11/07/2023
💥 اللى بيصرف فلوسه على سفر، وخروجات، ويمتع عياله واهل بيته !!
زى اللى بيكنز فلوس، ويبنى بيوت واراضى
زى اللى ممعهوش غير قوت يومه، واللى اتبقى منه جاب بيه بطيخة لعياله وساب رزق بكرة على ربنا
زى البخيل اللى ميت على الدنيا
👌 كلهم زى بعض كلهم حيموتوا ومش حياخدوا حاجة معاهم !!
👌 الفرق الوحيد ...الأثر اللى هيبقى فى نفوس عيالهم .
يا ترى فاكرينله ايه !! .. يا ترى شبعهم وهما فى حضنه وملا عينيهم ولا حرمهم وخلاهم يتمنوا موته عشان يورثوه !! والبخيل ده بيبقى بخيل من كله ماديات ومشاعر وحب واحتواء وحنيه !!
يا ترى رسخ فكرة أن هما أهم حاجة فى حياته، ولا الفلوس !!
يا ترى لما يعلمهم صح ويبنى شخصيتهم ويشبعهم أحسن ..ولا لما يسيب لهم فلوس وهم مشوهين نفسياا وحاسين بعقدة نقص و جوع وحرمان .. فلوس الدنيا متعلاجهاش !!
💥 💖اهل زمان قالوا اللي مشبعش علي طبلية ابوه، عمره ما يشبع مهما جابو وادوه !!
💕💕متعوا أولادكم وسيبوا الباقي علي ربنا💕💕
