M&S Law Firm

Call Directions Website Contact the business

M&S Law Firm مؤسسة قانونية تحت إدارة و إشراف أ. محمد سعد محمد المحامي

خبر يهم كل مالك عقار.. مهلة إضافية مهمة! 📢لو أنت من أصحاب العقارات، الخبر ده يخصك!وزير المالية أصدر القرار رقم 342 لسنة ...
02/07/2026

خبر يهم كل مالك عقار.. مهلة إضافية مهمة! 📢
لو أنت من أصحاب العقارات، الخبر ده يخصك!
وزير المالية أصدر القرار رقم 342 لسنة 2026 بمد فترة تقديم الإقرارات الضريبية المنصوص عليها في قانون الضريبة على العقارات المبنية رقم 196 لسنة 2008.
يعني إيه الكلام ده؟
يعني قدامك فرصة لغاية 30 سبتمبر 2026 عشان تقدم إقراراتك الضريبية بدون أي غرامات تأخير.

29/06/2026

ديون العقار وفخ الطراز المعماري والتراخيص 🛑🏢















ديون العقار وفخ الطراز المعماري والتراخيص 🛑🏢 اشترا شقة أحلامه.. وصحي الصبح لقى عليها قرار إزالة! تخيل تدفع ملايين في...
29/06/2026



ديون العقار وفخ الطراز المعماري والتراخيص 🛑🏢

اشترا شقة أحلامه.. وصحي الصبح لقى عليها قرار إزالة!

تخيل تدفع ملايين في شقة، وتكتشف فجأة إن البائع كان مديون، أو إن العمارة ملهاش تراخيص ولا تصالح؟

كتير مننا بيقع في فخ ( الشقة لقطة ) ويجري يدفع، من غير ما يعرف إن العقار ممكن يكون محمل بمشاكل تشيب!
لازم تتأكد إن الشقة مفيش عليها حقوق عينية أو ديون معلقة زي ديون المرافق، أو الضريبة العقارية (العوائد).

والأخطر إنها تكون مرهونة للبنك، أو عليها حجز وقضايا في المحاكم، أو مبنية بدون تراخيص ومفيش ليها تصالح او عليها قرار تمكين اينعم حقك هنا محفوظ زي ما نشرت لك حكم الهيئة العامة لمحكمة النقض لكن هتلف حبه و تكلف حبيتين.

🛑 الخوف كله فين بقى؟
إن الأرض نفسها تطلع أملاك دولة، أو أوقاف، أو أرض حكر وهنا الفلوس كلها ومستقبلك بيبقى في الهواء!
👈🏻 كمان لازم تتأكد إن البائع نفسه مفيش عليه قيود تمنعه من التصرف في أمواله، يعني مش صادر ضده قرار منع من التصرف، أو محجور عليه، أو محبوس وتوكيله فيه مشكلة قانونية.

كمان لازم تتأكد أن العقار مش صادر ليه قرار نزع ملكية للمنفعة العامة، خصوصاً لو قريب من الطرق والكباري الرئيسية الجديدة.

✨ واللي كتير مايعرفوش إن فيه ثغرة تانية أخطر
لو الشقة في القاهرة في مناطق زي (وسط البلد، مصر الجديدة، أو النزهة)، لازم تتأكد إن العقار مش مدرج ضمن الطراز المعماري المتميز .

عشان تحمي نفسك من الكوابيس دي، متعتمدش على أي كلام شفوي.. الفحص القانوني الدقيق من محامي متخصص هو درع الحماية الوحيد ليك ولعيلتك ضد أي تلاعب.
الورق طلع سليم ومفيش ديون؟ مبروك بس استنى! 🤔
تعرف إن المحارة والدهانات ممكن تداري كوارث في الخرسانة والسباكة تكلّفك آلاف بعد السكن؟
في البوست الجاي هكشفلك إزاي تتلافي العيوب المستخبية قبل ما تتدبس .

💬 هل تعرف حد اشترى شقة واكتشف بعد كده إنها مخالفة أو أملاك دولة؟ احكيلنا في الكومنتات.

📢 شارك البوست ده مع صاحبك اللي بيدور على شقة عشان تحميه من الفخ ده!














ورث بقاله 30 سنة خلص في 90 يوم إيه السر؟ ⏳أنا عادةً مش بتكلم عن تفاصيل الشغل اللي بمسكه، سواء ربنا كرمني وكسبت أو ربنا ...
26/06/2026

ورث بقاله 30 سنة خلص في 90 يوم إيه السر؟ ⏳

أنا عادةً مش بتكلم عن تفاصيل الشغل اللي بمسكه، سواء ربنا كرمني وكسبت أو ربنا لم يشاء بتحقيق نتيجة، لأني بعتبر ده من الأسرار اللي بيني وبين الموكل، وحقه إن موضوعه ميبقاش على المشاع. 🤐
لكن خليني أقول لك علي غلاف قصة واقعية لأن بيثير انتباهي في منازعات الميراث إنها بتقعد سنين في المحاكم وممكن تمتد لأجيال في شغلي بستخدم أساليب مختلفة لحل النزاع وأحياناً ربنا بيكرمنا بدون دخول محاكم أصلاً. ⚖️
فيه نزاع خلص في 3 شهور فقط، استخدمت فيه حاجتين تغيير موازين القوى والخروج من منطقة الراحة.
☕ وركز معايا
أي شريك مستولي على الورث عايش في (منطقة راحة) بيدير و بيقبض ومحدش بيقوله تلت التلاتة كام وطالما هو مستريح هيقسم ليه؟ 🤷‍♂️
فالاستراتيجية اللي نجحت معايا هي:
1️⃣ نغير موازين القوى: ما ينفعش الشريك المعاند يفضل هو اللي بيتحكم في اللعبة لازم الإجراءات القانونية تخليه هو اللي تحت الضغط وتوريه إن القانون مش مجرد ورق ده إجراءات بتوجع. 🔨
2️⃣ نخرجه من منطقة الراحة: الشريك المعاند مش بيحس بالخطر غير لما يلمس القلق في جيبه بمجرد ما بنبدأ الإجراءات القانونية، راحته بتنتهي، وبتبدأ حيرته. ⚠️
والنتيجة؟ 💡
لما الراحة بتخلص، بيبدأ العقل يشتغل بيفهم إن الاستمرار بقى خطر وإن الصلح بقى طوق نجاة .
وهنا بنوصل لأحلى مرحلة في أي قضية: القسمة النهائية اللي بتتم بالرضا المكره 🤝
هتقولي يعني إيه رضا مكره؟ 🤔
أقولك يعني الطرف التاني يوافق على القسمة بإيده بس هو في الحقيقة مكره عليها لأنه لقى نفسه قدام حيطة سد ممكن تلبسه في حاجات كبيرة، فهو يرضى بالقسمة عشان يشتري راحة باله من الضغوطات القانونية.
الخلاصة:
أنت مش محتاج خناقة، أنت محتاج تنهي حالة الاستقرار اللي الشريك المعاند عايش فيها على حساب حقك. لو هو مستريح هيستمر في العناد. 🐊
وطبعاً دي استراتيجيات، أما الآليات القانونية فكتيرة منها:
(جنحة امتناع عن تسليم حصة ميراثية 👮‍♂️، ريع 💰، قسمة مهايأة بنوعيها مكانية وزمانية 🏠، عدم نفاذ عقود إيجار هو عاملها 📜 ، ........و حاجات تانيه كتير آخرها خالص فرز وتجنيب ⚖️).
المهم تعرف تطبق الاستراتيجيات دي بالأداة اللي تناسب اللي قدامك، عشان تطلعه من منطقة راحته وتغير موازين القوى.
نسيت أقولك الـ 90 يوم بتوع عنوان قصتنا الچوكر فيها كان إننا عيّنا نفسنا مدراء للمال الشائع بمجرد إنذارات للمستأجرين و الوريث اللي كان بيدير وبدل ما كان هو الكل في الكل بقي مضطر ينظر نصيبه من الريع بعد خصم نفقات التحصيل وأصبح هو اللي مطالب قانوناً باللجوء للمحاكم، مش العكس 🔄 و في اقل من 90 يوم كان عقد الاتفاق جاهز و خلصان.
يعني مجرد انذار حرك المياه الراكدة و غير موازين القوى.
لكن في النهاية أحب أنوه الي ان موضوع ليه ظروفه الخاصة يعني ممكن واحد مجرد إنذار يخليه يلم نفسه و ممكن واحد تضطر تستخدم معاه كل الآليات المتاحة لكن تبقي الاستراتيجية او الهدف من الخطة هو حاجتين ( تغيير موازين القوى، زعزعة استقرار منطقة الراحة)







#استراتيجيات

🚨 رسمياً للقطاع الخاص إجازة 30 يونيو أترحلت للخميس بس اعرف حقك القانوني لو نزلت شغلالكل في القطاع الخاص كان بيسأل هل هنأ...
25/06/2026

🚨 رسمياً للقطاع الخاص إجازة 30 يونيو أترحلت للخميس بس اعرف حقك القانوني لو نزلت شغل
الكل في القطاع الخاص كان بيسأل هل هنأخد إجازة ذكرى ثورة 30 يونيو في يومها (الثلاثاء) ولا هتترحل؟ 🤔
رسمياً وزارة العمل حسمت الجدل وأصدرت الكتاب الدوري رقم (18) لسنة 2026 لتنظيم الإجازة لكافة العاملين بالقطاع الخاص المخاطبين بأحكام قانون العمل الجديد.
الموضوع باختصار في نقطتين تهمك:
🔹 الميعاد الرسمي: الإجازة أترحلت هتحصل على إجازة رسمية مدفوعة الأجر بالكامل يوم الخميس القادم (2 يوليو 2026) بدلاً من يوم الثلاثاء 30 يونيو .
يعني ويد إيند طويل ومثالي للاستجمام ⛱️

🔹 طب لو الشغل احتاجك في اليوم ده؟
وفقاً للقانون، من حق صاحب العمل تشغيل العامل في يوم الإجازة الرسمية إذا اقتضت ظروف العمل ذلك بس في المقابل العامل بيستحق:
أجر مضاعف (مثلي الأجر عن اليوم ده).
أو الحصول على يوم إجازة بديل عوضاً عنه، بناءً على طلب كتابي بتقدمه ويوضع في ملفك الخاص.






🚨 رسميًا: زيادة المعاشات 15% بدءاً من يوليو 2026.. مين يستفيد وإزاي بتحسب؟صدر قرار رئيس الجمهورية رقم 271 لسنة 2026 بزيا...
25/06/2026

🚨 رسميًا: زيادة المعاشات 15% بدءاً من يوليو 2026.. مين يستفيد وإزاي بتحسب؟

صدر قرار رئيس الجمهورية رقم 271 لسنة 2026 بزيادة المعاشات بنسبة (15%)، ونُشر في الجريدة الرسمية عشان يبدأ تطبيقه رسميًا مع الموازنة الجديدة من 1/7/2026.

عشان ما تتوهاش لخصتلك أهم 5 نقط محتاج تعرفها عن القرار ده:
1️⃣ مين المستفيد؟
الزيادة بتسري على المعاشات المقررة وفقاً لقانون التأمينات الاجتماعية والمعاشات (قانون 148 لسنة 2019)، وقانون المعاشات الاستثنائية (قانون 71 لسنة 1964).
2️⃣ الـ 15% بتتحسب على إيه بالظبط؟
النسبة بتتحسب من إجمالي المعاش المستحق والمضاف إليه كل الزيادات السابقة لحد يوم 30 يونيو 2026. يعني بتتحسب على صافي المعاش الأخير مش الأساسي القديم.
3️⃣ حاجات برة الحسبة (مهم جداً):
القرار وضح صراحة إن إعانة العجز و المنحة الاستثنائية (بتاعت قوانين 2022 و2023) مش بتدخل في وعاء حساب الـ 15%. يعني بتتحسب الزيادة من غيرهم، وبعدين يتضافوا للمجموع.
4️⃣ حالة العجز الجزئي الإصابي:
الناس اللي بتصرف معاش عجز جزئي إصابي ولم تنتهِ خدمتهم، ليهم نصيب طبعاً من الزيادة دي وهتتحسب على قيمة معاشهم في 30 يونيو 2026.
5️⃣ الزيادة بتوزع بين المستحقين من الورثة بنسبة ما يُصرف لكل واحد منهم من المعاش الفعلي في 1 يوليو.



القرار الوزاري رقم 116الصادر بتاريخ 10/ 6 /2026 بشأن تحديد الرسوم ومقابل الخدمات الاضافية التى تحصل من الطلاب لجميع المر...
25/06/2026

القرار الوزاري رقم 116الصادر بتاريخ 10/ 6 /2026 بشأن تحديد الرسوم ومقابل الخدمات الاضافية التى تحصل من الطلاب لجميع المراحل للعام الدراسي 2026 / 2027

شقة إسكان اجتماعي.. والبائع بيقولك هاعمل لك توكيل؟ ☕ وركز معايا قبل ما تدفع جنيه، ركز في الكلمتين دول لأنهم طوق نج...
24/06/2026

شقة إسكان اجتماعي.. والبائع بيقولك هاعمل لك توكيل؟ ☕ وركز معايا

قبل ما تدفع جنيه، ركز في الكلمتين دول لأنهم طوق نجاة لفلوسك:

1️⃣ لو الشقة فاكّة حظر (عدى 5 سنين من تاريخ الاستلام):
لا توكيل ولا وجع قلب.. اشترط على البائع يسدد كامل الأقساط، وانقل الملكية رسمياً في الجهاز ده الطريق الوحيد الآمن.
2️⃣ لو الشقة لسه في فترة الحظر:
بلاش منها لو ببلاش! ليه؟ اسمع مني:

👈🏻 تصرف باطل: أي بيع في فترة الحظر غير معترف بيه أمام هيئة المجتمعات العمرانية.

👈🏻 خطر السحب: لو الجهاز عرف إن في حد غير المخصص له الشقة قاعد فيها.. بيسحبها فوراً. (واللي باعلك ممكن هو اللي يبلغ عنك بعد ما ياخد فلوسك و يرجع يدفع الغرامة و يستردها تاني!).

👈🏻 لعبة الورثة: لو لا قدر الله البائع توفي، الملكية بتروح لورثته مباشرة، والتوكيل ملوش أي قيمة.

⚠️ كشف خداع التوكيلات:
أوعى حد يضحك عليك و يقولك أنا عارف موظف في الشهر العقاري او مكتب شهر عقاري في محافظة كذا بيعمل توكيل بيع شقق إسكان ده نصب وتزوير
لأن مفيش توكيل بيع بيطلع لشقة إسكان إلا بموافقة كتابية من الجهاز. أي كلام غير كده هو توكيل إدارة مبيملكش حاجة، ومصيره يترمي في الزبالة لما تيجي تنقل الملكية.
💡 الخلاصة:
القانون رقم 93 لسنة 2018 واضح وصريح متخليش حلمك ببيت جديد يتحول لكابوس قانوني.
هل اتعرض عليك تشتري شقة اسكان بتوكيل طط قبل كده ؟ احكي لنا التجربة في التعليقات عشان تحذر غيرك. 👇












#اكتوبر

🚨 إجازة 30 يونيو.. الخميس ولا الثلاثاء 🗓️؟لو بتخطط لمشاويرك القانونية أو إنهاء أوراقك في المصالح الحكومية الأسبوع اللي...
23/06/2026

🚨 إجازة 30 يونيو.. الخميس ولا الثلاثاء 🗓️؟

لو بتخطط لمشاويرك القانونية أو إنهاء أوراقك في المصالح الحكومية الأسبوع اللي جاي، المعلومة دي تهمك! ⚖️
رئيس مجلس الوزراء أصدر قرار بترحيل إجازة ذكرى ثورة 30 يونيو لتكون يوم الخميس الموافق 2 يوليو 2026، بدلاً من يوم الثلاثاء 30 يونيو.
📌 يعني إيه الكلام ده؟
يوم الخميس 2 يوليو هو إجازة رسمية مدفوعة الأجر في كل المصالح الحكومية والوزارات.
أما يوم الثلاثاء 30 يونيو فهو يوم عمل عادي.
ملحوظة مهمة: لو عندك امتحانات، القرار استثناها، يعني الامتحانات مستمرة في مواعيدها زي ما هي.
خلي بالك من المواعيد دي عشان مشاويرك متتعطلش! 📝
نتمنى لكم إجازة سعيدة.

#إجازة






23/06/2026

ناس كتير بيجيلهم إحباط لما يكونوا مأجرين او يشتروا شقة و يلاقوا عليها قرار تمكين وبيفتكروا إن مفيش حل خوفك انتهى .
هاسيبلك في أول كومنت لينك البوست الكامل.

Address

٤٣ شارع قصر النيل ، القاهره
Cairo

Opening Hours

Monday 9am - 9pm
Tuesday 9am - 9pm
Wednesday 9am - 9pm
Thursday 9am - 9pm
Saturday 9am - 9pm
Sunday 9am - 9pm

Telephone

+201120943731

Website

Alerts

Be the first to know and let us send you an email when M&S Law Firm posts news and promotions. Your email address will not be used for any other purpose, and you can unsubscribe at any time.

Contact The Business

Send a message to M&S Law Firm:

Shortcuts

Share

Category