المركز الدولي للاستشارات القانونية والتجارية واعمال المحاماة

28/02/2026

هتشتري عقار؟!!! 🏘️
يبقا لازم تأمن نفسك وتحافظ على فلوسك💲
العقار مش مجرد ٤ حيطان ده ورق محتاجه مراجعه وصياغة عقود احترافيه 📝
"ذلك بأن المقرر -بقضاء محكمة النقض- أنه ليس ثمة ما يمنع من صدور تصرفينِ قانونيينِ عن عقار واحد، على أن تكون المفاضلةُ بين المتنازعين على ملكيته مؤسسةً على أسبقية التسجيل. وأن مؤدى نص المادتين ٩، ١٧ من القانون رقم ١١٤ لسنة ١٩٤٦ بتنظيم الشهر العقاري أن ملكية العقار المبيع لا تنتقل من البائع إلى المشتري إلَّا بتسجيل عقد البيع، أو بتسجيل الحكم النهائي المثبت للتعاقد، أو بالتأشير بذلك الحكم على هامش تسجيل صحيفة الدعوى المرفوعة بصحته ونفاذه إذا كانت قد سُجِّلت."
لمزيد من الاستفسارات والاستشارات :-
تواصل معنا على رقم : 01280064355
او في مكتبنا : 196 شارع النزهة - مصر الجديده

26/02/2026

هترفع دعوي العيب الخفي ؟!!
تطلب ايه فالصحيفة؟! ، وامتي مينفعش ترفعها؟! ومحكمة النقض قالت ايه ؟!
اولا: البائع يضمن العيب لو توافرت 4 شروط:
① العيب يكون خفي مش باين ومش سهل تكتشفه لو فحصت فحص الراجل العادي لكن لو العيب كان ظاهر وانت سكت… خلاص، ملكش ضمان ، إلا لو البائع أكدلك إنها سليمة أو خبّى العيب عمدًا.
② العيب يكون قديم يعني موجود وقت التسليم ، لو العيب حصل بعد ما استلمت يبقى البائع مش مسئول لكن لو أصل العيب كان موجود، بس آثاره ظهرت بعدين؟....يبقى البائع يضمنه.
③ العيب يكون مؤثر يعني مش أي عيب والسلام لازم: يقلل من قيمة الحاجة أو يخليها متتنفعش للغرض اللي اشتريتها عشانه
مثال: اشتريت محل عشان تفتح مطعم، وطلع مفيش ترخيص
اشتريت شقة عشان تسجلها، وطلع المبنى متعدي على الشارع ومش هيتسجل ده عيب مؤثر لكن لو عيب بسيط الناس بتعديه عرفًا القانون قال مفيش ضمان.
④ المشتري ميكونش عارف لو انت عارف بالعيب واشتريت يبقى انت رضيت لكن لو البائع خبّى عليك "يبقى الضمان قائم"
ثانيا: طب أعمل إيه لو اكتشفت العيب؟ أول حاجة: لازم تخطر البائع في مدة معقولة لو العيب باين بفحص عادي تبلغ فورًا لو مش باين إلا بعد مدة تبلغ أول ما يظهر ، لو سكت… القانون يعتبرك قبلت الحاجة بحالتها.
ثالثا : الطلبات في صحيفة دعوى العيب الخفي قدامك اختيارين اما تفسخ البيع وترجع الحاجة وتاخد فلوسك أو تتمسك وتاخد تعويض عن النقص ، طب لو حصل ضرر؟ تطالب بتعويض عن ما فاتك من مكسب
رابعا: مدة رفع الدعوى كام؟ دعوى العيب الخفي بتسقط بعد سنة من تاريخ الاستلام الفعلي حتى لو اكتشفت العيب بعد السنة إلا في حالة واحدة لو أثبت إن البائع خبّى العيب عمدًا ساعتها ميقدرش يتمسك بالتقادم
خامسا: حالات مفيهاش ضمان (( البيوع القضائية، المزادات الإدارية
العيب اللي الناس بتسامح فيه عرفًا ))
سادسا : نقطة مهمة جدًا من أحكام النقض
لو البائع ضمن صفة معينة في الحاجة (زي إنها قابلة للتسجيل مثلًا) والصفة دي طلعت مش موجودة مش لازم نثبت إنها خفية أو مؤثرة مجرد تخلف الصفة وقت التسليم يكفي للضمان.
ودي نقطة قوية جدًا في المرافعات
((الطعن رقم ١٥١٩ لسنة ٨٨ قضائية - جلسة ٢٠١٩/٠٥/٠٥ ))
ولمزيد من المعلومات تابعنا وتواصل على رقم :-
01280064355

02/02/2026

🏛كل مشكلة وليها حل !
لو عندك مشكلة قانونية وعايز تحلها بشكل احترافي ، فأنت محتاج محامي فاهم كويس كل مواد القانون وثغراته ، وبيعرف يدرس موقفك كويس علشان يقدملك أفضل الحلول.
معانا هتضمن إن موقفك في القضية يكون في أيدٍ أمينة، وهنوفر لك كل سبل المساعدة القانونية الممكنة لحل مشكلتك بشكل سريع ومناسب
خدماتنا القانونية 👇🏻
✅ الأستشارات القانونية
✅ الأستشارات العقارية
✅ قضايا الاحوال الشخصيه
✅ قضايا المدنيه
✅ القضايا الدولية
✅ قضايا الأموال العامة
✅ قضايا المحكمة الاقتصادية
✅ تخصص كافة الجنح
✅ صياغة كافة انواع العقود
✅ الترافع والتقاضي أمام جميع المحاكم
✅تأسيس الشركات
✅متابعة اعمال الشركات وادارة شئونها القانونية
وغيرها الكثير من الخدمات القانونية
📞 للحجز والاستفسار: اتصل بينا على : 01280064355
📌 العنوان : 196 شارع النزهه ميدان الحجاز مصر الجديدة
استشارة قانونية اليوم تساوي حل مشكلتك غدًا..! ⚖

07/06/2024

للاستشارات القانونية
1280064355

03/02/2021

لما تعرفي ان ضرب الزوج لمراته فيها سجن 5 سنين ويجي جوزك يتخانق معاكي 😂😂

19/12/2020

30/07/2020

أتقدم بخالص التهنئة إلى الاخوة و الأصدقاء و الاحباب بمناسبة عيد الفطر المبارك .. أدام اللة عليكم وعلى الشعب المصرى كلة الخير و اليمن والبركات مع خالص تحياتى المستشار /ايمن اسحق

16/07/2020

يسعد المركز الرد على استفساراتكم القانونية فى اى وقت مساهمة من المركز لنشر التوعية القانونية و مساندة غير القادرين.. مع خالص تحياتنا

15/07/2020

خطوات التصالح في مخالفات البناء⚖️🇪🇬

١- حضرتك هتروح الحي تفتح ملف بصورة بطاقة المالك و ورق الملكية .
٢ - خلال أسبوعين من تاريخ الملف حضرتك لازم تستوفي باقي المستندات طبقا للمادة ٣ من القانون .
إيه هي بقي المستندات المطلوبة : -
١. أصول وصور ضوئية لمستندات الملكية.
٢. رسم هندسي ( معماري وإنشائي ) معتمد.
٣. تقديم ما يثبت الحاله الإنشائية للعقار ( دي إسمها شهادة سلامة إنشائية ودي ملف فرعي بيعملهولك مهندس... بيبقي فيه اللوائح والنوته الحسابية وتقرير التربة وشهادة السلامة نموذج ٢ ب وشهادة سلامة عليها علامة مائية لنقابة المهندسين وحاجات تانية بيجهزها المهندس والملف دا بيدخل نقابة المهندسين يعتمد بالكامل وبتدفع كمان رسوم دمغه للنقابة ٤.٥ ف الالف من قيمه الاعمال للمنشأت من اول ٢٠١٥ ).
٤. إيصالات مرافق ( مياه - غاز - كهرباء ) ودي عشان تثبت تاريخ المخالفة.
5. في حالة عدم وجود إيصالات مرافق يتم إرفاق أي مستند يدل علي العقار وتاريخ المخالفة ( شهادة مشتملات - محضر مخالفه - تصوير جوي ).
٩. توكيل رسمي في حالة وجود محامي ( ودا أفضل طبعا جداً )
١٠. صورة ضوئية من بطاقة المالك
١١. ملف كارتون ودا عند الموظف أهم من كل اللي فات دا
بعد لما بتقدم الملف دا بتدفع رسوم الفحص وبعد كدة بتستني لجنة السلامة الإنشائية تحدد لك ميعاد تنزل تعاين المنشأ و المفروض بيكون في مندوب من الداخلية بيحضر لمراجعه أشتراطات الدفاع المدني
__ اللجنه بقي حسب ما بتشوف حاله المنشأ ممكن تطلب مستندات هندسية أخري زي كور تست أو كشف أحد عناصر المنشأ للتأكد من التسليح
او بتطلع تقريرها علي طول بعد كدة بقي بيراجعوا موقفك مع وزارة الطيران المدني
الكلام دا لحد تاريخ النهاردة وفالنهاية بيطلع تقرير نهائي للمصالحة بقبولها وتحديد قيمة الغرامة طبقا لكمية المخالفات اللي عندك أو برفض التصالح في عدم إستيفاء شروط السلامة أو بتخفيف المبني أو تدعيم المنشأ من الآخر بيشوفوا إيه الحل ويطلعولك تقرير وتقدير للمبلغ المطلوب
حلو كدة
نيجي بقي لتقدير رسوم الغرامه ودي تعتمد علي حاجتين.....
ركز بقي معايا كدة
١- مساحه المخالفة ( مساحه الارض في عدد الأدوار )
يعني لو أرض ١٠٠ متر طالعة ١٢ دور سكني ودور إداري ودور تجاري
تبقي المخالفه بتاعتك .... ١٢٠٠ متر سكني ... ١٠٠ متر تجاري ... ١٠٠ متر اداري
وبعدين
٢- المنطقه اللي المنشا موجود فيها هل قرية أم مدينة علي شارع رئيسي ولا لا
دا بيحدد سعر متر المخالف والتسعير دا بينزل فالجريدة الرسمية بقرار من المحافظ لكل محافظة
تشوف سعر متر منطقتك كام فالاداري والتجاري والسكني وتضربه فالمساحه يطلعلك قيمة المخالفة
يعني مثلااااااا
لو انت ساكن فالاسكندريه حي منتزة أول او ثان قبلي وعلي شارع جانبي سعر المتر بيكون ٤٥٠ج سكني
٨٠٠ تجاري
٦٠٠ إداري
تبقي غرامتك ( ٤٥٠ ×١٢٠٠ + ٨٠٠ × ١٠٠ + ٦٠٠×١٠٠ = ٥٤١٤٠٠ج ) دا الا إذا كان في غرامات أخرى علي العقار .
لحد كدة تمااام.....
نظام الدفع بقي بيكون ٢٥% والباقي بيتقسط علي ٤ سنوات يعني علي المثال بتاعنا
هتدفع ١٣٥٣٥٠ ج مقدم
و ١٠١٥١٢.٥ ج سنويا
* و أخيرا فالتصالح بيكون كالأتى :
١- تقديم طلب تصالح بصورة البطاقة وصورة عقد البيت و بعض المستندات الأخرى المذكورة بالقانون .
٢- بعد تقديم طلب التصالح و دفع رسم الفحص بيتم تسليمك شهادة تفيد تقديم ملف التصالح و بموجبها يتم إيقاف الإجراءات ضد المخالف و إيقاف تنفيذ الإزالة و إيقاف تنفيذ الأحكام فى حالة وجود أحكام و ذلك لحين البت فى ملف التصالح .
* و أخيرا فإن آخر ميعاد تقديم علي التصالحات هو يوم 2020/9/30

مع تحياتى المستشار/ ايمن رزق

11/07/2020

عاجل وهام سؤال يهم كل أسرة
نرجو وضع مقترحاتكم وسوف نقوم بالبحث و الرد حتى نصل إلى الهدف المنشود

28/06/2020

اهم الدفوع فى القانون المدنى