10/04/2017
يعنى اية فرض حالة الطوارئ فى مصر ؟
البوست دا مهم جدا لكل شخص فى جمهورية مصر العربية لان ايا كان شخصك هيمسك بشي ما لازم تكمله للاخر مش هياخد 5 دقايق ( ربنا يحفظ الجميع )
( تنوية: دا بوست قانونى بطريقة سهلة الفهم وليس سياسى بالمرة )
نبدأ بقى يعنى اية فرض حالة الطوارئ ؟
بص يا فندم الاصل طبقا لقانون الاجراءات الجنائية المصرى لايجوز تفتيش الاشخاص او القبض عليهم الا فى حالتين فقط ( التلبس بالجريمة او وجود اذن او امر من النيابة بالقبض ) غير كدا كان القبض على شخص باطل ايا كان وضعه.
طيب دا القانون اية الجديد بقى !
الجديد بقى ان فى مصر الان عدم استقرار امنى زى ما احنا شايفين الوضع ودا يعنى بيتم فرض او اعلان حالة الطوارئ فى مصر والمفروض دا بيكون فى اضيق الاحوال واللى يحدد فى استقرار ولا لا رئيس الجمهورية حسب الاوضاع الراهنة والاصل طبقا للمادة 154 من الدستور بيقول ان الرئيس لو هيتخذ اعلان حالة الطوارى لازم ياخد موافقة مجلس الشعب خلال سبعة ايام من تاريخ اعلان الطوارى ( اللى ممكن يرفض او يوافق بس هو هيوافق علشان الوضع زى ما احنا شايفين ) ولو مش موجود مجلس الشعب يبقى ياخد رأى مجلس الوزراء.
طيب يعنى اية بردوا حالة الطوارئ ؟ وهى هتفيديى فى اية وهتضرنى فى اية او حدودى معاها فين لتجنب الوقوع فى اى مشكلة قانونية ؟ شوفت حضرتك فوق قلنا القانون بينظم حالات القبض والتفتيش ( اذن نيابة او تلبس بجريمة ) دول بقى نطبقهم كدا ونحطهم على جنب تماما ( نعتبرهم معطلين ! ) واللى بيتم ان يجوز القبض والتفتيش بمجرد الاشباه ! وكمان فى شوية تدابير بيتاخدوا ولو خلفت التدابير دى يتقبض عليك فورا ! وبيكون محكمتك مش امام المحاكم العادية بيكون امام محاكم امن الدولة ! ( محاكم استثنائية ).
طيب اية التدابير اللى ممكن ياخدها رئيس الجمهورية علشان نتجنبها ونساعد الحكومة ؟
بص يا سيدى التدابير التى يمكن ان يتخدها رئيس الجمهورية هى :-
1- وضع القيود على حرية الأشخاص في الاجتماع أو الانتقال أو الإقامة أو المرور في أماكن أو أوقات معينة ( ودا هنعرف من الامن والاخبار ) يحق كمان إلقاء القبض على المشتبه بهم أو الخطيرين على الأمن والنظام العام، والترخيص بتفتيش الأشخاص والأماكن ووسائل النقل دون التقيد بأحكام قانون الإجراءات الجزائية أو أي قانون أخر ، والأمر بإستخدام القوة بالقدر اللازم في حالة الممانعة أو المقاومة.
2 - تحديد مواعيد فتح المحال العامة وإغلاقها، وكذلك الأمر بالإغلاق التام لهذه المحال كلها أو بعضها. ( هيتم الابلاغ من الحكومة بمجرد تحديدها لتجنب الوقوع فيها )
3 - مراقبة سائر أنواع المراسلات ووسائل الإعلام المختلقة المقروءة والمرئية والمسموعة ودور العرض وما في حكمها وشبكات وسائط المعلومات والاتصالات والمؤلفات والنشرات وكافة وسائل التعبير والدعاية والإعلان ومنعها وضبطها ومصادرتها وتعطيلها وإغلاق مقارها وأماكن طباعتها.
4 - الاستيلاء المؤقت على أي منشأة أو أي منقول أو عقار والأمر بفرض الحراسة على الشركات والمؤسسات وحجز الأموال وكذا تأجيل أداء الديون والالتزامات المستحقة أو التي تستحق على ما تم حجزه أو الاستيلاء أو فرض الحراسة عليه.
5 - إلغاء العمل بتراخيص الأسلحة النارية والذخائر والمفرقعات والمواد القابلة للانفجار أو التي تدخل في صناعة أي منها ومنع تصنيعها أو استيرادها أو بيعها وشرائها أو نقلها أو التصرف بها أو حملها أو حيازتها والأمر بضبطها وتسليمها للجهات الأمنية المختصة وفرض الرقابة أو السيطرة على أماكن صنعها وعرضها وبيعها وتخزينها.
6 - إخلاء بعض المناطق أو عزلها وفرض منع التجول فيها وإغلاق الطرق العامة أو بعضها وتنظيم وسائل النقل والمواصلات وحصرها وتحديد حركتها بين المناطق المختلفة. ( منتظرين نشوف دا موجود ولا لا )
7 - تكليف الأشخاص للقيام بأي عمل أو أداء أي خدمة ضمن حدود قدرات كل منهم.
8 - زيادة معدلات ساعات العمل اليومي للعاملين في وحدات ومرافق الخدمة العامة سواء على المستويين المركزي والمحلي أو في إطار أي منهما أو في حدود وحدة أو وحدات إدارية بعينها.
9 - تمنع كل اشكال الاحتجاجات من مسيرات او اعتصامات او اضرابات وكل ما من شأنه تعطيل الحياة العامة ونشر الفوضى .
طيب فرضا جدلا انا تم القبض عليا بدون وجه حق وانا فى حالى ! اعمل اية ؟؟
بص اولا لازم يتم ابلاغك فورا بأسباب القبض أو الاعتقال على الفور ،وليك الحق فى االاتصال بمن ترى إبلاغه بما وقع عليك فورا. ( ياريت يبقى فى ارقام مسجلة فى الاتصال السريع او مسجات جاهزة تتبعت )
طيب اعمل اية علشان اكون فى مأمن !
1- بص يا فندم ياريت متحطش نفسك موضوع شك وريبة خالص خالص خالص
2- ياريت بلاش تمشى او تقرا او تشترى كتب وروايات لها اى اتجاه سياسي نهائى ويفضل دينى كمان خليها اقراها فى بيتكم لو لازم تتقرى الايام دى يعنى مش لازم بلاش منها
3- ياريت ويفضل لمن يحمل سلاح صوت ميمشيش بيه خالص ويفضل كمان لو مرخص تاكد من الترخيص يكون فى جيبك ديما وياريت يبقى السلاح لو مرخص تحت الهدوم او فى شنطتك ويفضل متمشيش بيه اصلا الا فى اضيق اضيق الحدود !
4- التزم جدا باى تعليمات تصدر من اى جهة امنية
5- يفضل عدم الدخول فى مهاترات او نقاشات من الشرطة والالتزام بتعليماتهم ولما يقول هتتفتش اتفتش ( لان قانون الاجراءات معطل فيحق لهم التفتيش )
6- لو معاك لاب او فلاشة او موبيل فى اي اتجاه سياسي احذف او اتصرف فيه
7- تجنب الاحتكاك مع الاشخاص العاديين لو لقيت ممكن يحصل بينكم خناقة او غيره
8- بلاش تحط التاتش بتاعك الله يباركلك فى اى حوار ( متكلمش فى السياسة ولو حتى كلامك يبقى فى صالح الدولة والحكومة احتفظ برايك اليومين دول )
طيب هنفضل فى الحال دا كتير !!
بص هى مبدئيا تم فرض حالة الطوارى للمدة القصوى ( 3 شهور ) ..
طيب هتمدد تانى ولا لا ؟
بعد ال3 شهور نشوف حال البلد ولو هتمد تانى لازم يعلن عنها ويتم موافقة مجلس الشعب او مجلس الوزراء طبقا للمادة ( 154) من الدستور
ربنا يحفظ الجميع ويحمى مصر واهلها
- البوست دا لازم يتعمله شير مش هقولكم مدى اهميته.
