https://www.facebook.com/110602888083649/

مؤسسة المستشارين لأعمال المحاماه والاستشارات القانونية, مكه زهراء المعادي, Cairo (2026)

Q: What is the address?

مكه زهراء المعادي

24/05/2026

" السجن المؤبد "
مفيش حاجه اسمها السجن المؤبد 25 سنة او 20 سنه
وهي واحدة من أخطر الخرافات القانونية المنتشرة واللي ناس كتير مصدقاها للأسف
وكتير بيرددوا المعلومة دي لكن الحقيقة القانونية مختلفة تماما
فالسجن المؤبد في القانون هو عقوبة مدى الحياة ولا ينتهي إلا بوفاة المحكوم عليه
طيب جت منين فكرة الـ 25 او 20سنة ؟
السبب هو الخلط بين مدة العقوبة والإفراج الشرطي
فالمادة 14 من قانون العقوبات نصّت على أن السجن المؤبد هو سلب حرية المحكوم عليه طوال حياته
والمادة 52 من قانون تنظيم مراكز الإصلاح والتأهيل المجتمعي (تنظيم السجون سابقا ) قررت أنه يجوز الإفراج الشرطي عن المحكوم عليه بالمؤبد إذا قضى 20 سنة على الأقل وذلك وفق شروط وضوابط محددة
يعني إيه الكلام ده ؟
يعني 25 سنة ليست هي مدة العقوبة للسجن المؤبد و20 سنة هي المدة للنظر في الإفراج الشرطي للمحكوم عليه بالمؤبد والإفراج ده جوازي وليس حقا مكتسبا
ويضاف إلى ذلك 5 سنوات تحت المراقبة بمعنى ان المفرج عنه شُرطياً لايستطيع ان يتجاوز حدود المركز الذي يعيش فيه لمدة خمس سنوات بالإضافة إلى انه كل أسبوع لازم يبات يوم داخل مركز الشرطه ودا في حد ذاته طبعا يعتبر سلب حرية ، وبكده نضيف ال 5 سنين مراقبة على ال20 سنه المفرج عنه فيهم يبقى اجمالي المدة 25 سنه ،ومن هنا ظهر مفهوم خاطئ وهو ان المؤبد 25 سنه"
لذلك فالسجن المؤبد مش رقم
السجن المؤبد يساوي عمر كامل خلف القضبان

للتواصل يرجى ارسال رسالة
او على الارقام الاتيه
01150450701
011152275233
Lawyer Namissa Gaafar
المستشار محمد عوض

14/04/2026

قانون الأسرة الجديد 2026
1- قضايا النفقات وتشمل
النفقة الزوجية
نفقة الصغار
نفقة اجر مسكن وحضانة
نفقة علاج
نفقة مصاريف دراسية
نفقة علاج
سيتم تجميعها بقضية واحدة لتصبح قضية واحدة تشمل جميع النفقات وتقديرها 40٪ من دخل الزوج
فى حال عدم ثبوت عمل للزوج يتم احتساب 40٪ من الحد الأدنى للأجور ويتبع فى حال زيادة الحد الأدنى للأجور طبقا لقانون العمل الدورى .
التنفيذ بفيزا للمطلقة تسمى Children visa من أحد البنوك المصرية (البنك الاهلى /بنك مصر / بنك ناصر الاجتماعى )
سيتم وضع المبلغ اول كل شهر بجد أقصى 10ايام من كل شهر بمجرد حكم المحكمة درجة اولى ولا يوجد استئناف للحكم بمجرد تسليم مفردات المرتب للمحكمة يتم الحكم بنسبة 40٪ من دخل الزوج المثبت بالمفردات المقدمة للمحكمة .

2-قضايا المنقولات الزوجية والذهب

التنفيذ
تسليم المنقولات كاملة طبقا للقائمة التى تم التوقيع عليها من جانب الزوج وفى حال عدم التسليم يتم سداد المبلغ المذكور بقائمة المنقولات على سنة على أن يتم السداد شهريا ووضع المبلغ بحساب Children visa
بالنسبة للذهب يسقط الحكم تلقائيا وكأن لم يكن حيث يعتبر الذهب لصيق للزوجة ولا يعتد بالدعوى المرفوعة فى الذهب .

3-قضايا الرؤية
الغاء تنفيذ الرؤية بمركز الشباب على أن يتم تنفيذ
حكم الاستضافة والاصطحاب
على إن يتم التنفيذ يومين بالاسبوع وحضور كلا من الزوج والزوجة والصغار فقط بدون حضور اى أطراف أخرى لمركز الشباب
قبل التنفيذ سيتم استدعاء كلا من الزوج والزوجة وتحديد يومين من كل أسبوع لا يشترط ايام محددة على أن يتم الحكم من جانب القاضى بعد تقديم ما يثبت مصلحة الصغار اولا وتحديد اليومين محل الاستضافة والاصطحاب للاب ويكون أيام متتالية وليست متقطعة
التنفيذ كالاتى بعد تحديد الايام من جانب القاضى
مثال الخميس والجمعة
يتم حضور الأطراف المعنية فقط لمركز الشباب الأقرب للطفل
الزوج / الزوجة / الصغار
امضاء الزوج على إقرار باستلام الصغار بالساعة المحددة من جانب القاضى وتسليمهم مساء اليوم التالى بمركز الشباب بالساعة المحددة من جانب القاضى
بند اضافى
*شهر رمضان المبارك إجازة عيد الفطر وعيد الأضحى المبارك*
يتم تنفيذ اول يوم إجازة فقط بدون الحاجة للجوء للقضاء كبند أساسى وعلى الاب استلام الصغار الساعة العاشرة صباحا والتسليم للمركز الساعة السادسة مساءا .
فى حال التقصير بالبنود وعدم التنفيذ بالساعات المحددة
كل من الأطراف سيتم توقيع غرامة لا تقل عن 10الاف جنيها مصري ولا تزيد عن 80 الف جنيها مصري . وفقا لتقدير القاضى وإثبات ما يثبت التقصير من أحد الأطراف .

4-قضايا الحضانة
انتقال حضانة الصغار للاب لتصبح المرحلة الرابعة .
المرحلة الأولى/ الام
المرحلة الثانية/ ام الام
المرحلة الثالثة/ ام الأب
المرحلة الرابعة/ الاب

5-قضايا المؤخر والعدة والمتعة
التنفيذ طبقا لقرار المحكمة
فى حال الخلع/ تسقط حقوق الزوجة كاملة.
فى حال طلاق الضرر والشقاق والهجر وعدم الانفاق
طبقا لتقدير القاضى والاثبات والأدلة وبناءا عليه
اما بالحكم بكافة الحقوق أو نصف الحقوق .
تحديد المتعة طبقا لتقدير القاضى بحيث لا تقل عن 24الف ولا تزيد عن 100الف جنيها .
والتنفيذ بيتم على Children visa للمطلقة والتنفيذ على عام وايداع المبلغ شهريا
مثال إجمالى الحقوق للمطلقة 120 الف
يتم إيداع مبلغ كل شهر 10الاف لحين الانتهاء من تسديد المبلغ الإجمالى
المدة المسموح بها اول 10ايام من كل شهر
للعلم يوجد غرامة تأخير على كل شهر عن المدة المتفق عليها عن العشر ايام الاولى من كل شهر 10٪ من إجمالى مبلغ 120الف ويتم ايداع مبلغ الغرامات نهاية السنة .

13/04/2026

ليه بتخسر قضية الميراث وبتاخد "براءة"؟
لأنك بدأت الطريق غلط! ⚖️
كتير مننا سمع الجملة دي:
"رفعت جنحة امتناع عن تسليم ميراث… والمحكمة حكمت براءة!"
ولكن !
"الصدمة هنا مش في الحكم…"
إنما في الطريقة اللي بدأت بيها القضية من الأساس.

⚖️ أولاً: طبيعة القاضي الجنائي لا يحكم بالعاطفة…
بل يحكم وفقًا لأركان الجريمة وأدلتها.

وأغلب قضايا الامتناع عن تسليم الميراث تسقط بالبراءة بسبب أخطاء إجرائية .
أشهر 3 أخطاء بتضيع القضية:
-1 / غياب الإنذار الرسمي
رفع الجنحة بدون إنذار على يد محضر = خطأ جسيم
لأن: المتهم ببساطة سيدفع أمام المحكمة:
"لم يتم مطالبتي رسميًا، ولم أمتنع عن التسليم"
مما ادي إلي الدفع بانتفاء الركن المادي للجريمة = براءة

-2 / الشيوع (عدم الفرز والتجنيب)
لو التركة مازالت على الشيوع ولم يتم تحديد نصيب كل وارث بدقة…
•فالمتهم سيقول:
"أنا لا أعلم نصيبه تحديدًا حتى أقوم بتسليمه"
مما ادي الي الدفع بانتفاء القصد الجنائي = براءة

-3 / ضعف المستندات والتأسيس القانوني
عدم وجود إعلام وراثة صحيح
الاعتماد على أوراق عرفية فقط
عدم رفع دعوى مدنية بالريع قبل الجنحة

وهنا تقع في خطأ أخطر:
كيف تتهم شخصًا بحبس ريع عنك…
وأنت لم تثبت استحقاقك لهذا الريع أو قيمته؟

والنتيجه ⬇️ :
سهولة حصول الخصم على البراءة لعدم كفاية الأدلة
⚖️ النص القانوني الحاكم:
📚 وفقًا لـ المادة 49 من القانون رقم 219 لسنة 2017 بشأن تعديل بعض أحكام قانون المواريث:
يعاقب بالحبس كل من امتنع عمدًا عن تسليم أحد الورثة نصيبه الشرعي.
هذا النص لا يُطبق إلا إذا توافرت أركان الجريمة بشكل كامل (مادي + معنوي + دليل قاطع).

-إذن ما هو الطريق الصحيح؟
القضايا الجنائية في الميراث لا تبدأ جنائيًا…
بل تُبنى أولًا على أساس مدني قوي:

•إنذار رسمي على يد محضر بطلب التسليم
•جمع الادلة وتنسيق المستندات لصالحك
بعد ذلك فقط…
يكون الطريق ممهدًا لجنحة قوية يصعب إسقاطها.

•الجنحة هي آخر خطوة… وليست الأولى
•لا إنذار = لا جريمة
• الملكية المشاعة بدون تحديد = ثغرة قانونية خطيرة
• تقرير الخبير في دعوى الريع = مفتاح الإدانة

للاستشارات القانونية عبر رسائل الصفحة او على الارقام الاتيه
01150450701 - 01115227523

04/12/2025

لو جالك تهديد بقضية قائمة اعمل كده وهتطلع منها واقف على رجلك ⚖️
★) أول حاجة: تثبت إنك مش “ممتنع”
أغلب المحاضر بتتبني على جملة واحدة:
"المتهم امتنع عمدًا عن التسليم."
الحل؟ اعمل عرض قانوني رسمي على يد محضر.
واكتب فيه: "أنا جاهز أسلّم المنقولات كاملة فور استلام الزوجة."
الجملة دي لوحدها كفاية توقف الحبس.

★) طب لو الزوجة رفضت؟ ولا يهمّك ..حتى لو قالت:
“مش عايزة” او “الحاجات ناقصة”
المهم إن العرض اتعمل واتسجّل رسمي.
قانونًا… الامتناع لازم يكون متعمد وإنت أثبتت إنك مش ممتنع.

★) خطوة تانية مهمة لإنقاذ الموقف:
بعد العرض… اعمل محضر إثبات حالة إنك جاهز للتسليم.
وده بيدعم موقفك قدام القاضي وبيقوّي الدفوع بتاعتك.

★) لو القائمة فيها مبالغة في القيمة؟
قدم “نزاع في القيمة” + خبير...وده بيخلي القضية مدنية مباشرة..وفي معظم الحالات… مافيش حبس نهائي.

مثال بيحصل كل يوم:
واحد كان عليه قائمة فيها “طقم أكواب” قيمته ١٥ ألف جنيه…
مع إن سعره في السوق أقل من ٥٠٠ جنيه
المحامي قدم عرض قانوني + تقرير خبير…
القاضي قلبها لنزاع مدني و الحكم بالحبس اتلغى تمام...............

⛔الخلاصة:.خطوة واحدة ممكن تنقذك من الحبس بالكامل..............

18/11/2025

متاح الان لحين انتهاء اعلان الاسكان الاجتماعي عمل شهاده المفردات المكان المعادي

للتواصل واتساب
010 19583288

18/11/2025

🚨عاجل ورسمياً! أكبر طرح سكني في 2025 نزل! 🚨
وزارة الإسكان أعلنت رسمياً عن طرح 25,012 وحدة سكنية كـ "مرحلة ثانية" على "منصة مصر العقارية" الجديدة.

ده الطرح المنتظر اللي هيشمل مشروعات متنوعة ولكل الفئات. التفاصيل الكاملة وصلت!

⏳ أهم تواريخ لازم تحفظها (الفرصة بالثانية):

الأربعاء 12 نوفمبر (بكرة!): فتح باب التسجيل وإنشاء الحساب وتحميل كراسات الشروط. (دي أهم خطوة لتجهيز ملفك).

الأحد 16 نوفمبر: بدء عملية الطرح الرسمية للوحدات.

🏠 تفاصيل الوحدات والمشروعات:

جنة وسكن مصر: 2,986 وحدة

ديارنا: 10,614 وحدة

ظلال: 9,412 وحدة

إسكان متنوع (بمدينة الإسماعيلية الجديدة): 2,000 وحدة

✅ الخطوات تبدأ من دلوقتي:

الحجز والتسجيل هيكون حصرياً على الرابط ده:

https://wa.me/201009020899

طرق السداد: متاحة بـ (فيزا - ماستر كارد - ميزة) أو عن طريق فروع البنوك والإنترنت البنكي ومكاتب البريد.

الفرصة كبيرة، والعدد ضخم، لكن المنافسة هتكون قوية جداً. الخطوة الأولى والأهم هي الدخول على الموقع بكرة فوراً لتسجيل حسابك وقراءة كراسة الشروط الخاصة بالمشروع اللي يهمك.

خليك جاهز! اضغط "متابعة" (Follow) عشان تعرف كل التحديثات أول بأول.

الحق التسجيل معانا علي منصة مصر الرقمية والعقاريه بدون اي رسوم وكمان هنساعدك في الحجز بالاسبقيه

#جنة #ديارنا #ظلال

10/11/2025

ازاي تنتخب في اللجنه بتاعتك
انت كمواطن هتستلم ورقيتين

الورقة الاول : ورقة قائمة
وهتلاقى قائمة واحدة وهى القائمة الوطنية من أجل مصر

الورقة الثانية : النظام الفردى
هتلاقى ورقه زى دى قدامك

وعلشان صوتك لا يبطل
لازم تختار ٢ مرشحين

موعدنا يوم الأثنين والثلاثاء
٢٤ و ٢٥نوفمير ٢٠٢٥

06/08/2025

#تحذير #هام
بنت عندها ٢٦ سنة شغالة في شركة وحياتها مستقرة من أسرة محافظة.

في يوم فتحت الواتس لاقت رسالة من رقم غريب باعتلها صور ليها مش تمام واللي باعت الرسالة بيقولها تبعتي ٥٠ ألف جنية الصور تتمسح مش هتبعتي الفلوس ناس كتير هتتفرج عليهم معايا وكلام من هذا القبيل.

طبعا البنت قلبها وقع في رجليها ولا عارفة تروح فين ولا تيجي منين فضلت تحاول تعرف مين الشخص ده وتحاول تستعطفه ولكن بلا جدوى.

طبعا عدى كذا يوم وهي مش عارفة تعمل ايه لحد ما قررت تحكي لصديقة ليها وبالصدفة الصديقة كانت موكلة قديمة عندي وطلبت استشارة مني فقولت لها تطلع على مباحث الإنترنت وأنا هحصلهم على هناك.

الحقيقة الناس هناك من كتر التعامل في القضايا اللي زي دي بقا عندهم خبرة في التعامل مع الضحايا والبنت حكت كل التفاصيل وإن الصور دي كانت بتبعتها لشخص كانت مرتبطة بيه من سنتين وباعت التليفون بتاعها ومتعرفش حاجة عن الشخص دا دلوقتي وعملنا المحضر.

وبدأت رحلة وشغل مباحث الإنترنت وتتبعوا الرقم ووجدوا أنه رقم مجهول وعليه واتساب ووصلوا لنوع التليفون ومن خلال تتبع الIP وصلوا لإسم شبكة الواي فاي اللي فاتح منها نت ومكانها ومتسجلة بإسم مين كمان.

وبالفعل خلال ٤٨ ساعة كان الواد دا اتجاب والمفاجأة انه طلع شخص ملهاش علاقة بيه وفي التحقيق معاه قال انه له صديق بعتله الصور دي وقاله ما تيجي نعمل السبوبة دي ويطلع لنا قرشين والبنت جبانة وهتخاف على نفسها.

والشخص دا هو اللي البنت كانت مرتبطة بيه طبعا النيابة أحالت الإتنين بتهمة الإبتزاز والإشتراك والتحريض وكل واحد فيهم أخد ٥ سنين و٢٠٠ ألف جنية غرامة.

02/08/2025

رسميًا.. بدء تفعيل قانون العمل الجديد رقم 14 لسنة 2025 بدلًا من القانون القديم
بدءًا من 1 أغسطس 2025 :

1️⃣ حمايـة خاصة لذوي الهمم، تشمل إطارًا خاصًا لإجازاتهم، وسجلًا تلتزم به الجهة أو الشركة.
2️⃣ إلزام أصحاب العمل بحقوق العامل، ولا تسقط الحقوق بإفلاس المنشأة أو دمجها، ويكون المدير أو الوكيل المفوض مسؤولًا أيضًا.
3️⃣ لا يجوز استقطاع أكثر من 10٪ من أجر العامل للديون أو السلف، إلا في حالة دين النفقة حيث يصل الحد إلى 50٪.
4️⃣ للمـرأة إجازة وضع 4 شهور (منها 45 يومًا بعد الوضع)، ولا يجوز فصلها بسببها، مع الحق في إجازة سنتين بدون أجر.
5️⃣ صندوق خاص لحماية العمالة غير المنتظمة صحيًا واجتماعيًا.
6️⃣ إلزام السباك والنجار والميكانيكي والكهربائي بالحصول على تراخيص وفق نظام إخطار.
7️⃣ قانونيًا، العامل عن بُعد (خدمة العملاء – التسويق الإلكتروني) أصبح له نفس الحقوق كالعامل التقليدي.
8️⃣ 15 يوم إجازة لمن أمضى سنة في العمل، و21 لمن أمضى سنتين، و30 لمن أمضى 10 سنوات، و45 لذوي الهمم، وإجازة شهر للشعائر الدينية.
9️⃣ لا ينطبق القانون على العاملين بأجهزة الدولة أو عمال الخدمات المنزلية.
🔟 إلزام الشركات التي تستخدم أكثر من 100 موظفة بإنشاء حضانة أو التكفل بتكاليف حضانة أطفالهن.
1️⃣1️⃣ لا يجوز إنهاء عقد المرأة العاملة بسبب الحمل أو الولادة، ويمنع تشغيل الأطفال أقل من 14 سنة.
1️⃣2️⃣ عقد العمل يجب أن يكون مكتوبًا، وإذا لم يُحدد أجله يُعتبر دائمًا، ويجوز إثبات العلاقة من أي طرف.
1️⃣3️⃣ يحق للزوج الحصول على إجازة طارئة يوم ولادة زوجته.
1️⃣4️⃣ تحديد شروط واضحة لعمل الأجانب داخل مصر.
1️⃣5️⃣ عقوبات صارمة ضد التحرش أو التمييز أثناء أو بسبب العمل، مع تغليظ العقوبات.
1️⃣6️⃣ التزام صاحب العمل بصرف مستحقات العامل خلال 7 أيام من نهاية العقد، مع إمكانية اللجوء للمحكمة لتحديد الأجر عند غيابه.
1️⃣7️⃣ وضع نظام خاص للعمالة اليومية، عمال البحر، الأمن، الحرف، والتدريب، مع فترة اختبار لا تزيد عن 3 شهور.
1️⃣8️⃣ مطلوب من إدارات الموارد البشرية إعداد سجلات العاملين وإخطار الحكومة بها خلال شهر من صدور القانون، ثم سنويًا.

تطبيق القانون الجديد فعلاً هيغير شكل سوق العمل في مصر ويحمي حقوق ناس كتير كانت دايمًا على الهامش. ركز في اللي جاي، لأن القانون مش مجرد ورق... ده نظام حياة! 🇪🇬❤️

#مؤسسة #المستشارين #لأعمال #المحاماه

29/05/2025

⚖️⚖️ مؤسسة المستشارين ⚖️⚖️
⚖️لأعمال المحاماه والاستشارات القانونية ⚖️
متخصص في قضايا الجنح والجنايات وقضايا الميراث وكافة جرائم الانترنت والقضايا المدنية والايجارات وقضايا الاسرة وتأسيس الشركات
للتواصل عن طريق الاتصال او الواتساب
01115227523
01150450701

مؤسسة المستشارين لأعمال المحاماه والاستشارات القانونية

24/05/2026

14/04/2026

13/04/2026

04/12/2025

18/11/2025

18/11/2025

10/11/2025

06/08/2025

02/08/2025

29/05/2025

Address

Telephone

Website

Alerts

Contact The Business

Shortcuts

Share

Category