06/07/2025
"هو المحامي ليه بيعقّد الدنيا؟"
المشهد بيتكرر في أغلب الشركات:
– إدارة بتطلب توقيع عقد "زي اللي قبل كده"
– مسؤول عايز يعدي مخالفة "بشكل ودي"
– أو حد بيطلب رأي قانوني… بشرط "ما يعطّلش الشغل"
لكن لما المحامي يقول:
🔹 البند ده فيه مخاطرة
🔹 القرار ده ممكن يفتح علينا مشاكل تأمينية أو عمالية
🔹 أو ببساطة: "ده مخالف للقانون"
بيتحوّل فجأة لـ:
❌ "معقد"
❌ "بيرفض كل حاجة"
❌ "مش عملي"
❌ "ضد المصلحة العامة"
الحقيقة؟
المحامي مش ضد الشغل… هو بيحمي الشغل من نفسه.
ولو كل الناس بتقول: "كله تمام"...
لازم يكون في حد واحد بس يقول: "استنوا، فيه حاجة غلط!"
الإدارة القانونية مش موجودة علشان توافق…
موجودة علشان توازن بين الإنجاز… والنجاة.
نقلا عن أ/ ميخائيل عزت المحامي
