مكتب الأستاذ/ أحمد محمد البشار المحامي

20/02/2026

📝 إمتى تطعن بالتزوير؟ وإمتى بالجهالة؟ ( ببساطة ومن غير تعقيد )
​لو قدامك ورقة أو عقد وعاوز تعترض على التوقيع اللي فيها، لازم تختار الطريق الصح عشان متخسرش قضيتك ... ركز في الـ 3 حالات دول:
​1. الطعن بالتزوير ✍️
​إمتى؟ لو التوقيع المكتوب ده "باسمك أنت" وأنت متأكد 100% إنك ممضيتش.
​خلي بالك : في الحالة دي "عبء الإثبات" عليك أنت ، يعني أنت اللي لازم تثبت إنه مزور ، ولو طلع سليم في الآخر ، للأسف بتدفع غرامة.
​2. الطعن بالجهالة (ده للمورثين) 🧐
​إمتى؟ لو أنت "وريث" وفي عقد عليه إمضاء الشخص اللي ورثت منه وأنت شاكك فيه.
​ليه هو أفضل؟ لأنك ببساطة بتقول للقاضي "أنا أجهل التوقيع ده وماعرفش بتاع مين"، هنا بقى "عبء الإثبات" بيتنقل للطرف التاني هو اللي يثبت صحته ، ومبتدفعش أنت أمانة خبير، ولو طلع سليم مفيش عليك أي غرامة.
​3. الطعن بالإنكار 🚫
​إمتى؟ ينفع لصاحب التوقيع أو الوريث.
​نصيحة: هو قانوناً بيؤدي لنفس نتيجة "الطعن بالتزوير" من حيث الإجراءات والغرامات، فلو أنت وريث.. خليك دايماً في "الطعن بالجهالة" أضمن وأسلم ليك.
​الخلاصة :
​توقيعك أنت 👈 تزوير.
​توقيع حد ورثت منه 👈 جهالة (عشان توفر وقت وفلوس ومخاطرة).
​ #قانون #المحاماة

20/02/2026

بنتي تمت 15 سنة واختارت تعيش معايا.. هل التمكين بيتلغي ولا بيفضل لحد الجواز؟ 🏠🤔
ده ​سؤال جالى و بيلخبط ناس كتير، والإجابة فيها تفصيلة مهمة لازم كل أم وأب يعرفوها ، تعالوا نرتبها عشان الصورة توضح :
​1️⃣ أولاً : إيه اللي بيحصل عند سن 15؟
ده سن "انتهاء الحضانة الإجبارية" ؛ القاضي بيسأل البنت (والولد) : "عايزة تكملي مع ماما ولا تروحي لبابا؟".
في الغالب البنات بتختار الأم ، وبتفضل معاها لحد ما تتجوز.
​2️⃣ ثانياً : مصير "شقة التمكين" (الحيطة والجدران):
هنا "مربط الفرس"! 🛑
بمجرد ما الأولاد يتموا 15 سنة، القانون بيدي الحق للأب إنه يرفع دعوى اسمها "استرداد مسكن الحضانة".
يعني الأب يقدر قانوناً يرجع شقته أو ينهي عقد الإيجار اللي باسمه ، لأن "حضانة الصغار" الإلزامية خلصت.
​3️⃣ ثالثاً : طيب البنت وأمها يروحوا فين؟
حق البنت في السكن مبيضعيش! ✅
لو الأب أخد الشقة ، القانون بيلزمه بحاجة تانية اسمها "أجر مسكن".
يعني بدل ما يقعدكم في شقته ، المحكمة بتلزمه يدفع مبلغ مالي شهري (حسب دخله ومستواه الاجتماعي) عشان الأم تأجر شقة تانية تعيش فيها هي وبنتها.
​📌 الخلاصة :
التمكين على "شقة الزوجية" مش مؤبد لحد زواج البنت (لو الأب طلب استردادها). لكن "حق السكن" نفسه مستمر، وبيتحول من "شقة" لـ "فلوس إيجار" لحد ما البنت تتجوز.
​ #تمكين #حضانة

09/01/2026

🚨 خلي بالك لو حد مانع عنك الميراث أو مخبّي ورق التركة أنت مش محتاج خناق… أنت محتاج محضر

> *“أول كلمة بتتقال في قضايا الميراث دايمًا: «مفيش ورق بين الإخوات»… وآخر كلمة بتتقال قدام المحكمة: «حبس وغرامة».”*

خلّيك فاهم حقك قبل ما تضيع سنين من عمرك.

---

📌 أول إنذار خطر في قضايا الميراث

لو حد من الورثة قالك:

* “هتعمل إيه بالورق؟”
* “مفيش ورق بين الإخوات”
* “مش من حقك تاخد صورة”
* "أصل الورق ضاع أو اتحرق"

اعرف إنك دخلت رسمي في نزاع ميراث.

**قانونًا وشرعًا:**
بمجرد الوفاة، التركة بتبقى **مال شائع** بين كل الورثة،
ومن حق كل وريث يطلع على **كل المستندات**:
عقود – حسابات – شركات – أراضي.

📖 وده متوافق مع:

* **قانون المواريث رقم 77 لسنة 1943**
* والمبدأ الشرعي: *“التركة حق للورثة من لحظة الوفاة”*

---
⚠️ أشهر أكاذيب أكل الميراث (وخد بالك منها)

1️⃣ “أنا تعبت مع أبويا وبنيت الشغل”
❌ غلط

> التعب لا ينشئ ملكية
> لو مفيش عقد شراكة أو تمليك رسمي → يبقى كان موظف بأجر مش مالك.

2️⃣ “أنت كنت بتتعلم وأنا ضحيت”
❌ مالوش أي قيمة قانونية
الميراث حق إلهي مش مكافأة على التعب.

3️⃣ “المصنع/البيت ده بتاعي أنا إلي بنيت”
❌ لو الأب كان عايز يديك حاجة:

* كان كتب تمليك
* أو عقد بيع
* أو وصية في حدود الثلث
طالما ده ما حصلش → الملكية للتركة.

---
🛑 أهم خطأ ممكن تعمله

إنك تقول:

> “مش هرفع قضية عشان الناس ما تقولش…”

خليني أقولك الحقيقة:

* اللي بياكل ميراثك **راهن على خوفك**
* وسكوتك = تشجيع مباشر على الظلم

⚖️ والدليل؟
**القانون 219 لسنة 2017**
أضاف **المادة 49 مكرر لقانون المواريث**
واللي بتقول صراحة:

> *حبس من 6 شهور لـ 3 سنين وغرامة من 20 لـ 100 ألف جنيه*
> لكل من امتنع عمدًا عن تسليم الميراث أو أخفى مستنداته.

يعني الموضوع مش “عيب”…
الموضوع **جريمة**.

---

✔️ الرد الصح اللي يكسبك

* “ده شرع ربنا قبل ما يكون قانون”
* “دي ملكية أبويا، ولو كان عايز يميز حد كان عمل ده وهو عايش”
* ما تدخلش في مقارنات شخصية
القانون ما يعرفش “مين تعب أكتر”…
القانون يعرف مين له حق.

---
🔑 الخلاصة

* الميراث مش منّة من حد
* والسكوت عليه ضياع حق
* والقانون في صفك لو استخدمته صح
* وأكل الميراث ذنب وجريمة… وعاقبته وحشة دنيا وآخرة

---

لو حاسس إن في حقك بيتسحب بهدوء…
لو سمعت كلمة *“استنى شوية”* أكتر من مرة…
لو الورق مش ظاهر والردود مراوغة…

📩 ابعتلنا رسالة وخد تقييم قانوني مبدئي لحالتك
واعرف:

* موقفك القانوني الحقيقي
* الخطوة الصح
* قبل ما النزاع يكبر ويكلفك أكتر

السكوت دايماً هو إلي بيضيع حقك

⚖️ أحمد محمد البشار - المحامي

09/01/2026

اتطردت من شقتك؟ اتغير القفل؟ حد دخل عقارك وقالك: “هات ورق الملكية لو راجل”؟ شقتك اتسحبت منك من غير مبرر؟
القانون بيرد عليك في كلمة واحدة: الحيازة لوحدها تكسبك قضية.

---
📌 دعوى استرداد الحيازة – سلاحك القانوني السريع

خلّيك فاهم حقك صح 👇
القانون المصري **مش دايمًا بيبدأ بالملكية**… أحيانًا بيبدأ بـ **الواقع**.

يعني إيه دعوى استرداد الحيازة؟

ببساطة:
هي الدعوى اللي المشرّع نظمها في **المادة 985 من القانون المدني**، وبتديك الحق تطلب من المحكمة **ترجعلك السيطرة الفعلية على العقار** لو حد سلبها منك،
👉 **من غير ما تناقش مين المالك**.

القاضي هنا **مش بيسأل: الشقة باسم مين؟**
القاضي بيسأل: **مين كان حاطط إيده واتسلبت منه؟**

---

⚖️ حجر الأساس: فرق خطير ناس كتير بتغلط فيه

**الحيازة ≠ الملكية**

* **الحيازة**: وضع يد وسيطرة فعلية على العقار
* **الملكية**: حق قانوني مثبت بعقود وتسجيل

⚠️ قاعدة قانونية مهمة جدًا:
**مينفعش تجمع بين دعوى الحيازة ودعوى الملكية في نفس القضية**
يعني في الاسترداد:
❌ لا عقود
❌ لا تسجيل
✅ واقع فعلي بس

---

🧱 الأركان الخمسة اللي من غيرهم قضيتك تترفض

علشان دعوى استرداد الحيازة تتقبل، لازم تثبت **الخمس شروط دول مع بعض**:

1️⃣ حيازة مادية حقيقية

يعني كنت مسيطر فعليًا على العقار، وحيازتك كانت:

* هادئة (من غير خناقات أو عنف)
* ظاهرة (الناس عارفة إنك الحائز)
* مستمرة (مش يوم آه ويوم لأ)
* وبحسن نية

2️⃣ سنة حيازة كاملة

لازم تكون الحيازة استمرت **سنة كاملة قبل ما تتسلب منك**.

3️⃣ سلب فعلي

مش تهديد، مش كلام
لازم يكون حصل **استيلاء حقيقي** وانت فقدت السيطرة تمامًا.

4️⃣ ترفع الدعوى خلال سنة

من تاريخ السلب
ولو السلب حصل في الخفاء → السنة تتحسب من يوم ما عرفت.

5️⃣ الاختصاص المكاني

الدعوى تترفع **قدام المحكمة اللي العقار في دايرتها**.

---

⏳ قاعدة “فلك السنة” – أخطر نقطة في الدعوى

السنة هنا بتلعب دورين:

* شرط: لازم تكون حايز سنة
* ميعاد: لازم ترفع خلال سنة

💣 فوت السنة؟
**حقك في دعوى الاسترداد يسقط نهائيًا**
حتى لو معاك حق 100%.

---

👥 مين يرفع الدعوى؟ وضد مين؟

طبقًا **للمادة 958 مدني**:

* الحائز
* الورثة
* النائب القانوني
* الحائز بالنيابة

وتترفع ضد:
**اللي سلب الحيازة فعليًا (المغتصب)**

---
🧑‍🔧 دور الخبير… كلمة الفصل

في دعاوى الحيازة:
📍 المحكمة **ما بتنزلش تعاين**
📍 الخبير هو عينها

الخبير:

* يعاين العقار
* يسمع شهود (جيران – حراس – سكان)
* يفحص المستندات
* ويكتب تقرير

⚠️ عمليًا:
**تقرير الخبير هو العمود الفقري للحكم**.

---

❗ ملاحظات مهمة ناس كتير بتقع فيها

* ينفع ترفع **دعوى استرداد حيازة مستعجلة** + دعوى ملكية موضوعية في نفس الوقت (كل واحدة لوحدها)
* في الشيوع:
وارث يقدر يرفع استرداد حيازة حتى ضد وارث زيه
* ❌ استثناء خطير:
**مينفعش دعوى استرداد حيازة ضد الحكومة أو أملاك الدولة**
لأن أملاك الدولة لا تُكتسب بوضع اليد مهما طال

---

🧠 الخلاصة اللي لازم تفضل في دماغك

✔️ الحيازة مش ملكية
✔️ السنة = حياة أو موت في القضية
✔️ الإثبات الواقعي + تقرير الخبير = الحكم

---
**حاسس إن حقك ضايع ومش عارف تبدأ منين؟**
ما تضيعش السنة… لأنها لو ضاعت، حقك يضيع معاها.

📩 ابعتلنا رسالة
📞 أو كلم المكتب
وخلي تقييم موقفك القانوني يتم **قبل ما الوقت يقف ضدك**.

**القانون بيحمي اللي فاهمه… مش اللي سايب حقه.**
⚖️ أحمد محمد البشار- المحامي
عنوان المكتب دمياط هايبر جويدة شارع الشبطاني خلف مسجد الشبطاني بجوار معرض البرعي
رقم التواصل 01030727763
015 57259293

01/09/2025

تعالى اقولك معلومة على الماشي:
تنص المادة ٤٦٠ من قانون الاجراءات الجنائية على أنه "لا تنفذ الأحكام الصادرة من المحاكم الجنائية إلا متى صارت نهائية ما لم يكن في القانون نص على خلاف ذلك".
وكمان في ذات الصدد استقرت أحكام محكمة النقض على أن:
"ولما كان ذلك، وكان الثابت من الشهادة الصادرة من جدول محكمة الجنايات أن الحكم الصادر ضد المتهم فى القضية هو حكم غيابي بالسجن المؤبد، ولما كانت الأحكام الغيابية ليست أحكام نهائية وغير واجبة النفاذ وعليه يكون توجه ضابط الواقعة نحو المتهم للقبض عليه باطلاً لانعدام المسوغ القانوني".

= يعني ايه يا استاذ؟؟
يعني لو عليك حكم غيابي وجه الظابط يقبض عليك او مسكك في كمين بكل ذوق تعرفه انك فاهم قانون وتقوله يافندم ده حكم غيابي مالوش سند تنفيذي بعد اذنك اديني محضر اعلان بالحكم أوقعلك عليه، وتوقع وتروح على بيتك زي الشاطر
بس خلي بالك خلال ١٠ أيام من تاريخ توقيعك على الاعلان بالحكم لازم تعمل معارضة أو اعادة اجراءات في المحكمة الصادر منها الحكم الغيابي والا هيصبح حكم نهائي واجب النفاذ وده طبقًا لنص المادة ٣٩٨ من قانون الاجراءات الجنائية.

27/08/2025

15/08/2025

إكتساب الملكية:-
إكتساب الملكية في القانون المصري يعني الطرق التي يحددها القانون لكي يصبح الشخص مالكًا لشيء معيّن، سواء كان عقارًا أو منقولًا، مع تنظيم الشروط والآثار القانونية لهذا الاكتساب.
في القانون المدني المصري، اكتساب الملكية يتم إمّا بطريق أصلي أو بطريق تبعي:

---

1. الطرق الأصلية لاكتساب الملكية

هي التي تُنشئ الملكية مباشرة لشخص، دون أن يأخذها عن مالك سابق:

1. الاستيلاء

الاستيلاء على منقول مباح لا مالك له (مثل أشياء في الطبيعة: أسماك، طيور برية، معادن في أراضٍ غير مملوكة) مع مراعاة القوانين الخاصة.

2. الشفعة

تمكّن الشريك في عقار أو الجار في حالات معينة من شراء الحصة المبيعة من الغير بالشروط التي حددها القانون.

3. الالتصاق

امتداد ملكية العقار ليشمل ما يتصل به طبيعيًا أو صناعيًا، مثل تراكم الطمي على ضفة النهر أو بناء شخص في أرض الغير.

4. الميراث

انتقال الملكية بوفاة المالك إلى ورثته وفق أحكام الميراث الشرعي أو الوصية.

5. الاستحقاق بالتقادم

حيازة العقار أو المنقول حيازة هادئة وعلنية وبنية التملك لمدة يحددها القانون (مثل 15 سنة للعقار بوجه عام) تؤدي لاكتساب الملكية.

---

2. الطرق التبعية لاكتساب الملكية

هي التي تنتقل فيها الملكية من مالك سابق إلى المالك الجديد:

1. العقود الناقلة للملكية

مثل البيع، الهبة، المبادلة، بشرط تسجيلها في العقارات أو تسليمها في المنقولات.

2. التنفيذ الجبري

انتقال الملكية في المزادات أو البيع الجبري لسداد ديون.

3. الوفاء بمقابل (الوفاء العيني)

إذا اتفق المدين مع الدائن على نقل ملكية شيء وفاءً للدين.

---

📌 ملاحظات مهمة في القانون المصري:

بالنسبة للعقارات، لا تنتقل الملكية إلا بالتسجيل في الشهر العقاري (مادة 9 من قانون تنظيم الشهر العقاري رقم 114 لسنة 1946).

بالنسبة للمنقولات، تنتقل الملكية بمجرد التسليم ما لم يوجد نص أو اتفاق على غير ذلك.

11/08/2025

📌 كل الاسئلة فيما يخص قانون الإيجار الجديد لسنة 2025 ⚖️
============================
المادة (1)

س1️⃣ : ما هي العقود التي تخضع لأحكام هذا القانون 🤔؟
ج ⬇️
🔹 تسري أحكام القانون على الأماكن المؤجرة لغرض السكنى، والأماكن المؤجرة لغير غرض السكنى، للأشخاص الطبيعيين، متى كانت خاضعة لأحكام القانونين رقمي 49 لسنة 1977 و136 لسنة 1981.والعقود المبرمة قبل تاريخ 31/1/1996 ولا تسري على العقود المحررة وفقًا لأحكام القانون المدني أو على الأشخاص الاعتباريين.

المادة (2)
س 2️⃣ : متى تنتهي عقود الإيجار الخاضعة لأحكام هذا القانون 🤔؟
ج: ⬇️
📌 عقود السكنى تنتهي بقوة القانون بعد سبع سنوات من تاريخ سريانه (أى في 5 أغسطس 2032).
📌 عقود غير السكنى تنتهي بعد خمس سنوات (أي في 5 أغسطس 2030).
ما لم يتم الاتفاق على الإنهاء قبل ذلك.

المادة (3)
س3️⃣ : ما وظيفة لجان الحصر التي تشكل بقرار من المحافظ المختص 🤔؟
ج: ⬇️
تختص لجان الحصر بتقسيم المناطق الخاضعة لأحكام القانون إلى:
🔸مناطق متميزة
🔸مناطق متوسطة
🔸مناطق اقتصادية
📌وذلك بناءً على معايير تشمل الموقع الجغرافي، نوعية البناء، المرافق، الخدمات، والقيمة الإيجارية للعقارات في ذات المنطقة. وتُنهي أعمالها خلال 3 أشهر قابلة للمد بقرار من رئيس الوزراء.

المادة (4)
س4️⃣: كيف تُحسب القيمة الإيجارية الجديدة للأماكن السكنية 🤔؟
ج: ⬇️
📌في المناطق المتميزة: 20 ضعف القيمة الإيجارية القانونية الحالية، وبحد أدنى 1000 جنيه.
📌في المناطق المتوسطة والاقتصادية: 10 أضعاف القيمة الحالية، بحد أدنى 400 جنيه للمتوسطة،
📌و250 جنيه للاقتصادية.
ويتم سداد 250 جنيهًا مؤقتًا شهريًا من تاريخ سريان القانون لحين صدور قرارات لجان الحصر.

س 5️⃣ : ما هي الأجرة الواجب سدادها فور نفاذ القانون؟ ومنذ متى يبدأ التنفيذ 🤔؟
ج: ⬇️
يسري القانون اعتبارًا من 5 أغسطس 2025.
📌ويبدأ المستأجر بسداد 250 جنيهًا شهريًا فورًا، إلى أن يتم نشر قرارات المحافظ المختص، ثم تُحسب الفروق إن وُجدت بأثر رجعي على أقساط شهرية.

المادة (5)
س6️⃣: ما هي القيمة الإيجارية الجديدة للأماكن غير السكنية؟
ج: ⬇️
🔷تُحدد بخمسة أضعاف القيمة الإيجارية القانونية الحالية، كحد أدنى.

المادة (6)
س7️⃣: ما مقدار الزيادة السنوية في الأجرة سكني وغير سكني؟
ج: ⬇️
📌تزداد القيمة المحددة في المادتين (4) و(5) بنسبة 15% سنويًا بصفة دورية.

المادة (7)

س8️⃣: ما هي مبررات الإخلاء الواردة بالمادة 7؟
ج: ⬇️
🔸إذا تُرك المكان مغلقًا لأكثر من سنة دون مبرر.
🔸إذا امتلك المستأجر أو من امتد إليه العقد وحدة أخرى قابلة للاستعمال في نفس الغرض.
📌وفي حال الامتناع عن الإخلاء، يصدر قاضي الأمور الوقتية أمرًا بطرد الممتنع دون إخلال بالتعويض إن وُجد

س9️⃣: ما هو موقف المستأجر إذا كان مسافرًا إلى الخارج 🤔؟
ج: ⬇️
🔹السفر للخارج لا يُعد مبررًا تلقائيًا، ولكن إذا كان لأسباب مشروعة وتم إثباته، فلا يُعتبر تركًا للعين طالما لم تتجاوز مدة الغلق سنة.

س0️⃣1️⃣: ما هو الحكم إذا كان للمستأجر وحدة أخرى يمتلكها لكنها مؤجرة للغير 🤔؟
ج:⬇️
🔶إذا كانت مؤجرة للغير ولا يمكن استعمالها فعليًا، فلا تُعد وحدة بديلة. أما إذا ثبت إمكان استردادها واستخدامها، فيُطبق سبب الإخلاء.

س1️⃣1️⃣: كيف يمكن للمستأجر توقي الإخلاء؟
ج:⬇️
▫️بالحفاظ على استخدام العين بانتظام، وعدم امتلاك بديل قابل للاستعمال، أو بإقامة دعوى موضوعية أمام المحكمة المختصة للطعن في مبرر الإخلاء قبل صدور أمر وقتي بالاخلاء.

المادة (8)

س2️⃣1️⃣: هل للمستأجر الحق في وحدة بديلة من الدولة 🤔؟
ج:⬇️
▪️نعم. قبل انقضاء مدة العقد، يجوز للمستأجر أو من امتد إليه العقد التقدم بطلب تخصيص وحدة بديلة من الوحدات المتاحة لدى الدولة (سكنية أو تجارية)، بشرط إقرار بالإخلاء، وتُراعى أولوية التخصيص بحسب الضوابط الحكومية.

المادة (9)
س3️⃣1️⃣: ما مصير القوانين القديمة المنظمة لعلاقة الإيجار؟
ج:⬇️
🔶تُلغى القوانين أرقام 49 لسنة 1977، و136 لسنة 1981، و6 لسنة 1997، اعتبارًا من 5 أغسطس 2032، أي بعد 7 سنوات من سريان القانون الجديد.

المادة (10)
س4️⃣1️⃣: متى يسري القانون الجديد؟
ج:⬇️
🔷يسري اعتبارًا من اليوم التالي لتاريخ نشره في الجريدة الرسمية، أي في 5 أغسطس 2025.

س5️⃣1️⃣: هل تسري أحكام القانون على الأشخاص الاعتباريين؟
ج:⬇️
🔸لا، القانون يطبق فقط على الأشخاص الطبيعيين.

س6️⃣1️⃣: ما موقف الامتداد القانوني في حال وفاة المستأجر؟
ج:⬇️
📌الامتداد معترف به فقط لمن ثبتت له صفة الامتداد قبل سريان القانون. بعد ذلك، ينتهي العقد بانتهاء المدة ولا يمتد لأي وريث جديد.

س7️⃣1️⃣: هل يمكن الاتفاق على شروط تختلف عن نصوص القانون؟
ج:⬇️
🔸لا، النصوص آمرة، وأي اتفاق يخالفها يُعد باطلًا.

س8️⃣1️⃣: هل قرارات لجان الحصر والمحافظ نهائية؟
ج:⬇️
🔸لا، ليست نهائية ويجوز الطعن عليها أمام القضاء الإداري.

س9️⃣1️⃣: ما أثر امتناع المستأجر عن سداد القيمة الإيجارية الجديدة أو المؤقتة؟
ج:⬇️
🔸يُعد ذلك إخلالًا يجيز الطرد دون انتظار انتهاء مدة السبع أو الخمس سنوات.

س0️⃣2️⃣: هل التخصيص بوحدة بديلة من الدولة حق مطلق؟
ج:⬇️
🔸لا، بل هو حق مقيد بشروط وإجراءات مفاضلة تقرها الدولة.

س1️⃣2️⃣: ما المقصود بعبارة “وحدة قابلة للاستخدام”؟
ج:⬇️
◻️وحدة يمتلكها المستأجر أو من امتد إليه العقد، وتكون صالحة للاستخدام فورًا في نفس الغرض.

س2️⃣2️⃣: هل يحق للمالك المطالبة بتعويض عند تأخر الإخلاء؟
ج:⬇️
🔸نعم، مع أمر الطرد يمكن المطالبة بتعويض عن الأضرار الناتجة عن شغل العين بغير وجه حق.

س3️⃣2️⃣: س: متى يبدأ سريان القيمة الإيجارية الجديدة المؤقتة ومتى يجب على المستأجر سدادها؟
ج:⬇️
📌يبدأ سريان القيمة الإيجارية المؤقتة، ومقدارها 250 جنيهًا شهريًا، اعتبارًا من الأجرة الشهرية التالية لتاريخ العمل بالقانون.
📌وبما أن القانون نُشر في الجريدة الرسمية بتاريخ 4 أغسطس 2025، ويُعمل به من اليوم التالي،
📌فإن أول أجرة تخضع لهذا التعديل تكون عن شهر سبتمبر 2025، إذا كان الاستحقاق الشهري يبدأ أول كل شهر، وهو الأغلب في عقود الإيجار
محتاج اى استشارات قانونية ابعتلنا دلوقتى و هنرد عليك فى الحال
احنا عندنا عادى علشان احنا عاملين استشارات قانونية مجانية لمدة اسبوع على تعديلات قانون الإيجارات القديمة😂😂
يلا مستنى ايه احنا فى انتظار الرد على استشاراتكم القانونية
#قانونـالايجارـالقديم #مشروع #ايجار #مصر #قانون #الجميع #عقارات

عنوان المكتب / أحمد محمد البشار المحامي
شارع الشبطاني خلف مسجد الشبطاني بجوار معرض البرعي
التواصل 01030727763
015 57259293

10/08/2025

⭐ كتاب الهيئه القوميه للتأمينات الاجتماعيه الدوري رقم 4 لسنة 2019

حفظ الله مصر وشعبها

عنوان المكتب دمياط هايبر جويدة شارع الشبطاني خلف مسجد الشبطاني بجوار معرض البرعي
رقم التواصل 01030727763

09/08/2025

🔥🔥بوست قانوني مهم جدا جدا 🔥🔥
ايه حقوق المؤجر والمستأجر في ظل قانون ١٦٤ لسنة ٢٠٢٥ وإلغاء قوانين الإيجارات القديم ٤٩ لسنة ١٩٧٧ و ١٣٦ لسنة ١٩٨١ في الوقت الراهن؟

ماذا لو امتنع المستأجر عن سداد الأجرة بعد تعديل قانون الإيجارات القديم (164 لسنة 2025)؟

هل يحق للمؤجر اللجوء إلى قاضي الأمور الوقتية لطلب أمر بطرد المستأجر؟

أولاً: نصّت المادة (7) من القانون 164 لسنة 2025
اللجوء إلى قاضي الأمور الوقتية محدد فقط علي سبيل الحصر في الحالات التالية:
🔹 انتهاء مدة العقد (7 سنوات للسكني، 5 سنوات لغير السكني).
🔹 ترك المستأجر المكان مغلقًا لأكثر من سنة دون سبب مبرر.
🔹 امتلاك المستأجر أو من يمثله وحدة سكنية أو تجارية قابلة للاستخدام بدلًا من العين المؤجرة.

وفي حالة الامتناع عن الإخلاء، يمكن للمالك طلب أمر بطرد من قاضي الأمور الوقتية.

ثانيًا: هل يشمل ذلك الامتناع عن سداد الأجرة؟

الإجابة: لا.
الامتناع عن سداد الأجرة لا يخول المؤجر اللجوء لقاضي الأمور الوقتية، بل يلزم رفع دعوى مدنية أمام المحكمة المختصة.

ثالثًا: ماذا بعد إلغاء قوانين الإيجار القديمة؟
ألغى قانون 164 لسنة 2025 القوانين 49 لسنة 1977 و136 لسنة 1981، لكن…
لم يُلغَ حق المؤجر في حماية حقه بالحصول على الأجرة عبر القوانين العامة في القانون المدني.

رابعًا: النصوص القانونية الأساسية التي تحكم العلاقة

📌 المادة 586 من القانون المدني:

يلزم المستأجر بسداد الأجرة في المواعيد المتفق عليها أو وفق عرف الجهة إن لم يكن هناك اتفاق.

📌 المادة 157 من القانون المدني:

إذا أخلف أحد الطرفين التزامه، يحق للطرف الآخر بعد إعذاره طلب تنفيذ العقد أو فسخه مع التعويض إذا استدعى الأمر.

كما يمكن للقاضي منح مهلة للمدين أو رفض الفسخ إذا كان الإخلال طفيفًا.

خامسًا: إجراءات المؤجر القانونية عند الامتناع عن السداد

1. إرسال إنذار رسمي بالسداد إلى المستأجر.

2. رفع دعوى فسخ عقد إيجار وإخلاء العين أمام المحكمة المدنية المختصة إذا لم يتم السداد.

سادسًا: اختصاص قاضي الأمور الوقتية

قاضي الأمور الوقتية غير مختص بقضايا عدم السداد لأنها من النزاعات الموضوعية.

هذه القضايا من اختصاص المحاكم المدنية.

سابعًا هااام 🔥: مسؤولية المؤجر عن الصيانة بعد إلغاء قوانين الإيجار القديم

يستند المستأجر إلى المواد 567 و568 من القانون المدني التي تُلزم المؤجر بالصيانة والقيام بالترميمات الضرورية.

يحق للمستأجر في حال امتناع المؤجر عن الصيانة:

طلب فسخ العقد مع تعويض.

إجراء الصيانة بنفسه بعد إذن القاضي وخصم التكلفة من الأجرة.

📍أمثلة على الصيانة التي تقع على عاتق المؤجر

إصلاح الأسقف، الجدران، التمديدات الكهربائية والمائية الرئيسية.

معالجة الشروخ الكبيرة أو التلف الإنشائي.

أي إصلاح يحول دون انتفاع المستأجر بالعين.

🔥الخلاصة 🔥

عدم السداد → رفع دعوى مدنية للفسخ والإخلاء.

الإخلاء المباشر عبر قاضي الأمور الوقتية → فقط في الحالات المحددة بالمادة 7 من قانون 164 لسنة 2025.

الصيانة → مسؤولية المؤجر، والمستأجر له حق قانوني في المطالبة بها أو إجراءها إذا امتنع المؤجر.


تابعني علشان تعرف حقوقك القانونية ⚖️

























#