24/03/2026
🛑 مأساة كرموز.. حكاية وجع ما يتوصفش
الأم مصرية، عاشت 19 سنة في السعودية مع جوزها الأردني، وعندها 6 أطفال كلهم مواليد هناك.
فجأة المرض دخل حياتها… سرطان بدأ ينهش في جسمها، وما لقتش دعم كفاية للعلاج، فاضطرت تنزل مصر وتستقر في شقة بسيطة في كرموز مع أولادها.
كانت مستنية السند…
لكن الصدمة إن جوزها اختفى 6 شهور كاملين، لا سؤال ولا دعم.
وبعد الغياب الطويل… جات المكالمة القاضية:
طلقها وقالها مش عايزك ولا عايز الأولاد.
هنا الوجع كبر…
مرض + وحدة + مسؤولية 6 أطفال + تخلي أقرب الناس.
الأم بقت بتواجه كل ده لوحدها…
تعتمد على مساعدات من الناس وأهل الخير، في وقت حتى أهلها مش واقفين جنبها.
فوق مرض الجسد… تملكها اليأس، وبدأ يسيطر على تفكيرها بشكل خطير،
لدرجة إنها اقتنعت إن مفيش مخرج من الألم ده.
وفي لحظة ضعف قاسية…
تحولت الفكرة إلى محاولة انتحار جماعي للأسرة نتيجة الحالة النفسية المدمرة اللي كانوا فيها.
لكن رحمة ربنا كانت أقرب…
لم تكتمل المأساة، بعد تدخل الجيران في اللحظة الأخيرة وإنقاذ أحد الأبناء، لتنكشف تفاصيل القصة اللي هزّت القلوب.
💔 القصة دي مش بس مأساة…
دي جرس إنذار عن خطورة اليأس، وغياب الدعم، وقسوة التخلي.
🤲 ربنا ينتقم من كل ظالم، ويرحم كل نفس اتوجعت من غير سند.
