مؤسسة الدغيدي للمحاماه والاستشارات القانونيه

02/10/2026

⚖️
هل يجوز التماس إعادة النظر في الأحكام النهائية..

مؤسسة الدغيدي للمحاماة و الإستشارات القانونية

للاستفسار تواصل معنا علي: 01001885955.
tiktok.com/

25/09/2026

⚖️اعرف المعلومة القانونية الصح

مش كل حكم جنائي بيسقط بمرور الوقت.. اعرف إيه اللي بيحدده القانون وما هي الإجراءات.

مؤسسة الدغيدي للمحاماة والاستشارات القانونية

للتواصل: 01001885955
https://vt.tiktok.com/ZSbLWR67R/

22/09/2026

هل يعد التصوير في الاماكن العامه حقا مطلقا ام مقيدا بضوابط القانون ؟⚖️

21/09/2026

هتتعلن على تليفونك ...ايام ويتم تطبيق قانون الإجراءات الجنائية الجديد اللي من أبرز تعديلاته انك مش هتعرف تهرب من استلام الاعلان الخاص بالقضايا اللي عليك ومواعيد جلساتها يعني لو تم تعذر وصول المحضر ليك هيتم إعلانك خلال 24ساعة عن طريق التليفون ..ومش هيكون فيه مسموح بأي تلاعب ...
وده قرار السيد المستشار ....وزير العدل بشأن تنظيم مراكز الاعلانات الهاتفية والإلكترونية وآلية عملها
تطبيقا لقانون الاجراءات الجنائية الجديد رقم 174 لسنة 2025
دمتم بخير

20/09/2026

"لو عليك حكم غيابي فلوسك هتتجمد في البنك ومش هتعرف تعمل توكيل؟!" 🚨
​الكلام ده قالق نص الناس على السوشيال ميديا اليومين دول، والكل بيسأل بخوف عن المادة 372 إجراءات جنائية.. تعالوا نفهم الحقيقة القانونية بهدوء وبدون تهويل:
​أولاً: النص القانوني ده بيكلم مين بالظبط؟
​المادة دي تخص الجنايات فقط (القضايا الكبيرة المنظورة أمام محكمة الجنايات).
​مالهاش أي علاقة نهائياً بقضايا الجنح اللي بتخص 90% من الناس، زي:
​إيصالات الأمانة.
​قضايا الشيكات بدون رصيد.
​قضايا التبديد والنزاعات اليومية المعتادة.
​ثانياً: إيه اللي بيحصل فعلياً لو عندك حكم غيابي في "جنحة"؟
​حساباتك البنكية في أمان تام ولا يتم تجميدها بسبب المادة دي.
​من حقك الكامل تعمل توكيل لمحاميك أو تتصرف في أموالك وممتلكاتك بشكل طبيعي.
​الإجراء القانوني المتبع هو عمل معارضة عادية جداً في الحكم، وبيتم تحديد جلسة وإلغاء الحكم الغيابي فور الحضور.
​ثالثاً: مين اللي بيتمنع من إدارة أمواله طبقاً للمادة 372؟
​المتهم الصادر ضده حكم غيابي من محكمة الجنايات؛ هو فقط المحروم بقوة القانون من إدارة أمواله أو رفع دعاوى، وده إجراء احترازي مؤقت بيسقط بمجرد تسليم نفسه أو القبض عليه وإعادة إجراءات محاكمته.
​💡 رسالة طمأنة: متخليش الشائعات تخوفك، واعرف تصنيف قضيتك صح قبل ما تقلق.

20/09/2026

⚖️

متصدقش اي حد يقولك إن الأحكام الغيابية بتسقط بعد ثلاث سنوات..
مؤسسة مجدي الدغيدي للمحاماة والاستشارات القانونية

للاستفسار. تواصل معنا علي 01001885955 .
tiktok.com/

10/09/2026

10/09/2026

اعرف حقك ⚖️

لو اتقبض على حد من قرايبك فجأة.. هتعمل إيه؟

مؤسسة الدغيدي للمحاماة والاستشارات القانونية
وللاستفسار تواصل معنا على 01001885955

07/09/2026

خلى المعلومات دى فى بالك وانت بتكتب عقد سواء بيع أو ايجار أو مشاركه أو اتفاق :-
١ - العقد مش هيكون باطل لو مافيش شهود ماضين عليه المهم توقيع الشخص الى هيبعلك مش الشهود
٢ - العقد لازم يتكتب فيه تاريخ ماينفعش يكون فاضى وحضرتك تقولى نبقى نكتب التاريخ براحتنا
٣ - مافيش حاجه اسمها خالص الثمن حضرتك بتكتب فى العقد أن تمن الشيء المبيع كذا وتم سداد كامل الثمن بمجلس العقد ماينفعش تقولى اكتب خالص الثمن حضرتك ده عقد وله بنود وشروط
٤ - ياريت حضرتك سواء كنت بائع أو مشترى تمضى على كل ورقه بالعقد ومتستسهلش وتكسل .
٥ - فى فرق بين صحة التوقيع والتسجيل ومش كل العقود ينفع تتسجل فى الشهر العقارى .
٦ - مافيش حاجه اسمها تنازل على ظهر العقد ويبقى كده أشتريت الافضل كتابة عقد
٧ - ياريت لما حضرتك تشترى شقه أو تأجر تاخد آخر إيصالات مياه وكهرباء وغاز علشان لو المشترى باعلك مش هتشوف وشه تانى وهتدفعهم
٨ - صحة التوقيع مهمه وبتثبت تاريخ البيع وتوقيع البائع والمشترى وعلى فكره ينفع المشترى يرفع صحة توقيع على البائع وكمان ينفع البائع يرفع صحة توقيع على المشترى مافيهاش حاجه كل واحد يضمن حقه
٩ - لو حضرتك اشتريت شقه تمليك ومالكش حصه فى الارض والبيت وقع كده حضرتك مالكش اى حاجه يعنى حضرتك اشتريت حيطان بس .
١٠ - لو اشتريت شقه من واحد والشخص ده اتوفى بعد مابعلك من حقك ترفع صحة توقيع على ورثته عادى .
١١ - عقد الإيجار ممكن يتعمل عليه صحة توقيع لو مدة الإيجار اكتر من ٩ سنوات ولو أقل من كده يبقى إثبات تاريخ .
١٢ - ياريت قبل ماتشترى شقه تسأل هل صدر لها قرار تمكين ولا لا علشان لو زوجة البائع كانت عامله قرار تمكين للشقه قبل مايبعها يبقى عليه العوض ومنه العوض
١٣ - على فكره عادى جدا انك ترفع دعوى صحة توقيع على عقد ابتدائى أو عقد لسه عليه أقساط

07/08/2026

إجراءات إيداع الوصية بالشهر العقاري
********
تتيح مصلحة الشهر العقاري والتوثيق خدمة إيداع محضر وصية مغلقة في جميع مكاتبها، ومأمورياتها...

** ففى الحقيقة تقع العديد من المشكلات بين الأسر فى مسائل الإرث، وذلك لأن المورثين قبل وفاتهم يقومون بعمل أو كتابة "وصية" تقع بسببها العديد من المشكلات بين الورثة بشأن كيفية إجراءات ايداع الوصية في الشر العقاري، حيث أن هناك العديد من المستندات المطلوبة لمحضر إيداع وصية مغلق.

وحيث أن المادة رقم 18 مكرر من اللائحة التنفيذية لقانون التوثيق رقم 68 لسنة 1947 نصت على أن : تقوم مكاتب التوثيق بقبول وايداع الوصايا وسائر التصرفات المضافة إلى ما بعد الموت في مظاريف مغلقه مختومة بخاتم المكتب الرسمي، وذلك بناءا على طلب الموصي أو من صدر منه التصرف.

ويقوم الموثق عند الايداع بتحرير محضر رسمي بذلك، مع بيان وصف المظروف أو المحرر المطلوب إيداعه ويرفق المظروف أو المحرر بأصل محضر الإيداع ويوقع المحضر من الموثق والموصي أو ممن صدر منه التصرف أو طالب الإيداع.

-ويقوم الشخص الذى يريد أن يوصى بأي وصية مضافة إلى ما بعد الموت بكتابة هذه الوصية من نسختين، ويقوم بوضع كل نسخة من الوصية داخل مظروف ويقوم بغلقه جيدا ثم يتوجه بهذين المظروفين إلى أي مكتب شهر عقارى، فيقوم الموثق العضو القانوني بعمل محضر إيداع رسمي من ثلاثة نسخ يبين فى هذا المحضر اسم الموصي ورغبته فى الوصية، وأن الوصية داخل مظروف مغلق لا يعلم الموثق شيء عنها، ويقوم بوصف هذا المظروف لونه وحجمه، فمن شروط إيداع الوصية أنها سرية لا يعلم ما بها سوى الموصي فقط فهي وصية مغلقه لا يعلم أحد ما بداخلها، وبعد سداد رسوم التوثيق العادية حوالى 30 جنيها فقط يقوم الموثق باستكمال المحضر ويوقع الموصي والموثق على المحضر وعلى المظروف المودعة به الوصية ثم يقوم الموثق بتسليم الموصي صورة رسمية من هذا المحضر، دون أن يشتمل هذا المحضر على أي بيانات عن موضوع الوصية فهى فى كل الاحوال مغلقه لا يعلم أحد ما بداخلها حتى الموثق نفسه ..

-ولا تفتح الوصية المغلقة إلا بعد وفاة الموصي مع تقديم المستند الدال على وفاته، ويمكن للموصي في أي وقت أن يقوم بإلغاء الوصية أو سحب مظروفها.

بعد وفاة صاحب الوصية:
وبعد استخراج الاعلام الشرعي من حق أي واحد من الورثة المدرجين بإعلام الوراثة أن يتوجه للشهر العقاري ويطلب فتح المظروف المودعة به الوصية وقراءتها وتفريغ محتواها بمحضر رسمي أيضا، واعطاءه صوره رسمية من هذا المحضر الذى يشتمل على جميع بيانات الوصية، ثم بعد ذلك تبدأ رحلة الورثة مع هذه الوصية، وهل هى فى حدود المسموح به شرعا وقانونا ام لا فدور الشهر العقاري ينتهى عند فتح الوصية .

ملحوظة:
من حق الموصى في اى وقت سحب الوصية والغائها:
يقوم بالتوجه للشهر العقارى، ويطلب استرداد الوصية ويتم عمل محضر رسمي بذلك أيضا ويتم تسليم الموسى الوصية مره أخرى، وهذا الإجراء يقوم أصحاب الشأن فى عمله ثقة فى الشهر العقاري ولرغبتهم في وضع الوصية فى الشكل الرسمي، لكى لا يمكن لأحد الطعن فيها وأنها صادره من الموصي من عدمه مما يفتح المجال للجدل الطويل الذى ربما تضيع معه كل فائدة من هذه الوصية.