مكتب المستشار القانونى أحمد عادل

03/12/2025

مكتب المستشار أحمد عادل مختار للأستشارات القانونيه وا�

03/12/2025

⚠️ تنبيه هام: أي رسالة تطلب منك دفع فواتير متأخرة أو تهدد بقطع الكهرباء عبر رابط هي عملية احتيال خطيرة تهدف لسرقة بياناتك وحساباتك.
لا تضغط على الرابط، لا ترد وأحذف فورًا.
سلامتك مسؤوليتنا، ووعيك يحميك

#الكهرباء

03/12/2025

12/03/2025

كيفية_عمل_توكيل_لمتهم_مسجون

الموضوع ده هام بجد وكتير من الزملاء ميعرفوش الاجراءات
#اولا :
حضرتك بتكتب طلب بخط اليد للمحامي العام وبتجييب عليه تأشيرة نيابة ومعلومات من التنفيذ.

#ثانيا:
تكتب الطلب والمعلومات اللي عليه ع الكمبيوتر وترفق فيه الطلب المكتوب بخط اليد وصورة الكارنية بتاع حضرتك .
#ثالثا:
تذهب الي سكرتارية المحامي العام للنيابة التابع لها ( ليس النيابة التابع لها محل الإقامة إنما النيابة التي وقعت الجريمة في دائرتها وتولت محاكمة المتهم) تقدم الطلب وتاخد رقم
حضرتك بعدها بثلاث ايام بتروح لسكرتارية المحامي العام بتديك رقم صادر لدار القضاء العالي .
#رابعا:
تروح لسكرتارية النيابة ف دار القضاء العالي الدور الارضي رابع مكتب بعد البوابة الامامية ع الشمال هتسأل بالرقم الصادر اللي معاك هتاخد رقم صادر لمصلحة الشهر العقاري ف الاسعاف.
#خامسا:
هتروح شهر عقاري الاسعاف بالرقم اللي معاك هتاخد رقم صادر للشهر العقاري التابع ليه السجن المحبوس فيه المتهم.
#سادسا:
هتروح الشهر العقاري اللي هيحددهولك يوم للإنتقال لانهم عندهم يوم معين للإنتقال للسجن هتروح ف اليوم ده ع الساعة 11 متروحش بدري لان الانتقال بعد الساعة 12 هتدفع الرسوم وتروح مع الموظف للسجن يعمل لحضرتك التوكيل وترجعوا تاني للشهر العقاري يودع التوكيل ويدي حضرتك صورة رسمية منه وتستلم التوكيل
نفع الله بنا وبكم.

......
السيد المستشار / المحامى العام لنيابات ..........
تحية طيبة وبعد
مقدمة لسيادتكم الاستاذ/ ............. المحامي
يرجاء من سيادتكم الموافقة على انتقال موظف من الشهر العقاري المختص الي سجن......... لعمل توكيل رسمي عام ف القضايا (نوع التوكيل) من السيد / ............
المحبوس بالسجن المذكور علي ذمة القضية رقم....... لسنة....
( جنح ااو جنايات) .
وتفضلوا بقبول وافر التحية
مقدمه لسيادتكم

11/12/2024

انت ك محامي تحت التدريب
واستاذك طلب منك تجيب قرار جلسة ((جنح)) مثلا بس الجلسة دي :

_🔹:- اول جلسة.
_🔹:- جلسة معارضة.
_🔹:- جلسة استئناف جديد.
_🔹:- جلسة معارضة استئنافية.

_:- وتروح وتلاقي القرار...⬇️
_🔸:- كأن لم تكن.
_🔸:- قبول ورفض وتأييد.
_🔸:- قبول والغاء وبراءة.
_🔸:- قبول وتعديل الحكم المعارض فيه.
_🔸:- غ/ عدم قبول.
_🔸:- غ/ سقوط.
_🔸:- احاله الدعوي المدنية.
_🔸:- عدم اختصاص.
_🔸:- مد أجل.
_🔸:- احاله.

ممكن حضرتك متكنش القرارات دي متوضحه ليك وممكن تكون مُحرج تسأل الموظف يعني ايه القرار دا...؟؟؟
ان شاء لله هوضح لحضرتك معني القرارات بالكلام البسيط. ✅

_🛑الشرح المبسط....⬇️

___ طبعاً كلنا عارفين معني
«التقاضي علي درجتين»...
ويعني اي حكم أول درجة ، ويعني اي حكم تاني درجة.
لما يكون فيه قضية (ضرب) وتكون اخددت جلسة وصدر حكم >> غيابي مثلا
ب ((غ. سنة وك 1000ج + المصاريف وحصر 111 ل2022)) معني كدا ان في اول جلسة صدر الحكم دا.

● طب المفروض الاجراء اللي هيتم بعد كده ان انا هعارض ف الحكم دا وهيتحدد جلسة معارضة وصدر في الجلسة حكم ب ((كأن لم تكن)) او ((قبول ورفض وتأييد)) او (( قبول ورفض وتعديل)) معني دول اي؟؟؟!

_:- كأن لم تكن...⬇️

#انا مثلا عملت معارضة بمعني دلوقتي الحكم كتيير ومحتاج اعدل فيه بعمل معارضة بس محضرتش في الجلسة يبقي انا كده اكني معملتش المعارضة.

_:- قبول ورفض وتأييد او تعديل.

#معني كدا ان انا حضرت وطلبت طلباتي بس الحكم إتايد بتاع اول درجة. يعني قبل المعارضة ورفض الطلبات وايد الحكم. او عدله من سنتين لسنه مثلا...

● طب بعد كده الاجراء اللي هيتم هعمل استئناف وهيتم تحديد جلسة. وصدر في الجلسة حكم ب.. ((غ/عدم قبول)) او ((قبول والغاء وبراءة))

_1:- غ/عدم قبول...⬇️

انا مثلا عملت استئناف بمعني دلوقتي الحكم برضو كتيير للمتهم ومحتاج اعدل فيه تاني بعمل استئناف بس محضرتش في الجلسة يبقي انا كده اكني عملت الاستئناف بس محضرتش ومتقبلش.

_2:- قبول والغاء وبراءة.

معني كدا ان انا حضرت وطلبت البراءة والقاضي قبل الطلبات ولغي الحكم بتاع المعارضة وحكم بالبراءه...

● طب بعد كده الاجراء اللي هيتم ان هعمل معارضة استئنافية لو الحكم لسه زي ما هو وصدر حكم في الجلسة ب ((غ/سقوط)) معني كده ان عملت معارضه استئنافية ومحضرتش واصبح الحكم نهائي وواجب النفاذ.

_1:- احاله:-
يعني الجلسة كانت يوم كذا بس القضية مش هتتنظر قدام القاضي ف بتاخد إحالة لجلسة تانيه وقاضي تاني.

_2:- مد أجل:-
يعني القضية اتاجلت مره واتاجلت تاني ف هتاخد مد اجل تاني..

_3:- احاله الدعوي للمحكمة المختصة:-
معني كدا ان القضيه اتحالت للمحكمة المختصة بنظر الدعوي.

_4:- عدم اختصاص.
يعني القضيه مرفوعه أمام محكمة غير المحكمة المختصة بنظر الدعوي. ف طبعا هتاخد عدم اختصاص

26/10/2024

لكل الناس دى الاماكن المتاحه 🧑‍⚖️
وخلاص بدأ العد التنازلى⏰⏰⏰
اللى عاوز يقدم على شقه يكلمنى😉
وان شاء الله أكون معاك لحد ماتستلم شقتك 💪💪
بالتوفيق للجميع ❤️❤️

21/10/2024

ناس كتير متلغبطة بسبب الاعلانات الكتير اللى شغالة اليومين دول تعال اقولك اية الحكاية 👌🚨
بص ياصديقى فى كذا اعلان شغال شقق وارضى كمان

#اول تقديم يوم ٢٧ / ١٠ دا طرح متوسط الدخل مشروعات سكن مصر - دار مصر - جنه - الإسكان المتميز وهيكون من خلال موقع مسكن والكرسات هتكون متاحة على الموقع بتاريخ الاعلان

#ثاني تقديم طرح أراضي مسكن ب ٢٠ مدينه جديده
الطرح يوم ٧ / ١١ / ٢٠٢٤ وهيكون من خلال موقع مسكن والكرسات هتكون متاحة على الموقع بتاريخ الاعلان

#ثالث تقديم طرح شقق سكن لكل المصريين محدود ومتوسط الدخل الطرح شهر ١١ ولسه متحددش اليوم بالظبط اول لما ينزل طبعا هقولك على كل حاجة بس التقديم ينزل والكرسات تنزل وهقولك تعمل اية

التقديمات دى كلها ممكن حضرتك تقدم من خلال المكتب بتاعنا 💪
وكمان بنعملك مفردات المرتب الخاصه بالتقديم وبنكون معاك خطوة بخطوة لحد التسليم 🧑‍⚖️💪❤️

21/10/2024

21/10/2024

السادة عملاء المكتب الكرام
نعلن عن فتح باب التقديم لجميع مشاريع الاسكان الاجتماعى فى جميع المحافظات
كما يوجد بالمكتب عمل شهادة الدخل الخاص بتقديم الشقق والاراضى
ومتابعه الملف الخاص بالتقديم