26/08/2026
عندما أجد زميل يقول لي هو لما أنا أطلب مبلغ كبير في قضية لن تأخذ مني مجهود كثير في العمل مش ده حرام
*************
وزميل أخير يقول لي أنا بعطي الاستشارة القانونية مجانا علشان مفيهاش مجهود انا قاعد على المكتب وقولت كلمتين معقول اطلب فلوس مقابل كلام
*************
أنا مش هتعب نفسي كثيرا واحرق في دمي علشان افهمك
أنا فقط هحكي موقفين يمكن يفهموك ويعلموك يعني إيه قيمة العلم والخبرة
************
الموقف الأول لشيخنا الجليل محمد متولي الشعراوي
في إحدى اللقاءات سأله المذيع ؟
يا شيخنا لما الواحد يروح لميكانيكي علشان يصلح السيارة والميكانيكي يفتح الكبوت ويربط مسمار في دقيقة ويطلب 50 جنية ده مش حرام ؟
أسمع العالم الجليل قال له إيه
الخمسين جنية دي مش علشان ربطة المسمار الخمسين جنية دي مقابل حاجات تانية كثيرة
مقابل انه وهو طفل كان بيتمرمت من ورشة لورشة علشان يتعلم..
مقابل نومته على الأرض لساعات تحت العربيات ويتشحم ويتوسخ علشان يتعلم.. مقابل الضرب اللي كان بياكله من الاسطى بتاعه لما كان يغلط علشان ميغلطش تاني..
كل الحاجات دي علمته وجعلته أسطى كبير وشاطر يعرف العطل في ثواني..
يعني من الآخر أنت دفعت ثمن علمه وخبرته
كنت ممكن تروح لميكانيكي آخر معندوش خبره يبهدل لك السيارة وتدفع أضعاف الخمسين جنيه بسبب جهله ،،
*************
الموقف الثاني مع ميكانيكي في أوروبا
كان هناك رجل يمتلك جرار او محراث موديل قديم جدا جدا حدث به عطل ولم يعد الموتور يدور نهائيا
مر على هذا العطل أكثر من عشرة ميكانيكي محترف ولم يستطع أحد تصليحه ولم يستطيعوا حتى الوصول لسبب العطل..
حتى دله أحد الميكانيكية على ميكانيكي كبير جدا في السن تخطى التسعون عاما..
وقال له هذا الرجل عاصر تصنيع هذا المحراث وأعتقد أنه عمل في اعطاله كثيرا..
قام صاحب المحراث باستدعاء هذا الميكانيكي المسن
وبالفعل جاء هذا الرجل ثم فتح الكبوت وطلب من صاحب المحراث محاولة التدوير وأدخل رأسه ناحية الموتور لكي يسمع جيدا
ثم فتح شنطة المعدات وأخرج منها مطرقة صغيرة
وضرب ضربتان فقط ثم طلب منه إعادة محاولة التدوير
تفاجأ واندهش صاحب المحراث عندما أشتغل الموتور وقال له ماذا فعلت
فقام الميكانيكي بإخراج فاتورة وكتب بها
فقط واحد يورور مقابل الطرقة
و تسعة وتسعون يورو لمعرفة أين تطرق بالمطرقة.
#الخلاصة
قد أكون أطلت عليكم ولكن يجب عليك أن تعلم ويجب عليكي أن تعلمي
قد تكون خبرتك وعلمك أفيد لموكلك من صعود وهبوط درج المحكمة مائة مرة
قد تكون معلومة من عدة كلمات بسيطة تحصلت عليها نتيجة مجهود من البحث والإطلاع والقراءة أفيد لموكلك من الوقوف على قدمك تترافع لمدة ساعة دون علم وعرفة
المحامي علم ومعلومة
المحامي خبرة وخبير في معظم مجالات الحياة
إياك وإياك أن تقلل من شأنك ومن عملك وعلمك وقيمتك
زملائي زميلاتي أنصحكم لأنني أحبكم في الله
