المستشار نبيل الشاهد Nabil Elshahed

  • Home
  • Egypt
  • Cairo
  • المستشار نبيل الشاهد Nabil Elshahed

المستشار نبيل الشاهد Nabil Elshahed مناسب لكل الفئات

محامٍ جنائي بخبرة تتجاوز 15 عامًا في ساحات الجنايات والقضاء العسكري ، نقدم دفاع احترافي قائم على دراسة عميقة للملف واستراتيجية قانونية دقيقة
فنحن نحسن قراءة الوقائع لنحسن صناعة البراءة
حيث تكون الحرية على المحك ، يكون دفاعنا مسؤولية لا تقبل الخطأ.

21/08/2026

قاعدة في قانون الاثبات مهمة وفارقة جداً

15/08/2026

تعالي اقولك تعمل إيه في حالة لو اتمسكت بسلاح.

بالنسبة لموضوع محمد صلاح وان محامي الخصم هيوجه له اليمين الحاسمة وصلاح مش هينزل مصر فالمحامي هيكسب القضية لو محمد صلاح م...
09/08/2026

بالنسبة لموضوع محمد صلاح وان محامي الخصم هيوجه له اليمين الحاسمة وصلاح مش هينزل مصر فالمحامي هيكسب القضية
لو محمد صلاح محضرش اليمن الحاسمة في مصر ممكن يطلب انه يحلف امام القنصل المصري و المحكمة تقبل بكده
وده طبعا سلطة تقديرية للمحكمة 🫰
✍️ المستشار نبيل الشاهد

🚨 أي حد يلاقي خط باسمه ولا يملكه .. اطلب منهم نسخة من عقد الخط .. وإذا حصلت عليه والتوقيع عليه ليس بتوقيعك ..خد نسخة الع...
08/08/2026

🚨 أي حد يلاقي خط باسمه ولا يملكه .. اطلب منهم نسخة من عقد الخط .. وإذا حصلت عليه والتوقيع عليه ليس بتوقيعك ..
خد نسخة العقد مختومة وارفع عليهم دعوى تزوير في مستند عرفي واطلب منهم تعويض ..
لكن اوعى توقع لهم على اي تنازل او اغلاق او انكار ملكية
كل هذا سيتخذ ضدك مستقبلاً .
✍️ المستشار نبيل الشاهد

الڤيديو بتاع البنت دي لما تشوفه تعرف المعنى الحرفي لجملة وإذا خاصم فجر 🙆 وتتأكد كمان إن ياما فيه مظاليم في الدنيا كثير ...
05/08/2026

الڤيديو بتاع البنت دي لما تشوفه تعرف المعنى الحرفي لجملة وإذا خاصم فجر 🙆 وتتأكد كمان إن ياما فيه مظاليم في الدنيا كثير ولو مكنتش الواقعة مصوره وهي بتعور نفسها علشان تتهمه بأبشع الإتهامات كان زمانا أمام المجموعة اللي انتوا عارفينهم وعمالين يدافعوا عن المرأة ويقطعوا فروة الرجالة لمجرد ان بنت بتدعي عليه باتهام باطل 🤷 بس ربنا كرمه وتم تصوير الواقعة بالكامل 🫶

✍️ احنا كمحامين بنشوف كل يوم في المحاكم حاجات تشيب لها الولدان ووقائع لا يمكن يتصورها عقل
مش كل متهم بفعل ارتكبه ياسادة ومش كل محام بيدافع عن متهم في واقعة معينه يبقى بيبرر الفعل أو بيدافع عنه 🙎
🤲 ربنا يكفينا جميعاً شر ومرارة الظلم 🤲
✍️ المستشار نبيل الشاهد

📌 أمرت نيابة حوادث شرق القاهرة بنقل جثمان المتهم "عصام.س" إلى مشرحة زينهم لتشريحه وبيان سبب الوفاة بعد وفاته داخل حجز قس...
04/08/2026

📌 أمرت نيابة حوادث شرق القاهرة بنقل جثمان المتهم "عصام.س" إلى مشرحة زينهم لتشريحه وبيان سبب الوفاة بعد وفاته داخل حجز قسم شرطة عين شمس.

📌 المتوفى موظف سابق بمحكمة شمال القاهرة الابتدائية وكان محبوسًا احتياطيًا على ذمة التحقيقات في قضية انتحال صفة قضائية فيما قالت أسرته إنه كان يعاني أمراض القلب والسكري وضغط الدم.

📌 زعمت الأسرة أن المتوفى لم تكن تربطه معرفة سابقة بالمتهم الرئيسي ونفت ما تردد بشأن ضبط 3 ملايين جنيه مؤكدة أن التحقيقات ما زالت مستمرة لكشف ملابسات القضية والوفاة

أنا عندي سؤال أكيد بيدور في دماغ ناس كتير غيري ... الصورة الي التقطها القاضي المزيف وبجواره مجموعة من ملفات تبدو ملفات ق...
03/08/2026

أنا عندي سؤال أكيد بيدور في دماغ ناس كتير غيري ...

الصورة الي التقطها القاضي المزيف وبجواره مجموعة من ملفات تبدو ملفات قضايا ، هل الصورة دي الملفات دي ملفات قضايا حقيقية تحمل حقوق ومصائر الناس ؟؟؟؟ هل القضايا التي نراها على المنصة وتحمل مظالم الناس أصبحت اكسسواراً قابلاً للتأجير مثلما تم تأجير القاعة لأن مفيش حد فينا مدخلش محكمة وكلنا بنشوف القضايا على المنصة موضوعة بنفس الطريقة ونفس الشكل

هل سهل الموظفون الفاسدون لهذا النصاب التصوير واحضروا قضايا حقيقية أمامه مثلما شاركوا في تصويره على المنصة وادعاء أنهم محامون يطلبون التأجيل؟؟؟؟

الموظف الي يقدر على الفساد ده بكل الجبروت ده هل هيقف أذاه وفساده عند هذه النقطة ام يستطيع بنفس الجبروت أن يمتد لما هو أكثر ، للتلاعب في الأختام والقضايا نفسها ؟؟؟؟

أدعو الجهات المختصة وقضاة محكمة شمال القاهرة الاجلاء مراجعة كافة القضايا التي كانت بحوزة هؤلاء الموظفين، ومراجعة كل صلاحياتهم وأعمالهم المنوطة بهم والمكلفين بأدائها .

29/07/2026

بمناسبة نتائج الثانوية العامة
الحياة علمتني إن بعض الانتصارات قد تأتي متأخرة ، وبعض الهزائم بتكون بداية أعظم نجاح.
فماتفرحش بالمجموع وكأنه نهاية الطريق ، ولا تحزن عليه وكأنه نهاية الحلم.
لأن الطرق إلى القمة دايما كثيرة، وليس من العدل أن نحكم على الرحلة من أول محطة ، فليس كل باب أغلق كان خسارة، وليس كل باب فٌتح كان نجاحا.
بالتوفيق للجميع في حياتهم العملية.

فيه مفهوم قانوني غلط وشائع جداً بين الناس، وللأسف كانت بتقع فيه بعض المحاكم كمان ❌ وهو: "إن لو فيه أرض أو عقار اتغصب منك...
27/07/2026

فيه مفهوم قانوني غلط وشائع جداً بين الناس، وللأسف كانت بتقع فيه بعض المحاكم كمان ❌
وهو: "إن لو فيه أرض أو عقار اتغصب منك أو من جدودك وفات عليه 15 سنة من غير ما ترفع قضية، فحقك سقط بالتقادم الطويل ومتقدرش تطالب بيه".. الكلام ده طلع غلط تماماً!
محكمة النقض المصرية في حكم تاريخي حديث ليها، أصدرت مبدأ قضائي يعتبر "طوق نجاة" لآلاف الورثة وأصحاب الأراضي اللي اتاخدت منهم زمان بدون وجه حق.✔️

🚨 تفاصيل الحكم التاريخي (جلسة 1 يوليو 2025)
في الطعن رقم 9109 لسنة 91 قضائية، المحكمة كانت بتنظر قضية ورثة ليهم أرض تم غصبها والاستيلاء عليها من سنة 1961 (يعني بقالها أكتر من 60 سنة)! محكمة الاستئناف كانت رفضت قضيتهم وقالت إن حقهم سقط بالتقادم لأن فات أكتر من 15 سنة.⚖️
⚖️ لكن محكمة النقض نسفت الحكم ده تماماً وأرست مبدأ دستوري وقانوني صارم:
- حق الملكية حق دائم: حق الملكية في القانون المصري ملوش مدة صلاحية؛ هو حق دائم لا يسقط أبداً بمجرد "عدم الاستعمال" مهما طال الزمن.
وكمان 👇🏻
دعوى الاستحقاق لا تسقط بالتقادم: الدعوى اللي بيرفعها المالك عشان يسترد ملكه من الغاصب ملهاش أجل محدد تزول بانقضائه. 👈🏻

المطالبة بالتعويض أو القيمة لا تسقط: وهنا المفاجأة الأقوى؛ المحكمة قالت إنك لو مش عارف تسترد الأرض عينياً (لأن ملامحها اتغيرت أو اتبنى عليها مثلاً)، 👈🏻 فمن حقك تطالب بـ "قيمة العقار المغصوب أو التعويض عنه" 👉🏻 ⚖️
، والدعوى دي كمان لا تسقط بالتقادم لأن القيمة هي البديل العيني للأرض!
💡 يعني إيه الكلام ده؟ وإزاي تستفيد منه؟
المعنى البسيط للحكم ده، إن لو عيلتك ليها أرض، شقة، أو عقار تم الاستيلاء عليه زمان من أي جهة أو أفراد بدون سند قانوني صحيح (غصب)، ومكسلين ترفعوا قضية بحجة إن "الموضوع قديم وفات عليه عقود":
اتحرك فوراً: اجمّع أوراق الملكية القديمة، كشوف العوائد، أو خطوط التنظيم.

طب ليه بقي هنعمل كده ؟ هقولك

سقوط حجة التقادم : 👉🏻 طب ده يعني ايه ؟؟ 👈🏻
يعني الخصم مش هيقدر يقف قدام القاضي ويقول "الحق سقط بالتقادم" لأن النقض حسمتها؛ طالما الملكية ثابتة، فحقك في استرداد الأرض أو تمنها الحالي شغال وميموتش يعني حقك جاي جاي .
⚖️رسالتنا هنا⚖️
إن القانون دايماً فيه ثغرات ومبادئ عظيمة، بس الشاطر هو اللي يعرف يطوع المبدأ ده ويصيغ بيه صحيفة دعوى ومذكرة دفاع تقلب موازين القضية.
لو عندك أرض أو عقار قديم مستولى عليه ومحتاج دراسة للمستندات وتطبيق المبدأ ده عليها .
مكتب المستشار نبيل الشاهد ⚖️🦅
للمحاماه و الإستشارات القانونيه ⚖️
دفاع يُبني علي العلم
و يُدار بالقوة
و يُحتَرم بالقانون

🚨 خبر مهم من النيابة العامة هيوفر وقت ومجهود على الناس والمحامين.النيابة العامة أطلقت خدمة جديدة تُمكنك من الاستعلام عن ...
27/07/2026

🚨 خبر مهم من النيابة العامة هيوفر وقت ومجهود على الناس والمحامين.

النيابة العامة أطلقت خدمة جديدة تُمكنك من الاستعلام عن الأحكام الجنائية إلكترونيًا بكل سهولة، دون الحاجة للذهاب إلى أي جهة.

كل اللي عليك:

✅ تدخل على موقع النيابة العامة وتعمل حساب عليه . ⬇️

https://ppo.gov.eg/ppo/r/ppoportal/ppoportal/home?session=14493605311292

✅ تدخل على موقع بوابة مصر الرقمية وتعمل حساب عليه ⬇️

https://digital.gov.eg/
خطواتك للكشف علي الاحكام الجنائية
1️⃣ اختار خدمات المواطنين.
2️⃣ اختار الاستعلام عن الأحكام الجنائية.
3️⃣ اضغط على تقديم طلب الاستعلام عن الأحكام الجنائية.
4️⃣ سدد رسوم الخدمة 100 جنيه.
5️⃣ هتتحول مباشرة لصفحة الدفع الإلكتروني.
6️⃣ بعد إتمام الدفع هيتم تنفيذ طلب الاستعلام، وهتظهر لك نتيجة الأحكام الجنائية الخاصة بالاسم المطلوب.

خدمة ممتازة هتوفر وقت ومجهود على ناس كتير جدًا، وخطوة مهمة في اتجاه التحول الرقمي وتسهيل الخدمات على المواطنين.
لو وصلت لحد هنا ماتنساش تتابعني علشان تستفيد

Address

28 شارع مكرم عبيد ، قسم مدينة نصر ، القاهرة
Cairo
02

Opening Hours

Monday 2pm - 8pm
Tuesday 2pm - 8pm
Wednesday 2pm - 8pm
Thursday 2pm - 8pm
Saturday 2pm - 8pm
Sunday 2pm - 8pm

Telephone

+201022804480

Website

Alerts

Be the first to know and let us send you an email when المستشار نبيل الشاهد Nabil Elshahed posts news and promotions. Your email address will not be used for any other purpose, and you can unsubscribe at any time.

Contact The Business

Send a message to المستشار نبيل الشاهد Nabil Elshahed:

Shortcuts

Share

Category