Alfateh law firm

Alfateh law firm Contact information, map and directions, contact form, opening hours, services, ratings, photos, videos and announcements from Alfateh law firm, المنطقه السابعه عمارات المجاورة الثالثه عمارة 30 الدور الارضي, Cairo.

03/10/2022

بسم الله نبدء عاما قضائيا جديدا
داعين المولي ان يسدد خطواتنا والا يخيب الظن فينا و ان يؤيدنا بنصره
و نؤكد كمؤسسه الفاتح القانونيه ان المكتب يقبل قضايا الاحوال الشخصيه لغير القادرين بدون مقابل و لا نمانع في تحمل المكتب المصروفات القضائيه لغير المقتدرين
و كذلك المكتب يتطوع بالكامل في العمل بدون مقابل لاي صاحب حق غير مقتدر
استقبال الحالات الغير مقتدره يكون الثلاثاء من كل اسبوع
شريف الفاتح
المحام امام محكمه النقض

الموافقه علي زياده وحده ثالثه بدون رسوم في بيت الوطن لقطع الاراضي التي تزيد مساحتها عن ٧٣٠ مترو اربع وحدات للقطع التي تز...
07/08/2022

الموافقه علي زياده وحده ثالثه بدون رسوم في بيت الوطن لقطع الاراضي التي تزيد مساحتها عن ٧٣٠ متر
و اربع وحدات للقطع التي تزيد مساحتها عن ٩٥٠ متر

نقل مقر لنيابه الشروق و بدر الجزئيه من محكمه القاهرة الجديدة بالتجمع الخامس الى مدينه الشروق بدايه من ١٥ يناير
12/01/2022

نقل مقر لنيابه الشروق و بدر الجزئيه من محكمه القاهرة الجديدة بالتجمع الخامس الى مدينه الشروق بدايه من ١٥ يناير

كنت بسأل نفسي ازاى الدوله تسمح للمخالف يتصالح و تكافئه و تقنن وضعه و تقوله برافو عليك و تعاقب اللى احترم القانون و مخالف...
27/12/2021

كنت بسأل نفسي ازاى الدوله تسمح للمخالف يتصالح و تكافئه و تقنن وضعه و تقوله برافو عليك و تعاقب اللى احترم القانون و مخالفش دة منتهى الظلم و لا يساوى بين المواطنين في الحقوق و المراكز القانونيه
اليوم يتم تصحيح الوضع و اقتراح بقانون لمنح من لم يخالف الحق في اضافه دور اضافي
لى فقط تعقيب واحد هو في قيمه الرسوم و هى ٢٠٠٠ جنيه للمتر في حين ان التصالح تدرجت قيمته من ٨٠٠ الى ٨٨٠ الى ٩٦٠ جنيه للمتر فيكون نصف القيمه المطلوبه ممن لم يخالف القانون و هو ما يبقي على الظلم جزئيا

حكم صادر من مجلس الدوله بالزام جهاز المدينه برد ما قام مالك قطعه ارض بسدادة نظير زيادة عدد الوحدات انطلاقا من القاعدة ال...
05/09/2021

حكم صادر من مجلس الدوله بالزام جهاز المدينه برد ما قام مالك قطعه ارض بسدادة نظير زيادة عدد الوحدات انطلاقا من القاعدة القانونيه انه لا رسم الا بقانون و هو نفس المبدء الذى استندت اليه دعاوى استرداد رسوم التعليه
يظل مجلس الدوله هو حصن المصريين الاخير امام تجبر الدوله و اجهزتها

05/03/2021

تعلن مؤسسه الفاتح القانونيه عن حاجتها الى ضم زملاء للانضمام الى فريق عمل المؤسسه و هم كالتالى
محام مقيد ابتدائي
٢ محام جزئي
محاسب حديث التخرج
admin coordinator
بشرط الاقامه بمدينه الشروق
المقابله من السبت الى الاربعاء
الاستفسام على رقم ٠١١١١١٥١٠٧١

25/02/2021

لاحظت ان موضوع التسجيل او الاشهار للعقود اخذ منحى تانى و تحول لوسيله تهييج و استغلال لعدم فهم الناس للوضع فأسمحولى واحدة واحدة كدة اوضحلكم الموضوع
علشان منسيبش الفرصه لاى حد يثير الضغائن في قلوب الناس و توجيه غضبهم الناجم عن سوء فهم
اولا موضوع التسجيل دة مش حاجه استجدت ولا ظهرت فجاه كلنا لو شوفنا عقود شقق او اراضي اهالينا حتلاقوها عقود مسجله
طيب يعنى ايه تسجيل
التسجيل هو قانونا نقل الملكيه و اثباتها في مواجهه الجميع و منع التعامل عليها الا من خلال صاحب العقار فقط و التسجيل له طريقتين
الاولى ... التسجيل الرضائي يعنى المشترى يروح يثدم عقدة للشهر العقارى و بعد بحثه ياخد البائع معاه و يوقعوا على العقد الاخضر او الازرق ايا كان لونهم او يروح ابمشترى بموحب توكيل صادر له من المالك و يوقع نيابه عن المالك لنفسه و دة اسمه البيع للنفس
الثانيه .... التسجيل القضائي و دة برفع دعوى صحه و نفاذ التعاقد و دى دعوى بتاخد نفس اجراءات التسجيل انما بطريق المحكمه و حكم المحكمه هو اللى بيتم تسليمه للشهر العقارى لتسجيله
على فكرة مفيش حاجه اسمها صحه توقيع و نفاذ
في صحه توقيع و دى القاضي فيها بيبحث التوقيع فقط ملهوش اى علاقه بموضوع العقد
و صحه و نفاذ اللى شرحتها من شويه
طيب ليه الناس مكانتش بتسجل
لان في اخر اربعين سنه ضعفت قبضه الدوله و تحول الاهتمام الى حمايه النظام الحاكم بدلا من حمايه القانون و انتشرت العشوائيه و البناء المخالف و طبعا شرط التسجيل ان الارض تكون سليمه يعنى مش مثلا ارض زراعيه زى مناطق كامله اتجرفت و طلعت ابراج و دة طبعا منع تسجيلها فكانت الطريقه الاسهل علشان العقد يبقي شبه رسمى ان المشترى يعمل دعوى صحه توقيع حاجه كدة زى لما عربيه بى واى دى تحط علامه مرسيدس
طيب ايه الجديد
الجديد ان فجاه الدوله اكتشفت ان ٩٥% من العقارات في مصر مش مسجله
و اكتشقت ان ٩٠% من عمليات البيوع بيكون فيها مشاكل و نصب و عدم التزام و تهرب ضريبي و بلاوى سودة
طيب يحلوها ازاى
الحكومه عارفه ان المصريين اهم حاحه في حياتهم العداد و يخافوا موت ان حد يسحب العدة منهم و ان العداد اهم من وضع الشقه نفسه او ملكيتها مع ان المستاجر يقدر يغير العداد فالعداد مش اثبات ملكيه انما قرينه حيازة
فيصحى احد جهابزة القانون في يوم شبه وشه و يطلع قرار في وقت مش صح بطريقه مش صح يلخبط البلد بحالها بمنع توصيل المرافق الا للعقارات المسجله
انا مع التطبيق النصي للقانون دة
معاه مليوووون المائه
انما اللى متاكد منه ان السادة موظفي الدوله سيتوسعون في تفسير القانون و التضييق على الناس و عكننه حياتهم
باعتبار مدام عفاف بتاعه تعاقدات الكهرباء بتفهم احسن من اللى حطوا القانون و ان اكيد مكنوش يقصدوا توصيل المرافق و التعاقد عليها للعقار انما اكيد يقصدوا كمان نقل المرافق او التنازل عنها من واحد ملهوش علاقه بالخناقه دى لواحد تانى حيلبس في الخناقه و دى حتبقي الكارثه لان كدة وضع المستأجر حيكون تفضل بكتير من وضع المالك بعقد ابتدائي
المهم اى واحد عندة بعشرة قروش خس في دماغه حيفهم ان قانون التصالح و تيسير إجراءات الشهر العقارى احسن حاجه حصلوا في تاريخ مصر من بعد عبور اكتوبر
انما لكل مقام مقال
و مينفعش كل حاجه تبقي ورا بعضها و بدون نظرة الى ظروف الناس في المرحله دى من حياه الناس
مينفعش كل الرسوم دى
مينفعش تلزم المشترى بالضريبه اللى انت معرفتش تحصلها من البائع بإعتبار ان المشترى شبح و كدة و اقوى من الدوله و يقدر يسترجع فلوس الضريبه تانى بقضيه تقعد سنتين من البايع فخلوا عندكم دم و قوموا بدوركم ون ظلم
لان انتم الدوله و السلطه و انتم اللى تقدروا تحجزوا على اللى مدفعش و تطالبوة و توقفوا حاله مش المواطن البسيط اللى بالمناسبه لسه من كام شهر لبستوة في رسوم التصالح
الموضوع محتاج اعادة نظر انما لازم يتطبق
بس اى قانون هدفه ارساء العداله فى قلوب المواطنين و هنا ظلم و ظلم بين ايضا

25/02/2021

مطلوب محاسب حديث التخرج للعمل بمؤسسه الفاتح القانونيه
التواصل استاذة دعاء المدير المالى ٠١١١١١٥١٠٧١

لو محدش سمع دعواتنا بعقد حوار مجتمعى لمناقشه سبل تيسير عمليه التسجيل فالموضوع حيتحول لكارثه لسكان المدن الجديدة و هروب ا...
19/02/2021

لو محدش سمع دعواتنا بعقد حوار مجتمعى لمناقشه سبل تيسير عمليه التسجيل فالموضوع حيتحول لكارثه لسكان المدن الجديدة و هروب استثمارات بمليارات
لابد ان تستمع الدوله لصوت العقل و المنطق
لا سبيل للتسجيل بالمدن الجديدة الا بطريقه من اتنين
الاولى ان تقوم اجهزة المدن بتسجيل كافه الاراضي الواقعه بدوائر اختصاص و سلطه تلك الاجهزة طبقا لقرار الهيئه الصادر بتاريخ ٢٢/٢/٢٠١٨ و من ثم يستطيع كل مالك وحدة ان يبدء اجراءات تسجيلها سواء رضائيا لو معه توكيل مسلسل
او قضائيا بموجب دعوى صحه و نفاذ التعاقد لو مش معاه توكيل
الطريقه الثانيه اعتماد قبول الاحكام الصادرة في دعاوى صحه التوقيع و يتم ايداع تلك الاحكام بالجهاز ليتم بحثها و بحث سند الملكيه و تسلسله و اخكار ذوى الشان و في حاله عدم الاعتراض عليه يتم احالته للشهر العقارى ليأخذ دورته في عمليه التسجيل
غير كدة يبقي للمرة رقم ١٠٠٠ بنحط صباع المشترين تحت ضرس اللى باعلهم زى ما حصل في موضوع التصالح و زى ما حصل في مواضيع النصب و المرافق و التوكيلات
النهاردة الدوله لو موقفتش بجانب الناس في الحفاظ على ملكيه وحداتهم فمحدش ييجى يطلب من الناس دى يقفوا جنب الدوله او يستحملوا او يشتغلوا حتى و انت بتهددهم في اهم حق انسانى و هو حق السكن
احنا سفينا التراب في مواجهه نصب و تاخيرات تسليم و بيوع متعددة و مخالفات و عدم وجود مرافق و عدم وجود خدمات و مفيش حد مسك شماعه حتى و وقف جنبنا
فلازم صوتنا يوصل لعضو مجلس الشعب و اعضاء مجلس الامناء و رئيس الجهاز
لازم يتقالهم ان الفاتورة المرة دى تقيله و مينفعش ندفعها احنا برضو لوحدنا

18/02/2021

دردشه قانونيه
بخصوص الجدل الدائر حاليا حول ما سيحدث في اول مارس و كلام عن الغاء العقود الغير مسجله و عدم الاعتراف بتلك العقود و الغاء دعاوى صحه التوقيع
بدايه ما طرأ من تعديل على قانون الشهر العقارى رقم ١١٤ لسنه ١٩٤٦ باضافه مادة ٣٥ مكرر
ان كان فهمنا صحيحا لتفسير تلك المادة فان التعديل الجديد يسمح لمن تحت يدهم عقود غير مسجله صدر لها احكام تثبت حقوق عينيه عقاريه بايداع تلك العقود بمكتب الشهر العقارى ليتم اخطار ذوى الشأن بعد التاكد من تسلسل ملكيه اطراف التعاقد فيتم اخطار ذوى الشأن للاعتراض على طلب التسجيل
هنا المعضله القانونيه في تفسير المادة حيث ورد في صياغتها ان كان سند الطلب حكما نهائيا يثبت انشاء حقا عينيا
و لم يرد بها ان يكون الحكم صادرا في دعوى من الدعاوى العينيه العقاريه
معنى ذلك ان احكام صحه التوقيع و معروف ان صحه التوقيع من الدعاوى الشخصيه العقاريه انما سند الدعوى هو عقد بيع ينشئ حقا عقاريا بالتصرف في عين او عقار فبذلك يكون حكم صحه التوقيع قد انشأ اقرار بصحه ما ورد بالعقد و بذلك اثبت حقا عينيا فيجوز ان يكون الحكم هو المستند الذى يتم ايداعه بالشهر العقارى
اما ان كان مقصود المادة هو حكما منشئ لحق عينى عقارى فبذلك حصر تلك الاحكام في دعاوى صحه و نفاذ و دعاوى ثبوت الملكيه و دعاوى الفرز و التجنيب و هى دعاوى لابد اصلا لقبولها ان يكون اصل الحق مسجلا و مشهرا و بذلك فلا قيمه للتعديل لانه لم يضف جديدا بخصوص تسهيل عمليه التسجيل فيظل الوضع على ما هو عليه
في النهايه القانون تحدث عن الزام الجهات الاداريه بعدم توصيل مرافق للعقارات الا بعد تقديم شعادة من الحى او الجهاز تفيد عدم وجود مخالفات و ما يفيد تسجيل العقار و هو ما نرى استحاله تطبيقه قبل ازاله اسباب استحاله التسجيل الحاليه
فما ورد من كلام عن الغاء العقود الغير مسجله هو كلام غير صحيح و ما يقال عن الغاء دعوى صحه التوقيع كلام لا يصح ان يصدر عن اشخاص قانونيين حيث ان دعوى صحه التوقيع منصوص عليها بنص المادة ٤٥ من قانون الاثبات و لالغائها طريق من طريقين اما باقامه الدعوى الدستوريه بالطعن عليها بعدم الدستوريه او بصدور نص قانون صريح بعدم العمل بتلك المادة

Address

المنطقه السابعه عمارات المجاورة الثالثه عمارة 30 الدور الارضي
Cairo

Opening Hours

Monday 3pm - 8pm
Tuesday 3pm - 8pm
Wednesday 3pm - 8pm
Saturday 3pm - 8pm
Sunday 3pm - 8pm

Telephone

01144001990

Website

Alerts

Be the first to know and let us send you an email when Alfateh law firm posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Alfateh law firm:

Shortcuts

Share