03/06/2026
عايزين توفروا فلوس المحامي طب تعالي بقي اعرفك ليه تروحوا للمحامي :
و انت بتشتري شقة و بتوقع على عقد البيع لازم تركز في كل بند مكتوب في العقد و متصاغ ازاي عشان ده مش مجرد كلام ده هيترتب عليه مصير فلوسك و شقتك ، انت مش بتمضي على ورقة مذكور فيها سعر و مساحة فقط ، و هكلمك في بنود مهمه جداً لازم تكون مذكورة في العقد و منها:
١- بيانات البائع و عنوانه و رقمه القومي و تتأكد ان هو اللي هيوقعلك على العقد و ان بياناته صحيحة
٢- تفاصيل الشقة بشكل دقيق جداً من حيث رقم الشارع و رقم العقار و الدور و رقم الشقة و مساحتها
٣- حدود و معالم العقار نفسه
٤- ضمان حصتك الشائعة
٥- تحديد السعر بشكل دقيق و اهم شئ في عقد البيع قانوناً هو ركن الثمن و يكون ثمن حقيقي
٦- حقك في الأجزاء المشتركة من العقار
٧- ميعاد تسليمك للشقة و تحديده و من اهم اركان عقد البيع هي التسليم.
و دي بعض من البنود المهمه جداً ، عشان كده دايماً بنبه الناس تبعد تماماً عن عقود المكتبة ، عايز فعلاً تضمن حقك و تحافظ على فلوسك و شقتك يبقى الأساس يكون مضمون من البداية و هو عقد البيع ، فلازم اللي يصيغلك بنود عقد البيع محامي متخصص لضمان حفظ جميع حقوقك .
ف اوعي تكسل او تسترخص عشان كلمة واحدة في العقد
ممكن تضيع عليك حقك و فلوسك.
Sherif Ahmed
♥️⚖️
