مكتب الأستاذ/ محمد نظمي الزلاط للمحاماه والاستشارات القانونيه

17/05/2026

خمس أحكم جديده تحصل عليهم مكتبنا في دعوى محو بيانات من الحاسب الآلي لوزارة الداخلية في عده قضايا جنح تم الحصول فيها جميعا على البراءه وعلى الرغم من ذلك امتنعت وزاره الداخليه من محو ها من سيستم وزارة الداخليه
#دعوي #محوبيانات
هي دعوي تبني على رفض وزاره الداخليه من محو بيانات المدعي من الحاسب الآلي في القضايا التي تمت الحكم فيها بالبراءه أو التصالح أو انقضاء الدعوى الجنائيه بمضي المده أو أن لاوجه لإقامة الدعوى....
في هذه الحالات يتم أقامه دعوى تختصم فيها وزير الداخلية واخرين وتطلب فيها محو بياناتك من الحاسب الآلي لوزاره الداخليه

21/01/2026

#عندك فيلا أو عماره في إحدي المدن الجديده وأجبرت علي سداد رسوم لتعليه دور
#كلمنا وهنساعدك علي استرداد رسوم التعليه
#أحدث أحكام تحصل عليه مكتبنا باسترداد مبلغ رسوم التعليه من هيئه المجتمعات العمرانيه
اطلب استشارتك الان ⏳
‏‎عن طريق الموبيل 01286769822 - 01153770792
او تقدر تتواصل معانا من خلال
‏‎واتس اب : 01286769822
٥شارع محمد امام متفرع من شارع منشية التحرير بجوار بنك مصر - عين شمس - القاهرة.

20/10/2025

حكم جديد تحصل عليه مكتبنا في دعوى محو بيانات من الحاسب الآلي لوزارة الداخلية في جنحه تم الانقضاء فيها بالدشت لمضي المده وعدم وجود جداول
#دعوي #محوبيانات
هي دعوي تبني على رفض وزاره الداخليه من محو بيانات المدعي من الحاسب الآلي في القضايا التي تمت الحكم فيها بالبراءه أو التصالح أو انقضاء الدعوى الجنائيه بمضي المده أو أن لاوجه لإقامة الدعوى....
في هذه الحالات يتم أقامه دعوى تختصم فيها وزير الداخلية واخرين وتطلب فيها محو بياناتك من الحاسب الآلي لوزاره الداخليه

13/10/2025

#حكم #خاص #موقف #الدهب #في #قائمه #المنقولات قضت محكمة النقض بأن ( العرف جري علي أن المشغولات الذهبيه تظل في حوزه الزوجه لتتزين بها ولا يصح اتهام الزوج بتبديدها وجاء بأسباب الحكم "واذ خلت الاوراق مما يفيد توافر القصد الجنائي لدي المتهم وهو انصراف نيته الي اضافه المال الذي تسلمه الي ملكه واختلاسه لنفسه ولا يقدح في ذلك ما ثبت بالاوراق من ان المتهم لم يعرض مشغولاتها الذهبيه وذلك لأن العرف قد جري علي أن المشغولات الذهبيه تظل في حوزه الزوجه لتتزين بها وهو ما تمسك به المتهم منذ فجر الدعوي وقد تأييد ذلك من أقوال شاهديها إذ قررا أنها خرجت من منزل الزوجيه بحقيبه ملابسها إذ ليس من المقبول عقلا ان تخرج من منزل الزوجيه بملابسها وتترك مصاغها .لما كان ما تقدم فإن الواقعه تكون محوطه بالشكوك والريب في صحه اسناد التهمه الي المتهم ومن ثم يتعين القضاء ببراءته من التهمه المسنده اليه )

(الطعن رقم 26754 لسنه 3 قضائيه جلسه ابريل 2013 ).

يرجي ملاحظة

-الزوجه ايضا لها حق اثبات ان الذهب بحوزه الزوج بشهاده الشهود والامر متروك لتقدير المحكمه.

-قد يطلب الزوج احتياطيا توجيه اليمين الحاسمه للزوجه بأنها لم تخرج بالذهب وأن الزوج بدده.
- يمكن للزوج احضار شهود يشهدوا بعدم تسلم الزوج لاي مصوغات ذهبيه عند التوقيع علي قائمه منقولات الزوجيه.

12/10/2025

#حكم #رفض" #دعوي #الخلع ".. #لصوريةمقدم #الصداق
كثيرٱ ما تلجأ الزوجات إلى إنهاء العلاقة الزوجية عن طريق إقامة دعوى تطليق للخلع ولا يجد الزوج مفر من تلك الدعوى ، وذلك لكون الحكم الصادر فيها سيكون لصالح الزوجة ، وسيتم تطليقها رغم أنفه ..! كما أن الفقرة الأخيرة من المادة 20 من القانون رقم 1 لسنة 2000 قررت عدم جواز إستئناف الحكم الصادر فى دعوى الخلع .
ولذلك يصبح المتنفس الوحيد للزوج فى دعوى الخلع هو ➖ اما الدفع بصورية مقدم الصداق
او إقامة دعوى منفرده بصورية مقدم الصداق ، وإثبات المهر الحقيقى لتعطيل الخلع بل من الممكن أن تتراجع الزوجة عن دعواها خوفٱ من رد المهر الحقيقى للزوج . وعلشان كده هنشرح دعوى صورية مقدم الصداق ، ونرفع لدعوى الخلع كارت أحمر ..!
➖ #ماهى #دعوى #صورية #مقدم #الصداق ؟ هى دعوى يقيمها الزوج لإثبات المهر الحقيقى المدفوع للزوجة وصورية مقدم الصداق الثابت بوثيقة الزواج .
- الدفع بصورية مقدم الصداق فى دعوى الخلع : غالبٱ ما يدفع الزوج فى دعوى الخلع بصورية مقدم الصداق الثابت فى وثيقة الزواج وكلنا نعلم أن هذا المقدم صورى و ليس هو المهر المدفوع بالفعل .. ويكون الأمر متروك للمحكمة إما ان تقوم بتحقيق الدفع وقد لا تحكم بالصورية أو أن تلتفت عن الدفع بالصورية ثم تقضى فى النهاية بالخلع .. ولذلك يجب على ان الزوج أن يقوم بإقامة دعوى مستقلة لإثبات صورية مقدم الصداق وذلك على النحو التالى : إقامة دعوى صورية مقدم الصداق ،
يفضل أن يقوم الزوج بإقامة الدعوى فور وصول إنذار من الزوجة برد مقدم الصداق الثابت بوثيقة الزواج وقبل إقامة دعوى الخلع . وعند إقامة دعوى الخلع يجب على الزوج أن يطلب من المحكمة وقف الدعوى تعليقٱ لحين الفصل فى دعوى الصورية بحكم نهائى .
وبعد ذلك يتم تجديد دعوى الخلع ليتم الفصل فيها من جديد على ضوء الحكم الصادر بصورية المهر .
•- كيفية إثبات صورية مقدم الصداق :- تنص الماده 19 من القانون رقم 100 لسنة 1985 على أنه إذا إختلف الزوجان فى مقدار المهر فالبينه على الزوجة فإن عجزت كان القول للزوج بيمينه إلا إذا إدعى مالا يصح أن يكون مهرٱ لمثلها عرفٱ فيحكم بمهر المثل .. وإن كانت تلك المادة قد ألقت عبء الإثبات على الزوجة فى إثبات مقدار المهر و لكن عبء إثبات الصورية يقع على الزوج بكافة طرق الإثبات ومنها شهادة الشهود .. و على ذلك يتوجب على الزوج أن يطلب من المحكمة إثناء نظر دعوى صورية مقدم الصداق إحالة الدعوى للتحقيق لإثبات مقدم الصداق الحقيقي .

11/10/2025

05/08/2025

🚨إزاى تحسب الإيجار بعد تطبيق القانون #الايجارقديم
📌 تم نشر قانون الإيجارات الجديد برقم (164) لسنة 2025

⏪ الأجرة اللي هتدفع في 1/9/2025 هي 250 جنيه لأي مكان بيدفع أقل من كده... كل اللي بيدفع أكتر من كده هيفضل زي ما هو.
⏪ لو اللجان اتأخرت في تصنيف منطقتك؛ هتفضل تدفع 250 جنيه زي ماهيا في 1/10 لحد ما اللجنة تعلن التصنيف.. ومن أول الشهر اللي بعد التصنيف؛ الأجرة هتبقى كالتالي:
⭕ المنطقة المميزة
1️⃣ الفرض الأول: هتدفع أجرتك القانونية اللي كنت بتدفعها عادي جدا لكن مضروبة في 20 ضعف..
مثال: لو بتدفع 65 جنيه كأجرة قانونية،
يبقى الحسبة كده: 65×20= 1300 جنيه.

2️⃣ الفرض التاني: أجرتك القانونية مثلا 15 جنيه؛
تبقى الحسبة كده: 15×20= 300 جنيه
الـ300 جنيه أقل من الحد الأدنى اللي لازم تدفعه اللي هو 1000:
يبقى هتدفع 1000 جنيه.
⭕ المنطقة المتوسطة
1️⃣ الفرض الأول: هتدفع أجرتك القانونية اللي كنت بتدفعها عادي جدا لكن مضروبة في 10 أضعاف...
مثال: لو بتدفع 75 جنيه كأجرة قانونية،
يبقى الحسبة كده: 75×10= 750 جنيه.
2️⃣ الفرض التاني: أجرتك القانونية مثلا 35 جنيه؛
تبقى الحسبة كده: 35×10= 350 جنيه
الـ350 جنيه أقل من الحد الأدنى اللي لازم تدفعه اللي هو 400:
يبقى هتدفع 400 جنيه.
⭕ المنطقة الاقتصادية (الشعبيات)
1️⃣ الفرض الأول: هتدفع أجرتك القانونية اللي كنت بتدفعها عادي جدا لكن مضروبة في 10 أضعاف...
مثال: لو بتدفع 150 جنيه كأجرة قانونية،
يبقى الحسبة كده: 150×10= 1500 جنيه.

2️⃣ الفرض التاني: أجرتك القانونية مثلا 15 جنيه؛
تبقى الحسبة كده: 15×10= 150 جنيه
الـ150 جنيه أقل من الحد الأدنى اللي لازم تدفعه اللي هو 250:
يبقى هتدفع 250 جنيه.
⭕ الزيادة السنوية 15%
- اعتبارا من 1/9/2026 تبدأ زيادة 15% على الأجرة؛ بمعنى لو بتدفع 1000 جنيه،
هتبقى الأجرة بعد الزيادة 1150 أول سنة،
والسنة التانية هتتحسب على 1150 مش على 1000؛
بمعنى (1150×15) / 100 = 172.5 + 1150 =1322.5 جنيه
- ولما نيجي نحسب زيادة السنة التالته هتتحسب على آخر أجرة اللي هي 1322.5 جنيه
- وهكذا...

⛔ توضيح أكثر: متدفعش الأجرة اللي مكتوبة في العقد ولا الاتفاقية اللي بينك وبين المالك.. لكن ادفع الأجرة القانونية بعد ما تضربها في المضاعفات زي ما شرحنا فوق..ودا طبعا بعد ما اللجان تحدد منطقتك تبع اي شريحه لحد ما تحدد انت تدفع ال ٢٥٠ دا في حاله انك الإيجار اقل من ٢٥٠ اما لو أعلى هتدفع زي ماهو لحد ما اللجنه تحدد زي ما شرحنا فوق

⛔ نصيحة: عند الاختلاف؛ لازم تسأل محامي متخصص في الايجار القديم على وجه السرعة.
منقول

05/05/2025

متمضيش علي قائمة منقولات صورية
متمضيش على قائمة منقولات زوجية غير الحاجات اللي موجودة فعلاً!

العريس بيكون متفائل، متعشم في حماه المستقبلي، يسمع منه كلام مطمّن:
"يا ابني إمضي ومتخافش... دي ورقة شكلية قدام الناس بس."

بس الصدمة بتيجي بعد الجواز، وأحيانًا بعد الخلاف.
العريس يفوق على صوت القاضي بيقول لحرس المحكمة:
"احجزه عندك لآخر الجلسة!"

وقتها بيفهم إنه مضى على نفسه حكم بالحبس، لمجرد إنه وافق يكتب ويوقّع على حاجات عمرها ما كانت موجودة أصلاً.

:
ما تمضيش على قائمة منقولات إلا لو كل حاجة مكتوبة فيها موجودة فعلاً وقدامك.
ورقة "شكلية" ممكن تبقى سبب في ضياع مستقبلك.
#المستشارمحمدنظمي

16/04/2025

⚖️
✍️
#العقود


تعمل صحة توقيع على العقد ولا متعملش؟!
صحة التوقيع مهمة ولا غير مهمة؟!

◀️أولا:- لو عقد حضرتك مسجل في الشهر العقاري فصحة التوقيع بتكون أهميتها قليلة جدا لعقدك.
◀️ثانيا:- لو عقد حضرتك غير مسجل في الشهر العقاري فهي مهمة جدا لعقدك. طيب ليه مهمة ؟

👈١- ده بيكون الإجراء الرسمي الوحيد اللي على العقد.

👈٢- صحة التوقيع بتكون بمثابة إثبات على العقد .

👈٣- يفضل حضور البائع بشخصة امام المحكمة المختصة والإقرار بصحة توقيعة علي عقد البيع وذلك منعا للطعن لاحقا بصورية العقد من البائع او خلفه العام او الخاص .

👈٤- صحة التوقيع تعطيك الحق في نقل ملكية عدادات المرافق للمبيع في حاله عدم تحرير البائع توكيل للمشتري بالبيع للنفس او للغير ونقل العدادت.

👈٥- أهم نقطة وهي اللي بتنهي الخلاف حول اذا كانت صحة التوقيع مهمة او غير مهمة إن قانون الشهر العقاري الجديد لسنة ٢٠٢٢اشترط لتسجيل الشقق ( تسجيل واقعة مادية) بمضي مدة الخمس سنوات ان يكون مضى على العقد خمس سنوات ويكون عليه صحة توقيع . والقانون ده بتطبيقه هيحل أغلب المشاكل العقارية في مصر .🏠

✍️ صحة التوقيع مش مهمة فقط لعقود بيع الشقق 🏠ولكن مهمة لكافات أنواع العقود📝

⛔ محتاج تعمل صحة توقيع كلمنا
اطلب استشارتك الان ⏳
‏‎عن طريق الموبيل 01286769822 - 01153770792
او تقدر تتواصل معانا من خلال
‏‎واتس اب : 01286769822
٥شارع محمد امام متفرع من شارع منشية التحرير بجوار بنك مصر - عين شمس - القاهرة.
⚖️

08/04/2025

ضريبة التصرفات العقارية تقع علي عاتق البائع حتي لو هتكتب شرط في عقد البيع بتحمل المشتري الضريبة العقارية لان الضرايب مش هتاخد بيه والبائع اللي هيدفع بردو