09/02/2023
مضيت عقد شقة مع شركة عقارات، و(دفعت المقدم ومنتظم في الأقساط)، وعند موعد استلام الشقة، قالولي كمان ٦ شهور، عايز أعرف اعمل إيه؟
الموضوع ده منتشر جداً، لأن الغالبية العظمى من الشركات تتأخر في التسليم، غير ان في شركات ممكن ماتسلمش أصلاً.
أولاً:العقد هو مجموعة التزامات متقابلة.
- يعني حضرتك ملتزم (بدفع المقدم والدفعات في مواعيدها)، والبائع ملتزم (بالمباني والتشطيبات السليمة) و (التسليم في الموعد).
- وبالتالي لو (أحد الطرفين) توقف أو أخل بالتزامه يحق (للطرف الآخر) إنه يتوقف هو كمان عن التزامه.
يعني لو أنا ما استلمتش الشقة في ميعادها يبقى أتوقف عن دفع الأقساط؟
فوراً، ولكن بشكل قانوني:
- ابعت إنذار على يد محضر للشركة البائعة محتواه (إنك ملتزم بدفع دفعاتك في مواعيدها، وإن حل موعد الاستلام ولم تستلم وبالتالي فإنك هتتوقف عن التزامك بدفع الاقساط لحين إتمام التزام الشركة).
- وده مش لازم تعمله وقت تسليم الشقة بس، ده ممكن (قبل موعد الاستلام) كمان لو كانت الانشاءات اللي في المشروع (مستحيل تكتمل في موعد التسليم).
- ولو ماتمش التسليم بعد الإنذار في موعد معين يحق ليك (طلب فسخ العقد) و(استرداد أموالك) دون خصم بالإضافة (للتعويض عن التأخير وعن فرق سعر النقود وفرق أسعار السوق).
ثانياً: لو لسه هتتعاقد.
- لازم تعرف سمعة الشركة العقارية اللي بتشتري منها، وعلاقتها بالعملاء السابقين ليها، وهل في قضايا بينها وبين عملاءها ولا لأ؟
Al Gazzar Law Firm, Solutions & Legal Services.
New Cairo, 1st Settlement, Al Yasmeen District 2, Villa 198, Ground Floor.
010 133 986 13 - 010 133 986 18 - 010 133 986 29
