مكتب الاستاذ عمرو عادل عبد العزيز للمحاماة والاستشارات القانونية

24/07/2025

24/07/2025

اتقوا الله يا جماعه
البنت دي عملت فيديو للبنات تحريضي علي الخلع
كملوا الفيديو للاخر

02/07/2025

🔴هذا هو النص الكامل لقانون الإيجار القديم بعد موافقة مجلس النواب عليه نهائيا ويتبقى تصديق رئيس الجمهورية والنشر فى الجريدة الرسمية

وافق مجلس النواب نهائيا على مشروع قانون الحكومة بشأن تنظيم العلاقة بين المؤجر والمستأجر، والمعروف بـ«قانون الإيجار القديم».

المادة (1)
تسري أحكام هذا القانون على الأماكن المؤجرة لغرض السكنى، والأماكن المؤجرة للأشخاص الطبيعيين لغير غرض السكنى، وفقا لأحكام القانونين رقمي 49 لسنة 1977 و136 لسنة 1981.

المادة (2)
تنتهي عقود إيجار الأماكن الخاضعة لهذا القانون لغرض السكنى بانتهاء مدة سبع سنوات من تاريخ العمل به، وتنتهي عقود الإيجار للأشخاص الطبيعيين لغير غرض السكنى بانتهاء مدة خمس سنوات من تاريخ العمل به، ما لم يتم التراضي على الإنهاء قبل ذلك.

المادة (3)
تشكل بقرار من المحافظ المختص لجان حصر في نطاق كل محافظة لتقسيم المناطق إلى:

▪️مناطق متميزة
▪️مناطق متوسطة
▪️مناطق اقتصادية

مع مراعاة المعايير التالية:
1️⃣ الموقع الجغرافي وطبيعة المنطقة
2️⃣ مستوى البناء ونوعية المواد
3️⃣ المرافق (مياه، كهرباء، غاز، تليفونات)
4️⃣ شبكة الطرق والخدمات
5️⃣ القيمة الإيجارية السنوية للعقارات

وتنتهي هذه اللجان من أعمالها خلال 3 شهور، ويجوز تمديدها مرة واحدة بقرار من رئيس الوزراء، ويصدر قرار المحافظ بنتائج أعمالها وينشر في الوقائع المصرية ويعلن بوحدات الإدارة المحلية.

المادة (4)
اعتبارًا من استحقاق الأجرة التالية لتاريخ العمل بالقانون:
▪️ المناطق المتميزة: 20 ضعف القيمة الحالية، بحد أدنى 1000 جنيه
▪️ المناطق المتوسطة: 10 أضعاف، بحد أدنى 400 جنيه
▪️ المناطق الاقتصادية: 10 أضعاف، بحد أدنى 250 جنيه

وحتى انتهاء عمل اللجان، يلتزم المستأجر بسداد 250 جنيه شهريا لحين صدور قرار المحافظ بقيم الأجرة الجديدة.

المادة (5)
بالنسبة للأماكن المؤجرة للأشخاص الطبيعيين لغير غرض السكنى، تصبح الأجرة 5 أضعاف القيمة الإيجارية السارية من تاريخ استحقاق الأجرة التالية لتاريخ العمل بالقانون.

المادة (6)
تزداد القيمة الإيجارية المحددة وفق المادتين 4 و5 بنسبة 15% سنويًا بصفة دورية.

المادة (7)
يلتزم المستأجر أو من امتد إليه عقد الإيجار بإخلاء المكان في نهاية المدد المحددة بالمادة (2) أو في الحالات التالية:
1️⃣ ترك المكان مغلقًا أكثر من سنة دون مبرر
2️⃣ امتلاك المستأجر أو من امتد إليه العقد وحدة صالحة للاستعمال بذات الغرض

ويجوز لقاضي الأمور الوقتية إصدار أمر بالطرد مباشرة دون الإخلال بالتعويض، ويحق للمستأجر رفع دعوى موضوعية دون وقف قرار الطرد.

المادة (8)
يحق لكل مستأجر أو من امتد إليه العقد، قبل انتهاء مدة السبع سنوات، التقدم بطلب لتخصيص وحدة بديلة (سكنية أو غير سكنية) بالإيجار أو التمليك من الوحدات التابعة للدولة، مع إعطاء الأولوية للفئات الأولى بالرعاية وعلى رأسهم المستأجر الأصلي وزوجه ووالديه.

ويصدر رئيس الوزراء قرارا ينظم إجراءات التخصيص وترتيب الأولويات خلال 30 يومًا من بدء العمل بالقانون، على أن يتم توفير الوحدة البديلة قبل عام من انتهاء مدة العقد.

المادة (9)
تلغى القوانين التالية اعتبارًا من اليوم التالي لانتهاء مدة الـ7 سنوات:
▪️ القانون 49 لسنة 1977
▪️ القانون 136 لسنة 1981
▪️ القانون 6 لسنة 1997
▪️ وأي نص يخالف أحكام هذا القانون

المادة (10)
ينشر هذا القانون في الجريدة الرسمية ويعمل به من اليوم التالي لتاريخ نشره.

| | #الحكومة | #المالك | #المستأجر

مكتب الاستاذ عمرو عادل عبد العزيز للمحاماة والاستشارات القانونية

30/06/2025

زوج قبطي راح يطلق مراته طلع آخرته نفقة عدة ومتعة إسلامي💣

> دي مش نكتة دا حكم محكمة رسمي هتلاقيه فالكومنتات
اسمع الحكاية للنهاية 👇

واحد قاعد بيحسبها… قالك:
"مراتي نكدية وأنا زهقت… بس طايفتي القبطية مفيهاش طلاق "
فقرر يعمل حركة تاريخية:
راح انضم لطايفة اسمها "السريان" (آه والله موجودة)،
وسحب مراته المحكمة، وقالهم:
"أنا دلوقتي سرياني وبسبب اني غيرت اللي تحكم بينا الشريعة الاسلامية والقانون المصري بيقول كدا وطلّقها فعلا على الشريعة الإسلامية"
والمحكمة قالتله: "تمام يا فندم… انت مطلّق"

بس مراته كانت أذكى منه مليون مرة قالتله:
"انت طلّقتني بالشريعة الإسلامية؟
طب هاتلي بقى نفقة عدة… ونفقة متعة كمان

الراجل قالها "يا بنتي احنا قبط! احنا مابنديش الكلام ده"
قالتله:
"ما انت اللي اخترت الشريعة الإسلامية بنفسك"

والمفاجأة؟
المحكمة حكمتلها فعلاً بنفقة عدة ومتعة كاملة
وكمان حكم نهائي
يعني هو اللي بدأ… وهي اللي خلصت 😅

💬 القانون مش كوتشينه… لو لعبت بيه، هو اللي هيلعب بيك
لو عجبتك الحكاية، تابع صفحة
"حقك القانوني مع المحامي مكتب الاستاذ عمرو عادل عبد العزيز للمحاماة والاستشارات القانونية


علشان كل يوم فيه قصة أغرب من اللي قبلها… وكلها حقيقية.

22/05/2025

فيه ناس دخلت السجن بسبب جملة واحدة… وقالوا بعدها "ماكنتش أعرف"
لو اتقبض عليك أو على حد يخصك… هتتصرف صح؟
ولا هتضيع مستقبلك بإيدك بسبب لحظة جهل؟!

14 نقطة ممكن تنقذك من مصيبة… لو عرفتهم قبل فوات الأوان:

1️⃣ متتكلمش
أي كلمة تقولها ممكن تتحسب ضدك… القانون بيحميك بس لو سكت.

2️⃣ في التحقيق؟ رد بـ 3 كلمات بس
"ماحصلش – معرفش – مش فاكر"
الشرح الكتير بيورطك.

3️⃣ غيروا الصيغة؟ متغيّرش ردك
كل تغيير في كلامك بيقوي التهمة.

4️⃣ لقوا حاجة؟ أنكِر العلاقة بيها فورًا
حتى لو قالوا "عليها بصمتك".

5️⃣ المحقق مش صاحبك ولا عدوك
وظيفته يحقق، مش يحميك.

6️⃣ هات محامي تثق فيه من أول لحظة
المحامي مش طرف… ده درعك القانوني.

7️⃣ خدوا منك فلوس أو موبايل؟
قول في النيابة فورًا… دي ممكن تقلب القضية لصالحك.

8️⃣ اتضربت؟ اتشتمت؟
اطلب عرضك على الطب الشرعي… القانون في صفك.

9️⃣ اتأخروا في عرضك على النيابة؟
لو عدا 24 ساعة… القبض باطل.

🔟 جابوا لك محامي من عندهم؟
ارفض… لازم محامي من اختيارك.

1️⃣1️⃣ فيه شهود نفي؟ قولهم حتى لو مش فاكر الأسامي
وجودهم ممكن يبرّئك.

1️⃣2️⃣ فيه خصومة بينك وبين الضابط؟
قول للنيابة… ده يطعن في التحريات.

1️⃣3️⃣ قالك اعترف وهتخرج؟
كذب… أي اعتراف تحت ضغط باطل.

1️⃣4️⃣ قبل ما تمضي؟ اقرا حرف حرف
لو مش زي ما قلته، ارفض التوقيع.

---
الفرق بين واحد خرج براءة… وواحد اتحبس ظلم؟
"كان عارف حقوقه."

تابع صفحة ( مكتب الاستاذ عمرو عادل عبد العزيز للمحاماة والاستشارات القانونية )
علشان متتحطّش في موقف تندم فيه طول عمرك.

اضغط متابعة دلوقتي… قبل ما تحتاجني بجد

15/05/2025

انتهت الجمعية لقسمي الفتوى والتشريع بمجلس الدولة إلى أن عقد البيع الابتدائي المشمول بصحة التوقيع يصلح سندا لاصدار تراخيص البناء والهدم

13/05/2025

محو الأحكام القضائية من علي جهاز الشرطة 🔥⚖️
‎

لو انت كان عندك قضية و خلصت مدة الحبس أو السجن أو حتي اخدت براءة فيها ✔️
‎أو حتى معملتهاش من الأساس و ده مجرد تشابه أسماء بينكم مش اكتر
‎ أو لو عليك حكم جنائي أو معلومة جنائية على جهاز الحاسب الآلي الخاص بوزارة الداخلية وبتظهر في الفيش بتاعك وعايز تشيلها

اول حاجة لازم تكون عارف ان الاحكام بتكون متسجلة في ٣ اماكن

1-

‎ شبكة وزارة الداخلية التابعة للسجل المدني وتظهر علي الأحكام النهائية الي نفذها المتهم.
2-

‎شبكة إدارة تنفيذ الأحكام التابعة للأمن العام ودى بتظهر عليها كل القضايا الي صدر فيها أحكام و لو لم يتم تنفيذها.
3-

‎شبكة المعلومات الجنائية أو كارتات التسجيل الجنائي، وهو كارت معلومات للمتهم مكتوب فيه اسمك واسم والدتك و اسم الشهرة بتاعك و أوصافك و سجلك الجنائي و درجة خطورتك و الهدف من الكارت هو معرفة المسجلين خطر.
.........
‎وبيتم محو رقم الإدراج بدعوتين
اما دعوي محو بيانات أمام القضاء الإداري بمجلس الدولة
او دعوي رد اعتبار امام محكمه الجنايات
كلمنا علشان تعرف الفرق بينهم ..........
مكتب الاستاذ عمرو عادل عبد العزيز للمحاماة والاستشارات القانونية
012 89758880
01007374207