مكتب-المستشار محمد ابراهيم

31/12/2025

خد الجديد
الموكل بيقولي ادفع اتعاب ليه.. انا برئ😆

02/07/2025

🚫 ✨
اليوم تم تعديل القانون لتنظيم العلاقة بين المالك والمستأجر بعد موافقة مجلس النواب رسميًا.
اهم التعديلات 👇
⬅️ إنهاء عقود الإيجار القديمة للوحدات السكنية بعد ٧ سنوات من تاريخ تطبيق القانون.
⬅️ إنهاء عقود الإيجار للأشخاص الطبيعية (غير السكنية) مثل (المحلات التجارية) بعد ٥ سنوات.
⬅️ زيادة القيمة الإيجارية:
٢٠ اضعاف القيمة الحالية للوحدات في المناطق المتميزة بحد أدنى للايجار ١٠٠٠ جنيه.
١٠ أضعاف للمناطق المتوسطة بحد أدنى للايجار ٤٠٠ جنيه.
١٠ أضعاف للمناطق الاقتصادية بحد أدنى للايجار ٢٥٠ جنيه.
⬅️ ✔️ زيادة سنوية بنسبة 15% على القيمة الإيجارية.
⬅️ ✔️ يحق المستأجر أو من امتد له العقد في التقدم للحصول على وحدة بديلة من الدولة سواء إيجار أو تمليك قبل انتهاء مدة العقد.
⬅️ يحق للمالك استصدار أمر طرد من قاضي الأمور الوقتية فى حالة ان المستأجر تارك العين مغلقة أكثر من سنة أو في حالة امتلاك المستأجر وحدة أخرى صالحة للغرض.
________________________
مكتب : محمد ابو العنين المحامي
الحجز و تحديد موعد من خلال الارقام
للتواصل :01011953682

09/03/2025

الحمد والشكر لله براءه في قضيه هجره غير شرعيه

30/11/2024

استاااذ عايزة ارفع طلاق للضرر
استاااذ عايزة أطلق للضرر واخد حقوقي

كلمة سهلة اوووي
بس تحقيقها صعب اوووي اووي اوووي

ليها شروط وإجراءات لازم تلتزمي بيها

يااما هتدخلي في قصة وحوارات وهتضيعي وقت ومجهود وفلوس علي الفاضي وفي الاخر القضية هتاخد رفض

طيب ايه شروطه
#شهووووووود


يعني ايه شهود رؤية يااستاذة ؟
يعني شهود شفوكي وانتي بتترني العلقة

طب ماهو مين هيشوفني وانا بضرب يااستاذة ؟

والله مش مشكلة الأستاذة بقا القانون عايز كدة

طيب انا معايا محاضر ضرب يااستاذة ؟
متنفعش

طيب انا معايا سكرينات شتيمة يااستاذة؟
متنفعش

معايا فيديو ليه وهو بيضربني يااستاذة ؟
متنفعش

طب هو بيمارس عاليا الضغط النفسي وخلاني مهبوشة في عقلي وبتعالج بسببه ضغطه فيا ده؟

مينفعش

انا معايا سكرينات وهو بيخوني ؟
مينفعش

انا معايا فيديوهات وهو بيخوني مع واحدة؟
مينفعش

انا معايا فويسات ليه وهو بيخوني؟
مينفعش

انا معايا دليل أنه مبيصرفش عاليا ؟
مينفعش
روحي ارفعي نفقة

طاردني من الشقة وعايزة طلاق للضرر ؟
مينفعش
روحي ارفعي تمكين

ده حشاش وبيشرب؟
مينفعش

اومال ايه اللي ينفع يااستاذة

الضرر يافندم لازم يكون مادي ضرر ملموس
متمثل في. 2شهود
يكونوا شافوكي وانتي بتتلطشي بالقلم علي وشك
وهو بيرزعك بوك*س في عينك
وهو بي*رقع دماغك في حيطة
وهو بيكسر علي راس*ك ازازة ودم*ك س*اح قصادهم
وهو بيخن*ق فيكي من زمارة رقبتك
وهو بيعت*دي عليكي ب أل*ة حادة

حاجات أكشن كدة ملموسة كدة
لكن الضغط النفسي ده مالناش دعوة بيه مايمكن انتي اصلا مهبوشة في عقلك وبتتبلي علي الراجل

المحاضر مايمكن كيدية وانتي اللي ضربتي نفسك وبتتبلي علي الراجل الملاك

لكن الشهود لما يشوفوا يبقا اقوي إثبات
هو القانون اللي بيقول كدة

فاللي يقولك غير كدة يبقي بيشتغلك

طيب هجيب شهود مين يااستاذة
اخواتك / ولاد خالتك /ولاد خالتك / ولادعمك / ولاد عمتك
جيرانك / اصدقائك / اصدقاء مشتركين

امك وابوكي مينفعوش للشهادة
ولادك مينفعوش للشهادة

الطلاق للضرر لو كسبتيه اول درجة بنسبة كبيرة هيتأييد في الاستئناف
لو اترفض في أول درجة هتخسريه في الاستئناف

وستات كتيييييير فاكرة أنها لما تطلق للضرر
هينزلها شيك من المحكمة بحقوقها
ياحببتي ليكي عذرك طبعا انك مش فاهمة

انتي بعد مارينا يكرمك وتطلقي في أول درجة بنخش علي الاستئناف بعد كدة يبقا الطلاق نهائي

بعد كدة هتبدأي سلسلة من قضايا عدة ومتعة ومؤخر
أول درجة واستئناف وبعد كدة تنفيذ وليلة كبيرة
وعلي فكرة العدة والمتعة والمؤخر مش فيهم متجمد
فيهم حجز علي منقولات أو أموال

وربنا يديك طولة العمر وتشوفي حقك بين ايديكي

30/10/2024

نصائح مهمه لو هتشترى شقه
☆ ماتشتريش من وكيل عن صاحب الشقة بتوكيل عام.
☆ صاحب الشقة يعملك توكيل خاص، حتى لو مسافر.
☆ لو البائع فوق ٦٥ سنه، ولاده يوقعوا شهود على العقد.
☆ لو هتشترى من ورثة، لازم كل الورثة يوقعوا على العقد.
☆ لازم التوقيع على كل صفحات العقد.
☆ لازم التوقيع يكون امامك، مافيش توقيع مسبق.
☆ اوعي تسيب اي فراغات فى نسختين العقد.
☆ ممنوع اي تعديل بخط الأيد فى العقد.
☆ الأفضل ان العقد كله يكون مكتوب كمبيوتر.

30/10/2024

30/10/2024

ثقف نفسك قانونيا ⚖️
✍️يعتقد البعض أن البصمة على المستند سواء إيصال الامانه أو غيره أقوى من التوقيع فى الاثبات !
وهذا الاعتقاد غير صحيح على الاطلاق
✍️كثيرا ما تصبح البصمة التي وضعت على السند فى موضع أضعف للسند وليس لتقويتة إذا أخذت بطريقة غير صحيحة
مثال فى البصمة الخاطئة على السندات :
✔️١- زيادة التحبير ينتج عنه بصمة مطموسة
✔️٢- قلة التحبير ينتج عنه بصمة غير واضحة أو متقطعة
✔️٣- تحريك الأصبع المحبر على السند ينتج عنه تداخل لخطوط الأصبع
✔️٤- وجود جروح أو تورم فى توقيت وضع البصمه ينتج عنها بصمه غير صحيحة
الحل : يفضل أن تعزز البصمة بتوقيع صريح املائى فى هذه الحالة البصمة تدعم التوقيع لو ضعف والتوقيع يدعم البصمة لو طمست
مكتب المستشار محمد ابراهيم ابوالعنين للاستشارات القانونية ⚖️
🟥01011953682

14/09/2024

لو عودت الست على غيابك يبقى ما ترجعش تلومها؛ ما ترجعش تسألها عن مشاعرها تجاهك ولا تستنى منها تعاملك بنفس الشغف ونفس العطاء، غيابك المُتكرر وإهمالك بيغيّر فيها، بيحولها لشخص تاني غير اللي إنتَ عاشرته وعرفته، الست لما بتتساب لوحدها يأسها بيتملّك منها، وعقلها ما بيبطلش تفكير في كُل صغيرة وكبيرة وبتبدأ تقيّم العِلاقة من أول يوم لغاية الوقت اللي أدركت فيه إن عُمرها بيضيع في الولا حاجة ووجودها عندك زي عدمه وفي الحالة دي هي هتمشي ولو الست قررت تمشي بعد ما وصلت لمرحلة الوعي والإدراك مُستحيل ترجع؛ الست المُدركة لا تعود حتى ولو روحها فيك.