30/05/2025
📌 طيب .. ايه هي الفقاعة العقارية
التعريف الاقتصادية 👈🏻 هو ارتفاع غير مسبوق لاسعار الاراضي و ادوات البناء يترتب عليه ارتفاع غير مسبوق في اسعار العقارات
و لكنه ارتفاع غير مستدام
حيث يعقبه انهيار
و ذلك يرجع الي ظروف غير اعتيادية .. مع اعتماد المشترين علي الاقتراض العقاري
هو ده يا حبيبي اللي عندك في مصر 🤷🏻♀️🤷🏻♀️
🔹في افتكاسة كده في مصر مش موجودة في حتة في العالم غير عندنا
اسمها تصنيف الدولار
دولار الدهب .. دولار السيارات .. دولار العقارات
حاجة في منتهي الهبل
لكن اهوووو سلو بلدنا كده
دولار العقارات مقوم في مصر ب 100 ج/ دولار 🤷🏻♀️🤷🏻♀️
و ده ليييه 👈🏻 لأن المطورين العقاريين في مصر اللي سامحين بالسداد علي 10 سنين مثلا .... عايزين يحافظوا علي قيمة نفس المبلغ ثابتة بعد 10 سنين
ف بيحط لك اليوم رقم خزعبلي
عشان بعد 10 سنين يبقا سعر عادل 🤷🏻♀️🤷🏻♀️
🔹 ازاااااي بقا نشأت الفقاعة في مصر :
▪ اولا : بالسياسة اللي قولتهالك فوق بتاعت المطورين العقاريين
▪ ثانيا : الطلب الكاذب علي سوق المعروض
" و البركة في الاجئين 😏 "
ف نلاقي اللي معاه مليون جنيه .. فشل يشتري شقة كااااش
و امكانياته لا تسمح بالتقسيط
في ظل التضخم اللي نتج عنه ظهور شهادات بفايدة مرتفعة زي ال 27% و ال 23.5%
ف الناس اودعت المليون جنيه في شهادة
و اخدت الفايدة دفعتها في ايجار
اللي هو اللاجئين احتلوه باسعار خرافية
زي مدينتي و الرحاب و الشروق و التجمع و اكتوبر اللي الايجارات وصلت فيها ل 30 و 40 الف في الشهر 🙄
و ده قاااااد سوق الايجارات نحو الارتفاع الغير مبرر و الغير منطقي
ف بدأنا نشاهد المضاربة علي الايجار
لعدم القدرة علي الشراء
و اللي بيشتري
بيشتري عن طريق قرض بفايدة 26%
فايدة تراااااكمية
يعني السعر بيزداد 3 اضعاف و 4 اضعاف كمان 🤷🏻♀️🤷🏻♀️
دي الفقاعة العقارية
و قريبا هتنفجر
و ده حلو مش وحش
هي الوحش فيها ان هيظهر المضاربة بشكل مبالغ فيه ... ثم يعقبها ركووود .. ثم يعقبها انهيار سعري
و هو ده المطلوب
🔸و اللي احنا فيه ده هو بالظبببببط ما كان فيه امريكا في 2006 و 2007
قبل انفجار الفقاعة
و حدوث ازمة الرهن العقاري في 2008 🤷🏻♀️الفقاعة العقارية واضحة لأي حد بيفهم ب 3 يورو اقتصاد
اي فقاعة سعرية لأي شئ في الوجود
هو تقييم غير عااادل في اتجاه تصاعدي سريع لسعرها
و لأن الاسواق دوما بتصحح نفسها
ف لازم بتاخد دورة زمنية ثم تنفجر و السوق يصحح نفسه
ب عرض و طلب صادقين غير زائفين زي اللي احنا فيه دلوقت 🤷🏻♀️🤷🏻♀️
نصيحة لو انت مش مضطر تشتري شقة او هتنام في الشارع .. اصبر و لا تشتري حاليا و الي بيقول مفيش عقار بيرخص.. مع احترامي عرفه ان القروش الي بتحرك السوق مش هتستحمل كتير فلوسها واقفة و مش بتشتغل…. نصيحة لوجة الله لا تشتري والصبر جميل و الفقاعة جاية جاية … حط فلوسك في الدهب و احفظها لحد السعر العادل.. متكونش بابع دهب مراتك و مستلف و دافع دم قلبك لواحد جشع عاوز يمص دمك و رزق عيالك…. اما لو انت غني اشتري و كده كده انت مش فارق معاك ….ربنا يوفق الجميع
