12/05/2023
مهم جدا جدا
نصائح لاى حد عايز يشترى شقة
_________________________________
1 - الشقة لو جمعيات لازم تسأل عليها فى الجمعية التابعة لها الشقة ( باسم مين فى الجمعية - عليها مستحقات - مصاريف نقل الملكية كام ( لانها بتختلف من جمعية للثانية) والافضل انك تنقل فى الجمعية حتى لو مش هتغير عداد الكهرباء او المياه او الغاز او الاسم فى الضرائب العقارية .
2 - الشقة لو محافظة زى ( الحرية - شقق الزهور -زمزم - المروة اي شقق محافظة ) هتسأل عليها فى الحى ( بأسم مين - هل العقد ممضى او متعاقد فى الحى - عليها حظر بيع ولا لاء - حالة العمارة في الإدارة الهندسية - عليها متأخرات إيجار او حجز - تمليك ولا ادارى - مصاريف نقل الملكية كام - وهل فى غرامة ع النظافة ).
3 - فى جمعيات بتبقى محلولة - يعنى كان لها مجلس إدارة واتحل ولسه ما تعملش ليها مجلس إدارة ( لازم تتأكد انها مفيش عليها اى متأخرات مالية ( من الهيئة العامة للتعاونيات فى القاهرة ) والبيع والشراء فيها بيبقى بنظام توكيلات الى ان يتم انعقاد مجلس اداره ليها .
4 - الشقق اللى فى الابراج أما اتحاد ملاك او عقد ازرق بحصة عقارية لازم تسأل عليها فى الحى الإدارة الهندسية عن حالة البرج - -البيع اما بالنقل فى اتحاد الملاك التابع للبرج او عن طريق توكيل بالحصة العقارية وده اما من صاحب البرج او محامي العقار و التاكد من صحة اوراق الارض المقام عليها البرج وانها ملك حر
5 - شقق الاهالى لازم الحصة العقارية - ولازم تسأل الحى عن حالة العمارة الإدارة الهندسية - ولازم تتأكد العمارة واصل ليها مرافق ولا لاء - ولو موصلش لازم تعرف السبب من الحى ولازم التاكد من صحة اوراق الارض المقام عليها العقار .
6 - و انت بتشترى لازم تسئل عن الكهرباء - الغاز- المياه- النظافة فى الحى - الضرائب العقارية -( جمعية - محافظة-ابراج واهالى).
7 - لو هاتعمل عقد ابتدائى لازم محامى فاهم فى صياغة العقود وفاهم فى العقارات وركز فى فاهم في العقارات ( والمشترى اللى بيجيب المحامى ).و نصيحه بلاش العقود اللى بتتباع فى المكتبه
8 - لو بتشتري عن طريق سمسار لازم التعامل يكون مع صاحب الشقة مباشر مع وجود السمسار ( متسبش السمسار هو اللى يتفاوض معك فى السعر ) اتفق على ميعاد التسجيل ومعاد التسليم مع المشتري مباشر.
9 - لازم تتأكد ان الشقة مفيش فيها اى نزاع و ان مافيش نزاع بين الزوج والزوجة و هتعرف منين من الجيران وده لو انت شكيت فى البايع .
10 _ اى شقة محافظة او جمعية محلولة او أهالى هتشتريها بتوكيل تكتب اكتر من اسم فى التوكيل وضيف كلمة ( مجتمعين او منفردين ) لان التوكيل بيكون لاغى فى حالة الوفاة وبكده يقدر الشخص الآخر الى فى التوكيل أنه يبيع الشقة تانى.
11- وظيفة السمسار هيا الوساطا العقارية فقط بين البائع ومابين المشترى فقط السمسار .... ماتديش ثقة زياده فى السمسار فخد بالك اسئل كويس عن الشقة وتوكل على الله وبلاش السمسار يكتب هو عقد البيع لانه ممكن يغرقك
واخيرا
قانون الشهر العقارى الجديد سهل عمليه التسجيل العقارات
وده امام ليك ان يبقى معاك شقه وليها عقد مسجل
