مستشار قانونى عسكرى هانى السبع

26/05/2023

الفنان الراحل يتوسط الفنانة #يسرا وزوجة الحقيقية أو السيدة 💕

25/05/2023

25/05/2023

نجوم الزمن الجميل الفنان هادى الجيار - ابرهيم خان - يوسف شعبان - فاروق الفيشاوى الله يرحمهم جميعا ...

25/05/2023

في مسرحية ريا وسكينة الممثلين بياخدوا أجورهم في المسرحية كل ١٥ يوم لكل ممثل ظرف خاص بيه إلا شادية الأعلى أجر بتاخد ٤١ ظرف واحد مليان فلوس وده أجرها عن دورها في المسرحية وأربعين ظرف فاضي، الست شادية بتاخد الفلوس من الظرف المليان وتحطهم في الأظرف الأربعين الفاضية، وتمر على عمال المسرحية والكومبارس وتدي لكل واحد ظرف
واللافت للنظر إن شادية مش بتستدعيهم ولا تبعت لهم حد ولكنها بتروحلهم بنفسها ...
وده مش غريب على شادية اللي لما عرفت إن الممثلة سميحة توفيق (الهبلة الحماره أم بدوي في المسرحية) مريضة بالكبد قعدت تصرف على علاجها لمدة تقترب من ٣٠ سنة حتى وفاة سميحة توفيق في ٢٠١٠ ..
وفي بداية التمانينات شادية عرفت إن الدكتور مصطفى محمود بيبني مركز طبي عند مسجده بشارع جامعة الدول العربية بالمهندسين عملت ايه؟ اتبرعت بشقتها لبناء أول وحدة لاكتشاف مرض السرطان وكانت الشقة سبع غرف وقيمتها وقتها كان ١٥٠ ألف جنيه يعني أكتر من ١٠ مليون جنيه حاليا وسكنت شادية مع والدتها في شقة إيجار عند حديقة الحيوان بالجيزة . .
وكمان اتبرعت بأرض بتاعتها في حي الهرم لبناء مجمع طبي
(ما عندكم ينفد وما عند الله باق)
رحم الله شادية الإنسانة وأسكنها فسيح جناته

04/12/2022

04/12/2022

الفنانة #شادية مع أختها عفاف شاكر داخل منزلها في ولاية كاليفورنيا بالولايات المتحدة الأمريكية.

04/12/2022

فعلا علي الاصل دور*الرجل النبيل الأصيل إبن الأصول*

جميل راتب ترك وصية بالتبرع بجميع ثروته لصالح مستشفى سرطان الأطفال البالغة حوالى 18 مليون جنيه ..
جميل راتب لم يرزقه الله بأطفال ولكنه يتسبب فى إسعاد ملايين الأطفال والأهالى ..
جميل راتب كان عضو فى نادى الزمالك وفى آخر أيامه كان بيتحرك على كرسى متحرك .. كان دائماً يجمع الصغار العاملين فى كافيتريات النادى ويسألهم على مرتبهم ويعطى لكل واحد مرتب شهرين وتلاتة من فلوسه ..
جميل راتب تكفل بمصاريف زواج بنت أحد سيدات النضافة فى النادى لما سألها عاملة إيه وقالتله إنها بتجهز بنتها ، فأعطاها 40 ألف جنيه من غير أن تطلب هى ذلك ..

جميل راتب الرجل الأصيل رغم إنه على كرسى متحرك فى آخر أيامه إلا إنه لم يرد الناس اللى كانت عاوزة تتصور معاه ، فى الوقت اللى فيه الفنانين ولاعبى الكرة بيصدون الناس عنهم إذا رأوا إن تسريحة شعرهم غير مناسبة ..

جميل راتب حرفياً كان فعلاً أصيل إبن أصول ..
جميل راتب بعيداً عن الفن كان ميسور الحال
وفى الكواليس فى الفن لم يكن أبداً وصولى ولا إنسان سئ مع زمايله .. كان أصيلاً نبيلاً مع الكل ..
جميل راتب على المستوى الثقافى كان يتحدث الفرنسية والإنجليزية والألمانية وقام بالتمثيل خارج مصر ..

جميل راتب الرجل الذى لم يتغير بالمال ولا الشهرة ولا الجاه ولا الثقافة ..

جميل راتب لم يأتى لجنازته أحداً من الممثلين ولا الفنانين لأنهم كانوا فى مهرجان مهم الجونة ، وإن كان هذا من حسن حظه ومن كرم الله عليه ، إن مافيش حد يمشى فى جنازته إلا اللى زيه ...

جميل راتب يقول: مرّة بتسألنى مذيعة فى برنامج تليفزيونى عن شخصيات أحب أشكرها أثرت فى حياتى ، هى افتكرتْ إنى هاتكلم عن ناس مشهورة ، قلتلها حابب أوى أشكر ثلاثة :

سواق أوتوبيس شافنى فى الزمالك ، وقَّف الأوتوبيس ونزل يسلّم عليا ..
عاملة نظافة فى مطار القاهرة لم تجد ما يعبر عن إعجابها إلا إنها تعزمنى على إزازة كوكا كولا ..
سواق تاكسى قلتله أنا ما عنديش أولاد فقاللى .. إحنا كلنا أولادك ...

دول تلاته أثروا فيا أوى ومش قادر أنساهم ، وباشكرهم من كل قلبى !! ...

جميل راتب الرجل الذى تمتع بالأصالة والنبل والشرف والصدق والطيبة والإنسانية ..
الرجل الذى لم أرى ولم أسمع منه إلا كل جميل ! ..

رحمة الله عليه ادعوله بالرحمة

طلب صغير .. أى حد يشوف البوست ده يعمل له شير علشان يبقى صدقة جارية على روح الراجل الطيب الأصيل ده ، ودى أقل حاجة ممكن نقدمها للراجل الطيب النبيل ده..

04/12/2022

احدث ظهور ل الفنان المحترم عبد الرحمن أبو زهرة وحفيدته
دعواتكم له بالشفاء ودوام الصحة

04/12/2022