استشارات قانونية بالاسكندرية

18/04/2026

الدفع قبل الاستلام ..
لو حضرتك بتشتري شقة وهيتبقى عليك مبلغ والمالك رفض يسلمك الشقة إلا بعد سداد كامل الثمن ، أو حضرتك هتدفع الثمن كامل ولكن البائع عايز يسلمك الشقة بعد مدة معينة عشان يجهز نفسه وينقل سواء طلب اسبوع او اسبوعين او شهر .....
ازاي تأمن نفسك من إن البائع يسلمك الشقة في الميعاد المتفق عليه وازاي تضمن ان البائع ميبعش الشقة لحد تاني وازاي تأمن الثمن اللي حضرتك دافعه ؟
اولا : لازم تبقي من المبلغ ٢٠% كحد أدنى، غلط انك تدفع الفلوس كلها وانت لسه هتستلم كمان شهر مثلا .
ثانيا : لو هتدفع فوق ال٧٥ % من ثمن الشقة فلازم تاخد أصول الاوراق من البائع (لو رفض تأكد أن الشخص ده بنسبة كبيرة نصاب) لانه ببساطة اخد منك ثلاث ارباع حقه ولسه قاعد في الشقة ؟ في ايه اكتر من كدة ضمانة لحقه؟
ثالثا : لازم يكون ضمن الاوراق اللي حضرتك اخدها عقود عليها صحة توقيع وتوكيلات وهنا بيحصل دايما النصب (انت اشتريت واخدت الورق ولنفرض ثلاث عقود وعقدين للأرض ومفيش عليهم صحة توقيع . طيب مهو سهل البائع يكتب عقود غيرهم أو شبههم أو معاه نسخ تانية وخصوصا انه قاعد في الشقة فسهل جدا أنه يبيعها تاني وتالت .
رابعا : لازم تعمل حاجات تدل على ملكيتك حتى لو لسه مستلمتش ( تبلغ البواب انك اشتريت الشقة - تبلغ اتحاد الملاك أن اشتريت الشقة - تبلغ جيرانك في العقار وتراضي البواب عشان يبلغ هو كمان وساعتها اي حد ممكن ييجي يشتري بعدك هيعرف أن الشقة اتباعت خلاص)
خامسا : لازم يكون في عداد بإسم البائع أو معاه توكيل به على الاقل . لا ننصح بشراء شقق من غير عدادات خالص .
سادسا : لو هتدفع كامل الثمن وهتكتب عقد نهائي والبائع هيعملك التوكيل في نفس اليوم وهتستلم بعد فترة (لازم تكتب غرامة عن كل يوم تأخير مبلغ لا يقل عن ١٠٠٠ جنيه في اليوم - لو المدة أطول من شهر اعمل عقد ايجار بينك وبين البائع وذيله بالصيغة التنفيذية في الشهر العقاري وكدة تكون مأمن نفسك بنسبة ١٠٠% )
عاوز تاجر شقة او محل و بضمانات و عقود ملزمة و اجراءات
كما يتوافر لدينا إدارة العقارات و التسجيلات بالشهر العقاري و الكشف عن الملكية و التراخيص و جميع الاجراءات القانونية
لو استفدت من المعلومة شاركها وادعمنا.
متخصصون في كتابة العقود المدنية والتجارية .
منقول
محمد علي زقزوق المحامي
٠١٢٢٣٣٣٣٢٧٤
ميدان الساعة فيكتوريا المنتزة اول الإسكندرية
بالله عليك صلي النبي

16/02/2026

​الحكاية كلها بتدور حول حكم المحكمة الدستورية العليا في القضية رقم 22 لسنة 44 قضائية "دستورية"، وده ملخصه:
​1. إيه هو القرار اللي كان عليه المشكلة؟
​رئيس هيئة الدواء المصرية أصدر قرار (رقم 440 لسنة 2021) بإضافة بعض المواد لجداول المخدرات. بناءً عليه، أي حد يتمسك بالمواد دي بيتحاكم بتهمة "إحراز مخدرات".
​2. المحكمة الدستورية قالت إيه؟
​المحكمة قضت بعدم دستورية تخويض رئيس هيئة الدواء في تعديل جداول المخدرات بالحذف أو الإضافة.
​3. ليه المحكمة لغت القرار ده؟ (السبب الجوهري)
​الموضوع مش دفاع عن المخدرات، الموضوع مبدأ قانوني بحت:
​مبدأ شرعية الجرائم والعقوبات: الدستور بيقول "لا جريمة ولا عقوبة إلا بناءً على قانون".
​الاختصاص: القانون الأصلي (قانون مكافحة المخدرات رقم 182 لسنة 1960) كان بيدي الحق ده لـ وزير الصحة.
​لما انشأت "هيئة الدواء"، القانون بتاعها أعطاها اختصاصات وزير الصحة، لكن المحكمة رأت أن "تحديد ما هو مُجرم" (يعني إيه اللي يعتبر مخدر وإيه لأ) ده سلطة خطيرة جداً لازم يصدر بها قانون من البرلمان أو بقرار من الوزير المختص بناءً على تفويض قانوني واضح ومباشر، وماينفعش نوسع في "التفويض" ده لجهة تانية بدون نص صريح ومحكم.
​4. النتيجة المترتبة على الحكم (المهم لنا كمحامين)
​المواد اللي أضيفت بالقرار ده: أصبحت "كأن لم تكن" من الناحية الجنائية في الفترة اللي غطاها الحكم.
​القضايا المنظورة: أي حد كان محبوس أو بيتحاكم بسبب مادة أضيفت بقرار من "رئيس هيئة الدواء" (مش بقرار وزير الصحة أو بنص القانون)، يقدر ياخد براءة لأن السند القانوني لإضافة المادة دي للدستور سقط.
​التصحيح: الدولة بدأت فوراً تصحح الوضع بصدور قرارات من الجهات المختصة (الوزير أو تعديل تشريعي) لضمان عدم وجود ثغرة تسمح بإفلات المجرمين، لكن الفترة "البينية" هي اللي حصل فيها اللغط.
​5. تنبيه هام جداً
​الحكم ده مش معناه إن المخدرات بقت حلال أو إن جداول المخدرات كلها اتلغت. الحكم طعن على جهة صدور القرار (مين اللي من حقه يضيف للجدول) وليس على جوهر تجريم المخدرات نفسها. المواد الأساسية (حشيش، هيروين، ترامادول.. إلخ) دي موجودة بقوانين وقرارات وزارية سليمة ومازالت مُجرمة تماماً.
​خلاصة الكلام: الحكم انتصار لمبدأ "سيادة القانون" وضرورة صدور التشريعات الجنائية من جهات مختصة، واستفاد منه اللي اتمسكوا بمواد "مخلقة" أضيفت بقرارات إدارية غير مدروسة قانوناً بشكل كافٍ
ا/محمد علي زقزوق المحامي
ش جميلة بوحريد ميدان الساعة فيكتوريا المنتزة اول الإسكندرية
٠١٢٢٣٣٣٣٢٧٤

14/02/2026

السادة المستاجرون ..
قانون الايجارات القديم انتهي بلا رجعه
كل ما ترآي لي علي مواقع التواصل الاجتماعي من بعض االاقاويل لبعض الاشخاص وورائهم للاسف بعض المواقع ذائعة الصيت.
ان محكمة القضاء الاداري اوقفت قانون الا يجارات القديم تعليقا لحين الفصل في دستوريته.

فهذا العبث كيف يتم طرحه .
علي ملايين المستأجرين وهوما سوف يسبب ضرر بالغ لهم اذا ما سايروا هذه الاقاويل فسوف يطردون لامحالة اذا ما امتنعوا عن سداد الاجرة ظنا منهم ان القانون تم وقفه ....

ذلك ان ما قيل لا يستقيم مع الوضع القانوني السليم ويناقض كل المبادئ القانونية.

عندما يقرر مفوض الدولة برايه الاستشاري للمحكمة بوقف الطعون المقدمة لحين الفصل من المحكمة الدستورية .

فما تم ايقافه هي الطعون وتسمي الدعاوي المقدمة من بعض المستاجرين فمن اقام دعوي طعنا علي قرارات الزيادة تم وقف هذه الدعوي تعليقا اي لا يحكم فيها بالسلب او الايجاب . حتي تقول المحكمة الدستورية كلمتها .
فهذا العبث والذي يروج له البعض من ان قانون الا يجارات قد تم وقفه ويوصي المستأجرين بعدم سداد الاجرة بالزيادة يرقي الي مرتبة الجريمة في حق المستاجر ويعطي للطرف الاخر حق الطرد حالا لعدم سداد الاجرة .

لا تستطيع اي جهة قضائية ان تتعرض لقانون قائم بالفعل بالوقف او الالغاء سوي المحكمة الدستورية العليا ..
كفانا مغالطات كفانا ان تظهر وا بمظهر غير واعي ومدروس بقضية تهم ملايين الاسر . .
كفانا متاجرة بمشاعر الناس أتقوا الله
ا/محمد علي زقزوق
المحامي

23/01/2026

شركات التقسط تنهال علي المواطنين بالقضايا

08/01/2026

لو ماضي إيصال أمانة ٩٠% بيخلص براءة اسأل عن موضوعك بسرعة

05/01/2026

طريقة النصب الجديدة عن طريق رمز
موكلتي ست كبيرة بالسن و مريضة بمرض في رجليها يمنعها عن الحركة و تقبض معاش حوالي ٣٠٠٠ جنية رايحين علي العلاج
المتهمة الاولي ممرضة تتردد عليه بالبيت لاخد الإبر و العلاج و التي استغلت موكلتي بأن لديها علاقات علشان تاخد قرض و فعلا اخدتها علي فرع بي تك فرع سموحة و بمعاونة احدي موظفين فرع بي تك استلمت شاشة ثمها ٣٠ الف عن طريق
إعطاء لموكلتي جرعة منومة و اخد بطاقتها و تلفونها و الذهاب للفرع و استلام الشاشة برمز otp
و فوجئت موكلتي برسايل بدفع ٢٧٠٠ شهريا قسط للشاشة
و الحمد لله بعد أخذ الاجراءات القانونية تم نزول
الممرضة و موظفة بي تك متهمين بجلسة قريبة
انتظروا الحكم قريبا

03/01/2026

03/01/2026

ان شاء الله اخبار كويسة عن عودة البناء

03/01/2026

ازاي تأمن نفسك في عقد الإيجار القانون الجديد و عدم إعطاء فرصة للنصابيين

21/12/2025