28/02/2026
*** يعني إيه دعوى عدم نفاذ التصرف؟
اقول لحضرتك ببساطه
دى دعوى بيرفعها الدائن
لما المدين يحاول يهرب من سداد الدين
عن طريق إنه يبيع أملاكه أو يتنازل عنها عشان يفضي نفسه وذمته الماليه من الأموال.
الدائن هنا ما بيطلبش إلغاء البيع
لكن بيطلب إن البيع ده لا يسرى في حقه هو
يعني البيع يفضل صحيح بين البائع والمشتري
لكن بالنسبة للدائن كأنه ما حصلش
واقول لحضرتك نص المادة....
المادة 237 من القانون المدني بتنص على أنه
"لكل دائن أصبح حقه مستحق الأداء وصدر من مدينه تصرف ضار به أن يطلب عدم نفاذ هذا التصرف في حقه إذا كان التصرف قد أنقص من ضمانه."
--- الشروط ببساطة
+ يكون في دين مستحق الأداء
+ المدين يعمل تصرف (بيع – هبة – تنازل…)
+ التصرف ده يضر بالدائن ويقلل أمواله
+ لو التصرف دا بعوض ..بيع مثلًا...لازم يثبت سوء نية المشتري
وبالمثال يتضح المقال ...بمعنى ...
واحد عليه مليون جنيه دين
قام بايع شقته لواحد تانى
وبقى معندوش حاجة يتنفيذ عليها
الدائن هنا يرفع دعوى عدم نفاذ
ولو كسبها
يقدر ينفذ على الشقة
كأن البيع ما حصلش في مواجهته
