03/10/2026
الحياة علمتني دروس كتير ...
كل حاجة شفتها وعشتها وكل موقف وجعني وخلاني أفهم الناس على حقيقتهم مش كلام نظري ولا حكم بنسمعها .. لأ ..
دي حاجات ناتجة عن تجارب كتير قوي ..
ركز علشان هتستفيد ..👌
1- ما تتعشمش في حد زيادة النهاردة صاحبك ، بكرة ممكن يبقى ولا حاجة ، وممكن يبقى عدوك برضه النهاردة زميلك بكرة كأنة
ما يعرفكش ..!
ما تديش ثقة ولا أمان 100% لحد ..! دايماً سيب مساحة صغيرة جواك لإحتمال الخذلان لإنة غالباّ جاي جاي بس مسألة وقت مش تعيش بشك لكن علشان ما تتكسرش لو ده حصل .
أدي دايماً نسبة بسيطة لأي تغيير لأي خيانة
أو غدر حتى لو شايفها مستحيلة ، تأكد إنة مفيش حاجة مستحيلة ..!
خلي عندك يقين إن أي حد ممكن يمشي في أي وقت ، وساعتها تبقى مستعد لكن مش مصدوم .
2- مفيش حد هيعوض الأب والأم
مهما حصل بينهم وبينك مهما زعلت منهم ، مهما كانوا سبب في وجعك أو ظروفك كانت صعبة معاهم هتلف الدنيا كلها ومش هتلاقي حد يحبك ويشيلك زيهم ولو ركزت كويس هتلاقي إنهم بيحبوك بطريقتهم حتى لو مش بيعرفوا يعبروا عن ده أو إنك مش شايفة .
الدنيا كلها ممكن تعوضك عن أي حاجة إلا وجودهم جنبك .. فحاول تتفهم أفكارهم ودوافعهم وتحاول تقرب منهم وتحاول تعدي أي موقف لأن خسارتهم وجعها مختلف .
3- اللي ياكل عيش وملح معاك وما يصونش إياك ترجعله مهما حصل أو لو رجعت تبقى المعاملة بحدود علشان اللي شاركته لقمتك ، وضحكتك ، وأيامك ، وبعدين خذلك أو خانك أو باعك ده ما يستاهلش اصلاً فرصة تانية .
ناكر الجميل أخطر واحد ممكن تقابله في حياتك لإنة بيكسر كل حاجة حلوة من غير ما يحس والنوع ده تحديداً مهما حاولت تتعامل معاه عمرك ما هتعرف تأمنله تاني لإن الطبع غلاب زي ما بيقولوا ، واللي أتعود علي حاجة عمره ما هيتغير فما تضيعش عمرك في محاولة إصلاح حد هو مش شايف نفسه غلط من الأساس ..!
4-اللي يوجعك مرة قادر يوجعك ألف
ما تقولش أصلها غلطة ، وعدت واتنست ما تضحكش على نفسك مفيش حاجة بتتنسي ، واللي عملها فيك مرة وهونت عليه هيعملها تاني وتالت فياريت تاخد بالك من نفسك .
5- الزيادة في الإهتمام بغيرك بتقلل من قيمتك قدامه خليك وسط ولا زيادة ولا تقصير .
6- اللي عايزك هييجي لك لوحده ما تجريش ورا حد .
7- السكوت مش ضعف ده إحترام للذات لإن الكلام مش هيغير قلة الأصل ..!
8- كل واحد بيشوفك من منظوره هو
حتى لو أنت كويس في عين ناس تاني أنت وحش .
9- ما تحكيش كل اللي جواك لأن مش كل الناس تستاهل تعرفه بجد .
10- الندم بييجي من الطيبة الزيادة مش من القسوة .
11- اللي أتغير عليك مرة خلاص أتغير ما تستناش إنة يرجع زي الأول .
12- ما تعتمدش على حد ولا تنتظر حاجة من حد أعتمد على نفسك بس .
13- اللي بيحبك بجد عمره ما هيأذيك ولا عن قصد ولا عن غير قصد ولو أذاك هيحاول يصلح بسرعة .
14- العلاقات مش بتتقاس بالكلام بالمواقف بس .
15- اللي يختفي وقت ضيقك ما يلزمكش خالص وقت فرحك .
16- ومش كل نهاية خسارة فيه نهايات بتريح وبتبقي بدايات للعوض .
17- ما تبررش لحد بيأذيك الغلط لإن كل شيء واضح مش محتاج تفسير .
18- الوحدة أرحم من الصحبة الغلط
على الأقل مش هتتوجع ولا هتنضر .
19- أهم درس أتعلمته حب نفسك الأول علشان محدش هيحبك لو أنت مش حاسس بقيمتك .. وفي الآخر الكلام ده مش علشان تكره الناس ،
ولا علشان تعيش لوحدك خالص بس الكلام ده علشان تعيش فاهم واعي وبتحمي نفسك من غفلات القدر ويوم ما حد يخذلك تبقى متوقع ، و ساعتها الصدمة هيكون وقعها عليك أخف .
