Khater law firmمؤسسه خاطر للمحاماه والاستشارات القانونيه

16/01/2025

28/08/2021

✍️ ينفع البنت تاخد معاش والدها المتوفي ؟ ايوه
✍️طيب لو كانت موظفه ينفع برضه؟ ايوه
✍️حتي لو كانت متزوجه ؟ لا لازم تكون انسه أو مطلقه او ارمله بس .
✍️طيب الموظفه دي بتاخد مرتب ازاي هتاخد مرتب ومعاش مع بعض ؟ اقول لحضرتك 👇
في الحاله دي بنشوف مرتب الابنه كام ومعاش والدها كام لو كان مرتبها اكبر من معاش والدها مينفعش تاخد المعاش ولو مرتبها يساوي معاش والدها برضه مش هينفع تاخده أما لو مرتبها أقل من معاش والدها هنا هتصرف الفرق بين مرتبها وبين المعاش ..يعني ايه ؟ افهم حضرتك 👇
يعني لو مرتبها مثلا ٥٠٠ جنيه ومعاش والدها ١٠٠٠ جنيه مش هتصرف المعاش كله لكن هتصرف منه ٥٠٠ جنيه بس اللي هو الفرق بين مرتبها ومعاش والدها .
✍️طيب ازاي التأمينات بتعرف المرتب بتاعي ؟ حضرتك لما بتروحي تقدمي علي معاش والدك بتقدمي معاه ورقه اسمها بيان مفردات مرتب بتطلع من محل عملك بيكون مكتوب فيها مرتبك بالكامل .
✍️طيب لو الابنه دي موظفه بتاخد مرتب وفي نفس الوقت ارمله بتاخد معاش زوجها المتوفي ينفع برضه تاخد معاش والدها ؟ ايوه
✍️طب ازاي؟ اقول لحضرتك
هنا لما بتقدم على معاش والدها قولنا أنها بتقدم بيان بمفردات مرتبها وكمان بتقدم بيان بمعاش زوجها المتوفي وبنجمع الاتنين ونشوف لو هما قد معاش والدها أو اكبر منه خلاص مش هتصرف معاش والدها أما لو كانوا أقل منه بتصرف من المعاش الفرق بينهم بس زي ماشرحنا فوق 👆
✍️طيب الارمله اللي كانت بتاخد معاش زوجها المتوفي تزوجت مره اخري واتوقف صرف المعاش بتاع زوجها المتوفي لو اتطلقت من زوجها الأخير ينفع ترجع تاخد معاش زوجها المتوفي ؟ لا للأسف مينفعش ترجع تاخد معاشه تاني .
✍️طيب لو الموظفه دي علي المعاش اصلا وبتاخد معاش من شغلها ينفع تاخد مرتب والدها ؟ ايوه
وبرضه بنعمل زي ماعملنا فوق بنشوف الفرق بين معاشها وبين معاش والدها ونعمل زي ماشرحنا .
✍️طيب المطلقه طلاق رجعي بتستحق معاش والدها؟ لا لازم يكون الطلاق بائن
✍️يعني ايه طلاق بائن؟ يعني سيده زوجها طلقها وانتهت فترة العده دون رجوع فأصبح الطلاق بائن
✍️طيب هنا المطلقه بتصرف المعاش من تاريخ الطلاق ولا من تاريخ انتهاء فترة العده ؟ بتصرف من الشهر التالي لحدوث الطلاق مش من تاريخ انتهاء فترة العده .
✍️طيب لو المطلقه اللي بتاخد معاش والدها وتزوجت مره اخري طبعا هيتوقف صرف المعاش لو اتطلقت من زوجها التاني ينفع ترجع تاخد معاش والدها ؟ ايوه ينفع طبعا
✍️طيب انا سمعت أن المطلقه بالخلع أو بالمحكمه مينفعش تاخد معاش والدها صح الكلام ده ؟ لا طبعا مش صحيح المطلقه بالخلع او بالمحكمه زيها زي المطلقه عند المأذون من حقها تاخد معاش والدها .
✍️طيب ينفع الابنه تجمع بين معاش والدها ومعاش والدتها ؟ ايوه مفيش مشكله خالص وكمان بدون حد أقصي .
✍️طيب نصيب الابنه دي من معاش والدها قد أيه يعني من حقها المعاش كله ولا جزء منه ؟ اقول لحضرتك 👇
لو البنت دي لوحدها مفيش غيرها بتاخد تلتين المعاش ولو كان معاها والدتها اللي هي أرملة صاحب المعاش ومفيش اخوات تاني يبقي البنت هتاخد النص والام النص ولو البنت معاها اخوات تاني مستحقين و الام مش موجوده بيتم تقسيم المعاش بين الاخوات بالتساوي ولو البنت معاها ام واخوات وجد وجده اللي هما والدي صاحب المعاش المتوفي يبقي الام هتاخد التلت والبنت واخواتها هياخدوا النص والجد والجده يشتركوا في السدس .
✍️طيب المطلقه دي بتصرف المعاش من تاريخ تقديم طلب للتأمينات ولا من تاريخ الطلاق ؟ بتصرف من الشهر التالي لوقوع الطلاق
✍️طيب لو المطلقه دي مكانتش تعرف أن ليها حق تصرف معاش والدها وعرفت بعد كده ينفع تقدم ولا خلاص راح عليها ؟
ينفع طبعا وليها الحق تصرف جميع الشهور السابقه كمان وبيسموه المتجمد وده بحد أقصي خمس سنين سابقه فقط يعني بتصرف المعاش بأثر رجعي لحد خمس سنين عدت مره واحده .

12/08/2021

* هوصحيح سنة السجن ب ٦ شهور؟
* ️طب أنا لي واحد قريبى محكوم عليه بسبع سنين في سرقة وتشكيل عصابي هو ممكن يخرج نص المدة؟

# # الاسئله من النوعيه دي كتير بيتعرضلها المحامي

سنة_السجن

أولاً:إجابة الشق الأول من السؤال الوارد بمقدمة المنشور

الأصل في العقوبة وفاء مدة العقوبة كاملة السنة تساوي 12شهر

ولكن قانون تنظيم مصلحة السجون الجديد رقم 6لسنة2018

نص علي نصف المدة بشروط أن يكون حسن السير والسلوك أثناء وجوده في السجن والا يكون في خروجه خطر على الأمن العام وفقاً للمادة 52 من قانون تنظيم السجون

#ملحوظه
إن التعديل التشريعى الأخير الصادر بالقانون رقم 6 لسنة 2018 أجاز الإفراج تحت شرط بعد مضى نصف المدة، إلا أنه ما زال جوازيا للجهة الإدارية وليس وجوبياً، ولأجل ذلك كان اللجوء إلى القضاء الإداري.

ثانياً:هل نظام الإفراج الشرطي(الخروج نصف المده)بينطبق علي كل الجرائم؟ولا في جرائم معينه استثناها المشرع؟

-قبل 18/3/2020 المشرع كان سايب الباب مفتوح علي البحري زي مابيقولوا يعني نظام الافراج الشرطي كان ينطبق علي كل الجرائم
ونتيجة ده ان اي حد محكوم عليه وقضي نص المدة وتوافرت شروط الإفراج الشرطي في حقه ولم يتم الإفراج عنه بنظام الافراج الشرطي،كان بيلجأ الي القضاء الإداري برفع دعوى للاستفادة من نظام الإفراج الشرطي.
▪️{ملحوظه}
نظام الافراج الشرطي جوازي لجهة الإدارة وليس وجوبي، لذلك كان اللجوء للقضاء الإداري.

-بعد18/3/2020المشرع رأى ان في بعض المجرمين مش من حقهم الاستفادة بميزة الإفراج الشرطي لاعتبارات مختلفه ، كذلك حب يخفف عن كاهل القضاء الإداري.
فصدر القانون رقم19لسنة2020
والقانون ده عمل حاجتين:-

١-ضاف مادة جديدة لقانون تنظيم السجون(وهي استثناء بعض الجرائم من نظام الإفراج الشرطي)

٢-ألغى الفقرة الثانيه من المادة46(أ)مكرر من القانون رقم182لسنة19960بشأن مكافحة المخدرات،ودي كانت بتحظر نظام الإفراج الشرطي في جنايات المخدرات،وعمل كده علشان يطبق الإفراج الشرطي علي التعاطي او الحيازه الشخصيه فقط،واستثنى باقي جرائم المخدرات وحرمهم من التمتع بنظام الإفراج الشرطي.

والجرائم التي تم استثنائها من تطبيق نظام الإفراج الشرطي هي:_
١-جرائم التجمهر
٢-جرائم الارهاب
٣-جرائم غسيل الأموال
٤-جرائم المخدرات باستثناء التعاطي او الحيازة الشخصية

▪️[الخلاصه]
يتم تطبيق نظام الإفراج الشرطي علي جميع الجرائم،عدا الجرائم المستثناه حديثًا بالقانون السابق.

01/06/2021

هل الاستئناف على الحكم يوقف تنفيذه؟؟ .........بالاسانيد القانونيه :
نصت المادة 463 من قانون الإجراءات الجنائية، على أن الأحكام الصادرة بالغرامة والمصاريف تكون واجبة التنفيذ فورا، ولو مع حصول استئنافها، وكذلك الأحكام الصادرة بالحبس فى سرقة أو على متهم عائد، أو ليس له محل إقامة ثابت بمصر، وكذلك الحال فى الأحوال الأخرى إذا كان الحكم صادراً بالحبس، إلا إذا قدم المتهم كفالة بأنه إذا لم يستأنف الحكم لا يفر من تنفيذه عند انقضاء مواعيد الاستئناف، وأنه إذا استأنفه يحضر فى الجلسة ولا يفر من تنفيذ الحكم الذى يصدر، وكل حكم صادر بعقوبة الحبس فى هذه الأحوال يعين فيه المبلغ الذى يجب تقديم الكفالة به.

وإذا كان المتهم محبوسا حبسا احتياطيا، يجوز للمحكمة أن تأمر بتنفيذ الحكم تنفيذاً مؤقتا.



وللمحكمة عند الحكم بالتعويضات للمدعى بالحقوق المدنية أن تأمر بالتنفيذ المؤقت، ولو مع حصول الاستئناف على حسب المقرر بالمادة 467.

وبالنسبة للعقوبات التبعية، نصت المادة 464 على تنفذ أيضاً العقوبات التبعية المقيدة للحرية المحكوم بها مع عقوبة الحبس إذا نفذت عقوبة الحبس، طبقا للمادة السابقة.

ونصت المادة 465 على يفرج فى الحال عن المتهم المحبوس احتياطيا، إذا كان الحكم صادراً بالبراءة، أو بعقوبة أخرى لا يقتضى تنفيذها الحبس، أو إذا أمر فى الحكم بوقف تنفيذ العقوبة، أو إذا كان المتهم قد قضى فى الحبس الاحتياطى مدة العقوبة المحكوم بها.

كما نصت المادة 466 على فى غير الأحوال المتقدمة، يوقف التنفيذ أثناء الميعاد المقرر للاستئناف بالمادة 406 وأثناء نظر الاستئناف الذى يرفع فى المدة المذكورة.

وتحدثت المادة 467 عن الحكم الغيابى يجوز تنفيذ الحكم الغيابى بالعقوبة إذا لم يعارض فيه المحكوم عليه فى الميعاد المبين بالفقرة الأولى من المادة 398.

وللمحكمة عند الحكم بالتضمينات للمدعى بالحقوق المدنية أن تأمر بالتنفيذ المؤقت مع تقديم كفالة ولو مع حصول المعارضة أو الاستئناف بالنسبة لكل المبلغ المحكوم به أو بعضه، ولها أن تعفى المحكوم له من الكفالة.

كما أنه لا يترتب على الطعن بطريق النقض إيقاف التنفيذ إلا إذا كان الحكم صادراً بالإعدام(مادة 469)...🏺...انتظر كل جديد

10/04/2021

⚖️ ⚖️ ⚖️

18/02/2021

الحكومة تلغي الاعتراف بصحة التوقيع وإعلام الوراثة

قالت مصادر مسؤولة بمصلحة الشهر العقاري، إنَّه وفقًا لتعديلات قانون الشهر العقاري الجديد الذي سيتمّ تطبيقه خلال أيام، لن يتمّ الاعتراف بالعقود الابتدائية، والعقود التي تمّ أخذ حكم بصحة التوقيع عليها، مؤكّدًا أنَّه لن يتمّ الاعتراف أو التعامل الحكومي بدخول المرافق وغيرها سوى بالعقود المسجلة في الشهر العقاري حيث سيتمّ العمل بهذا القرار بداية من 4 مارس المقبل أي بعد 15 يومًا.

وأكّدت المصادر، أنَّه في حالة شراء عقار بعد تاريخ 4 مارس 2021 لن يتمّ نقل عددات المياه والكهرباء والغاز والتليفون أو إدخال هذه المرافق إلى العقار إلا بعد أن يتمّ تسجيل عقد البيع بالشهر العقاري، حيث لن يكتفي بحكم صحة ونفاذ عقد البيع دون تسجيله.

وتابعت المصادر: «أما فيما يخص العقود التي تمّ شراؤها قبل هذا التاريخ، فلن يتمّ اتخاذ أي إجراء لهذه الوحدة إلا بعد تسجيلها في الشهر العقاري».

وأكّدت المصادر أنَّه في حالة تسلسل الملكية للوحدة السكنية أو العقار سيضطر صاحبها لرفع دعوى صحة ونفاذ، أما فيه حال انتقال ملكية الوحدة أو العقار عن طريق الميراث فيجب إشهار حق الأرث ولن يتمّ الاعتداد بإعلام الوراثة فقط.

كما سينطبق القرار على الأراضي غير المسجلة في الشهر العقاري، حيث سيتمّ رفض استخراج أي تراخيص دون تسجيل العقد في الشهر العقاري.

وناشدت المصادر، المواطنين بعد شراء عقارات مخالف لأنَّه سيواجهون صعوبة في تسجيلها بالشهر العقاري بعد هذه التعديلات.

06/02/2021

محكمةالنقض
جواز تسجيل المكالمات التليفونية إذا كانت تنطوى على سب وقذف واعتبارها دليل ادانة دون الحاجة لأستصدار اذن مسبق