04/06/2026
📌 مهم جدًا جدًا.. خد بالك قبل ما تدفع إيصال أمانة!
فيه شوية خدع ممكن توقعك في مشكلة كبيرة، حتى لو كنت دافع اللي عليك!
خليني أقولك على أخطر لعبتين بيستخدمهم بعض الناس علشان يلبسوك قضية:
👈 اللعبة الأولى: خدعة "نظر وإرفاق"
يعني إيه؟
لو هتدفع فلوس إيصال الأمانة ودي، بص كويس على الإيصال نفسه.
لو لقيت مكتوب عليه من فوق "نظر وإرفاق"...
✋ ما تدفعش خالص!
الكلمة دي معناها إن الطرف التاني قدم الإيصال للنيابة أو المحكمة قبل كده، وممكن كمان يكون صدر ضدك حكم غيابي وأنت مش واخد بالك.
الحل؟
روح لمحامي فورًا يشوف إذا كان فيه قضايا اتفتحت ضدك ولا لأ، ويقولك تتصرف إزاي قانونيًا.
👈الخدعه الثانيه إيصال أمانة مزور أو مستنسخ
بعض الناس بعد ما تستلم الفلوس تديك نسخة من الإيصال علشان تمزقها، وتفتكر إنك خلصت.
لكن في الحقيقة، الإيصال الأصلي لسه معاه، ويقدر يرفع بيه قضية تاني ويطالبك بالمبلغ كأنك ما دفعتش.
تعمل إيه؟
قبل ما تدفع، اطلب من الطرف التاني يكتب "مخالصة نهائية" أو "إقرار استلام" مكتوب فيه:
» أنا فلان استلمت كامل مبلغ إيصال الأمانة المؤرخ في (...)، وفلان بريء من أي التزام مالي يخص الإيصال ده، وأي إيصال يظهر بعد كده يعتبر باطل.
ولو تقدر، اعمل محضر في القسم بالإقرار ده وفي حضور الطرفين.
كده تبقى مأمن نفسك قانونيًا، وماحدش يقدر يضحك عليك أو يرجع يطالبك بحاجة خلاص دفعتها.
القاضي للمحاماة و الإستشارات القانونية
#محامونــمستشارون
