مكتب المستشار لأعمال المحاماه والاستشارات القانونية

16/04/2026

ونقولها تاني .👇👇👌
عزيزي محامي الأسرة ...
اعرض الصلح قبل ما تفكر انك تلجأ للمحكمة ..فكر في الأبناء والبيت اللي ممكن يتهدم بإجراء منك ..
واسمع من الطرفين وخليهم يفتكروا ذكرى حلوة بينهم وبين بعض ✋

16/04/2026

اهم مناقشات قانون الأسرة الجديد 2026👇👇👇👇👇☕️
1- قضايا النفقات وتشمل
النفقة الزوجية
نفقة الصغار
نفقة اجر مسكن وحضانة
نفقة علاج
نفقة مصاريف دراسية
نفقة علاج
سيتم تجميعها بقضية واحدة لتصبح قضية واحدة تشمل جميع النفقات وتقديرها 40٪ من دخل الزوج
فى حال عدم ثبوت عمل للزوج يتم احتساب 40٪ من الحد الأدنى للأجور ويتبع فى حال زيادة الحد الأدنى للأجور طبقا لقانون العمل الدورى .
التنفيذ بفيزا للمطلقة تسمى Children visa من أحد البنوك المصرية (البنك الاهلى /بنك مصر / بنك ناصر الاجتماعى )
سيتم وضع المبلغ اول كل شهر بجد أقصى 10ايام من كل شهر بمجرد حكم المحكمة درجة اولى ولا يوجد استئناف للحكم بمجرد تسليم مفردات المرتب للمحكمة يتم الحكم بنسبة 40٪ من دخل الزوج المثبت بالمفردات المقدمة للمحكمة .
2-قضايا المنقولات الزوجية والذهب
التنفيذ
تسليم المنقولات كاملة طبقا للقائمة التى تم التوقيع عليها من جانب الزوج وفى حال عدم التسليم يتم سداد المبلغ المذكور بقائمة المنقولات على سنة على أن يتم السداد شهريا ووضع المبلغ بحساب Children visa
بالنسبة للذهب يسقط الحكم تلقائيا وكأن لم يكن حيث يعتبر الذهب لصيق للزوجة ولا يعتد بالدعوى المرفوعة فى الذهب .
3-قضايا الرؤية
الغاء تنفيذ الرؤية بمركز الشباب على أن يتم تنفيذ
حكم الاستضافة والاصطحاب
على إن يتم التنفيذ يومين بالاسبوع وحضور كلا من الزوج والزوجة والصغار فقط بدون حضور اى أطراف أخرى لمركز الشباب
قبل التنفيذ سيتم استدعاء كلا من الزوج والزوجة وتحديد يومين من كل أسبوع لا يشترط ايام محددة على أن يتم الحكم من جانب القاضى بعد تقديم ما يثبت مصلحة الصغار اولا وتحديد اليومين محل الاستضافة والاصطحاب للاب ويكون أيام متتالية وليست متقطعة
التنفيذ كالاتى بعد تحديد الايام من جانب القاضى
مثال الخميس والجمعة
يتم حضور الأطراف المعنية فقط لمركز الشباب الأقرب للطفل
الزوج / الزوجة / الصغار
امضاء الزوج على إقرار باستلام الصغار بالساعة المحددة من جانب القاضى وتسليمهم مساء اليوم التالى بمركز الشباب بالساعة المحددة من جانب القاضى
بند اضافى
*شهر رمضان المبارك إجازة عيد الفطر وعيد الأضحى المبارك*
يتم تنفيذ اول يوم إجازة فقط بدون الحاجة للجوء للقضاء كبند أساسى وعلى الاب استلام الصغار الساعة العاشرة صباحا والتسليم للمركز الساعة السادسة مساءا .
فى حال التقصير بالبنود وعدم التنفيذ بالساعات المحددة
كل من الأطراف سيتم توقيع غرامة لا تقل عن 10الاف جنيها مصري ولا تزيد عن 80 الف جنيها مصري . وفقا لتقدير القاضى وإثبات ما يثبت التقصير من أحد الأطراف .
4-قضايا الحضانة
انتقال حضانة الصغار للاب لتصبح المرحلة الرابعة .
المرحلة الأولى/ الام
المرحلة الثانية/ ام الام
المرحلة الثالثة/ ام الأب
المرحلة الرابعة/ الاب
5-قضايا المؤخر والعدة والمتعة
التنفيذ طبقا لقرار المحكمة
فى حال الخلع/ تسقط حقوق الزوجة كاملة.
فى حال طلاق الضرر والشقاق والهجر وعدم الانفاق
طبقا لتقدير القاضى والاثبات والأدلة وبناءا عليه
اما بالحكم بكافة الحقوق أو نصف الحقوق .
تحديد المتعة طبقا لتقدير القاضى بحيث لا تقل عن 24الف ولا تزيد عن 100الف جنيها .
والتنفيذ بيتم على Children visa للمطلقة والتنفيذ على عام وايداع المبلغ شهريا

#النفقات

28/01/2026

📌 هــــــام جــــــدًا جـــــدًا 📌
من أخطر الحيل الشيطانية التي قد تواجهك عند توقيع إيصال أمانة، هي تلك التي تُستخدم للإيقاع بك قانونيًا رغم سدادك للمبلغ بالفعل! إليك أهم لعبتين يجب أن تنتبه لهما جيدًا:

🔪 اللعبة الأولى: خدعة "نظر وإرفاق"

عند قيامك بسداد قيمة إيصال الأمانة بشكل ودي، تأكد أولًا أن الإيصال لا يحتوي على عبارة "نظر وإرفاق" أعلى الإيصال.
📍 إذا وجدت هذه العبارة، امتنع فورًا عن السداد!
لأن وجودها يعني أن الدائن قد سبق وتقدّم بالفعل ببلاغ ضدك بجنحة خيانة أمانة، وربما يكون صدر حكم غيابي بحبسك دون علمك، رغم أنك بصدد السداد!
📌 في هذه الحالة، عليك فورًا مراجعة محامٍ مختص لفحص موقفك القانوني والتأكد من وجود قضايا من عدمه، وللتحرك القانوني السليم لتبرئة ذمتك.

🔪 اللعبة الثانية: نسخة مزيفة من إيصال الأمانة

بعض المحتالين يقومون باستنساخ إيصال الأمانة قبل تسليمه لك بعد السداد، وحين تتسلّمه وتمزقه (ظنًا أنه الإيصال الأصلي)، تكون قد وقعت في الفخ.
بعدها، يفاجئك الدائن برفع القضية بالإيصال الأصلي ومطالبتك مجددًا بالمبلغ!

🎯 كيف تحمي نفسك؟ أصر على كتابة "إقرار قانوني أو مخالصة نهائية" من الدائن يقر فيها صراحة أنه استلم مبلغ إيصال الأمانة المؤرخ بتاريخ (يُذكر التاريخ)، وأن ذمتك المالية أصبحت بريئة تمامًا، وأي إيصال يظهر لاحقًا يُعد باطلًا ولا يجوز المطالبة به.
مع عمل محضر اثبات حالة بالاقرار في حضور الطرفين
🔐 بهذه الخطوة، تكون قد حصّنت نفسك قانونيًا ضد أي استغلال أو نصب محتمل.

🔏 احذر… واعرف حقك… واحمي نفسك قانونيًا.
مع تحياتنا لكم، ودمتم سالمين ومحفوظين من كل مكيدة.

28/01/2026

👌 النهاردة هنتكلم عن كيفيه تحرير محضر الابتزاز بمباحث الانترنت فى مصر ، لمواجهة الابتزاز الاليكتروني او السب والقذف عن طريق مواقع التواصل او برامج المحادثات .
١ : ناخد سكرين ( لقطة شاشة ) للمحادثة المُراد الابلاغ عنها ، مع اللينك ( الرابط ) الخاص بالشخص المُراد الابلاغ عنه ، ويتم طباعتها علي ورق ، وان كان ع الواتساب يبقي برقم التليفون ..

٢ : ناخد معانا أصل بطاقة الرقم القومي + صورة منها ..

٣ : نتوجه لمقر مباحث الانترنت الذي تتبعه محافظتنا وهنسرد في نهاية عناوين المقرات والمحافظات التي تغطيها ..

٤ : الناس هناك متعاونين جداً ونشيطين جداً وشايفين شغلهم كويس جداً والمعاملة لطيفة وفي منتهي الذوق ، علشان ناس كتير بتتخوف من المعاملة السيئة او اطلاق الاحكام الاخلاقية ..

٥ : مش بيفرق خالص هل الحاجات اللي بيتم ابتزاز الضحية بيها مبعوتة بشكل رضائي ولا تم التحصل عليها بأي صورة ، المهم انه بيتم التهديد بنشرها وابتزاز الضحية وهي دي الجريمة ...

٦ : بالنسبة للسن علشان الناس بتسأل كتير عن ازاي اعمل المحضر بس من غير ما أهلي يعرفوا ، من سن ١٨ سنة يقدر الانسان يحرر محضر ضد اي شخص بمفرده لكنه لا يملك التصالح والتنازل عنه بمفرده ولابد من وجود الأب او من ينوب عنه في حالة وفاته وقت التصالح ، من سن ٢١ سنة يقدر الشخص يحرر محاضر ويتنازل عنها بنفسه دون حاجة لأهله ، بالاضافة لان الشرطة مش بتتصل بالاهالي لما اولادهم يعملو محاضر ، وان كنت افضل وانصح بمصارحة الاهل ومحاولة الاحتماء بهم والحصول علي دعمهم ومساندتهم ...

٧ : الموضوع سري والشرطة مش بتنشر بيانات الناس اللي حررت محاضر ولا بتذيعها ولا بتعرف حد ..

٨ : بلاش خوف وتوتر لأن المجرم بيتغذي علي خوف الضحية وتوترها فلابد من التماسك والمواجهة ، واياكم ثم اياكم من الاستسلام والاستجابة لطلبات ورغبات المُبتز ، لانكم كده هتدولو حاجات جديدة يبتزكم بيها وهيسيطر عليكم تماماً ومش هيسيبكم في حالكم ...

ودي عناوين مقار افرع مباحث الانترنت في مصر :

١ : الاداره العامة والفرع بيشمل القاهرة الكبري وتشمل ( القاهرة - الجيزة - القليوبية ) وعنوانه : مبنى اكاديميه الشرطه بالعباسيه ..

٢ : فرع القناة وشمال وجنوب سيناء وده بيشمل محافظات ( بورسعيد – السويس – الاسماعليه – جنوب سيناء – شمال سيناء ) وعنوانه : مديريه امن بورسعيد الكائنه بشارع الزعيم غاندى – بور فؤاد – بورسعيد

٣ : فرع شرق الدلتا وده بيشمل محافظات (الدقهليه – الشرقيه – دمياط ) وعنوانه : مديريه امن الدقهليه الكائنه بشارع الجمهوريه – المنصوره – الدقهليه

٤ : فرع غرب الدلتا وده بيشمل محافظات (الاسكندريه – البحيره – مرسى مطروح ) وعنوانه : مديريه امن الاسكندريه الكائنه عزبه سعد – سيدى جابر – الاسكندريه

٥ : فرع وسط الدلتا وده بيشمل محافظات ( الغربيه – المنوفيه – كفر الشيخ ) وعنوانه : داخل المجمع الشرطى بشارع سبرباى – طنطا – الغربيه

٦ : فرع وسط الصعيد وده بيشمل محافظات ( اسيوط – سوهاج - الوادى الجديد ) وعنوانه : مديريه امن اسيوط الكائنه شارع الهلالى – الحمراء الاولى – اسيوط

٧ : فرع جنوب الصعيد وده بيشمل محافظات ( قنا – الاقصر – اسوان – البحر الاحمر ) وعنوانه : مديريه امن قنا الكائنه شارع هريدى – قنا

مكتب الاستاذ/ أشرف زكريا

27/01/2026

في مسلسل جميل جدًا بيتكلم عن مخاطر استغلال الأطفال عن طريق الألعاب الإلكترونية، وبيوضح إزاي لعبة ممكن تتحول من تسلية لحقيقة خطيرة.
وعشان كده حابب أشرح لكم بشكل مبسّط وواضح عقوبة استغلال القُصَّر (الأطفال) عن طريق التطبيقات دي في القانون المصري.
⚠️ خطر الألعاب الإلكترونية على القُصَّر (الاطفال)… جريمة وليست تسلية ⚠️
استغلال القُصَّر عبر الألعاب الإلكترونية وابتزازهم ماديًا أو معنويًا (سواء بالصور، البيانات، أو التهديد) يُعد جريمة مكتملة الأركان في القانون المصري، وليس مجرد “تصرف أونلاين”.
# # # العقوبات القانونية:
قانون مكافحة جرائم تقنية المعلومات رقم 175 لسنة 2018 يجرّم استخدام وسائل تقنية المعلومات في التهديد أو الابتزاز أو الاعتداء على القيم الأسرية، ويعاقب بالحبس والغرامة.
قانون الطفل رقم 12 لسنة 1996 (المواد 116 مكرر وما بعدها) شدد العقوبة إذا كان المجني عليه طفلًا، واعتبر استغلاله أو تعريضه للخطر جريمة مشددة.
قانون العقوبات يعاقب على التهديد والابتزاز، وتُضاعف الخطورة إذا استُخدمت وسائل إلكترونية أو كان الضحية قاصرًا.
📌 محكمة النقض استقرت على أن:
العبرة في جريمة الابتزاز هي تحقق التهديد واستغلال خوف المجني عليه، ولا يشترط تنفيذ التهديد فعليًا، ويكفي استخدام وسيلة تؤدي للضغط والإكراه، ولو عبر الإنترنت.
⚖️ الخلاصة:
أي شخص يستغل الألعاب الإلكترونية للتواصل مع طفل ثم ابتزازه أو تهديده، يقع تحت طائلة عقوبات جنائية مشددة، ولا حماية له خلف شاشة أو حساب وهمي.
🔴 حماية أولادنا مسئولية قانونية قبل أن تكون أخلاقية.

20/01/2026

يقع الكثير من الناس في خطأ قانوني فادح عند شراء سيارة ظناً منهم أن الحصول على " توكيل بالبيع للنفس وللغير " هو سند ملكية نهائي يحمي حقوقهم ، والحقيقة أن هذا التوكيل ليس إلا " فخاً قانونياً " قد يعصف بمدخرات العمر في لحظة .

إليك الأسباب التي تجعل الاعتماد على التوكيل وحده .. مخاطرة غير محسوبة العواقب :

أولاً : أثر الوفاة ( بطلان الوكالة بقوة القانون )
وفقاً للمادة 714 من القانون المدني المصري ، تنتهي الوكلة بموت الموكل أو الوكيل ، فإذا وافت المنية البائع قبل نقل الملكية في المرور ، يصبح التوكيل الذي بيدك " ورقة معدومة الأثر " ، وهنا ستجد نفسك مضطراً للتعامل مع الورثة ، والذين قد يرفضون الإقرار بالبيع ، أو قد يكون بينهم قُصر مما يدخلك في دهاليز النيابة الحسبية والمحاكم لإثبات حقك .

ثانياً : شبح الحجز الإداري والقضائي
قانوناً تظل السيارة مسجلة باسم البائع في السجلات الرسمية (المرور) حتى يتم نقل الملكية ، فإذا صدرت أحكام قضائية ضد البائع ، أو استحقّت عليه ديون ضريبية أو بنكية ، يحق للدائنين الحجز على السيارة التي تقودها أنت ، ولن يشفع لك التوكيل في دفع هذا الحجز لأن الملكية لم تنتقل رسمياً بعد .

ثالثاً : المسئولية الجنائية والمدنية (خطر على البائع)
بالنسبة للبائع فإن ترك السيارة تجوب الشوارع بتوكيل فقط هو مغامرة كبري ، ففي حال ارتكاب المشتري حادثاً مررورياً أو جريمة بالسيارة ، تظل المسئولية المفترضة واقعة على مالك السيارة المقيد بالرخصة ، ستجد نفسك مطالباً بالمثول أمام جهات التحقيق لإثبات واقعة البيع ، وقد تُلزم بالتعويض المدني عن أضرار لم ترتكبها .

رابعاً : تعدد البيوع والنزاع على الأسبقية
قد يقوم بعض ضعاف النفوس ببيع السيارة لأكثر من شخص بموجب توكيلات متعددة .. وفي هذه الحالة القانون غالباً ما يحمي من سبق إلى التسجيل ونقل الملكية ، وليس من حمل التوكيل أولاً ، مما يضيع عليك حقك في استرداد السيارة .

إن توفير رسوم التسجيل في الشهر العقاري لا يقارن أبداً بحجم المخاطر القانونية التي تتعرض لها .. لذا دائماً ننصح بأنه لا بديل عن عقد البيع المسجل ونقل الملكية في أقرب وقت .

و إذا كان التوكيل ضرورة مؤقتة ، فلا بد أن يكون توكيلاً خاصاً ، غير قابل للإلغاء ، مع تحرير عقد بيع ابتدائي مشهود عليه ، والاحتفاظ بصورة من بطاقة الرقم القومي للبائع .

01/12/2025

هااااام جدا

خط تليفون باسمك .. وأنت مش دريان! 🚨

يا جماعة الموضوع ده خطير وبيحصل كتير:

ممكن تفاجئ إنك متهم

في قضية نصب، تهديد، أو أي جريمة،

والسبب خط موبايل متسجل باسمك أنت،

وأنت أصلاً ما تعرفش عنه أي حاجة!

دي مشكلة كبيرة بتحصل بسبب تسجيل خطوط

بالبطاقة بتاعتك من غير علمك،

سواء بالغلط أو عن طريق استغلال.

💡 المشكلة بالبلدي:

"الخط ده باسمي ... بس أنا مش اللي باستخدمه!"

لما بتحصل جريمة عن طريق مكالمة أو رسالة من خط موبايل،

أول حاجة بتعملها المباحث أو النيابة

انها بتجيب اسم صاحب الخط المسجل في الشركة

وهنا المصيبة! لو الخط ده باسمك،

أنت اللي هتروح التحقيق وهتخش في وجع دماغ

لحد ما تثبت إنك مالك اسم بس مش المستخدم الحقيقي اللي عمل الجريمة

⚠️ الخطر:

هتتطلب للتحقيق وممكن تتعرض لإجراءات قضائية لحد ما تثبت براءتك.

⚖️ الحل القانوني الصح

(خطوات بسيطة وسليمة)

إحمِي نفسك قبل ما المشكلة تحصل،

ولو وقعت فيها، اعرف تتصرف إزاي:

أولاً:⛔

حماية نفسك قبل ما تتورط (الأهم)

★ ✅ اعرف كل خطوطك فوراً:

- لازم تستعلم عن كل خطوط الموبايل اللي متسجلة باسمك

في كل شركات المحمول

(فودافون، اتصالات، أورانج، وي).

- فيه خدمات إلكترونية

(مواقع أو تطبيقات) بتخليك تستعلم بالرقم القومي بتاعك زي myntra.

-❌ إلغي الخطوط الغريبة:

لو لقيت أي خط ما تعرفوش أو مش بتستخدمه:

روح فوراً لأقرب فرع رئيسي لشركة الاتصالات دي.

* اطلب تعمل إلغاء وتنازل رسمي عن الخطوط دي.

الموضوع ده مهم جداً

عشان ترفع عن نفسك المسؤولية.

ثانياً:⛔

لو تورطت واتنادى عليك في قضية

(إثبات البراءة)

لو النيابة استدعتك عشان خط باسمك عمل جريمة:

† 📄 قدم ما يثبت إنك ما تعرفش الخط:

- أثبت إن الخط ما كانش في حوزتك: ممكن تقدم ما يثبت إنك ما اشتريتش الخط ده (لأنه مفيش عقد بيع عندك)

أو تطلب إفادة من الشركة تثبت إن الخط ده ما طلعتش بيه مكالمات منك أصلاً.

- استعين بمحامي:

المحامي هيقدر يطلب تحريات تثبت مكان وجودك (بناءً على خطك الأساسي مثلاً)

إنك ما كنتش في نفس مكان استخدام الخط اللي ارتكب بيه الجريمة.

★ 📝 اعمل بلاغ رسمي:

- لازم تعمل بلاغ رسمي في النيابة أو في مباحث الاتصالات/الإنترنت عشان تثبت إن الخط ده مش معاك،

وإن فيه حد استغل اسمك عشان يسجله وارتكب بيه الجريمة.

* البلاغ ده بيثبت إنك مش مسؤل

01/12/2025

خط تليفون باسمك .. وأنت مش دريان! 🚨

يا جماعة الموضوع ده خطير وبيحصل كتير:

ممكن تفاجئ إنك متهم

في قضية نصب، تهديد، أو أي جريمة،

والسبب خط موبايل متسجل باسمك أنت،

وأنت أصلاً ما تعرفش عنه أي حاجة!

دي مشكلة كبيرة بتحصل بسبب تسجيل خطوط

بالبطاقة بتاعتك من غير علمك،

سواء بالغلط أو عن طريق استغلال.

💡 المشكلة بالبلدي:

"الخط ده باسمي ... بس أنا مش اللي باستخدمه!"

لما بتحصل جريمة عن طريق مكالمة أو رسالة من خط موبايل،

أول حاجة بتعملها المباحث أو النيابة

انها بتجيب اسم صاحب الخط المسجل في الشركة

وهنا المصيبة! لو الخط ده باسمك،

أنت اللي هتروح التحقيق وهتخش في وجع دماغ

لحد ما تثبت إنك مالك اسم بس مش المستخدم الحقيقي اللي عمل الجريمة

⚠️ الخطر:

هتتطلب للتحقيق وممكن تتعرض لإجراءات قضائية لحد ما تثبت براءتك.

⚖️ الحل القانوني الصح

(خطوات بسيطة وسليمة)

إحمِي نفسك قبل ما المشكلة تحصل،

ولو وقعت فيها، اعرف تتصرف إزاي:

أولاً:⛔

حماية نفسك قبل ما تتورط (الأهم)

★ ✅ اعرف كل خطوطك فوراً:

- لازم تستعلم عن كل خطوط الموبايل اللي متسجلة باسمك

في كل شركات المحمول

(فودافون، اتصالات، أورانج، وي).

- فيه خدمات إلكترونية

(مواقع أو تطبيقات) بتخليك تستعلم بالرقم القومي بتاعك زي myntra.

-❌ إلغي الخطوط الغريبة:

لو لقيت أي خط ما تعرفوش أو مش بتستخدمه:

روح فوراً لأقرب فرع رئيسي لشركة الاتصالات دي.

* اطلب تعمل إلغاء وتنازل رسمي عن الخطوط دي.

الموضوع ده مهم جداً

عشان ترفع عن نفسك المسؤولية.

ثانياً:⛔

لو تورطت واتنادى عليك في قضية

(إثبات البراءة)

لو النيابة استدعتك عشان خط باسمك عمل جريمة:

† 📄 قدم ما يثبت إنك ما تعرفش الخط:

- أثبت إن الخط ما كانش في حوزتك: ممكن تقدم ما يثبت إنك ما اشتريتش الخط ده (لأنه مفيش عقد بيع عندك)

أو تطلب إفادة من الشركة تثبت إن الخط ده ما طلعتش بيه مكالمات منك أصلاً.

- استعين بمحامي:

المحامي هيقدر يطلب تحريات تثبت مكان وجودك (بناءً على خطك الأساسي مثلاً)

إنك ما كنتش في نفس مكان استخدام الخط اللي ارتكب بيه الجريمة.

★ 📝 اعمل بلاغ رسمي:

- لازم تعمل بلاغ رسمي في النيابة أو في مباحث الاتصالات/الإنترنت عشان تثبت إن الخط ده مش معاك،

وإن فيه حد استغل اسمك عشان يسجله وارتكب بيه الجريمة.

* البلاغ ده بيثبت إنك مش مسؤل

19/11/2025

كيفية إثبات دخل الزوج في قضايا النفقة

دايما بيواجه الزوجه مشكلة في أنها إزاي تثبت دخل الزوج لما تقرر ترفع قضايا نفقة سواء ليها أو لاولادها
وإثبات الدخل بيكون بطريقة من الطرق دي :
● لو الزوج بيشتغل فى مكان ثابت أو جهة معروفه بتدى شهاده بمفردات المرتب وقتها بتطلبي من القاضى التصريح باستخراج شهاده بمفردات المرتب
● لو الزوج بيشتغل أعمال حره ومالوش دخل ثابت زى مثلا انه يكون عنده محل أو مشروع خاص به وخلافه
وقتها بتعملي تحرى عن دخله عن طريق القسم التابع له شغله
● ممكن تطلبي إحالة الدعوى للتحقيق لاثبات دخل الزوج بشهادة الشهود
● ممكن تقدمي للمحكمة أي أوراق تثبت أملاك الزوج زي مثلا عقود شراء عقارات أو أراضي أو انه عنده شركة او عربيه
● لو الزوج بيشتغل في خارج مصر ممكن صورة من عقد عمله لو معاكي او تحصلي عليها من مكتب العمل أو تطلبي التحري عنه بالطرق الدبلوماسية أو بشهادة الشهود
وبعد إثبات دخل الزوج تقضى المحكمة للزوجة والابناء بنفقة بأنواعها بما يتناسب مع يسار الزوج وحاله

11/11/2025

معلومه قانونيه 📖⚖️
هل يسقط حكم متجمد النفقة بحبس الزوج ؟
الأجابه :
حكم متجمد النفقة لا يسقط بحبس الزوج ، لان حبس الزوج لا يؤدي الى ابراء ذمته وانما تظل للزوجة الحق فى التنفيذ على امواله بكافة الطرق
ويمكن أن تحجز الزوجه علي أموال المدين (الزوج)
لدي الغير كالبنوك او الممتلكات وغيره