسي وكنت بتتبعهم وبشوفهم بيعملوا ايه بالفلوس، ولا حول ولا قوة إلا بالله

- تاني فقرتين حكيتهم عن ناس ظاهرها الغنى وهم اصلا فقراء.. وتلاقي واحد منا يقول: ده بص يا عم عنده ايه، ده بص يا عم لابس ايه، ويكدب بعينه باقي اللي شايفه فيهم.. وانهم محتاجين..
،
حكيت المواقف الاربعة دول عشان اوصل للجزئية المهمة دي.. وهي ، لان فيه قانون مرعب في دينا اسمه قانون الاحباط.. احباط العمل ..
فَحَبِطَتْ أَعْمَالُهُمْ فَلَا نُقِيمُ لَهُمْ يَوْمَ الْقِيَامَةِ وَزْنًا
فـ لو حُبط عملك.. مالوش وزن.. خلاص.. خلصت
فـ ايه اللي يخلي العمل يُحبط؟؟
عامة.. الرياء بيحبط اي عمل.. (الرياء ببساطة هو انك تحب الناس تعرف انك عملت العمل ده، تحب الناس تعرف او تشوفك وانت بتعمله)
الاخلاص: انك تكون مش عامل العمل ده لله، عامله لفلانه ولا لعلان.. فهنا العمل مش خالص لوجه الله، فـ يُحبط
وتعالى في الصدقة.. في جزء كمان مهم وجي فيه أمر صريح في القرآن وفي سورة البقرة:
ثُمَّ لَا يُتْبِعُونَ مَا أَنْفَقُوا مَنّاً وَلَا أَذًى
اقرأ الاية كده (لَا يُتْبِعُونَ مَا أَنْفَقُوا).. ودي الاية الاولى لا يُتبعون.. وبعدها بآيتين.. جه تأكيد.. بس جه بلفظ تاني.. لا تبطلوا..
لا تُبْطِلُوا صَدَقَاتِكُمْ بِالْمَنِّ وَالأَذَى
والكلام واضح.. لا تُبْطِلُوا صَدَقَاتِكُمْ.. والمنّ والاذى بيبطلوا الصدقة.. والمن والاذى بيبتدوا بالتتبع.. تتبع الصدقة.. والمنّ هو انك بتمن على حد بصدقتك.. والاذى بيدخل تحتيه انك تسأله صرفت فلوسك فين! او انك تتبع هو بيصرف فلوسه في ايه! ..
،
وتاني اشمعنى الصدقة؟.. لأن الانسان لما بيموت مبيتمناش يرجع الدنيا عشان يصوم ولا يصلي ولا يحج.. لأ.. بيتمنى يرجع عشان بس يتصدق.. والدليل الاية 10 من سورة المنافقون
وَأَنفِقُوا مِن مَّا رَزَقْنَاكُم مِّن قَبْلِ أَن يَأْتِيَ أَحَدَكُمُ الْمَوْتُ فَيَقُولَ رَبِّ لَوْلَا أَخَّرْتَنِي إِلَىٰ أَجَلٍ قَرِيبٍ فَأَصَّدَّقَ وَأَكُن مِّنَ الصَّالِحِينَ
عشان كده الشيطان بيحاول يمنعك قبل ما تطلع الصدقة ، يمنعك بطرق مختلفة
ولما تطلعها.. بيحاول يضيع عليك اجرها.. وتبقى هنا المصيبة اكبر.. انك تخسر فلوسك وتخسر اجر الصدقة..

فـ متخسرش صدقتك بالمن والاذى واللي بيبدأ بتتبع الصدقة، او تتبع المتصدق عليه
ومتخسرش صدقتك بالرياء او عدم الاخلاص..
اسأل عن الناس المستحقه للصدقة، واستخير ربنا قبل ما تطلعها... وبمجرد ما طلعتها .. واتاكدت انها وصلتلهم.. خلاص.. ارفع ايدك.. وانساها
وربنا عالم بيها
وَمَا تُنْفِقُوا مِنْ خَيْرٍ فَإِنَّ اللَّهَ بِهِ عَلِيمٌ،

ثم تعالى لباقي الاية 262 سورة البقرة بتقول ايه:
﴿ ثُمَّ لَا يُتْبِعُونَ مَا أَنْفَقُوا مَنّاً وَلَا أَذًى لَهُمْ أَجْرُهُمْ عِنْدَ رَبِّهِمْ وَلَا خَوْفٌ عَلَيْهِمْ وَلَا هُمْ يَحْزَنُونَ ﴾
لك اجرك عند ربك.. ولا خوف عليك.. ولا حزن :)
عايز حاجه تاني؟
#لا تتبع_صدقتك
منقوله للعلم والفائدة

08/05/2026

اللّٰهُمَّ يَا مَنْ تَكْفِي كُلَّ نَفْسٍ هَمَّهَا، وَتَمْلَأُ كُلَّ قَلْبٍ سَكِينَةً إِذَا تَوَجَّهَ إِلَيْكَ، أَنْتَ عِلْمُكَ بِحَالِي يَكْفِينِي، وَحُكْمُكَ فِي قَضَائِي يُغنِينِي.

اللّٰهُمَّ إِنْ كَانَ قَدْ ضَاقَ بِالعَيْشِ صَدْرِي، وَاخْتَلَّ فِي العَطَاءِ قِسْمِي، فَاجْعَلْ ذٰلِكَ تَفْرِيقًا لِي عَمَّا يَشْغَلُنِي عَنْكَ، وَتَقْرِيبًا لِي إِلَى مَا يُرْضِيكَ عَنِّي.

يَا رَبِّ، لَا تَحْرِمْنِي طُمَأْنِينَةَ الضَّمِيرِ، وَلَا تَذْهَبْ بِيَ السَّعَةَ فِي الرِّزْقِ إِلَّا وَقَدْ أَبْقَيْتَ لِي السَّعَةَ فِي اليَقِينِ، وَالسَّكِينَةَ فِي القَلْبِ.

اللّٰهُمَّ أَظْهِرْ لِي فِي كُلِّ مَا أَخْفَيْتَهُ عَلَيَّ حِكْمَتَكَ، وَاجْعَلْنِي مِمَّنْ إِذَا أَخَذْتَ مِنْ يَدِهِ فَزِعَ إِلَى مَا بَقِيَ فِي قَلْبِهِ مِنْ مَحَبَّتِكَ.

يَا مَنْ لَا يَخِيبُ عِنْدَهُ رَاجٍ، وَلَا يَنْقَطِعُ مِنْ لُطْفِهِ خَيْطٌ، اِجْعَلْنِي أَرْضَى بِكَ عَنْ كُلِّ مَا فَاتَنِي، وَأَشْكُرُكَ عَلَى كُلِّ مَا أَعْطَيْتَنِي، حَتَّى أَنَامَ عَلَى ذِكْرِكَ، وَأَسْتَيْقِظَ عَلَى حُبِّكَ.

01/04/2026

مهما وضّحت، سيصل كلامك محمّلًا بتجاربهم هم...
لا بنيّتك أنت 🥀

07/03/2026

اللَّهُمَّ إِنِّي أَسْأَلُكَ العَفْوَ وَالْعَافِيَةَ فِي الدُّنْيَا وَالْآخِرَةِ، اللَّهُمَّ إِنِّي أَسْأَلُكَ الْعَفْوَ وَالْعَافِيَةَ فِي دِينِي وَدُنْيَايَ وَأَهْلِي وَمَالِي، اللَّهُمَّ اسْتُرْ عَوْرَاتِي وَآمِنْ رَوْعَاتِي، وَاحْفَظنْيِ مِنْ بيَنِْ يَدَيَّ وَمِنْ خَلْفِي وَعَنْ يَمِينيِ وَعَنْ شِمَاليِ وَمِنْ فَوْقِي، وَأَعُوذُ بِعَظَمَتِكَ أَنْ أُغْتَالَ مِنْ تَحْتِي.

24/02/2026

وَخَشَعَتِ الأَصْوَاتُ لِلرَّحْمَنِ فَلا تَسْمَعُ إِلا هَمْسًا ")💗...عرض المزيد

22/02/2026

اللهم آميين يارب
#مؤسسه المحجوب