25/10/2023
♦قبل ما أبدأ فيه ملحوظتين مهمين ركز فيهم♦
⚠️ #ملحوظة(١):- الإدارة بلغتنا إن علي كل طالب إحضار صورة شخصية 4×6
⚠️ #ملحوظة(٢):- عدم التزامك بالتعليمات اللي هتقرأها في البوست سواء الزي او الحلاقة او غيرهم،،، بيعرضك ان دورتك تتلغي،، ف التزم بالتعليمات دي من أول يوم حضور
⬇️💥💥ندخل بقي في تفاصيل الدورة💥💥⬇️
☑️فيه دورة عملي هايبدأ الحضور فيها يوم ((السبت)) القادم 2023/10/28 (الساعة ٧ ونص صباحا)
👈 والتسجيل أونلاين فقط وهايكون غدا الخميس 2023/10/26 الساعة 10 صباحا ((وهايقفل بمجرد ما العدد يكتمل))
⏪👈البيانات اللي هتنطلب منك هتكتب ((اسمك رباعي بالعربي -- رقمك القومي بالانجليزي -- اسم كليتك بالعربي -- الفرقة الدراسية -- رقم موبايلك بالانجليزي))
⏪👈البيانات دي تجهزها من دلوقتي ،، تكتبها علي موبايلك قبل التسجيل ،،، بحيث وقت ما التسجيل يفتح ،، تاخدهم كوبي و بيست (نسخ و لصق)
❌ومتضيعش وقت في الكتابة❌
⏪👈قبل الساعة 10 صباحا بدقيقتين تفتح الرابط ،، وتفضل تعمل ريفريش ((او تفضل تقفل وتفتح اللينك)) كل 10 ثواني لحد ماتلاقيه فتح معاك،، واول ماتلاقي صفحة ظهرتلك طالب منك فيها بيانات... تروح بسرعة نسخ و لصق وتملي كل بياناتك (((بأقصي سرعة)))،، وهتلاقي كلمة (((إرسال او Submit)) في اخر الصفحة، هتدوس عليها
♦قبل التسجيل عادي جدا تفتح الرابط وتلاقي جملة ((لقد اكتمل عدد الدورة)) دي رسالة ثابتة ملكش دعوة بيها ،، مادام لسه وقت التسجيل مجاش ،، ركز ف المواعيد اللي بنقولهالك وهتلاقي التسجيل فتح ف المعاد وسجل♦
⏪👈بعد ما بتدوس ارسال بعد ما كتبت بياناتك،،هايحولك علي صفحة تانية... لو ظهرلك رسالة ((تم التسجيل بنجاح)) تبقي اتقبلت خلاص
❌⏪👈لو دخلت متأخر عن وقت التسجيل ولقيت ظهرلك رسالة ((لقد اكتمل العدد)) تبقي ملحقتش التسجيل وهتستني دورة تانية.
⛔أول ماتسجل بنجاح ،، كده تبقي انت علي قوة الدورة دي واتقبلت فيها،، وبعدها تجهز نفسك⬇️
⚠️◆👈 إن الفرع اللي هتسجل فيه هو الفرع اللي هتحضر فيه بغض النظر عن كليتك فين ولا انت من محافظة ايه،، يعني شوف ايه الفرع المناسب ليك في الحضور وتسجل فيه و هو دا اللي هتحضر فيه.....
❌عشان محدش بعد التسجيل ييجي يقولي مثلا انا ملحقتش أسجل في القاهرة،، بس لقيت رابط أسيوط لسه شغال ف سجلت فيه... مفيش الكلام ده،، ((هتسجل في فرع يبقي هتحضر فيه))
➖➖➖
💢💥تفاصيل الحضور💥💢
◆👈 الحضور بداية من يوم ((السبت)) 2023/10/28 الساعة 7 ونص صباحا هايكون بالزي الموحد (تيشيرت او قميص لبني + بنطلون ازرق قماش او جينز او ترينج ) + تحلق شعرك و دقنك ((حلاقة الشعر علي درجة ٢ وحلاقة الدقن زيرو)) + ممنوع اصطحاب الموبايلات + تاخد معاك صورة بطاقتك ((وتكون متصورة علي ورقة A4 كاملة مش مقصوصة وتكتب بياناتك وبيانات كليتك علي ضهرها)) + صورة شخصية 4×6.
◆👈 الدورة بتستمر في الحضور أسبوعين ،، ونظام الابحاث والامتحان كل ده هتعرفوه في المقرات ان شاء الله.
🚫👈بالنسبة للناس اللي عندهم أمراض معينة تمنعهم من اداء التمارين او الحضور علي حسب شدة المرض،،بتسجل زيك زي غيرك الاول... وبتاخد معاك مايثبت حالتك ((تقارير طبية -- تحاليل -- أشعات -- روشتات ..الخ)) وتروح بيه ((مقر التربية العسكرية)) اول يوم مع زمايلك ،، وهناك هتتحول علي الادارة الطبية بالجامعة،، والقائد بعدها هايشوف الاستثناء المناسب ليك علي حسب شدة المرض.
⚠️🔥 ((وغيابك أكتر من يومين تعتبر دورتك لاغية)).
➖➖➖
💢⬇️ :-⬇️💢
:- داخل جامعة الازهر بمدينة نصر بالقاهرة - خلف كلية طب بشري ((والفرع المؤقت:- مبني البنك الاهلي القديم - خلف كلية علوم))
:- داخل مجمع كليات الأزهر بطنطا - بمقر كلية شريعة وقانون
:- داخل جامعة الأزهر بأسيوط - بمقر كلية العلوم
➖➖➖
⚠️⚠️💥تحذير هااااااام💥⚠️⚠️
❌💥وإدارة التربية العسكرية تحذر الجميع من النصابين اللي بيحاولوا يوهموا الطلبة انهم يقدروا يخلصولهم التربية العسكرية ،، و دا كله محض افتراء ونصب،،، ف متسمحش لحد ينصب عليك وياخد منك اي فلوس عشان مفيش حد يقدر يخلص دورتك غير نفسك فقط لاغير من اول التسجيل لحد اخلاء الطرف واستلام شهادتك مختومة... فياريت الناس تتوخي الحذر و اي حد يقولك هعملك الدورة بفلوس تبلغ عنه في الحال💥❌
➖➖➖
⬇️و دي روابط التسجيل لكل الفروع⬇️
رابط تسجيل القاهرة⬇️
https://docs.google.com/forms/u/0/d/e/1FAIpQLSfb8F9Uoe1L5BdHa54RPErspqQXcEU9AA6pnXJcRR6_rumqjA/alreadyresponded?usp=sf_link
رابط تسجيل طنطا⬇️
https://docs.google.com/forms/d/e/1FAIpQLSeRPTfOXtUp9z-RwB8p0poXkC_VmqQpElPxQ-CEB-51Pbu57Q/viewform
رابط تسجيل اسيوط⬇️
https://docs.google.com/forms/d/e/1FAIpQLSeuIaDIwE8bHc4IICupv-Hkqa9NEsewZRkmiULeClgXlsqNYQ/viewform?usp=sf_link
📢ياريت الناس تبلغ بعضها📢
بالتوفيق للجميع ياشباب
