المستشار القانونى والعقارى أحمد شلبى

04/10/2023

هو دبلة وخاتم ويتلبسوا فـى محل الدهب وخلصنا
الخطوبة: 👇
مش تزيد عن سنه
العفش:👇
بلاش اوضه الاطفال دلوقتى بتعملوها وبتاخد ٥ سنين على ما الولاد يتعودوا عليها
خلوها حجرة نوم وحجرة انترية عالعريس والعروسةمن كل نوع صنف واحد فقط للمطبخ.
الخمسين حلة والخمسين فوطة والخمسينات اللى مالهاش اى خمسمليون لازمة بلاش منها وخليها خمسات مش خمسينات
يوم الدخلة: 👇
سيشن تصوير يوم الفرح ومافيش اجمل من خصوصية التصوير بموبايلاتكم مع احترامى لكل المصوريين أنا مش معترض على الشغل بالعكس اشجعهم بس معترض على التصوير الغير محترم أنها تتصور بكل ملابسها الداخلية والخارجية علشان تبقى ذكرى لبعد الزواج ... نصيحة لكل عريس خليك غيور على أهل بيتك
نيجى لاشهار الزواج بمسجد كبير وانك تشترى جاتوهات وتكلف نفسك بلاش خليها شوكولاته تتوزع وخلصنا
لو هتعشى يابن الناس نصيحة وفر فلوس الفرح واكل الفقراء واهل العروسين ولازم فى ظل هذه الظروف الصعبه التى يمر بها الطرفان والأسعار المرتفعة لازم نيسر على أنفسنا
وبعد الجواز يبقى يشتروا اللى ناقصهم.
اخيرا كلمة للمعازيم
قلة الزوق أن انتقد فرح أو انتقد ناس الظروف الاقتصادية حكمت عليهم أن يبقى وضع فرحهم كدا
ربنا انعم عليكى بليلة عمر محاصلتش دا فضل ربنا عليكى ما تروحيش تقولى لبنت الناس اللى اتجوزت فى ظروف صعبة أنا اتعملى فرح سيندريلا اللى محصلش
ماتحسدوش حد على فرحته وافرحوا للبساطة وشجعوها علشان المظاهر والقيل والقال قتلوا حياة اسر كاملة
يسروا الحلال ❤️ شجعوه خلى ربنا يبارك فى أولادكم

17/05/2023

محدش يلوم علي حد الفتره دي ..ولا يعتب عليه ولا يحسسه بالتقصير والذنب أعتقد إن مبقاش في بيت واحد حوالينا مش موجوع ؛ كلنا مستهلكين وطاقتنا خلصانه يادوب مكفيانا بالعافيه وفعلا تعبنا مش مستحملين ضغط زياده..البيوت مقفوله علي حواديت بتهد ..وكل واحد تايه في دايرته وبيفكر يخرج منها إزاي ومش معني انه ضحك قدامك يبقي عايش في الجنه ممكن يكون مبتلي اكتر منك بس مش بيحكي..فالله يكون في عون العباد جميعا ..ويارب يهون و يسند ويقوي ويرزق الجميع ..هونوها علي بعض عشان تهون ..وإدعو لبعض وباذن الله ربنا يعدلها.♥️🤲🏻

09/05/2023

يعلن مكتب الأستاذ / أحمد حسن شلبى عن تقديم خدماته فى كافة دعاوى الأسره ( خلع - طلاق - نفقة زوجيه - نفقه صغار - تمكين من مسكن الزوجيه - ولايه تعليميه - مصروفات دراسيه ) للإتصال وتحديد موعد 01019333329 - 01111347780

20/04/2023

20/04/2023

كُلما ضاقت بك الحياة وتراكمت عليكَ الهموم ساعد شخص يحتاج لمساعده اي كانت نوع مساعدتك له
قد تكون كلمه طيبه
وهيجيلك الفرج
من حيث لا تحتسب

19/04/2023

"وَلَا تَنسَوُا الْفَضْلَ بَيْنَكُمْ ۚ إِنَّ اللَّهَ بِمَا تَعْمَلُونَ بَصِيرٌ" (البقرة: 237)
مهما بلغ الخلاف لابد من نقطة التلاق، تذكروا يوما طيبا جمعكما موقف شهامة تضحية ما لعل الفضل يعود بالود يوما ما

14/04/2023

إزاي يثبت الزوج انه بيدفع نفقة للزوجة؟ 💰
✍️ كتير بيحصل ان الزوج بيتفاجئ أنه أترفع عليه دعوي نفقة ، وممكن يستغرب الزوج من دا بالذات لو هوا كان بيدفع النفقة بصفة مستمرة ..
✍️ تعالو نعرف إزاي يثبت الزوج أنه بيدفع النفقة قانونا ..
👈 في البداية نوضح ان النفقة بتتحسب من تاريخ رفع الدعوي ، وبالتحديد من تاريخ تقديم طلب التسوية وبالتالي في حالة معرفة الزوج أنه عليه دعوي نفقة لازم يتصرف بالشكل دا ..
١- أما أن الزوج يبعت النفقة علي يد محضر .
٢- أو في حوالة بريدية أو حساب بنكي .
٣- وممكن ياخد إقرار من الزوجة انها استلمت نفقة شهر كذا .
✍️ طيب نفرض ان الزوج عرف متأخر ان عليه نفقة يتصرف إزاي ؟!
لو كان صادر ضده حكم بالحبس هيدفع عند المحضر ، أما لو قبل الحكم بالحبس وكان مجرد حكم نفقة ممكن يدفع عن طريق الانذار .

02/04/2023

شيخ الأزهر أحمد الطيب يقول إن لفظ النشوز قد يطلق على الزوج أيضا كما يطلق على الزوجة، مشيرا إلى أن إضرار الزوج بزوجته وجفاؤها وضربها يعد من مظاهر هذا النشوز

02/04/2023

حبس الزوجة بسبب التمكين..
بص يا سيدى
الزوجة أما بتعمل قرار تمكين مشاركه وتروح تنفذه ، هنا بتمضي علي محضر جرد بمنقولات الشقة ..
ممكن الزوج ينقل الحاجات أو أي من المنقولات يتلف أو الزوجة تتصرف هيا في المنقولات لأن معاها قايمة وتعتقد أن المنقولات كدا ملكها ..
في أي حالة من الحالات دي ممكن الزوج يقدم ضدها بلاغ تبديد ( لأن النيابه بتكون عينت الزوجة حارس قضائي علي المنقولات )
وهيا بالفعل بددتها وبالتالي ممكن يصدر ضدها حكم حبس في تبديد المنقولات