23/02/2026
معلومه قانونيه تهم كل اسره ساكنه في بيت عيله ⚖️
فيه ناس كتير فاكرة إن ورثة يقدروا يبيعوا بيت العيلة غصب عن باقي الورثة أو يهددوهم بالطرد وده فهم خاطئ تمامًا من الناحية القانونية.
العقار الموروث بيكون ملك على الشيوع وده معناه إن مفيش بيع للعقار كله إلا بموافقة جميع الورثة وأي وريث لا يملك إلا التصرف في نصيبه فقط، لكن لا يجوز له بيع البيت بالكامل أو تسليمه لأي مشتري بدون توقيع الباقين.
أما موضوع الطرد، فده لا يتم إلا بحكم قضائي نهائي بعد إجراءات طويلة، وإنذارات الطرد في حالات الشيوع مالهاش أي قيمة قانونية، لأن كل وريث يعتبر مالك وحائز على العقار.
في حالة وجود خلاف بين الورثة وعدم الوصول لاتفاق، الطريق القانوني الوحيد هو رفع دعوى فرز وتجنيب، ولو العقار لا يقبل القسمة، المحكمة هي اللي بتحكم بالبيع في مزاد علني وبسعر السوق، وليس بأي سعر يفرضه طرف دون الآخر.
الضغط والتهديد لا ينشئ حق، والقانون لا يعترف إلا بالإجراءات الصحيحة، ودائمًا الحل الودي العادل بيكون أفضل للجميع قبل الدخول في نزاعات قضائية طويلة.
- أ/ محمد نصحى الفقى - المحامي
فرشوط أمام المطافى بجوار المدرسه الثانويه الصناعيه
