مكتب إيوس للمحاماة - Ius Law Firm

22/06/2022

بمناسبة قرب بدء التقديم للأطفال فى المدارس مرحلة التعليم الأساسى وما قبلها كمان ال "kg" .
وكمان التحويل للصغار من مدرسة لمدرسة من سحب بقى وتقديم وخلافه.
كل ده بالنسبة للأم اللى مش معاها حكم بضم حضانة الصغار مش هتقدر تعمله ولما تروح مدرسة ابنها عشان تعمل أى إجراء من اللى ذكرناهم شرط يكون صادر ليها حكم بضم الحضانة أو أمر بنقل الولاية التعليمية على الصغار ليها .
ودى حاجة سهلة قوى بتصدر من رئيس محكمة الأسرة اللى هى تابعة ليها بإسم عبارة عن طلب ومعاه قسيمة الزواج والطلاق إن كان وقيد ميلاد الصغير وما يفيد وجود خلافات بين الأم والأب لو مش مطلقة وبيصدر الأمر فى نفس اليوم أو تانى يوم بالكتير .

وده معناه إن اللى صادر ليها حكم بضم الحضانة خلاص كده هى اللى تملك الولاية التعليمية بنص المادة 54 من قانون الطفل ومش محتاجة لأمر على عريضة ولا قرار بمنحها الولاية التعليمية على الصغير .
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
يشرفنا زيارتكم لنا بمكتبنا : ٥ ش عيد مصطفى _ أول فيصل _ الجيزة _ خلف أولاد رجب
أو راسلنا على الإيميل : [email protected]
أو راسلنا على صفحتنا على الفيس بوك : facebook.com/iuslawfirm0
أو تواصل معنا على الأرقام التالية:
01017060009‪ - 0109 509 2589 - 0112 892 9142

21/06/2022

ليه تأسس شركتك🏢 مع مكتب إيوس للمحاماة ⚖️ Ius Law Firm:
————————————————————————————
علشان مع مكتب إيوس :
# هنساعدك في تحديد الشكل القانوني المناسب لشركتك
# هنقوم بصياغة عقد التأسيس بشكل احترافي يضمن حقوق الشركاء ويحدد النظام الأساسي للشركة
# هنتابعك بكل الخطوات
يقوم المكتب بتسليم العميل المستندات الآتية:
📃 السجل التجارى
📃 عقد التأسيس
📃صحيفة الاستثمار
📃القيد فى السجل التجاري
📃البطاقة الضريبية
📃 شهادة القيمة المضافة :

————————————————————————————
كمان هنقدملك خدمات ما بعد التأسيس:
* متابعة الإقامات بالنسبة للمستثمرين الأجانب ومتابعة الموافقات الأمنية
* متابعة الشركة من الناحية القانونية
*اعداد العقود الخاصة بالموظفين وبالتعاقد مع الشركات الاخرى.
* فتح ملف تأمينى للشركة
*متابعة للشركة وسير العمل فيها من الناحية القانونية
* استخراج كافة التراخيص للأنشطة التى تتطلب تراخيص لمزاولة النشاط
* استخراج تراخيص العمل و الإقامة للعمالة الأجانب و للمستثمرين الأجانب بالشركات، وتجديدها
* تمثيل الشركات أمام مكاتب العمل ومكاتب التأمينات الاجتماعية وأمام الجهات الحكومية وغير الحكومية
* تسجيل العلامات التجارية ومتابعة الإشهار واستلام شهادة العلامة التجارية
_________________
دا غير أننا هنكون معاك في أي وقت عبر الهاتف والواتس والزوم والإيميل.
* الاستشارات فى مجال شئون الشركات وكافة القوانين المرتبطةوالمتعلقة بها .
*متابعة الشركات فى كافة التعديلات وعمل الجمعيات العادية والغير العادية ومجالس الإدارة والقرارات الإدارية وفتح الفروع
_________________
يشرفنا زيارتكم لنا بمكتبنا : ٥ ش عيد مصطفى _ أول فيصل _ الجيزة _ خلف أولاد رجب
أو راسلنا على الإيميل : [email protected]

أو راسلنا على صفحتنا على الفيس بوك : facebook.com/iuslawfirm0
أو تواصل معنا على الأرقام التالية:
01017060009‪ - 0109 509 2589 - 0112 892 9142

01/07/2020

ظاهرة خطيرة إنتشرت منذ رفع القانون سن الزواج إلى ١٨ سنة خصوصا فى مجتماعتنا الريفية والقرى واللى كانت أبعد ما يكون عن الفكرة نهائيا لكن بسبب عاداتنا القديمة من زواج البنات فى سن صغير ، ودى عادة مقدرش القانون يتغلب عليها لما رفع سن الزواج ومضى أهل تلك العادة فيها قدما غير مدركين لخطورتها أو غير مبالين بعواقبها وإكتفوا بتأمين نفسهم وبناتهم بالعقد العرفى وتوقيع العريس ووالده على إيصالات أمانة معتقدين كفايتهم فى ضمان حقوق الزوجة ، والحقيقة إن الأمر لا يخرج عن الفروض التالية :
١- إما إن الأمور تمضى على خير بدون مشاكل وهذا ما نتمناه ونأمله لحين بلوغ الزوجين سن ال ١٨ سنة ويعملوا تصادق على الزواج وينتهى الخطر .
٢- أو تمضى الأمور على خير برده بدون مشاكل بين الطرفين لكن إرادة الله تعجل بأجل أحدهما قبل بلوغ سن الزواج الرسمى وهنا تكون الخطورة الأولى أما الأخطر منها أن يكونا قد رزقا أطفال خاصة إذا كانت الوفاة قبل بلوغ الزوجة ١٧ سنة يعنى أمامها كمان سنة أو أكتر عشان ترفع دعوى إثبات زواج ثم إثبات نسب للأطفال .
٣- إما أن تحدث خلافات بين الطرفين وتتطور إلى العناد عفانا الله وهنا تبدأ الخطورة يرتفع معدلها لإن الزوجة حتى لو لجأت إلى المحكمة عشان تثبت الزواج فإنكار الزوج هيحرمها من أى حقوق زوجية أو أى حقوق تترتب على الطلاق وإن كان هيفضل ليها الحق فى إثبات الزواج نفسه إن أثبتته أمام المحكمة ويكفى فى ذلك الشهود ولو فيه أطفال هيكون ثبوت النسب سهل فى حالة ثبوت الزواج .
٤- دى بقى الحالة الأخطر على الإطلاق وهى إن الخلاف والعناد يتملك الطرفين ويكون فيه بينهم أولاد وكمان لا قدر الله يتوفى الزوج قبل بلوغ الزوجة السن بسنة على الأقل وفى الحالة دى بقى مع إن إثبات الزواج هيكون سهل بالشهود برده إلا إن ثبوت النسب للأطفال بعد سنة من تاريخ الوفاة هيكون متوقف على إقرار أهل الزوج بالنسب وإلا فلا تسمع الدعوى وطبعا موضوع الإيصالات زى ما بيقولوا فى المثل "يبلوه ويشربوا مايته" آسف على التشبيه بس ده مثل دارج .
ده كان توضيح بسيط لأهم العقبات اللى ممكن تحصل لحالات الزواج العرفى لمن دون السن وكان علينا توضيحها .
ملحوظة : طبعا إحنا على يقين إن فيه ناس كتير لن يثنيهم الكلام ده عن المجازفة عشان كده نرجو إنهم يتواصلوا معانا عشان نعرفهم الحل الأمثل اللى أضمن لبناتهم من إيصالات الأمانة والكلام ده ، بس مش هنقدر نعلن عن الحل ده عشان ميبقاش بمثابة تشجيع ليهم على .

05/05/2020

هو زى ماهو باين من إسمه بالظبط ، خلاف مستحكم بين الزوجين يعنى خلاص قفلت زى الدومنة ، وهو الخيار الأفضل وطوق النجاة للزوجة اللى عايزة تطلق ومش عايزة تتنازل عن حقوقها زى الخلع ولا عارفة تثبت الضرر فى دعوى الطلاق للضرر .
وهو بيشبه الخلع فى حتمية وقوعه يعنى اللى تلجأ له يبقى هتطلق هتطلق حتى إن المحكمة متقدرش ترفضه إذا توافرت حالاته لكن اللى بيحدد فيه مدى إستحقاق الزوجة لكافة حقوقها المتزتبة على الطلاق "عدة ، متعة ، مؤخر" هما الحكمين اللى بتندبهم المحكمة إذا ما إطمأنت لتقريرهم.
والطلاق لإستحكام الخلاف ملوش غير حالتين إتنين فقط فى القانون وبيكونوا طلب مضاف ضمن دعوى أخرى يعنى مينفعش الزوجة ترفع دعوى كده من البداية تطلب فيها الطلاق لإستحكام الخلاف لازم الأول يتوافر حالة من الإتنين اللى هنوضحهم دلوقتى .
بالمناسبة لازم نوضح إن الطلاق للشقاق وللنفور هما نفس الشئ بس الإسم القانونى هو .
وحالاته كالآتى :
1- دعوى الإعتراض على إنذار الطاعة اللى بترفعها الزوجة لما زوجها يبعتلها إنذار طاعة يحق للزوجة أن تطلب فيها كطلب مضاف .
2- الحالة الثانية دى هى الأهم واللى أغلب الزوجات مبتخدش بالها منها وهى تكرار الشكوى بالطلاق للضرر مع عجز الزوجة عن إثبات الضرر بمعنى إن الزوجة ترفع دعوى طلاق للضرر وتاخد رفض عشان مقدرتش تثبت الضرر الواقع عليها فتقوم ترفع دعوى جديدة للضرر برضه بس بسبب جديد إذا مقدرتش تثبت برضه بيكون من حقها هنا الطلاق لإستحكام الخلاف بس لازم تقدم للمحكمة ما يثبت إنها سبق وأخدت رفض فى دعوى سابقة وهنا بتكون التركة بقى لإن الزوجة بتخاف تقدم الحكم الأول اللى قضى بالرفض خوفا من إن المحكمة تقضى بعدم جواز نظر الدعوى لسابقة الفصل فيها فى حين إنها لو قدمت الحكم ده يمتنع على المحكمة إنها ترفض للمرة الثانية ووجوبى عليها إنها تتخذ إجراءات التحكيم لإستحكام الخلاف .
نعتذر على الإطالة ونرجو إننا نكون بسطنا المعلومة بشكل مناسب .

30/09/2018

01/03/2018

#الخلع

02/01/2018

: يعاقب بالحبس مدة لا تقل عن 3 أشهر وبغرامة لا تقل عن 10 آلاف جنيه ولا تجاوز خمسين ألف جنيه، أو بإحدى هاتين العقوبتين كل من حجب مستنداً يؤكد نصيباً #للوارث، أو امتنع عن تسليم ذلك السند حال طلبه من أي من .
#المواريث

05/11/2017

لا يصح إدانة المتهم بجريمة خيانة الأمانة ( )، إلا إذا اقتنع القاضى بأنه تسلم المال بعقد من عقود الأمانة الواردة على سبيل الحصر فى المادة ٣٤١ من قانون العقوبات. وان ايصال الامانة لم يكن ضمانا لدين او لسلعة اشترها المتهم واذا تبن للقاضى ذلك يحكم بالبراءة.
#الجنح