https://www.facebook.com/108526287251406/

Elmaghalawy Law Firm, شارع محمد عبده ، متفرع من شارع الجلاء ، امتداد مسجد عمر الموصلي ، اعلي د/عاصم الملا ، الدور الثالث, Dumyat (2026)

31/10/2024

تنويه هام جدا جدا جدااااااا

علشان تبقي عارف وارد تلاقي عليك حكم بالحبس 3 شهور !!

لكل واحد رخصة عربيته او الموتوسيكل انتهت صلاحيتها ومجددهاش
او باع العربية بتوكيل !

لو انتهت الرخصة متكسلش انك تجددها
لان خلال مدة بسيطة من انتهائها هتتلاقي عليك حكم تبديد لوحات معدنية وعقوبته حبس 3 شهور !!
يعنى ممكن تتبهدل جامد وتبات ليلة او اكتر في القسم لو بالصدفة كشفوا علي بطاقتك في كمين او مثلا مسافر وبيكشفوا علي بطاقتك في المطار
فتضطر تبات في القسم لحد متعمل معارضه في الحكم

واللى باع عربيته بتوكيل والرخصة خلصت اتاكد ان اللى اشتراها نقل وجدد باسمه والا هتنزل الجنحة ضدك ..
وانت اصلا مفيش معاك عربيه!

16/10/2024

علشان تبقي عارف ..
ازاى تشترى ارض او عقار مضمون ؟!

متنتظرش منى اجابة والا هبقي كداب بقولك اى كلام
لان دي حاجه محتاجه دراسة كل حالة بشكل مستقل مش مجرد رص كلام .. و وارد جدا برده يتنصب عليك بعدها !

لكن انت محتاج حد فاهم وملوش مصلحة في ان البيعه تتم !!

يعنى صاحب العقار او الارض ليه مصلحة عاوز بيعته تخلص ويقبض ..

والوسيط برده ليه مصلحه انه ياخد نسبته

والاتنين مش هيكسبوا الا لو البيعه تمت

وهم مش ملايكه و وارد يبقي في شيء غلط ويضرك بس هم ميعرفوش اصلا !!

تبقى الشخص اللى بتحاول تتجنبه وهو المحامى اللى فعلا ملوش اى مصلحه لان البيعة سواء تمت او لم تتم ليه اتعابه

بس هو اللى هيعرف يفحص الورق ويكتبلك العقد اللى يضمنلك حقك ..

انا لما حد ببيع ليه كوسيط اى عقار بنصحه يشوف محامى غيري ملوش اى مصلحه علشان يكون مطمن اكتر

بس هنا مش اى محامى .. انت محتاج محامى عنده العلم الكافي اللى يقدمهولك بجد

ده مش بوست تسويقي اطلاقا ولكن كوارث العقود اللى تمت بدون وعى هى اكتر مشاكل بتجيلى ويتصرف عليها آلاف في المحاكم او برا المحاكم لانه وصل لحيطة مسدوده بدون علم ..

رغم ان كان ممكن يبقي في وقايه من الاول لو سألوا محامى فاهم قبل ما يشتروا وهيوفروا كوارث مستقبلية كتير بيحاولوا بعد ما حصلت يعالجوها

فعلشان تبقي عارف الوقايه خير من العلاج..
ده مش مبدأ طبي وبس
ولكن مبدأ قانونى

بل مبدا حياه !

14/10/2024

علشان تبقي عارف ..

لو انت دخلت محاكم ورفعت اى دعوى قضائيه

و اترفضت ..

بعد فتره هتلاقي واحد بيكلمك عاوز حاجه اسمها رسوم قضائيه ( نسبي وصندوق )
والمبلغ ده تقديري عن الدعوى اللى انت رفعتها
واحيانا مفيش حد بيكلمك لا انت بتتمسك فجاه وانت معدى على كمين شرطه او مسافر
وتتصدم ان عليك حكم تبديد

ولكن لو انت خسرت القضيه اللى انت رافعها
صحيح هيطلعوا عليك رسوم قضائيه وهيطالبوك بيها

(( بس مش هيبقي موت وخراب ديار))..

يعنى متتخضش وتجرى تدفع
واعرف ان قانونا هترفع دعوى وباذن الله المبلغ ده هيروح خالص عنك والجنحه هتاخد بعدها براءه

فالخلاصه هنا ان مش لازم تدفع

07/10/2024

علشان تبقي عارف ..
لو عندك اى مشروع مهما كان بسيط سواء بتبيع منتج او بتقدم خدمه
انت محتاج تضبط كل اوراقك لان الدولة مش هتسيبك عايش بالحب كتير خلال الفترة الجاية

يعنى مهما كان مشروعك لازم يبقي عندك ..

١) بطاقة ضريبية
٢) سجل تجارى
٣) ملف تامينى
٤) رخصة مزاولة نشاط

الاربع حاجات دي من غيرهم مشروعك مهدد في اى وقت الفتره الجاية يتقفل وانت شخصيا مهدد بتحرير جنح ضدك

مش بخوفك والله بس فعلا التقنين قادم لا محال
وقولت اقولك علشان تبقي عارف ..

05/08/2024

علشان تبقي عارف ..

مفيش حاجه اسمها عقد بيع نهائي بيتكتب بين البائع والمشترى وخلاص !!

عقد البيع حتى لو خالص الثمن هو عقد بيع ابتدائي ولازم تفهم ده كويس جدااااااا ..

الفكره في ان الشقة لو اتباعت مرتين والاتنين بعقد خالص الثمن و واحد راح سجل شهر عقارى والتانى قال عقدى كده عقد نهائي تمام وعمل صحة توقيع وخلاص

وطبعا البايع هنا نصاب وهنجيبه ونحبسة ونمده على رجله ونطلب فلوس الشقة منه و نحبسه بيها تانى وتالت ونطلب تعويض وكل الكلام الحلو ده .. واكتر

بس عارف مين بقي اللى اصلا هياخد الشقة على ارض الواقع ؟!

اللى هياخدها هو اللى سجل شهر عقارى واصبح عقده عقد نهائي فعلا. ..

فلو عندك شك في حاجه كده او كده وخايف على فلوسك

فقوم اطمن على فلوسك وروح سجل بعقد نهائى
( لو عرفت يعنى 😅)

بس كده.

02/08/2024

علشان تبقي عارف ..

عقد ايجار شقتك اللى تاريخه 31/1/1996 لا يخضع لقانون الايجار القديم..

يعنى ممكن صاحب الشقة يمشيك عادى !!

اشخاص كتير في وسط كلامهم معايا يقولولى هو مفيش حل عندك للشقة بتاعتنا اللى وسط البلد وايجارها ١٠٠ ج ؟؟!

اول سؤال بسأله بيكون هو العقد تاريخه كام

وبتفاجيء بعدها ان في عقود بعد تاريخ ٣١/١/١٩٩٦
اتعملت باعتبارها خاضعة لقانون الايجارات القديم
وبيكتبوا المده فيها مشاهره وكل الكلام ده

فعاوزك بس تبقي عارف ان اى عقد بعد ٣١/١/١٩٩٦
هو عقد محدد المدة مهما كتبتوا فيه
وان شقتك مش ايجار قديم !!

31/07/2024

علشان تبقي عارف ..

-اى منتج متلمسش او متفتحتش علبته
ينفع يرجع خلال 14 يوم لو رفض اعمل مشكلة واتصل بحماية المستهلك او حتى بالقسم وانت واقف واوعى تقول امشي واشتكيهم بعدين

- مفيش حاجه اسمها قواعد المكان بتقول اسفين يا فندم مفيش عندنا استرجاع وممكن تاخد سلعة تانية بنفس القيمه

- المنتج اللى فيه عيب صناعه تقدر ترجع للتوكيل حتى لو بعد خروجه من الضمان .

- لو رجعت لحماية المستهلك نصيحة اقرا القانون او خد حد قارى قانون حماية المستهلك لان هم هناك لو حاجه غريبه عليهم بيرفضوها حتى لو في القانون

خليها قاعدة عندك ان لو مشيت دايما وقولت هأخد حقي بعدين البعدين هيطول لشهور وسنين فهتسيب حقك

فامسك في حقك علطول متقولش انا استعوضت ربنا لان ده مش استعواض اطلاقا ..

( متنساش تقولى محتاج تعرف معلومات عامة قانونية عن ايه بدل ما يضحك علينا )

07/07/2024

Elmaghallawy law firm

مجموعة من المحامين المتخصصين في كافة نواحي القانون

١) الجنايات والجنح

٢) الدعاوى المدنية والعقود و المواريث وتقسيمها

٣) دعاوى شئون الاسره

٤) طعون مجلس الدولة و دعاوى الموظفين

٥) الدعاوى العمالية

٦) تاسيس الشركات وادارة الشئون القانونية لها

ويفخر مكتبنا بكونه مكتب متكامل الخدمات حيث نقدم ايضا ..

• الترجمة القانونية لكافة الوثائق الرسمية والعقود

• خدمة ادارة الشئون القانونية للشركات

• خدمة الادارة المحاسبية

• دراسة الجدوى للمشروعات ووضع المخططات لتطوير كافة انواع المشروعات الصغيرة والمتوسطه والمتابعة خطوه بخطوه للوصول للنتيجة التى يطمح لها العميل ..

ونفخر دوما بثقة العديد من الشركات في مؤسستنا لادارة الشئون القانونية والادارية لهم منذ عشر سنوات وحتى الآن

نسعى دوما لان نصبح الملاذ القانونى والادارى الاول في مصر والوطن العربي ..

وتلك هى رؤيتنا التى نسعي دوما لتحقيقها

14/06/2024

كل عام وانتم بخير

09/04/2024

عيد فطر مبارك
كل عام وانتم بخير

18/03/2024

انا اشترى أرض ليه ومفيش تراخيص ؟!

السؤال ده واقف حال سوق الأراضي في جميع المدن ..

(ما عدا المدن الجديدة اللى فيها جهاز تعمير والقرى اللى بيطلعوا رخصة بمجرد الحصول على صحة توقيع على العقد )

سيناريو جديد !!

يحيى سمع ان الاراضي فيها مكسب بس مش دلوقت وقالوله اشترى ارض لو انت بتستثمر لقدام ومفيش معاك فلوس كفايه لشقق دلوقت وناوى تبنى لنفسك او تستثمر او تبيعها غالية لما تراخيص المبانى تفتح في المدن ..

راح يحيى اشترى ارض تصلح مبانى في مدينته وقال اهو كده فلوسى تزيد مع الزمن وخصوصا لما تفتح التراخيص ممكن ابيع الارض بسعر كويس جدا ..
وانا اصلااااااا شاريها قسط

فاتت شوية سنين والتراخيص فتحت
( ما هم مش هيسيبوا المدن تبقى خرابه يعنى )

يحيى قرر يبيع لما سمع ان الاسعار تضاعفت للاراضي..

مشترى عجبته الارض وجهز فلوسه والمحامى بيبص على تسلسل الملكية وخلاص هيكتبوا العقد

لكن !

المحامى قال للمشترى متشتريش لانها متسواش جنيه هتركنها ومش هتعرف تبنيها !!

هيركنها لان ببساطة اشتراطات البناء في المدن بتقول ان تسلسل الملكية لازم يكون فيه عقد نهائي..

ركز هنا اوى بقي هقولك الزتونه..

( والعقد النهائي مش هو العقد اللى بنكتب عليه خالص الثمن او يقولوا انه عقد نهائي وعليه صحة توقيع.. لا العقد ده هو العقد المسجل شهر عقارى بطلب مساحى وخلافه من اجراءات غير كده يبقي مش مسجل )

اوووووو يكون معاك حكم بتثبيت ملكيتك على قطعة الارض

غير كده مش هتعرف اصلا تبنى على الارض ولو بنيت مخالف كمان مش هتعرف تتصالح فيما بعد ..

يعنى ملخص الكلام يا عم يحيى ان الاراضي الفضاء هى استثمار مستقبلي ممتاز جدا ولكن لازم تتاكد ان في عقد مسجل للارض في تسلسل الملكية او ان الارض دى تصلح انك تاخد حكم تثبيت ملكية حاليا عليها علشان تعرف تبنيها في المستقبل

غير كده يا عزيزى يحيى يبقي بلاش

وبكررهالك الاراضي استثمار ممتاز بس لازم تعرف ايه الارض اللى مطابقة للمواصفات

بس كده !!

12/03/2024

مبروووك عليك الشقة اللى قررت تشتريها
الفلوس اللى هتتحط فيها مش شويه برده

عارف انك لفيت في كل حته وسألت عن حالة العقار و عن الشقة تصالح ولا رخصة وده شيء ممتاز

صحيح بقولك ايه ...

انت راجعت تسلسل الملكيه كويس ؟!

يعني شوفت الشقة دي الراجل امتلكها ازاى ؟

بتقول ايه .. ااااه الارض ورخصة المبانى اصلا باسم والده .. و كمان الشقة جوا الترخيص ومفيش تصالحات وقلق

طب يا الف نهار مبروك والله .. سلملى جدا على والده وقوله الله يباركلهم

نعم .. ابوه متوفي واخواته مهاجرين !!

اومال انت هتشترى من مين ؟!

يعنى انت ناوى تشترى الشقة وهو بس اللى هيمضيلك على العقد لانه اللى قاعد فيها !

طيب ...
شايف يا صديقي الكلام ده لو حصل يبقي تلف وترجع تانى
فلوسك ملقتهاش في كيس شيبسي !

لان ببساطة الشقة اللى هو ساكن فيها ومتفق مع اخواته انها ملكه ونصيبه في ميراث ابوه بالكلام كده وبالحب ..

للاسف قانونا مش ملكه لوحده ولو هتشتريها لازم كل الورثه يمضولك على العقد .. والا ممكن يرجعوا عليك مستقبلا او حتى عيالهم نفسهم يرجعوا عليك قانونا لانك شارى من واحد بس من ضمن ورثه مش هو المالك لوحده !!

يعنى انت حلولك في الموقف ده اما الكل يمضي على العقد او يكونوا عاملين لاخوهم توكيل يمضي عنهم او برده ان يكون في عقد قسمه للميراث مذكور فيه ان الشقة ملك اللى هيمضيلك و كلهم ماضيين عليه

والا لف وارجع تانى..

حتى لو قالك ان اخواتى باعوا شققهم بنفس الطريقة وشوفت العقود .. لان العقود دي مهدده في اى وقت

ونصيحة اخيره يا سيدى بطل تقول الموضوع ان العقد مجرد ورقتين والسمسار ده امان ( مع انه والله امان بس مش ك سمسار فاهم قانون ) اتاكد من كل شيء عن طريق متخصص
.. لان اللى وفرته ممكن يتسبب ان كل فلوسك تروح !!

خلى بالك بقي

بس كده !

Elmaghalawy Law Firm

31/10/2024

16/10/2024

14/10/2024

07/10/2024

05/08/2024

02/08/2024

31/07/2024

07/07/2024

14/06/2024

09/04/2024

18/03/2024

12/03/2024

Address

Telephone

Website

Alerts

Contact The Business

Shortcuts

Share

Category

elmaghalawy law firm